吃什麼

營業中

休息中

店外長期有條龍不過上菜好快🥳唔洗排好耐就入到去餐廳有好多選擇揀而且平價又大份🥰係附近番工嘅人可以試下.🌟香酥雞扒便當 $78雞扒炸粉幾厚 但炸得幾脆💕炸衣有少少過鹹🙈仲有幾款配菜每日唔同當日有白菜🥬同番茄蛋🍅好有家常便飯feel😂📍吃什麼中環雲咸街75-77號嘉兆商業大廈地下A號舖

朋友酷愛台灣料理，今次就去到中環呢間由台灣人主理嘅餐廳。⏱用餐時間只有大概一個鐘，午市時間比較多人，所以要人齊先可以入座。滷肉飯🍚份量適中，滷肉入味，配菜開胃又帶點辣鹽酥雞🍗九層塔嘅味道好出，但雞肉就略嫌冇咩咬口肉鬆蛋餅🥞王牌小食，肉鬆好多多到爆出嚟咁，啖啖肉鬆，食到好爽珍珠奶茶🧋唔太好甜野，叫左走糖，味道啱啱好，茶底夠濃環境以呢個價錢可以都坐得ok，同食物ok，喺中環來講性價比高，況且附近冇咩正宗台灣野，值得一試

冇咩記憶點嘅牛肉麵同滷肉飯但係小食係有feel嘅，即刻有台灣嘅氣息椒鹽豬血糕不得了，外面少脆內心少煙韌，椒鹽十分惹味，越食越想食，又唔會食到口乾乾起司蛋餅有滿滿嘅芝士，蛋餅位煙韌有咬口，質感極佳冬瓜茶係我嘅all time favourite, 好難出錯嘅嘢飲整體份量都幾合理，唔會一啖半啖就食晒吃什麼滷肉飯 $68外省牛肉麵 (半筋半肉) $89椒鹽豬血糕 $38起司蛋餅 $39荔枝冰茶 $14冬瓜茶 $16📍中環

成間餐廳咩野食都冇 叫珍珠奶茶 佢話冇珍珠 轉仙草 又話冇仙草 成個對話好似麥兜咁玉米蛋餅 問佢地有冇得雙拼加芝士 佢話可以 但要加錢 加大概$5-10menu唔寫清楚都算 連侍應都唔清楚價錢同朋友2個人去食 已經坐低10分鐘 食物都叫埋突然2個侍應用奉旨既語氣叫我地轉台當下都配合佢地轉左台 但新台好大風 同時被風扇同冷氣吹住 客氣地問可否熄風扇 侍應先生表示「個風扇熄唔到」 咁我地就話 既然係咁 咁我地唔想轉台 侍應先生就話 唔得 佢地要合台俾4個人坐 然後又突然話可以幫我地熄風扇明明有個外國人係1個人坐4人台 未叫野食 但佢地應該係因為英文太差 所以寧願要叫左野食既我哋轉台 都唔叫個外國人轉因為外國人等緊1個朋友黎 佢地想催人地落單 er完一輪 講出黎係「er….. can you call your friend.. er.. come earlier…」以前同同事都會間唔中黎食 但唔知係咪餐廳轉左手 成間店既裝修低級了不少 拆左好多裝飾放多左好多張台 啲台椅低格調左 舊menu冇左 新既menu係一張紙 好似未design好咁 極唔清晰我同朋友都覺得食到成肚氣匆匆離開 依間餐廳

以前食過一次呢間排晒長龍 好彩今次只係等咗一陣就可以入座！滷肉飯正常滷肉飯味 肉嘅肥瘦適中 不過略嫌唔夠香味 除咗滷肉飯佢即邊有三份配菜 分別有雲耳豆干 白菜 同埋勁似蕃茄薯仔蘿蔔湯湯渣嘅嘢😂 有趣得嚟幾健康雞排蔥油拌麵鹽酥雞排 叫台灣嘢必點 脆得嚟唔油 勁香口🤩好多塊差啲食唔晒碗麵啲汁就夠晒多 本身以為碗麵好細碗 但食極都未食晒🫢起司蛋餅實物睇粗過相！食食下其實都有啲飽蛋餅真係飽多2倍佢嘅芝士唔係超市嗰啲hea 片裝芝士 係碎條嗰啲少少認真芝士 所以特別香芝士味

