五陵會

營業中

休息中

今次慶祝屋企人生日飯，特登嚟咗五陵會，幾多好耐之前都有食過，但果次冇好認真咁食，因為飲醉咗。😂今次終於冇飲醉酒啦，啲食物都好好食。我認為最好食嘅嗰樣嘢係紅燒妙齡乳鴿，一咬落去脆皮多汁，而且每一隻都燒到好均勻，食完自己果隻仲想食埋人哋嗰份。好耐都冇食過啲咁好食嘅乳鴿啦。魚湯雲吞浸學白都好唔錯，雲吞皮好薄，肉餡好多，而且有我好鍾意食嘅竹笙。仲有杞子做點綴，望落去就已經覺得好正啦。清清地啱晒我啦❤️另外，想推薦嘅係佢嘅馬拉糕，因為本人係好喜愛食馬拉糕。佢蒸好咗每人一個，唔會太甜唔會太膩，食完飯再食個馬拉糕都唔會覺得太跩。雖然餐廳同埋佢哋嘅食物望落去好似好一般咁，但食粵菜嘅話就一定係食佢，簡簡單單。

五陵會Part 2焗蟹蓋： 正式少林寺做法，同七福一樣沒有多餘的醬汁扎扎實實地做出一個純蟹肉走蟹柳的蟹蓋，同七福唔一樣嘅地方就係七福脆醬再薄身些少，內裏比較乾身，不能比較邊間好食啲，忠於自己喜歡的味道便可以砵仔焗奄仔蟹粉及砵仔焗魚腸： 兩款做法相若，只是用料不同，個人貪心關係，加上本身潮州怒漢聯乘上海佬的血統，若然可以再多啲蟹粉的話那就更加不得了「笑」魚腸零腥味，食完想同我老婆講我嚟緊我生日做呢個生日蛋糕便可以了，若可以加多少少油炸鬼鋪埋面，再更加辣嘴的話可能會更加有趣客家蒸咸鵝： 肥肥嘅一隻鵝肉質唔鞋，肉質鬆軟，正所謂「食豬要食肥、食雞要食皮、食鵝唔係唔食皮？」可惜本人呢個星期內暴肥一打磅，未能食皮🥹，味道剛好不會過咸堂剪煙燻狀元雞： 除咗台北宜蘭原隻燒雞自己手撕之外，喺香港堂剪真係第一次，好處就係即剪即食，保持第一身味道、如果斬好先攞俾你，咪凍咗囉。睇住啲雞汁漏晒出嚟，淡淡煙熏味，五陵會威威教路呢隻雞識食一定要食雞背，真係驚為天人，為呢個飯局推上另一個反白眼位咕嚕肉： 醬汁唔會搶喉，用上新鮮豬肉，食嘅時候一路潛移默化自己係淑女，如果唔係的話，好想大聲講句「俾個靚仔呀唔該」（笑）上湯

樸實嘅裝修令我對五陵會更加有期待，起碼一定唔係一個「食景」地方，先上三小碟熱身分別係蝦多士，「食落去索索聲」蝦膠爽彈，唔會成口油，子薑皮蛋，子薑做到甜不辣效果，皮蛋有糖心，乾蔥美極骨，炸得香酥而不膩，淡淡美極會從你口腔裏慢慢湧出來，三小碟打開了一個非常好的序幕老虎斑兩味頭炮為芫荽皮蛋肉片湯，每口熱辣辣，先甜得來又不失芫荽獨特的個性，肉片尤如我閨女18個月大的肌膚一樣10分幼嫩，再沾上辣椒豉油，「正」第二道名為吉列斑球，脆醬粉夠薄身，奢侈地用上老虎斑，粟米汁及甜酸汁任君選擇、咬落去連同老虎斑皮，絕對繼流浮山、石屋之後另一港版<Fish & Chips> , 休漁期過後如有機會再會一會的話，我相信將會更上一層樓中間加插一個五陵會威威強勢推介指天椒炒滑蛋多士，食完第一口我心入邊好想和同枱嘅朋友講句「X , 臭㗎，你哋唔好嘥quota啦，等我捱下義氣啦」 嘩好味到呢，我未食過一個咁特別嘅配搭，聽落簡單，其實這道滑蛋顯赫師傅的功力深不見底，通常外邊食到嘅滑蛋，見到有啲蛋汁出到嚟以為師傅煮到半山熟好勁，其實只不過師傅喺最後上碟之前加少少生蛋汁落去營造一個效果，反之呢道菜你可以睇到每

