味道樂居酒屋 (河內道)

營業中

休息中

收工食飯，食日本菜「味道樂居酒屋」首先點了份「七味唐楊魷魚鬚」香脆可口，份量充足，正正常常。再加份「煙肉荔枝卷」幾特別，煙肉包著荔枝果肉，肉汁混合果汁，又鹹又甜。點多份「明太子玉子燒」份量剛剛，不會太膩，熱暖暖的玉子燒，軟軟綿綿。「脆炸軟殼蟹反卷」面上充滿蟹子，軟殼蟹夠香脆，反卷夠結實，一口一件。「黑松露和牛炒飯」不會過油膩感，有濃香黑松露味，加上和牛粒混合，令炒飯有和牛肉汁的味道。視覺上份量好似比較細，但進食後，兩人份量剛剛好。

好多年前已經食過一次，個時覺得食物質素冇特別，冇諗住會返嚟食多次！但近來見到好多人都介紹呢間嘢，跟住啲相又俾啲”打手”影到咁吸引，個朋友又想試吓，就諗住俾多次機會佢，最後發現…. 原來真係可以唔使俾🙂嗰日平日 個場比較空，得一兩枱客，所以在場侍應同師傅都非常得閒，傾偈好大聲，呢個冇問題，但我唔明，點解問少少嘢，都可以唔耐煩咁，語氣衰到爆，個樣又西，戴口罩都睇到佢哋西，所以坐咗冇耐，食咗一個小食我哋就起身走人，仲唔走啊？咁嘅服務，坐喺度都覺得難為自己🙂

今晚約咗朋友食飯 佢想食清啲 所以揀咗尖沙咀呢間居酒屋試吓 海葡萄油甘魚刺身野菜沙律得日本餐廳先有嘅海葡萄 見到當然要叫 鍾意佢咬落脆卜卜 又有少少海水既鹹香就算同油甘魚刺身一齊食 都唔會覺得膩野菜沙律好多配料 番茄、日本番薯 、粟米 、蘿蔔仔、沙律菜配埋酸醋汁 食落好開胃 大蔥特上吞拿魚腩卷出面嘅吞拿魚腩卷多數放喺飯卷入邊 呢度係放一大堆喺上面 吞拿魚蓉食落入口即溶 加左蔥提升左魚腩既香味下面既飯卷物仲有青瓜同牛油果清新啲減少油膩感叫左幾串串燒試吓 明太子免治雞肉棒 雞肉肉汁豐富 中間夾雜着雞軟骨增加口感 加埋明太子醬辣辣地好惹味汁燒大白鱔外皮燒到好香脆魚肉爽口彈牙 配埋蔥一齊食特別香蝦膠秋葵串 秋葵串燒出面都食過但釀左蝦膠就第一次 少少似煎釀三寶咁 蝦膠爽口 蓋過左秋葵滑潺潺嘅口感上面仲有d 木魚花帶埋d 鮮味芝士煙肉燒大啡菇 大啡菇同芝士中間包住海量既埋煙肉 煙肉既油滲晒落菇到 食落好惹味最特別係佢要加左櫻花蝦係面 令到個菇更香 更好味最後係北海道花魚燒一夜干岩岩燒起熱辣辣 魚肉燒得岩岩好 食落仲好滑只係用少量既鹽醃過 咩都唔洗沾已經好味兩個人食食吓都已經好飽 好彩食嘅嘢都

同朋友仔去左 【 味道樂居酒屋 】尖沙咀分店餐廳入面環境好有日本風格一個個燈籠仔掛晒向到～環境氣氛唔錯我地叫左下邊3樣野食．五點刺身盛合 $298岩岩好好同朋友仔一人一片～刺身都好厚切～ 啖啖肉．明太子醬燒玉子串 $58上邊嘅明太子醬好好味～呢個我好中意～而且件玉子都好厚．豚肉辛子蝦湯野菜鍋 $148呢個鍋啲湯 可以叫個飯再撈落去因為好甜好好味～ 連湯都飲晒味道樂居酒屋 (河內道) (尖沙咀)尖沙咀河內道2號地舖@ajidouraku.jp

