｜韓大叔醬油拼盤｜ 除咗有醬油蟹，仲有有鮑魚同蝦、好入味鮮甜，蟹肉滑溜～鮑魚好大隻非常爽口～ ｜海鮮煎餅｜ 佢呢個薄餅唔係好厚個種，薄薄地，有啲似餅乾乾，上面有一啲椰菜同埋海鮮，即叫即焗熱辣辣上菜，送酒一流～ ｜原味炸雞（半份）｜ 啲雞肉大大件好有肉汁，外皮炸到非常香脆～ ｜泡菜海鮮豆腐湯｜ 泡菜豆腐湯裏面有青口，所以帶有海鮮香味，再加上用味噌同泡菜調味～豆腐十分嫩滑，特別美味～ ｜傳統泡菜阿朱媽炒年糕｜ 年糕好煙靭，年糕嘅形狀下長條型，唔太粗唔太幼，仲滲入咗泡菜嘅美味～ ｜韓式石榴覆盆子雞尾酒真露｜ 呢杯嘢飲有得玩有得飲～將覆盆子果汁倒入真露，味道酸酸甜甜非常開胃開胃～

媽咪成日都話想食刺身好啦，今次就帶佢嚟尖沙咀嘆吓佢最鍾意嘅刺身同鰻魚飯～ 刺身五盛合， 有刺身五款包括有帆立貝、三文魚、油甘魚、鯛魚、甜蝦，全部都好新鮮厚切，三文魚好肥美食落啖啖肉，油甘魚質地比較柔潤易入口，鯛魚就比較清甜淡淡嘅香味～ 鰻魚蛋包飯嘅鰻魚特級大條！上菜好有驚喜，視覺效果一流打卡最啱晒～上面鋪有蛋絲，整碟飯就好似一個特大鰻魚壽司咁～鰻魚好厚肉，媽咪食得好滿足～ 帆立貝蟹膏卷，呢個組合又出奇地好味，蟹膏提起牛油果嘅香味，再加埋帆立貝嘅鮮甜，口感一流～

朋友最鍾意居酒屋飲兩杯落肚～放工就去尖沙咀寶勒巷樓上居酒屋Hea Ha😂吹下水～ ｜雞腳筋｜ $30 煙煙韌韌又幾有嚼頭～送酒一流～ ｜唐揚炸白膳｜ $68 炸至金黃色,外層香脆唔油膩，魚肉滿滿有肉汁～ ｜豬肋骨肉｜ $48 口感唔油膩，脂肪比例剛剛好～咬落軟嫩有嚼勁 ｜沖繩味噌豬手｜ $38 好腍滑入味～要時不時食下豬手補充骨膠原～ ｜味噌牛什煮｜ $108 牛什份量好多，有牛肺牛膀腸都好入味～食到停唔到口～ ｜油甘魚餃｜ $138 油脂及膠質重，蛋白質豐富，營養價值非常高，肉厚肥嫩，魚肉細緻，真係入口甘香油份充足。 ｜蟹肉湯飯｜$98 自家熬製蟹湯，當然更加鮮濃，啖啖鮮味，上面舖有一絲絲蟹肉，湯飯暖身一流～

食牛扒當然要來灣仔La Moo Moo, 用小斧頭切牛扒好得意～小斧頭刀仲可以係店購買～呢度都好適合放工同朋友食牛扒飲兩杯，環境好恬靜，適合情侶、朋友聊天，燈光暗暗特別有情調～ 我地叫左一個牛扒餐share,薯條係幼身個款炸得唔油, 今晚餐湯係蕃茄湯、味道好香濃順口，一飲就知係鮮蕃茄打成，仲飲到蕃茄蓉好鮮甜，凱撒沙律菜好爽脆新鮮，牛扒厚身實肉有口感～好多肉汁，medium 煮得剛剛好，唔會過老過硬，無乜脂肪但肉質夠腍滑易咬～特製嘅阿根醬青醬好香口，同牛扒好絕合，唔會太濃蓋過牛肉味道～ BBQ豬肋骨燒得好惹味好入味～食得我地津津有味～薯蓉亦好綿滑，口感creamy, 食到停唔到口～

