南角

營業中

休息中

📍南角 (九龍城)九龍城南角道3號地下3號舖@nankokhk 九龍城復古咖啡店，由五金舖改成漫活咖啡店，渡過左一個悠閒下午。宋王臺地鐵站一出就到店舖，復古的門口，好容易被吸引到。食物用心制作，值得一試☁️無花果羊芝士火腿小酸種多士$68份量十足，表面加上Honey ，外皮小小脆，火腿香口☁️開心果巴斯克蛋糕$48蛋糕旁邊舖上開心果粒，開心果味好濃烈，外層密度高，口感輕盈，甜度剛好☁️斑斕咖啡$56咖啡有一球椰子味雪糕，加上椰咖啡，淡淡斑斕香味好，打卡able#宋王臺#宋王臺美食#九龍城#九龍城美食#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#cafe#coffee#咖啡店#輕食#甜品#斑斕咖啡#開心果#cake#蛋糕#巴斯克蛋糕#drinks #tea #慢活#eating_and_working_in_h_宋王臺#eating_and_working_in_h_九龍城

結論先：10分唔錯有泰國菜同埋咖啡廳嘅風格，點咗佢哋嘅忌廉腐乳醬帶子闊麵，真係好好食啊！首先講番麵條，好彈牙好嚼，真係好有口感。然後佢地嘅忌廉腐乳醬，唔太辣，有蝦香味，真係好正。最好食係佢個帶子，大大個👍 好彈牙😚而另外一個，芝士嘅鹹香同忌廉腐乳醬嘅味道好契合，炒蛋仲多咗啲蓬鬆感，增加咗口感。佢地嘅酸種多士，好好食嘅開胃小食，同主菜好夾。總括嚟講，南角嘅忌廉腐乳醬帶子闊麵真係好推介！味道好，份量又夠，價錢又唔太貴。

九龍城cafe好多都試過，今次就試下南角。入內環境雅致，店內放著輕柔的音樂，與窗外的大雨形成強烈對比，令狼狽的我們放鬆不少。素知南角以揉合傳統食材聞名，那就試下店家星星推介的忌廉腐乳扁意粉。意粉上有3粒中型帶子，份量還可。忌廉帶淡啖腐乳香，係大眾會接受的口味。我和朋友都係選中這份，大家都覺得係正常發揮，不算深刻。咖啡就一般連鎖店出品。我要cappuccino，朋友要Latte。啡底不突出，奶泡還可。每人平均$120，整體而言，想試下新派食物的可以一試。☺️

今日路經九龍城，見間餐廳門面幾得意，就入去試吓。叫了一客煙三文魚忌廉芝士酸種多士，個名好吸引，點知嚟到，件多士好似食過咁，煙三文魚得薄薄4片，忌廉芝士好求其淨搽係多士中心，仲要係好少，咁諗住自己將忌廉搽開啦，但忌廉少到多士兩边都搽唔到，好似食齋多士咁。唔服氣，就上嚟睇吓有冇人放相片，睇吓係咪都係咁少，如果都係咁就算數，點知見其他人嘅唔係咁樣，我就問侍應點解我喱客係咁少料？淨係應我幫你問吓，點知無哂影，無再應我，當無聽過無事咁。。。搞錯，我真係好鬼谷氣，付相同價錢，但無同等質量食物，仲要無同你解釋，亦無一句唔好意思，咁做生意，唔怪之得之香港食肆越嚟越死。永遠唔再幫襯😡

好鐘意呢到嘅裝潢同餐具🥰Fermented Bean Curd Scallops Fettuccine Dried Shrimp Roe忌廉腐乳醬帶子闊麵腐乳味唔算好重只係帶少少味，所以應該大部分人都會接受到但加左之後好味😋意粉以cafe 黎講都幾好👍唔會太淋身帶子就正常水平不過不失（會想大粒啲🥲）無期望有蝦籽所以好驚喜🤣豐富口感之外仲多左重鮮味🤩Iced latte咖啡就比較一般😳