Book左18:30，18:35入座，18:39落單。諗住居酒屋慢慢食就叫左一round先，食到一半再叫第二round。點知食左9個字想叫第二round時店員就話仲有20分鐘就交枱，我地呆左問仲有吉枱未滿座woo，同埋入座時又無提我地限時幾耐。跟住一個好惡既女店員態度好差大大聲咁話門口寫得好清楚限時個半鐘！😤OK… 唯有默默食埋枱上未食完既野，食左一個鐘06分鐘就過黎要我地埋單，仲提多次我地20:00要準時起身走。大佬，你間野仲有兩張吉枱，洗唔洗咁趕客呀？！😡 仲有係都計入座時間啦，點會計book枱時間呀？最後食唔夠個半鐘就要走🫠野食係正常ok，但用餐體驗好差囉，居酒屋食得咁趕點會Chill? 真係無下次

平時去完K11 成日路經呢間味道樂 今次就試一試佢👐🏻入到店內係充滿日式風情嘅居酒屋🏮仲擺放咗唔少懷舊玩具 裝潢都幾有特色🍴清酒煮蜆粒粒蜆肉好肥美 咬落鮮甜 仲入曬清酒味🍶🍴香煎鵝肝帶子卷呢款卷物配搭比較特別 但入口都幾夾👍🏻利用帶子本身較清甜嘅味道去中和鵝肝本身嘅油脂感🍴鐵板厚切牛舌牛舌用鐵板上風味十足👐🏻咬落非常軟滑而且夠厚身 絕對充滿口感🍴牛肉壽喜燒天氣凍❄️梗係要叫番個暖笠笠嘅鍋物壽喜燒上枱時會連埋個爐 可以慢慢食唔怕凍👍🏻入面牛肉及蔬菜嘅份量都十足 湯底仲好清甜

第三次嚟食，一年前都未覺咁差，入到去已經有一陣噏未，筷子有污糟，好明顯冇清潔過啲餐具，張枱又多灰塵。叫咗個鐵板牛舌(HK$118)，五塊牛舌凍嘅，唔知個鐵板用黎做乜，牛舌硬到咬唔開。仲有食咗個火炙芝士牛肉卷（HK$118)，好似啱啱喺雪櫃拎出嚟咁，難食過爭鮮。 又貴又難食。之後叫咗個明太子免治雞肉棒，算叫做正常，起碼佢整熱俾我。但係呢樣嘢佢哋都係現成買返嚟熱一熱佢，如果咁都整唔好，就衰過我直接去食叮叮。成間舖頭已經冇人，都冇招呼，好心冇人嚟食就整好少少，難得有一兩個客都俾啲咁嘅出黎，我諗幾個月後都應該見唔到呢一間舖頭，大家有得試好試喇。真心難食，大家可以試一試。

尖沙咀出口行1分鐘就到，同朋友黎食好方便。想chill住食高質日本料理就黎左。人均消費大概 $240~鮟鱇魚肝 （最愛菜式🌟） 鮟鱇魚肝的質地極為細膩，入口即化，味道又鮮甜，有濃郁的魚肝風味。明太子人炙三文魚卷第二喜愛菜式🌟 三文魚卷經過炙燒處理，外層微焦，內部鮮嫩。明太子醬汁的鹹香與三文魚的鮮甜完美融合。燒日本蠔雙色芝士第三喜愛菜式🌟 超濃郁芝士香氣，而且經過燒烤外層微焦，內部融化得恰到好處。蠔肉並非全熟所以又新鮮鮮甜，仍保留絲滑的口感。汁燒大白鱔第四喜愛菜式🌟 大白鱔經過燒烤後肉質仍鮮嫩多汁，彈牙爽口，皮炸得脆脆的，汁燒醬汁調味也恰到好處。牛肉壽喜燒豆腐非常嫩滑、金菇和嫩滑多汁牛肉很搭。鍋裡湯底醬油、味醂比例非常合適，不會太鹹，食材不一會兒就入味。流心芝士燒年糕燒年糕外層煎至金黃酥脆，內部柔軟Q彈。鹹甜交加，非常好的飯後甜品。餐廳用手機掃碼下單模式，非常方便，要什麼就隨時點一個。環境愉悅輕鬆，很多下班人士前來放鬆。