五陵會只招人會員，跟著親戚來嘆美食。蝦多士$68 四件全港最好食嘅蝦多士，蝦滑打得好彈牙，多士炸得好香脆，沒有太多多餘的油。沾上沙律醬，絕配菜圃肉鬆煎米粉$118 四人用好食到唔記得影相，米粉煎得香口，吸晒所有汁，肉碎菜圃菜心做材料，四個人分剛剛好，2 人食的話會食唔晒，一開6 件。古法馬拉盞 $68 四件每次都必點古法馬拉盞或者杏仁茶做甜品。甜度適中，食一粒唔夠喉，買咗八件打包返屋企， 第二朝整返熱做早餐，好滿足。雲吞竹笙菜煲雲吞新鮮即包即煮，非常好味。令人回味的菜式，期待下次再食

今日亞拉牛一，亞哥知我鍾意去五陵會食嘢，專登安排咗係五陵會同我慶生一家人又有機會歡聚食大餐啦首先，上嚟嘅喺炸芋角併琵琶豆腐呢處嘅芋角做得非常出色，要預定，入口鬆脆，裏面加咗少少咖哩更好味，欣賞乾身而且絕不油膩，唔會食完滿口油，成家人贊不絕口琵琶豆腐外脆內軟，食嘅時候醮點特製醬汁或淋喺琵琶豆腐上，培添美味跟住，嚟個湯特濃蕃茄薯仔🐟石斑魚湯 嘩！好足湯料，新鮮石斑為主要材料，加入番茄、薯仔，豆腐、重有廋肉等等去煲，之前，飲過用芫荽、皮蛋、鲜草菇煲嘅鮮魚湯，估唔到今次用番茄、薯仔，煲出嚟嘅湯竟然咁好飲😋絕無「腥味」嘅「濃郁番茄」石斑魚湯，配角陳皮同少量胡椒，提升魚湯嘅色香鮮味超級好飲💯每人飲足兩碗芥蘭祇要菜梗唔要葉，切剩最嫩部分，脆、爽、清甜，班腩厚身，啖啖肉離遠已經聞到大陣花雕香味🍴蟹肉鮮得嚟帶甜味，陳村粉索哂花雕同蟹肉精華，又香又滑鵝掌同花膠最佳配搭🍴鵝掌同花膠都炆得好入味，鵝掌肉厚，唐生菜爽口。花膠喺亞哥私伙，無得彈my favorite 上次嚟食唔到，亞哥知我心意，專登為我預訂，滿足為食嘅我今餐生日飯，好多謝亞哥嘅精心安排，五陵會喺品質嘅保證，每樣菜都好高水準，食完已經好飽同好满足，

復活節假期，無得外遊，聽尊家建議，唔同人迫，祇係抽一日出去食餐飯，叫做散吓心，於是我哋一行四人去咗中環嘅五陵會此處乃私人會所，只招待會員，另外防疫衛生亦做足功夫，重有間房俾我哋，可以放一萬個心😁因為係普通便飯，所以亞哥叫啲家常菜色，呢處大廚廚藝有番咁上下，無論燒、炆、蒸、焗、煮；都游刃有餘是日午餐有1. 鲜魚湯:主要食材有新鮮骨腩，重有芫茜、皮蛋、豆腐、 廋肉、鮮草菇等一齊煲。嘩！好豐富煲出嚟啖湯寧舍唔同，特別濃郁剩係食湯渣已經半飽湯好正，大廚落咗少少胡椒提鮮，飲到個個舐舐脷2. 紅燒班翅煲红燒班翅係呢度嘅招牌菜，班翅新鮮，啖啖肉唔會係雪藏貨色，配合肉絲、冬菇絲、炸豆腐、枝竹同其他配料炆，好入味，雖則味道濃咗少少，但真係好好食食完第二道菜，我已經覺得有啲飽滯，個貼心侍應姐姐即刻幫我換咗杯熱茶消滯3. 香煎脆蝦外脆內軟，蝦肉鮮甜，爽口彈牙4. 上湯浸莧菜雲吞有竹笙、枸杞、菇類，一個頗為清淡嘅菜式，正好清清味蕾5. 鼓油皇乳鴿本想定燒乳鴿，但定唔到，祇好改鼓油皇炆乳鴿，乳鴿肉質豐腴，好食，但個人喜好側重燒乳鴿，不過家姐就話無咁熱氣啝。甜品:生磨蛋白杏仁茶芝麻湯丸侍應問要少甜定甜，我哋揀

