影片
港鐵南昌站 D1 出口, 港鐵深水埗站 C1 出口
繼續閱讀
電話號碼
23619069
開飯介紹
北京拉麵店是一家以京式拉麵為主，並輔以特色的京川小菜和淮揚麭點的一間優質食肆。招牌小點是小籠湯飽皮薄餡靚；另推介肉搶湯拉麵。數間分店由西龍飲食集團策劃經營，深水步總店每晚都有拉麵表演。
繼續閱讀
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
有日經過深水埗西九龍中心，都好耐無光顧啲老店。話時話呢間北京拉面店由我細個讀書個陣已經在營業，突然間心血來潮就決定左係佢喇~店舖咁多年都係維持住呢個風格，牆身有好多京劇小面譜，每個面譜都唔一樣細細個都幾有趣。餐廳會有個待應幫你倒茶，茶杯都好中國風格個種藍邊白杯。茶係茉莉花茶黎，茉莉花散發出淡淡的香味幾合適慢慢茗茶。午市套餐選擇唔算多，有啲菜式只有呢間餐廳獨有，價錢尚算合理。低糖紫米豆漿味道一般般，唔算難飲。熱奶茶啱啱上枱個陣比較多泡泡，茶底算濃，質素尚可。花雕醉鷄呢道小食餐廳俾左鷄脾位我地，肉質都幾滑淡淡肉，鷄肉有陣微微的酒香唔會喧賓奪主。但鷄肉份量唔算太多，有啲到喉唔到肺感覺。套餐的鱔糊飯應該是呢間餐廳的招牌菜，膳糊醬汁的味道甜甜鹹鹹好味幾下飯。餐廳用啲比較嫩的芽菜，口感柔軟無乜渣，碟餸都幾多舊鱔魚無乜魚刺啖啖都係肉，鱔皮都爽口。菜飯要加3元，不過個人覺得一般般，因為飯裡面的草青味比較重，要點叫白飯比較好。另一半叫左另一個套餐，拉面湯底都比較清淡，拉面質地唔會太淋都有少少彈性。反而配菜的豬扒有驚喜，炸得好脆味道唔會太鹹，豬扒醬汁甜甜酸酸非常搭。套餐仲有個套餐小籠包跟，小籠包面皮厚度一般，裡面湯汁唔算多，肉餡比較清爽唔會有個陣肥肉的油膩感。作為招牌菜的小籠包味道唔算突出。做返個總結，餐廳環境坐得算舒適，畢竟係老店多多少少有啲年代感。待應反應都算幾快有笑容。菜品味道質素雖然唔太突出但主菜有驚喜，賣相都OK，價錢有少少偏貴。偶然黎呢度都可以試下其他菜式，讚
繼續閱讀
今日公眾假期，冇工人所以嗌外送平台外賣送餐。有人想食雲吞，我又想食辣嘢，結果search到呢間。見個餐牌好多選擇，我哋樣樣都想試，所以叫咗好多嘢食（食唔晒，聽日可以pack lunch)。落咗單之後唔夠1分鐘，我就去OpenRice睇食評，點知見到超級多負評，心諗大鑊，中伏？ 想去cancel張單，但係外送平台話餐廳唔俾cancel。心諗，算啦試吓啦！結果食物嚟到，一啲都唔伏！味道仲好OK！（當然唔會話好食到wow，但係不過不失！）1. 砂鍋雲吞雞（有2粒豬肉雲吞）：👌雲吞有啲浸耐咗，啲皮開始想散，但係味道OK。啲雞湯唔覺有味精（因為我會味精過敏，如果有味精，我會即刻瞓着覺）2. 淨豬肉雲吞6隻 ：👌OK3. 鴨胸夾膜4件：👌鴨胸應該係現成，似西式鴨胸。個飽皮（夾膜）好食，似饅頭嘅味道，鬆軟4. 水煮牛肉 ：👍意外地唔係四川餐館都煮得幾好，佢加腐竹（硬身個隻）掛湯好食，不過如果啲腐竹再淋啲好啲。啲牛係滑牛，幾好。5. 蜜糖豬扒炒拉麵：👎呢個有啲失望。如果個豬扒嘅蜜糖係脆邊,好似欖角生炒骨咁嘅做法會好啲（唔係咁樣樣太saucy)。啲面太淋，如果彈牙嘅話會好好多。6. 京蔥炒羊肉：👌係打邊爐嗰啲雪藏羊肉片，所以有啲柴。但係其實味道幾好。如果個老闆願意用啲靚啲嘅羊，冇咁乾/柴嘅話，下次應該會再嗌。7. 麻辣青瓜海蜇：👍極力推介，呢個堅好食！佢嘅海蜇係 海蜇頭！麻辣正中！8. 蒸銀絲卷👌9. 蒜蓉炒菜心👌（我懷疑個廚師應該係四川人？🌶️佢啲麻辣好食過其他餸🤣）總體評語：唔應該比其他負評影響。我同屋企人都覺得，今餐好彩結果冇cancel到，以後嗌外賣可以多個option！👍
繼續閱讀
上菜慢，店員做嘢懶懶閒，入坐叫完起碼等咗20分鐘。啲嘢食普普通通，未至於難食，但有排都未好到會想令你食第二次，亦冇話好有特色，小籠包個餡係熱但個皮係涼嘅，係咪微波爐叮就自己諗。同埋最低食肆要求都達唔到，因為有曱甴陪你食。
繼續閱讀
人生中食過最難食既炒飯，排名第一，真係未試過食到咁難食既炒飯。炒飯咁難食都真係有D難度。我以為炒飯已經係所有菜式入面最穩陣既一款，無諗過咁都可以出事。請問知道炒飯要用冷飯炒嗎？ 呢間野竟然同我用岩岩煲好既飯炒，炒到爛哂仲要濕，食左一啖已經想嘔，個口感真係好嘔心，好似人地咀嚼完嘔翻出黎既飯咁，仲要調味都好差。同我講蝦仁雞粒炒飯，D蝦極細粒，雞粒勁少，而且仲要無味，三色豆多到我以為自己食緊三色豆炒飯，簡直精彩
繼續閱讀
食咗鮮肉雲吞面，豆沙鍋貼，凍奶茶，收加一食咗100蚊，雲吞好小得4粒，已經係全餐最好食，超市急凍？。。。其次已經係奶茶，普通茶餐廳味，偏甜，都算。加一點好意思收啊，好唔抵食
繼續閱讀
您可能會有興趣的...