北京拉麵店

營業中

休息中

西九龍中心嘅食店, 除非係連鎖大集團經營嘅, 都好快會消失左, 但呢間舖咁多年都仲喺度......呢次係第三次嚟呢度食野~雪裡紅四季豆~凍凍哋, 雪裡紅甜甜哋加埋啲爽脆嘅四季豆食, 幾清新~雞絲粉皮~係半價優惠小食~佢啲雞絲有煎過, 幾香口, 超多麻醬, 粉皮好滑叉子燒餅, 個餅好香脆, 啲粒粒餡調味有啲重, 爽脆, 但有我唔食嘅芹菜類😂小籠包一般般, 唔夠湯汁, 但至少個皮唔會穿上海炒年糕, 醬油炒都幾惹味, 年糕好煙韌👍🏻酒釀紫米丸子~桂花味好香, 丸子好煙韌👍🏻👍🏻

我都係想寫食評嘅時候先知道大家對呢間餐廳嘅評價咁差我呢就係因為佢二人餐個價錢比吸引入嚟嘅。話說我哋叫咗個二人餐有酸辣湯 有醉雞 有蔥爆羊肉 再加咗個麻辣豬耳。呢間餐廳嘅食物呢真係出奇不意嘅 ，你覺得好簡單嘅嘢又可能唔好食 你覺得北京菜一定好食嘅嘢又會好奇怪。個酸辣湯分量好大， 裏面好多材料 例如木耳豆腐蔬菜等等 。但係你畢多兩下之後， 你就會覺得佢有一個湯羹變成一pat水， 佢酸辣味道都真係好濃嘅 我就要邊食邊飲水啦。 個人覺得係佢變水之前快啲食其實都唔錯㗎醉雞 ，呢樣冇得輸嘅嘢竟然係最遲上嘅食物。 同時 佢最犀利嘅就係汁有汁味雞有雞味 隻醉雞係冇走未呀 只係好似食緊白切雞咁。豬耳竟然係最驚喜馬拉得非常好味， 不斷咁夾一陣間就食曬啦。蔥爆羊肉就犀利啦真係蔥多個肉， 我會覺得自己好似叫咗蔬菜多過肉囉。餐廳長期唔係好多客佢哋好似長期想收檔唔做咁， 食得有啲壓力。 裝修真係幾有感覺嘅但係就略嫌污糟咗少少。我畀ok呢間餐廳係因為我覺得 ，呢個價錢呢個份量呢個質素，又真係對得起佢個set喎

今日同爸爸二人世界，本身想帶佢食好d但佢又好想食咕嚕魚塊，加上落雨，所以最後都係黎左西九的北京拉麵，這間店舖由細食到大。我叫左香煎雞扒白飯。白飯上有少許肉操，肉燥反而好有驚喜，鹹鹹香香，唔錯！但是雞扒的水準真的十分普通，肉質比較硬，有點失望。咕嚕魚塊配白飯都不錯，但是今次有1,2塊比較厚粉加$17就可以有四個小籠包真的便宜抵食，當然沒有那種超水準的感覺！埋單150有找，水準算差不多，希望雞扒下會大大改善。

如果有食過大陸既鋪頭..人地做得仲好食過佢..我覺得間野完全無心做..純粹搵錢既態度..第一.紅油抄手.無紅油.皮厚.第二.拉面點解用左米線來整?我去左成都北京..見到有呢間野一試..真係伏到無朋友..如不信可請到此一伏..真係貴少少食翡翠仲好!!

今日去深水埗工作做完野去醫下個肚入到去有啲想走 因為舖頭衛生程度一般叫左個午餐 魚香肚子有別於我食開個啲茄子太硬 個汁十分酸小籠包真係皮厚好硬 最好趁熱食 否則仲硬朋友話當食麵包咁就心理好啲基本既凍檸茶 茶底好唔得 好淡連一般味道都稱不上所以如非必要 極度不建議入呢間舖食野後果自負

有次同朋友黎到西九龍中心唔知食咩好 又見到呢間中菜館既價錢都幾正常唔會太貴 咁就入去試下同朋友兩個人SHARE叫左個豬軟骨菜飯菜飯都幾香 豬軟骨既汁係酸酸甜甜既好惹味而且炆得好軟 好淋身肉亦都好入味呢個餸撈飯真係一流而小食就叫左豬耳份量唔算好多不過味道亦調得岩岩好唔會係油身 係乾身既微微地既辣味都令到碟豬耳係好香口!我地仲叫左個啫啫雞煲芹菜HI到D醬汁好惹味成個煲其實都唔大既所以份量都唔算好多但都夠晒我地食味道好香濃 雞件亦都好入味!整體黎講係有意外驚喜估唔到呢間鋪既嘢食都唔錯環境都好古式咁不過衛生係一般但員工都NICE既!