因為只招待會員，有幸被邀請參加晚宴。😏雖然天氣不凍，但無礙品嚐蛇羮的意欲。這碗蛇羹蛇肉很多，湯底亦很恰到好處，不錯。欖角豬排，🐷排肥瘦適中，欖角味道香口，送飯一流。粟米斑塊，斑塊肉質吃得出是海魚，而漿粉不太厚配以粟米羮，相得益彰。咸水鵝，非常入味，鵝肉軟滑，正！其他的蒸肉餅，咸魚，蒜香排骨都好好味。最後加埋個生磨杏汁湯丸，杏仁味香，湯丸細滑，簡直係完美！👍🏻希望下次有人再請，可以試埋其他菜式😋😍

秋風起三蛇肥🐍🐍🐍，今天嘆時令蛇羹，蛇肉明顯多過瘦肉，伴以薄脆，菊花，檸檬葉，提升蛇羹的味道！切記一定要預訂！📲欖角豬扒：欖角味濃令豬扒輕微醃製，仍保存豬味，難得！值得推薦的脆班塊：可兩食。漿粉薄薄一片，上枱脆，熱！一點腥味也沒有，魚真的新鮮，配以粟米汁，令口感多了一點滑溜。真的相得益彰！👍🏻或可選配特製醬汁，酸酸甜甜，更把魚肉提鮮！一定要試！美極香蒜排骨：令普普通通的排骨煎得極之香口，且分量十足，忍不住多吃幾件！肉餅煲仔飯：肉餅鬆、香，送煲仔飯+秘製豉油，絕配😋方塊蒜香入去芥籣：時令靚菜！正！不得不提的必定是咸鵝：鵝肉質軟，嫩飽滿，老老少少都可以食到！半隻已滿滿一碟！其他地方未食過這樣出色的！最後的杏汁湯丸：味道清甜，滋潤！完滿的一個晚上！

第二次來到五陵會第一次的印象已經很模糊今次卻令我大開眼界，享受舌尖上的高潮。越簡單的菜煮得越好證明大廚的內功愈深厚，有多道菜都令我食指大動。蔥頭美極炒排骨，簡直令我好想學好這道菜。好懷念那個味道。煎米粉也是異常驚喜之作！好香好脆，軒汁非常匹配。紅燒砂鍋翅也很不錯，只是份量太大，如果每兩個人share一碗就剛剛好了。最吊詭是他的冰鎮吊桶，用花椒冰鎮過夜，一咬落去凍凍的吊桶有着花椒，麻而不辣，好特別啊！

亞哥生日，設家宴於中環五陵會五陵會( Sports Club）係香港老牌會所，上世紀二十年代由一班華人富豪創立，以精美懷舊粵菜聞名之前嚟過幾次食飯，啲嘢食真係無得彈聽亞哥講入會唔易，要資深會員介紹，入會費不菲，家陣已有人滿之患，唔再收會員啦😅由於亞哥係呢度嘅熟客，所以經理俾足面佢，特別開間房，有兩個人服務，經理不時過嚟打招呼，問佢滿唔满意啲菜色！上桌前，有人同我哋分好啲菜，然後送到每人面前當晚菜單如上圖所見……相當豐富😋餐前小食:三小碟香酥芋角係呢度好有名嘅小食，咬下香酥鬆化，食落陣陣芋香  百花煎釀豆角亦係水準之作打開椰蓋，椰香撲鼻，啖湯好甜，但又好清，一啲都唔俗，我連裏面嘅椰肉都食埋好大隻蝦，蝦肉鮮甜，連蝦殼都好好味鮑魚炆得超入味，用刀义切開一塊塊送入口，啖啖肉，腍滑煙韌，味覺一流鵝掌亦肉厚味佳呢道菜好清淡，正好用來中和剛才濃味的食物蒸嘅時間好似耐咗啲，肉質唔夠滑，但整體仍然好食，個豆腐非常之滑隻雞做到皮脆肉嫩，雞肝甘腴食到呢度，已經好飽，無辦法再食個麵啦因為我要留番quota食甜品呢餐飯，成家人食得好開心，祝亞哥年年有今日，歲歲有今朝，福如東山、壽比南山