媽咪成日都話想食刺身好啦，今次就帶佢嚟尖沙咀嘆吓佢最鍾意嘅刺身同鰻魚飯～刺身五盛合，有刺身五款包括有帆立貝、三文魚、油甘魚、鯛魚、甜蝦，全部都好新鮮厚切，三文魚好肥美食落啖啖肉，油甘魚質地比較柔潤易入口，鯛魚就比較清甜淡淡嘅香味～鰻魚蛋包飯嘅鰻魚特級大條！上菜好有驚喜，視覺效果一流打卡最啱晒～上面鋪有蛋絲，整碟飯就好似一個特大鰻魚壽司咁～鰻魚好厚肉，媽咪食得好滿足～帆立貝蟹膏卷，呢個組合又出奇地好味，蟹膏提起牛油果嘅香味，再加埋帆立貝嘅鮮甜，口感一流～

已經遺忘了自己到底有多長時間沒有去旅行，對上一次去日本好像已經是5年前。既然沒有時間去旅行，就和king 姐去食日本餐廳，一嚐日本風味。味道樂居酒屋的菜式和味道質素都高質美味，人均消費$250左右。原條成田醬炭火燒鰻魚飯$158賣相很吸引。有king 姐手臂般長度的鰻魚，粗大肥美，肉質飽滿，嫩肉可口，醬燒惹味吸引，香氣撲鼻。火炙北海道帆立貝蟹膏卷$118火炙北海道帆立貝鮮甜美味，不腥，軟嫩可口，配上蟹膏的組合，味道很夾。一件一口，尺寸剛好。滋味在心頭。香炸一口芝士$52熱騰騰的，酥香撲香。外皮很薄，芝士軟心熱熱，很好吃。煙肉櫻花蝦煎廣島蠔$118廣島蠔，肥美飽滿多肉，香煎後，鎖着外邊的蠔汁，裡面仍豐富多汁。加上有配料煙肉和櫻花蝦配搭，好吃。

之前去過長沙灣嘅味道樂分店，食過唔錯，價錢都幾親民，原來尖沙咀K11對面都有一間，居酒屋環境帶有日式風情🇯🇵 氣氛吾會好嘈吵，幾岩傾計！以後可以約朋友多啲嚟！芝麻雞翼，最中意食嘅雞翼😋帶點南乳香味，燒得外脆內嫰！北海道火炙帆立貝蟹膏卷，味道鮮甜，呢個組合結合哂我中意嘅帆立貝& 蟹膏，滿足❤️鹽燒雞軟骨，口感脆身，如果用黎配啤酒一流啊💯鹽燒厚切特上牛舌，牛舌十分厚身，充滿口感👅牛肉壽喜燒，最近天氣凍左，食返個鍋物暖身十分適合啊🔥鍋物入邊有牛肉同埋大量嘅蔬菜

煙肉櫻花蝦煎廣島蠔：蠔同櫻花蝦既配搭平時都見唔少，但配煙肉都幾新穎，三樣mix埋既口感豐富。火炙北海道帆立貝蟹膏卷：帆立貝大大粒，配蟹膏正🤤原條成田醤炭火燒鰻魚飯：鰻魚成半隻手臂咁長！好大條好抵食！香炸一口芝士：本身諗住中間芝士會有流心😂不過呢款芝士似係溶點高既類別，所以唔會造到流心，但飯後食一口，就感覺好完滿🥰多謝今次同事邀請既試食優惠😁