聖誕前席約朋友慶祝下～叫左個$2880二人餐～ ｜牛油果海蝦沙律｜ 醬汁甜甜酸酸好開胃～蝦肉爽口，牛油果綿滑口感連沙律菜食～令我愈食愈開胃～ ｜海膽黑松露溏心蛋｜ 海膽同蒸蛋搭配非常滑溜香口，溏心蛋呈現完美的半生熟狀態，有淡淡黑松露味道。 ｜活鮑魚配蟹肉海苔醬｜ 新鮮鮑魚特別彈牙，廚師建議先食原味，然後再點蟹肉海苔醬一起吃，海苔醬汁唔太濃清清淡淡就唔會蓋鮑魚鮮味～ ｜活龍蝦 海膽蝦膏汁｜ 新鮮龍蝦果然唔同啲，肉質甘甘甜甜～口感超級肥美彈牙，一食難忘個份鮮龍蝦香氣～ ｜火焰黑松露汁煮帆立貝｜ 帆立貝鮮嫩多汁，搭配黑松露汁濃郁香氣，師傅喺我哋面 前用火燒帆立貝，增添視覺上嘅效果，打卡一流！ ｜A5和牛厚燒 配香煎野菜｜ 5成熟嘅熊本縣A5和牛，經過香煎厚燒，肉質嫩滑多汁，入口即化，配搭蒜片一齊食。另外香煎嘅野菜，包括茄子，南瓜，大啡菇幫助中和油膩感～ ｜刺身帶子豆腐鯛魚湯｜ 仲用龍蝦嚟熬煮鯛魚湯，海鮮鮮味更濃，豆腐幼滑，湯底仲有黑/白胡椒提味，暖身一流～ ｜黑松露三文魚籽海膽杯炒飯｜ 炒飯有黑松露、三文魚籽同海膽，散發淡淡黑松露香氣，炒飯蛋味重，飯粒分明軟硬適中而且入味。 ｜鐵板疏乎厘雪糕｜ 鐵板疏乎厘雪糕有豆腐同紅豆味可以揀，我揀咗豆腐味～豆腐嘅清甜同冰涼幼滑口感，為呢頓晚餐劃上完美句號。

Oyster House 搬咗新店樓上舖～環境氣氛仍然浪漫，在暗燈光環境感覺特別良好～嚟呢度當然要食生蠔～ ｜南非生蠔La Lune｜ 細嗰隻味道比較濃， 大嗰隻海水好肥美味道非常鮮甜，食落啖啖肉好creamy好飽滿～ ｜海膽紅蝦｜ 海膽好甘香金黃好新鮮，融合原隻紅蝦一啖食超級鮮味滿足～ ｜香醋八爪魚｜ 將八爪魚切片，上面調上香醋，每口都爽口有嚼口～作為前菜必食之一～ ｜牛骨髓多士｜ 西式煮法牛骨髓唔多地方食到，呢度就有得食啦～烤到好香好惹味～油份好甘香可口，加多士薄脆一齊就剛剛好～ ｜黑松露蘑菇湯｜ 蘑菇味香濃，黑松露又唔會蓋過蘑菇味，湯底濃稠每口品嚐到蘑菇蓉質感～ ｜蠔湯｜ 用蠔打蘑成湯，味道香濃得好似食緊幾十隻蠔咁，味道非常甘香～ ｜魷魚釀意大利飯｜ 將意大利飯釀入原隻魷魚，魷魚巨型，飯粒煮得軟硬適中而且好入味～魷魚漲卜卜，切開就係香氣十足嘅飯～～ ｜香蕉蛋糕｜ 雖然英文譯做Pie, 食落清甜而不厭，口感綿密～作為當晚完美總結～