呢兩年冇得飛每，次掛住台灣都會心思思想嚟中環呢間餐廳度食飯。咁啱今次約咗喺大管睇展覽，於是就決定睇展覽之前過嚟食個美味嘅午餐。拉開舖頭大門，入到去店員第一句同我哋打招呼，嗰種正宗嘅台灣腔，已經好有返返去台灣去咗旅行嘅感覺，當堂成個人relax晒。佢食物嘅選擇唔算好多，但係一般香港人成日去台灣食嘅滷肉飯，牛肉麵，花枝丸，甜不辣呢啲小食佢都有供應，餐飲方面紅茶綠茶都有選擇。今次我哋就帶咗兩碗牛肉麵，味道濃得黎唔算好漏好油，牛肉好諗，湯底好香，連我呢個平時食麵唔會飲湯嘅人都忍唔住飲晒啲湯。至於飲品方面我就嗌左一杯鳳梨綠茶，因為我知道呢一排係鳳梨當造嘅季節，呢杯飲品我都好推介，鳳梨嘅味道清新鮮甜，配埋綠茶，消暑一流。推介大家下次去開中環，去開大館睇展覽都可以嚟呢間餐廳試吓。

(Food Panda價🐼)一個便當一個蛋餅 份量多到當埋下午茶滷肉便當 $75好豐盛嘅一個便當🦦滷肉鹹香濃郁 肥瘦均勻如果鋪滿成個飯 就會開心啲上次嘅便當配蕃茄炒蛋 今次就配咖喱魚蛋 仲要係港式咖喱😂唔係唔好食 但唔係又啱送飯🫣鐘意蕃茄炒蛋多啲同埋唔知點解 有一粒炸花枝丸😂幾彈牙幾好食 只係有啲fun啫😂仲有蔬菜同芽菜 好豐盛 營養好均衡起司蛋餅 $42+肉鬆 +$10有啲厚實嘅蛋餅甜醬油好好味 肉鬆係點啜令蛋餅更香更多層次 不過相比起便當 蛋餅嘅定價都幾高

食物質素ok 的 但店內的員工態度實在極度惡劣1/9 下午去到間鋪頭叫左滷肉飯，一杯熱飲加寒天果， 發現寒天果變質， 之後問咗個侍應，個侍應話問過廚房冇問題就不了了之，店舖個經理仲好大聲同我講杯飲品係冇問題，問題係你唔啱飲，我哋絕對唔會退錢， 我問題唔係退唔退錢，大佬一杯嘢飲加埋寒天果都係$20 佢就覺得我好無理大大聲同我講嘢完全冇理會過我杯嘢飲嘅寒天果係一坺嘢，問佢多句仲惡過我，其實可以試吓玩個杯嘢飲俾我，佢哋都唔肯最後要我硬食，唔緊要啦，都係最後一次真係俾錢買難受以後都唔會再去這間舖頭

12:00到一台客都冇，等緊另外一個friend就唔俾我入要人齊先入，咁都明嘅因為繁忙時間，用餐時間45分鐘，咁我話都可以照起錶計時間啦冇所謂都唔俾？好啦算，嗌咗滷肉飯，鹽酥雞肉飯，同埋外省牛肉麵，同埋起司蛋餅！魯肉飯啲肉鞋口，鹽酥雞可能繁忙時間一早就炸定，牛肉麵啲牛肉好鞋， 不過個湯底就OK，至於個起司蛋餅我真係食咗半啖就食唔到落去啦！ 總括嚟講個人消費大概$100一位，喺中環嚟講價錢可以接受，但係服務同埋用餐時間太短！好多中環餐廳都係差唔多呢個價錢就唔會限住45分鐘囉， 可以唔使再嚟