都預咗佢一啲表示都冇send個message都唔想其實諗諗吓都真係幾戇居又係我搲爛塊面問佢有冇book定餐廳答案梗係冇啦雖然我都明今日出去食一定俾人呃水又唔想去到食茶餐廳咁慘，佢唔舒服話去食粥佢又唔想，揀咗一間Cafe諗住都係普通食啲Cafe嘢姐（佢自己都話諗住食呢間）點知結果原來連呢啲地方都焗住要食情人節餐本身我都係最憎要被迫冇選擇，但係唔知點解衝入去嗰個moment又將呢啲條件放埋一邊 重要限住我幾點要交枱終於喺張好細嘅枱食咗一餐所謂嘅情人節晚餐雖然表面上冇乜嘢，埋單過千蚊佢係有啲微言嘅！咁事實上我又覺得唔值咁貴都係食返平時啲Cafe嘢姐😕明明佢應該包咗我哋兩杯嘢飲又唔早啲出聲，等我哋又另外叫多咗兩杯咖啡😫點飲得到咁多 頭盤「三文魚他他配黑醋濃汁」大家都食得，夠fresh「鴨肝配芒果蜜糖油醋汁」鴨肝佢痛風唔食得，我有肝炎又何嘗食得丫 ，佢又好似怪我唔睇清楚個Menu😞其實我本身都唔太好內臟，諗住頭盤大家食少少唔怕啫主菜（1）烤和牛小牛柳配乾邑黑椒汁+松露薯蓉全晚最好味應該係呢個，牛柳剛剛好啱我哋口味，連個松露薯蓉都好味㗎（2）法國銀鱈魚忌廉燴海鮮呢個都唔錯，銀鱈魚都好滑配埋個忌廉汁

對自己好一點，因為沒有人知道明天將會發生什麼～(๑˃ᴗ˂)ﻭ每次一個人時就會特想來這裡，皆因這小小的咖啡店給我一種舒服、悠闲、自在的感覺～😍再度光臨我點了👉泰式冬陰功大蝦幼義大利麵～賣相已經很吸引、味道更是相當不錯、冬陰功的味恰到好處、大蝦新鮮彈牙～必食～😍👉 「口立濕」陳皮梳打～好解渴、好好好喝～😍👉 法式煎多士～一般般～😅很滿足的一餐，改天再來。

一直都有留意開九龍城既好野食，今次咁岩唔算好多人，就黎左呢份試下呢間成日排長龍既cafe佢個腐乳忌廉意粉，聽落好似唔夾，但佢個腐乳係唔濃郁，淡淡既腐乳味加埋忌廉反而係岩岩好！第2樣最鐘意既係佢杯班蘭椰啡，好少係出面飲到杯班蘭味既咖啡！仲要有個椰子味係雪糕係頂😋

今日咁岩要去九龍城做野，見仲有時間淨，所以揀番間Cafe，諗住食個早餐飲杯咖啡，慢活一下。呢一間cafe係宋王臺站既出口嘅對面，一出地鐵站既時候俾佢嘅門口吸引咗，覺得裝修有特式得黎又簡樸舒適。我係朝頭早去食既，佢既早餐係抵食既，份量十足。我叫咗個煙三文魚忌廉芝士酸種多士$68。好多舖頭飲品只可以配americano，但係佢可以加$10 upgrade latte👍👍🌟煙三文魚忌廉芝士酸種多士$68多士好脆，配搭重重既牛油同埋忌廉芝士味，再加上份量勁多嘅煙三文魚，好味又抵食！🌟Latte

倒數前搵咗間cafe食下嘢傾下偈～呢度裝修應該係沿用上一手再改建有特色之餘 民族風cushion好厚坐得非常舒服(❁•◡•❁)✧ 斑蘭椰啡（$56）有啲似之前喺TCA飲嘅Jawa咖啡入面再加啲斑蘭糖漿面頭有好大球斑蘭雪糕好靚🍧📸但椰味其實唔重 食落似忌廉多過雪糕可能因為椰子本身油脂感重朋友覺得係用椰漿加cream去整✧ 開心果莎莎（$56）裝飾滿分 插咗成枝rosemary🌿感覺係杏仁奶做底🥛明白開心果同杏仁都同類🌰🥜但覺得nut 同nut味有少少膩開心果碎唔少 飲到底都仲有沙冰感重 但比Liberty嗰杯更值得叫Smoothie🥤✧ 忌廉腐乳醬北海道帶子闊條麵（$138）本豬本身唔係特別鐘意食腐乳第一啖就咁hi少少醬嚟試🤏🏻覺得腐乳醬做咸味底有少少奇怪不過第二啖再撈埋闊條麵食就覺得幾夾因為啲醬黐哂上意粉度🍝朋友就覺得可以再落多啲糖吊下味北海道帶子煎到外表脆但入面好滑Toppings有大量蝦籽咸咸地🦐再加埋烤蒜同蔥口感多重🧄