每次來這間懷舊傳統裝潢的居酒屋，總讓我不其然又點鰻魚飯呢~ 食物依然好味，我的口味仍然沒有變。枝豆 $42烚煮加鹽的枝豆，色澤翠綠，味道清甜。味淋魚干 $68魚干甜美口感鬆軟，沾上沙律醬美味。香炸日本池魚仔 $58池魚仔香脆惹味，可以過足口癮。燒日本播磨蠔 $110三款口味可選擇，有雙色芝士、煙肉櫻花蝦和辣蒜，各有特色。配料落足佈滿蠔身，蠔肉保持鮮嫩，食足三隻先夠喉。明太子醬燒玉子串 $58最愛這裡的玉子厚身，口感軟彈，配上咸香美味的明太子醬一絕。原條成田醬炭火燒鰻魚飯 $158鰻魚原條上大條兼厚肉，望見都好滿足，魚肉肥美無骨口感軟腍，加上鰻魚醬汁甚為美味。

之前去過長沙灣的味道樂，味道不錯，在k11商場附近見到，就來試下～位置被安排跟另外客人同枱，但明明空位勁多，還要在兩枱客人之間，不明所以，只感覺壓迫。唯一男侍應服務殷勤，有禮可嘉，讚👍🏽黑蒜豬軟骨烏冬$118湯底非常濃郁，黑蒜味十分香甜、惹味；烏冬很煙韌、彈牙，豬軟骨炆得軟腍入味。煙肉櫻花蝦炒野菜$98蔬菜新鮮爽脆，水份豐富，以煙肉櫻花蝦爆炒，令菜餚增添不少的鮮味和香氣。煙肉櫻花蝦煎廣島蠔$118廣島蠔一份4隻，蠔身飽滿、新鮮。鐵板熱力除了保持溫度，更令煙肉碎及櫻花蝦碎香味盡顯，非常惹味香口脆炸軟殼蟹反卷$118軟殼蟹炸得香脆，外脆內軟，再已赤米壽司飯包裹著，上層三文魚籽彈牙，口感多種層次。螢光迷你魷魚$48醬汁漬過的魷魚肉味帶鮮甜咸香，口感爽脆，佐酒一流🍶即使唔飲酒，作為前菜亦相當適合，絕對令人胃口大開。

今日經開尖沙嘴做facial，見到依間位於k11 art mall對面嘅一間小店，店內裝潢幾有特色，於是試一次。滿滿幸福海膽丼（$298）（⭐️⭐️⭐️⭐️⭐️）不得不讚食物份量對得住價錢，海膽足足有五條，用上新鮮加拿大海膽，金黃色外貌吸引，味道相對濃郁，入口軟滑即溶，沒有腥臭味。飯底加入少許醬油，食的時候先夾飯，後加海膽，讓海膽慢慢的溶在口腔與飯粒混合一起，味道真係很驚艷。三文魚籽粒粒晶瑩剔透，大大粒充滿水份，餐廳亦大方給予一兜的份量。因比較鹹香，可以配合吞拿魚骨蓉進食，也是非常好味的！香煎鵝肝雜菌石鍋飯（$158）（⭐️⭐️⭐️⭐️⭐️）在寒冬點少得一煲石鍋飯？十分欣賞鵝肝夠大塊，煎到外脆內軟，金黃色有點微燶十分誘人，油香十分濃郁，入口即溶。菌類十分香口，吸了鵝油後更突顯菇味，飯底亦充滿鵝油的精華，真的十分吸引，大份夾抵食！~~~~~~~~~~~~~~~~~~~~~~~~~~味道樂居酒屋 (河內道) 尖沙咀河內道2號地舖👍出色味道👍地點方便👍環境舒適