📍「吃什麼」- 中環今次食食食之旅黎到中環😌呢間台灣小店係中環超出名，以前👧🏻係中環返工個陣都成日食，今次去開個邊，又再回味下🥰📷餐廳由台籍老闆娘主理，入到去聽到台灣腔特別有親切感🤩座位都算多，夜晚去唔洗排隊直入😆點餐喺要寫紙，然後再交俾店員落餐🤗🍴外省牛肉麵💰HK$88✨推薦指數：8/10佢嘅紅燒牛𦟌幾大舊，食落腍身入味，肉同筋嘅比例岩岩好，牛味好出，好好食😋麵身係比較粗身，食落煙煙韌韌幾掛湯😙湯底好香好重牛肉味，👦🏻仲嗌咗麻辣，非常惹味，麻辣得嚟好過癮😛🤣（👦🏻覺得愈食愈麻，最後食哂碗麵，條脷就麻咗🤣）🍴鮪魚蛋餅💰HK$43✨推薦指數：8/10佢嘅蛋餅真係好大份，外皮由雞蛋貼麵粉煎成，薄得嚟蛋味好香，外皮面淋上甜甜哋嘅醬，令到成個蛋餅嘅味道昇華💯蛋餅入面包住滿滿嘅鮪魚、蛋同沙律醬，厚實嘅鮪魚連埋甜甜嘅沙律醬食好夾，食落好滿足🥰而且食落唔會太油膩，同埋食得太多會好滯🙈同人開心share就最岩啦🤗🍴滷味拼盤（百頁豆腐、海帶、雞蛋）💰HK$48✨推薦指數：6/10呢份拼盤有一隻切開咗嘅滷蛋、三件滷豆腐同一埋海帶🤗佢嘅滷蛋同滷豆腐都好入味，滷水汁偏甜😛海帶口感比較厚切，咬落煙煙韌韌甜甜哋😇

【中環抵食台灣之選大推介😋】呢間台灣菜一入去已經FEEL到好正宗，好似店員都係講普通話🇹🇼食完真係覺得呢間超好食😭佢係真係蘭桂坊上面🤣選擇多之餘，價錢又唔貴，表示我一定要再食多次😤.🍴外省牛肉麵（半筋半肉）牛肉麵係大推介‼️少少辣🌶但食落有好濃牛肉味！牛肉有牛筋同埋牛肋條🐮食落去完全唔韌👍🏻加埋啲麵軟硬粗幼啱啱好，每條麵都吸咗啲汁，超級無敵推介😍‼️.🍴火腿蛋餅蛋餅食到好香蛋味😋好似去咗台灣嗰啲早餐店🥺🥳個皮又唔厚，夠曬薄，好食😍除咗火腿蛋餅，仲有其他味，eg. 原味！芝士、肉鬆……總有一款啱你食🤪.🍴滷肉飯佢啲滷肉飯細細碗🍚滷肉肥瘦比例啱啱好👍🏻食落去仲有啲辣菜甫，好JENG😍.🍴鹹酥魷魚炸魷魚個皮唔會太厚，食落去又唔會好鹹🤪份量都算多，有好多舊👍.🍴鹽酥雞 雞有啲似平時食開嘅香香雞，每啖都係肉😂夠晒台灣風味🇹🇼外皮炸得好脆👍🏻調味啱啱好😍-🔖MENU好多選擇，便當、牛肉麵、蛋餅、飲品、台式小吃都有好多款🤩.🕖午市、夜晚時間都多人，可能要排一陣隊⏰.😷大家記著等疫情好返啲先去試💪🏻-💎推介指數: 💎💎💎💎💎💡性價比:✨✨✨✨✨🍴ENCORE指數: 💛💛💛💛💛(佢有勁多台式小吃同埋拌麵我都

由台藉老闆娘打理, 午餐時段十分多人, 有人龍出現, 當日都比較曬, 店員好貼心俾遮我地擋太陽, 大約等左20分鐘入座, 野食質素ok,  價錢就中環價, 少少貴。外省牛肉面(牛肋) $85湯底偏紅, 但唔算好辣, 帶有少少藥材味, 牛肋都夠軟諗, 份量都足, 有4-5舊, 面質少許煙un, 幾好食。起司蛋餅 $39好厚身, 包住雞蛋同芝士, 芝士好拉絲, 味道唔算濃, 可能蛋皮比較厚木魚花蛋餅 $45第一次見到, 木魚花多, 中間都係包住雞蛋, 同樣厚身, 比芝士蛋餅會多左沙律醬, 配搭都唔錯, 基本上食左牛肉面+2個蛋餅, 2個人食都好飽。蜂蜜柚子綠茶 $20睇錯而點錯, 但味道都幾好, 好清新, 唔會過甜, 柚子淡淡的, 唔錯水蜜桃紅茶 $28而款反而過甜, 可能水蜜桃糖漿太多, 啲冰溶哂都係好甜