約咗朋友catch up下，係九龍城隨便入咗呢間以前好多人排隊嘅cafe。我地叫咗3款野食share，分別係煙三文魚羽衣甘藍沙律，泰式冬蔭公大蝦幼意麵同埋忌廉腐乳醬帶子闊麵。野食都好快上枱，先黎係沙律，分量都大碗三文魚都好多塊，面頭仲有唔同香料，不過明明羽衣甘藍都係好main嘅食材，反而就得好少好碎咁。之後兩個意粉都一般般，忌廉腐乳醬係幾特別嘅，亦唔會太濃味接受唔到，但醬比較少好難撈晒成個意粉黎食，食到後期都好乾。另外冬蔭公大蝦幼意麵，只係食到小小辣味，唔講都知係冬蔭公味，睇落似普通蕃茄大蝦意粉。又係因為冇乜汁醬，食落都冇乜味咁，係有啲失望嘅。。。飲品方面正正常常，斑蘭椰啡面頭仲有椰子雪糕，味道濃郁，飲落個啡有淡淡斑斕味，就算個雪糕溶咗都唔會溝到杯啡好甜，反而可以加濃個椰香味。整體黎講個環境係好舒服好好坐嘅，但食物方面呢個價錢真係唔太值。

👨🏻‍🍳南角 (九龍城)📍九龍城南角道3號地下3號舖 「九龍城懷舊古物cafe，食物創新高質👍🏻」 到九龍城覓食，見到忌廉腐乳醬北海道帶子闊麵，好似幾特別，去試試😝 宋王臺站B2出口，右轉，行前幾步就見到。星期六較人多，等候約15-30分鐘左右。門口已見懷舊古物🤤餐廳內的風格都偏復古🤤 👍🏻🍽️忌廉腐乳醬北海道帶子闊麵即叫即製，由烹調到上枱，都看得出心思🤤忌廉腐乳醬好香濃，配有炸蒜，好惹味🥹每一啖口感都好豐富，綿綢奶油滑，粒粒炸蒜，帶子大粒彈牙，而且微微煎過，有小小脆😻整個麵配搭得非常好，必encore‼️ 👍🏻🍹Mocha Latte抹茶濃得黎，奶味都濃😻再加上剛好甜度‼️omg!!my fav mocha latte‼️‼️🥹 呢到好慢活，亦是少有cafe做到的高質飲食。星期六的下午靜靜享受時光，南角是個好地方🫶🏻 #南角 #九龍城cafe

Finally trying out Nan Kok for a relaxing weekend afternoon! Pic 1️⃣&2️⃣: 𝐓𝐨𝐦 𝐘𝐮𝐦 𝐊𝐮𝐧𝐠 𝐀𝐧𝐠𝐞𝐥 𝐇𝐚𝐢𝐫 / 冬陰功大蝦幼意麵 - $128 hkd 🍤 — Good concept but personally thought it needed a bit more seasoning and salt in general as the tomato sauce was more on the sweet end. This had a good amount of spice to it and was quite aromatic as the lemongrass flavours were pretty fragrant and strong. The prawns were a lot better seasoned and they had a nice springy texture to them. Portion size was very decent and this dish

今次走進懷舊咖啡廳一試呢個新派fusion food😂一入到去cafe就會見到裝修係用咗七八十年代嘅香港特色個人好鐘意懷舊嘢 真係俾佢一擊即中 好鐘意今次嗌咗佢嘅signature 腐乳帶子意粉一聽落去心諗港式腐乳喎 點mix埋西式意粉但係！ 呢個意粉係出奇地夾㗎食落去有腐乳嘅咸香 但係又唔會太搶咗個focus變咗腐乳炒通菜嘅感覺😂另外一提係個帶子咬落好滑嫩只係有一點就係有一兩粒食落去係有啲凍凍地可能要保持滑嫩唔想overcooked而忽略咗呀

呢間由舊五金改建而成既咖啡店相信大家都唔會陌生, 之前每次黎都諗住碰吓運氣, 但都要排長龍, 今次難得唔洗排隊真係太好彩🤩 不過今次去對面街有工程, 所以門口位會比較嘈同大塵, 但係坐室內就唔會有影響🙂斑蘭椰啡🥥($56)香滑濃郁既椰子味雪糕配上椰奶咖啡同斑蘭葉, 斑蘭唔突出, 但係椰子味幾香濃, 係幾特別既一杯奶啡😗「口立濕」陳皮梳打咖啡🥃($48)咖啡既味道正常飲唔到陳皮香, 當一杯普通凍啡飲係幾解暑既😊如果冇工程既時候都會幾好chill, 對住內街人流唔多, 仲有兩把風扇完全唔需要怕熱😌