味道樂居酒屋 (河內道)

營業中

休息中

係尖沙咀河內道有間特色又搶眼嘅居酒屋。居酒屋內設計好得意 ，有好多日本嘅玩具，絕對係兒時嘅回憶😃真係望到都開心。我同朋友叫左一D輕食:⭐️黑松露帶子刺身沙律配柚子醬$128- 沙律嘅刺身好新鮮，蔬菜嘅種類又多，而且顏色好豐富，吸引，令人好食欲⭐️味淋魚干$58- 魚干燒得軟身好味，點埋沙律醬一齊食，夠晒滋味⭐️深海池魚王刺身 (薄切)$158- 刺身最緊要新鮮，而呢個薄切深海池魚王，好新鮮，夠晒鮮味，推介⭐️迷你吞拿魚蓉海膽丼$168- 細細碗飯，但用料十足，海膽同吞拿魚蓉都堆滿成隻碗⭐️味噌蟹甲羅燒配蒜多士$128- 朋友最好，蒜多士配味噌蟹甲真係蟹糕味濃郁又好食喺一間充滿著日式氣氛，又充滿住兒時回憶嘅居酒屋入邊同朋友消閒一個晚上，真係格外開心😊

星期日向K11做完event, 有d肚餓就同朋友一齊去搵野食醫肚。午飯時間，間間餐廳都超級多人等位，朋友就推介呢間居酒屋，話呢間餐廳價錢合理食物亦有水準。見沒乜人排隊，我地一行4人就入左去食午餐。居酒屋內擺放著不同既玩具裝飾，充滿住兒時舊日本卡通片的味道。今次我地選擇左櫻花蝦叉燒辛子湯拉麵；三文魚帆立貝丼以及香蔥吞拿魚蓉帆立貝丼。辛子湯拉麵湯底辣味唔算好濃，但適量既辣刺激到味蕾令食慾大增。刺身亦非常鮮味，配合埋日式珍珠米恰到好處。每個定食都配有沙律，日式蒸蛋，味噌湯以及甜品。當日既甜品係雪糕糯米滋。餐廳既食物係有質素既，但當日侍應既態度就唔係太有善。小朋友食完主食想要甜品時，侍應非常粗魯回覆一句：冇雪糕。😱有少少嚇倒2個小朋友，可能雪糕糯米滋唔可以算雪糕啩😐

今日約左班朋友去尖沙咀既味道樂食飯吹水之前去過荔枝角分店，對佢既鰻魚飯印象深刻，今次黎試下尖沙咀分店，睇下質素係咪一樣今次一樣再叫左鰻魚飯，水準無改變，鰻魚大大條，好香👍🏻不過記得趁熱食，凍左啲汁就會無哂另外，仲叫左佢既牛肉壽喜燒鍋，不過呢個就普通啦。基本上係無壽喜燒鍋，好似一個普通牛肉鍋，可以唔洗試最後仲叫左個炙燒左口魚飯，左口十分肥美新鮮！值得一試整體而言，成個體驗唔錯，店員服務態度很好，會推介比朋友

𝟸𝟶𝟸𝟸 𝙹𝚞𝚕差d就忘記左呢餐～「最愛」晚餐有好朋友、有美食, 就是幸福 😍好朋友就是, 就算一段時間無見, 見面感覺依舊, 唔會變得尷尬😘我地一段時間無見之後、 終於相約食好野 😎去左尖沙咀味道樂居酒屋、 入面懷舊居酒屋既裝潢～已經感受到樂舒服～ 傾計好地方野食仲好好味Tim 🌟黑松露帶子蟹籽野菜沙律🥗 絕對係開胃之選 、 帶子好新鮮必食 🌟幸福海膽小卷～好重手既海膽～ 啖啖滿足感一路傾計、 食串燒最惹味明太子免治雞肉串燒 、 燒白飯魚干 😍😍我們每次的主食： 牛肉壽喜燒 多幾多塊牛肉架～ 好味到連湯都想飲晒味道樂居酒屋 (河內道)地址: 尖沙咀河內道2號地舖

有朋友準備去外國讀書，外國日本嘢好貴😂😂就搵咗呢間餐廳一齊食餐廳喺河內道，好近地鐵站！我哋食午餐，價錢都幾抵❤️❤️Lunch set有 主食，燉蛋，沙律，甜品我叫咗香煎厚切牛舌溏心蛋丼🤩好正！牛舌好有牛味！ 唔知點樣形容，但係佢好巧妙咁樣，有牛舌嘅咬感，亦都有好入味牛舌嘅部份☺️☺️我朋友就叫咗野菜牛肉湯烏冬🍜份量好夠見到有好多牛肉☺️啲牛肉唔會太老同埋火炙芝士三文魚蟹籽Don 🍚見到佢上面滿滿嘅蟹籽都好吸引😜值得再去既一間餐廳！可惜實在太肚餓，嘢食一到就食咗唔記得影相😭