今日約左朋友黎到佢推介嘅一間台式餐廳“吃什麼”食飯，因為大家都遲到嘅關係，黎到門口已經係下午茶時間，但入面依然坐得幾滿，等左大約5分鐘先入座，睇黎呢間食店真係幾受歡迎。店內嘅環境比較擠逼，我地三個人分到一張小方枱，好在櫈底配有小筲箕畀我地擺背囊。同一般台式食店一樣，用點心紙點野食，所有食物飲品都係單點，冇套餐。野食黎到一半，影張大合照先。1. 滷味拼盤拼盤有滷水蛋、海帶同豆腐，個人對呢種涼伴麻麻，味道普通，同埋唔抵食。2. 黑椒蒜味毛豆我本身對毛豆普普通通，但呢道畀到一d驚喜我，通常食毛豆都係食粒豆，而呢道嘅黑椒同蒜味好入味，令我會啜多幾啖豆皮。3. 小雞肉飯（小碗）食左幾啖先記得補相，雞肉嫩、唔鞋口，配埋酸菜一齊食，唔會覺得淡茂茂，份量適中，唔會太少，適合胃小嘅人食。4. 外省牛肉麵（牛肋）同朋友些牙嘅主食之一，好好食嘅牛肉麵，配蕃茄湯，麵條好彈牙、好有咬口；牛肋大大舊，炆得又夠淋，索有湯汁，配搭起黎好好味；除左食麵同牛肋，我地仲飲埋d茄湯，真正嘅全碗清。5. 外省牛肉麵（半筯半肉）第二個牛肉麵，配原味牛腩湯，用料都係咁大舊，牛腩都係炆得好淋，索晒d湯汁，好入味；牛筯有咬口得黎唔會太

準時放lunch，就係為咗去食呢間好食台灣嘢😋😋😋 一遲咗少少🤏🏻，人龍就會出現，因為要人齊先入座架😊之前都食過架啦，而今次啲嘢食都維持到水準。- 鹹酥雞肉飯 鹹酥雞粉漿唔厚，入面啲雞肉滑而唔乾，又唔係好咸，味道配埋啲飯食岩岩好。而且份量多，唔係得幾粒仔咁，再配埋3個配菜(會轉架)，好夠飽！😋😋😋- 起司蛋餅 蛋餅煙韌，入面嘅芝士份量好夠，平時最邊邊嘅都係冇乜餡，但呢個最邊邊嘅都食到啲芝士！開心😃😃😃

喺中環裏面，西餐/fine dining /omakase呢D店舖大多坐落於呢個黃金地段，格局典雅，有時連一粒聲都唔敢出。而位於大館對面，卻有幾位熱情嘅台灣媽媽密密地努力耕耘，經營一間充滿人情味嘅良心小店。 兩位台灣媽媽並非飲食業介嘅新人，佢哋之前已經經營過三間餐廳，由吃什麼外賣店再二次經營「請坐」，最後但因業主爭議關係被迫停業。最終喺18年創立本店，仲要係香港唯一一間米芝蓮台灣，我諗今次呢間餐廳總算會做得長久掛。 裝修就冇乜花巧野，只係一間普通店舖嘅裝修，但一入到門口就聽到職員嘅台灣口音，語氣溫柔，但當日去到係放飯時間，用餐節奏就有D緊迫，諗緊食咩嘅時候店員就會熱情地推薦你食咩 午市餐牌嘅選擇頗多，除咗有最基本嘅牛肉麵同滷肉飯之外仲有乾拌麵火雞/鯖魚/一夜乾/等嘅魚類飯，唔夠食嘅可以再加蛋餅，但就冇得叫皮蛋豆腐滷水拼盤嘅小食，而依家仲要冇咗晚市堂食就更加食唔到。 香辣牛肉乾拌麵$85 價錢比起其他台灣菜黎講算偏貴，但佢又有米芝蓮推介又位於中環，咁又冇辦法嘅。份量就非常之正常，牛肉有三大舊，性價比普通。 牛肉用上牛腩而並非牛腱，切得長但唔算厚闊，望落唔算太深色，都主要食返佢嘅肉味。肉質