真係好難食,難食都不能想像。金玉其外,敗絮其中。鋪頭表面好靚，裡面有啲臭同污糟。啲野食好似唔熟，小籠包啲皮好厚，同埋啲雞翼入面唔熟。啲炸野有一股油益咪，炸饅頭的油索晒入去。餃子算是我食咗咁多野最好食嘅一樣，但是啲皮都係好厚。試過一次就夠，冇第二次。

今晚同朋友出開深水埗西九龍中心，見到依間叫北京拉麵店，晚飯時段，食店約有4成客人，生意一般。見裝修環境幾特別，好中式，又有4人卡位坐。於是入內進食。店內冷氣一般，有些少熱的感覺。看完餐牌之後，食物款色也很多選擇，叫咗個豬扒担担麵再配凍珍珠奶茶。另加半價小食$15，叫咗個招牌小籠湯飽。豬扒熱辣辣，份量一般般，味道還是可以的，担担麵有少許辣。個人來說是不太喜歡的。湯底味道沒有特別。至於杯珍珠奶茶就好少珍珠，珍珠無咬口，而且奶茶味道一般。但招牌小籠湯飽有少許驚喜，味道好食，濕濕地，口感一流。半價小食$15，個人認食是必食的。還有其它半價小食包括拍黃瓜，雞絲皮及油炆笋等。综合各方面，這家食店還是可以的。

今日晏就同屋企人打算去9樓個間茶樓飲茶，但係上到去好多人排隊所以算數，老婆話不如去食上海野，見咁耐冇食呢間所以就去下囉，我地就3大2細，點知去到全部都係4人位，得梳化位可以逼逼地坐下，本身梳化位比人坐哂，不過唔知係個樓面定事頭婆幫手叫人調位先有得坐，一坐低都幾好，幫手拎開個調味架，心諗唔錯啦呢間應該，點知望下啲碗洗唔乾淨，又飯又乜咁，個菜單年幾兩年前又係呢份，今年又係呢份，比啲新意好冇？ 啲樓面又扮睇唔到又聽唔到咁，叫左10分鐘，個可能係事頭婆既應左我機又走去收錢，算，咁搵個人理下我啦，又冇既，10分鐘後終於叫到野食。 野食味道不過不失，不過回鍋肉唔係辣既，擔擔麵溜到老婆食唔到，個餐湯好似用味精做湯底咁，那那地喉咁，最重要午餐都要加一，唉 下次有新野都唔去。

見到 團購，100元可買到200元現金券，真的非常抵食，就約埋朋友一齊食。我們好早呀！11:45分到達，是第一枱客人，所有卡位坐位任揀任坐。看餐牌，計計數，點選心水食物。我們叫了 : 小籠包、炸饅頭、雞絲粉皮、五香雞翼菜飯、豬軟骨拉麵。推介美食一 : 雞絲粉皮芝麻醬很香，非常惹味，粉皮好滑溜，配上雞絲和青瓜絲，絕頂好吃，值得推介。推介美食二 : 炸饅頭咬下去非常香脆，配上甜甜的錬奶平凡中顯風味，不能不試。另外，豬軟骨拉麵和小籠包算是不過不失。五香雞翼炸得很脆，惹味可口，值得推介。荳沙鍋餅，水準不錯，合格之上。現場環境不算大，但地方整潔整齊。伙計互相傾偈太過大聲，破壞了寧靜氣氛。

今日嚟咗西九龍中心 唔想食food court 所以就睇下有冇其他野食😗 見到呢間都幾多人食 所以就入咗去餐牌嘅食物都幾多元化 我地最後嗌咗蜜汁豬扒担担麵 上海炒年糕 蜜汁豬扒乾炒拉麵 五香雞翼(六隻) 招牌小籠湯包 酸辣湯水餃 同一碟素鵝🙂蜜汁豬扒担担麵 豬扒同麵係分開上嘅 豬扒幾林 味道亦唔錯👍🏻 担担麵嘅花生味幾重 可惜佢冇得揀有辣味嘅 如果有 應該更好食😛上海炒年糕 材料都算多 望落份量唔多 但食完都好飽肚🙊蜜汁豬扒乾炒拉麵 豬扒是上面介紹嘅味道係一樣嘅 乾炒拉麵都幾大碟😮五香雞翼(六隻) 好香脆 上面有少少蜜糖汁 好惹味🤤酸辣湯水餃 酸辣湯味道唔錯 但水餃外皮有啲厚 而且入面個豬肉餡有啲唔新鮮😥招牌小籠湯包 同水餃都有同樣問題🤧 有啲失望素鵝 比想像中好食 外層腐皮煎得好香脆入面嘅冬菇有好多⭐️呢間野都有啲野食係好食嘅 但衛生可以再做好啲 啲碗仔有啲明顯污漬🤮