今天去了一間味道樂居酒屋，頭盤選了海葡萄油甘魚刺身野菜沙律是一道不錯的開胃菜。這道沙拉中的海葡萄釀製出微咸的味道，與魚肉完美融合，散發出迷人的魚香味。紫薯和車厘茄的搭配增添了豐富的口感，而油甘魚的油脂味道使整道菜更加美味。接下來，我品嚐了大葱特上吞拿魚腩卷。新鮮的大葱帶來濃郁的香氣。吞拿魚腩的肥美口感使這道料理更加豐富。大葱和吞拿魚的結合是一個絕佳的搭配，帶來了令人驚喜的口味體驗。另一道小吃是明太子玉子燒。這道料理中的明太子濃郁的口味。玉子燒的甜美口感與明太子的鹹香完美結合，讓人回味無窮。最後，我品嚐了幸福海膽小卷，這道菜給人帶來了無比的幸福感。這道菜中擠滿了大量的三文魚子，保持了其新鮮的口感。海膽則帶有奶油味道，香甜可口。整體而言，這道菜不僅擁有豐富的口感，還能讓人感受到幸福的滋味。

成日經過尼間舖都等晒位，試一試就知道點解！入到去嘅環境仲好靚，落足心機將日本居酒屋copy過嚟～ 😍深海池魚王刺身雖然池魚係薄切，但仍食得出佢嘅濃重魚香，配上酸醋蔥汁帶出鮮甜味，千祈唔好錯過季節性嘅魚🤩鹽燒華美雞雞頸肉燒得岩岩好，雞頸肉彈牙細滑，略嫌調味少少不足🧐鹽燒厚切得上牛舌厚度十足，燒得外脆內軟好香口，而且2串嘅份量對得住個價錢！🤩蟹膏醬燒虎蝦 D膏多到可以lam碟😂 虎蝦未算巨大，但肉質爽口甘甜，連埋蟹膏一齊食鮮味係口腔爆炸燒三文魚頭好大舊好滿足，魚鮫位都連埋一齊！🤤 調味同熟度剛剛好，燒到魚油標晒出嚟仲脆脆地，魚肉保持嫩滑鮮味炭燒岩鹽美國封門柳牛肉CP值較低🧐封門柳肉味本身比較濃，加上沾醬偏甜會有少少膩，適合重口味人士！以TST地段嚟講價錢正常，食物上面刺身比較新鮮同有驚喜，可回頭再戰

閣別了好幾年又重遊舊地，現在都用手機下單，但食物質素依然沒變，居酒屋是與朋友聚會的好地方，因為什麼食物款式都有，我喜歡食刺身，所以點了深海池魚王薄切刺身，沾上柚子醋，酸爽的味道配新鮮爽口池魚刺身非常夾。朋友喜歡食鍋物，所以點了牛肉壽喜燒，有菜有肉熱騰騰，沾上嫰滑的半熟日本雞蛋，美味。另外點了兩款香口野送酒，鹽燒油甘魚鮫和鐵板蒜片香煎厚切牛脷，侍應姐姐上菜時稱師傅因為見油甘魚鮫偏細，所以多燒了一片，即兩片魚鮫(本來應該是一片)，真是太好，肉很多，燒得很咸鮮香。牛脷果真厚切，份量多，味道咸香軟糯，非常美味。食到尾才見到牆上海報，like fb專頁有黑松露溏心蛋送，秒讚，又是一道好味的小食。

對佢既滿滿幸福海膽丼好失望， 佢到場份menu 完全冇寫入面有吞拿魚蓉，而其他丼都有仔細列明有咩內容，咁當佢咁仔細列明既時候， 我係expect 佢係有滿滿既海膽ga, 但現實係佢係滿滿既吞拿魚蓉飯。當我向店員查詢時，店員回覆落單個app 入面有相，而我冇襟入去睇。係我唔啱， 但係我覺得好誤導lor, 你地再睇番佢open rice 入面張滿滿幸福海膽丼同我果個有幾大分別。。。。不過佢open rice 又識寫番個set 叫滿滿幸福海膽吞拿魚丼。

經朋友介紹度到訪尖沙咀餐廳，不論是享受美食還是氛圍，都能讓人有置身於日本的感覺。首先，讓我們談談食物的品質。這家居酒屋提供的食物份量適中，讓人一次可以嚐到多種不同的菜式。我強烈推薦帆立貝蟹膏卷物和魚竿片，這兩道菜非常美味，讓我一吃就愛上了。銀鱈魚也很不錯，口感鮮嫩多汁，。最後，我也點了芝士年糕，這個是居酒屋的精髓，非常好吃。除了美食之外，這家居酒屋的氛圍也讓我印象深刻。餐廳的裝潢非常日式，讓我有一種置身於日本的感覺。雖然餐廳熱鬧，但並不會太吵，讓人可以輕鬆與朋友聊天、不需要大破喉嚨。總體而言，這家日式居酒屋的不錯，價格也非常實惠，基本上單點都不過$100。推薦您來試試試！