每次去銅鑼灣居酒屋都會嚟呢度飲兩杯食串燒～因為氛圍都令我諗起日本嘅居酒屋～ 牛旁爽脆有嚼頭，送酒一流呀！ 刺身盛有三款刺身，帆立貝大隻好鮮甜～三文魚紋理分明夠晒肥美～蝦刺身爽口甜美～ 槍魷魚生燒超爽口彈牙，燒得剛好帶有肉汁～上面舖有櫻花蝦，點些青檸汁更可提升鮮味～味道更好食！ 豬顎骨肉質厚實但唔硬，好惹味～加黑椒汁最配合～食落啖啖肉～ 豬肝串好厚好大塊，食落唔爾，配啤酒是人生一大享受～ 蒜芯豬肉串裡面蒜芯中和了豬肉的油份，所以食落多汁美味～ 雞翼串燒到雞翼皮外脆內軟，雞肉嫩滑～有炭火香味～ 芝士翠肉瓜我第一次食咁樣嘅配搭，又好鮮甜好配合冬菇軟滑～

觀塘Cobber嘅梳乎厘鬆餅好出名，原來開咗另一間專做窩夫嘅分店～當然要去食啦，雖然時間係平日但都座無虛席，可見人氣一班！我叫咗啲招牌菜～高質！ ｜海膽燉飯｜$188 海膽味好海濃，食落creamy有奶香味～飯粒煮得剛好硬度適中而且粒粒平均～上面仲有黑魚子醬令味道提升！ ｜蒜香蟹肉意粉｜$148 蟹肉份量非常多，用左大量蒜蓉煮食，蒜香味超級香濃～食完一啖停唔到口～ ｜藍莓提子伯爵茶糯米窩夫｜$92 最適合就係同朋友share食～雪糕可選不同味道，而我就選椰子雪糕，窩夫質感外脆內軟，口感非常好，伯爵茶亦好濃～連埋青提食好清新～ ｜炸芝士拼盤｜$58 芝士拼盤有驚喜，有兩種芝士，一種較軟一咬就溶入口，另一種就硬身少少但芝士味更濃～炸得乾身食落唔油膩～ ｜蜜糖芥末雞翼｜$58 雞翼肉汁多，外皮唔算厚粉，連埋蜜糖、芥末甜甜辣辣特別惹味～

灣仔一間居酒屋～廚師就係面前上菜，即烤即食～三五知己飲兩杯食串燒超寫意的～ ｜北海道產生蠔｜ 北海道蠔特別肥美同鮮味～有少許醋更能提出蠔嘅鮮甜～ ｜池魚｜ 用番魚內臟嚟整醬汁，好甘香一啲腥味都無～魚肉柔軟～ ｜A4和牛刺身｜ 生食和牛刺食、食落好軟滑好易入口， ｜黃油雞腸｜ 雞腸幼身但好煙韌，惹味香口！ ｜煙薰帆立貝｜ 巨型帆立貝，用備長炭燒一燒更有炭香味～鮮甜無比～ ｜腐皮牛肉卷｜ 燒得恰到好處，微脆牛肉味香濃～食過番尋味的呢 ｜雞髀肉｜ 食落啖啖肉，又滿有肉汁～ ｜青提豚肉卷｜ 用豚肉卷住青提一起燒，豚肉吸取咗青提嘅清甜味～特別多汁～ ｜海老雞皮卷｜ 用雞皮卷住蝦嚟燒，雞皮燒得香脆,蝦肉爽口～

好耐無去北海道，好掛住個種羊肉燒肉～銅鑼灣有一間專食羊嘅成吉思汗燒～店舖抽煙通風做得唔錯，爐上擺滿左椰菜絲沙律同圍爐蔬菜包括洋蔥、菇、椰菜，仲有椰菜絲沙律，食得肉多，可以食蔬菜中和一下口腔～☺️☺️☺️ ✔️日本和牛西冷(120g)：腍滑得來好香濃牛肉味😋 ✔️黑草羊肝：牛肝豬肝食得多，羊肝都係第一次食，但出奇地好食，食落唔膻仲幾爽口😉 ✔️ 石鍋泡菜羊肉飯：石鍋燒瑜火燒，燒到飯底做到飯焦效果，再混合泡菜、羊肉來吃，超滋味～ ✔️ 燒肉拍擋：有牛又有羊，有啲部位都係第一次聽，咬落根位有啲嚼頭，但咬落都啖啖肉～😍羊無膻味，食落仲好腍滑，特別可口一食難忘～ 一邊食燒肉、一邊飲雜果燒酎，再同朋友傾偈一整晚，真係人生一大享受～😌😌😌