豬扒擔擔麵超咸。豬扒超甜。垃圾菜飯。分開上。狗吃。香芋奶茶無味。飲水未食個一間咁無質素的拉麵店。無人服務。無人添水。行過好耐無食。試下。點知中伏環境可以。如果坐下飲杯水。食個小龍包係唯一的選擇。

8點鐘唔洗等位直接入座。我叫咗個酸辣湯雲呑，朋友叫咗個雞絲涼皮同酸辣湯拉麵。買滿200定250可以再用半價加兩款指定食品(份量會小一半，而家諗返起有啲揾笨)咁我同朋友半價叫咗雞絲涼皮(小)、小籠包(小)1.酸辣湯係完全冇酸味，兩碗都係！要自己加醋。2.千祈唔好買紫米豆漿！唔係水吧沖俾你既，係岀面賣既樽裝，得個300ml仲要賣成$16，餐牌個紫米豆漿既圖片係杯裝又冇寫明係樽裝，所以我有俾人呃既感覺。3.個小籠包同岀去惠康、百佳急凍賣既$7十粒一盒既南翔小籠包味道口感一樣，都係外皮乾真真，內𥚃一啲湯汁都冇。4.雲呑唔知點解特別重鹼水味1.侍應姐姐好細心，見我有gel甲就幫我扭開樽紫米豆漿既蓋。2.酸辣湯份量頗大，湯內算多料3.雞絲粉皮真係超級好食，花生醬味勁濃，重口味既人一定啱。多得個雞絲涼皮拉高啲分，為咗碗雞絲涼皮會再去

熊大同熊妹嘆完咖啡，去左鴨寮街睇熊大野，終於買左對運動手套俾熊大玩4月的斯巴達賽，然後就去左西九行下。西九多野食真係出哂名，熊妹都係呢度的常客，會同熊大呀，朋友仔呀，熊妹家族呀黎試唔同平價美食。今日熊妹無喇喇好想飲酸辣湯，唸起3樓的北京拉麵店係做得唔錯的，就拉埋熊大同call急埋無野做的卡肥落黎一齊食去食喇，食野當然大顆兒一起吃開心點喇。晚上8點幾黎到，晚餐時間都好多人，裝修以紅色為主，古式古香，帶出古代宮廷的感覺。話就話係北京拉麵店，熊妹同妹之前黎食過係食上海野喎，唔理喇，岩食就得喇。好多典型上海菜都有， 價錢超級親民，仲要食滿$80可以半價揀一款上海小食，$150就揀兩款，$300就揀3款，全日供應，真係超級吸引 。首先，當然先點了熊妹專程為它以來的酸辣湯水餃，好大一碗，湯的濃稠度調得很好，一啲都唔稀，酸辣味適中，配料好足，有雲耳，豬肉絲，冬菇片，豬皮，水餃大大隻，有8粒，好實的菜肉饀料，不會虛有其表，這就是點解熊妹會咁掛住呢味佳餚的原因。再來，熊大點的蜜汁豬排菜飯，熊妹開頭怕豬排會好乾，點知以蜜汁黎煮又幾好味喎，肉質嫩身，一啲都唔乾，都幾大塊，切成5小件，配埋菜飯就健康之食喇。

今日约了兩個家姐食晚飯，透過團購，再次光顧這家"北京拉麵"，心裡充滿期待。五年前，它给我感覺是食物質素與價錢都是高的，今天感覺不同了。老實說，食店生意差，其中一個救亡方法是用團購形式令生意額提升，食客流量變大。點選了酸辣湯，豆沙鍋餅，兩款是我家姐至愛的，所以食到至於支竹牛腩煲就是我至愛了味道濃郁，牛腩太韌，支竹充滿腩汁另一個豬軟骨湯麵也不輸蝕，口感一流。可能團購關係，點了的蔬菜和咕嚕肉份量似乎少了很多，幸好味道又依然好正失败之處是多款食物味精太重，口渴非常