同朋友出去尖沙咀行街一出嚟就話肚餓咁唯有搵食先經過見到呢間居酒屋就試一試裡面裝修都幾好好有日本居酒居feel因為我地早暫時都未有咁多人順便影到牆上裝飾叫左個五點刺身盛盒魚類新鮮肥美帶子有鮮味蝦都有四隻同朋友每人兩隻超好食牛肉壽喜燒份量都幾多其實食壽喜燒重點係d肉得唔得佢有牛肉味又唔韌成個鍋有好多其他配料湯底又唔會太咸幾好之後怕朋友唔夠飽再整多個石鍋鰻魚炒飯我想講份量好多鰻魚又肥美飯炒得都乾身幾好食見到咁大兜好驚食唔晒好彩最後朋友包底其實以尖沙咀地段來講佢唔算貴食物新鮮份量都叫大我覺得都算抵食下次可以再嚟試其他嘢

近排放工的時候因為天氣熱所以就沒什麼胃口，朋友就帶我來做這一間居酒屋試下她喜歡的刺身。三文魚腩刺身一開始就點左刺身必備的三文魚腩，油花分布到非常不錯，吃起來的第一口是是屬於比較油的，香味都會同其他三文魚比起來得厚。大特上吞拿魚腩卷這一道雖然看起來可能不是好漂亮，但是味道真是好好吃。先是吞拿魚腩本身的甜味，廚師先慢慢將個魚腩細拍，然後再放細蔥在上面加左香味，脆炸軟殼蟹飯卷少左飯卷就不是一次完整的用餐體驗，我本身就非常喜歡軟殼蟹，因為個口感是屬於偏咸帶鮮所以我就很喜歡。個份量就是非常多，我兩個人都吃都十分滿足原條成田醬炭火燒鰻魚飯最後就是加點左這一個鰻魚飯，因為看到其他人都點這一道。來的時候真是非常震撼，因為個鰻魚有我整個小臂一樣長。味道上因為是成田醬所以就是甜口，但是又不會到死甜所以就陪上飯一起吃。整體的用餐體驗是非常好的，因為服務態度好同

七點幾已經俾人預約晒 好彩我約咗少少 再訪對住k11 art mall地舖好易見到呢度氣氛好好 有係日本居酒屋嘅感覺魚生新鮮 選擇都好多 🤍迷你三文魚籽甜蝦蓉丼 $88甜蝦蓉真係好鮮甜 感覺比起就咁食甜蝦更高級配上幾粒三文魚子 細細個 但都好夠 唔洗太飽食唔到其他嘢丫嘛🤍滿滿幸福海膽丼 $288每一啖食落去都真係覺得好幸福 一碗滿滿嘅三文魚子 暖笠笠嘅新鮮日本飯 一個人食係好夠飽 刺身份量都預一口飯一口刺身剛好🤍白桃乳酸梳打 $38係預期中嘅味道 夠冰凍

啱哂收工聚一聚收工約左朋友係尖沙咀傾下計食下日本野，餐牌上既食物選擇都幾豐富，除左串燒、刺身、壽司、仲有卷物等，成班人一齊食野飲番杯就啱哂。香炸日本池魚仔熱辣辣既池魚仔，外面炸得幾香口。辣三文魚碎卷卷物既款式目不暇給，樣樣都想試。食落又唔係真係好辣，而且三文魚都切得幾大粒，啖啖肉。鹽燒雞軟骨香脆得嚟，亦相當有咬口。大䓤雞肉串上面淋左少少醬汁，雞肉肉質滑嫩，幾好食。明太子醬燒玉子串份量比想像中大，玉子甜甜地，配埋明太子醬令味道更上一層樓。石鍋鰻魚炒飯除咗上面既鰻魚外，炒飯底亦有好多粒粒鰻魚，加上多種不同配料同圓潤既米飯，令我呢個飯桶忍唔住食完一碗又一碗。

同朋友喺K11商場行完街，近近地喺商場對面嘅居酒屋食晚飯。平日晚飯都好多人預約枱食飯，建議打算去食要預先預約。香炸日本池魚仔🌟配啤酒一流的佐酒小食，唔會炸得太燶太油，用咗少少鹽去調味啱啱好。而且份量幾大好抵食。火炙北海道帆立貝蟹膏卷🌟一個壽司可以食哂帆立貝和蟹膏，滿足哂兩個願望！而且火炙烤過令舊壽司更加香口好味，仲有6件好適合與人分享。煙肉荔枝卷⭐️一份有兩串好抵！入面有荔枝肉甜甜地，中和左煙肉的油脂感。大蔥厚切日本煙豚腩🌟燒大蔥好香，豚腩油脂肉嘅比例好靚，煙熏過有種特別嘅香味，配埋大蔥一齊食可以減輕油膩感，大大舊cp值高！鹽燒厚切特上牛舌🌟每次去居酒屋，都一定會叫嘅燒厚切牛舌。呢度嘅牛舌夠晒厚身，食落去肉質都好軟稔，我最鍾意的串燒。黑松露和牛炒飯🌟炒飯好惹味，加左黑松露入去炒，忍唔住一啖接一啖咁食！仲要有唔少和牛，食落去好軟稔，一定要留肚食的和牛炒飯！