鐵枴李、漢鐘離、張果老、呂洞賓、何仙姑、藍采和、韓湘子及曹國舅八位仙人自前年於漢鐘離 (由胖虎英雄飾演)的修行暨業宴聚首一堂後便分道揚鑣，雲遊四海。新年依始，承蒙韓湘子(由X O小弟飾演)仙人的鼎力聯繫，成功再次撮合八位仙家聚首一堂來個開年飯局大吃大喝。飯局地點選址在中環的五陵會，取其私隱度甚高之利，八仙大可暢所欲言，無所忌諱。五陵會位處雲咸街，庇鄰港鐵站出口，交通甚為便捷。港人對五陵會的認識，大多只源於香港賽馬會的賽馬活動。五陵盃乃每年賽馬會比賽必爭的獎項之一。其實除了賽馬，五陵會創會之初也有參予贊助各種體育項目，其英文名稱The Sports Club的得名也是由此而來。但至於如何從其英文名稱轉變演繹成五陵會這個的中文名稱，神仙也無從稽考。五陵會實行會員制，入會會費不菲，亦需經現有會員介紹方可入會。不過據悉最近會員數目已幾近飽和，暫時無意招攬新的會員入會。會所範圍不大，設有大廳飯堂及廂房，亦有一個很大的室外露天區。食客咫尺範圍便可以找到吸煙(或歎雪茄)的地方，進行社交聯誼活動十分方便。張果老仙家(由胖虎英雄父親大人客串演出)事先已經跟會所確定了是夜的夜宴菜單。食店走傳統粵菜路線，菜

有親友越洋訪港，大肥爸爸就約喺家人最愛o既「五陵會」設宴為其洗塵。因深知兩位細姪有嚴重花生敏感，大肥早跟經理道出要全席走花生之要求，包括花生油都唔可以用，真係估唔到會所早已有經驗，更任由爸爸隨意預設菜單，並強調廚房師傅會懂得配合，XO仔得悉後亦感十分驚喜，所以決定要在此表揚一番！適逢母親大人壽辰，六口子也飲得特別暢快！椒鹽田雞腿：田雞腿熱辣香口，肉質軟嫩。椒鹽鴨舌：相信大家滷水鴨舌就食得多，唔知椒鹽鴨舌又有幾多人食過呢？！「五陵會」o既椒鹽鴨舌必先預訂，外層香脆，鴨舌軟腍，惹味前菜送酒一流！乾蔥美極骨：細細件o既排骨仔極之鬆軟，乾蔥爆得更是美極了！海哲手撕雞（半隻）：手撕雞幼嫩柔滑，伴上海哲及青瓜絲即能增添爽脆，菜式味香且絲毫不溜，簡單美味。螺頭煲三腳雞湯：三腳湯濃而不俗，香甜足料夠滑身，潤喉又潤肺，超！果皮蒸南非鮑魚：原隻鮑魚不單體積夠大夠睇頭，入口爽厚彈牙，鮮甜可口，無可挑剔。脆炸吉列班球：招牌吉列班球金黃乾巧，第一口咬落先感炸皮鬆化無比，食埋入面件班球更覺魚肉嫩滑非常，絕對頂瓜瓜！苦瓜枝竹豆卜炆淋班頭腩：睇慣細佬啲文都會知小肥只會為有骨代表拍下肉照，而不會細嚐。雖然個人未有食魚魚

晚宴才是主角不試試不知道主厨的拿手菜式公平的評價是要吃了相片中的大菜才是享受冰鎮鮑魚上湯龍蝦生面老雞响螺花膠湯老虎兩味咸鵝都是一流菜色忙記說你要是有會員帶著才能吃得到以前的評價太間單了肯定不是享受了這裡的頂好美食服務人員也是一流

五陵會成立的歷史要追溯到香港開埠時期...據說在二十年代, 香港當時的華籍商人, 証券商和專業人士都以華商會作為主要的社交場所, 而非華籍人士則以香港會作為社交活動中心。當修頓(W.T. Southorn) 出任署理港督時，他認為這兩類人士應該要有機會相聚和進行社交活動，以促進彼此間的友誼。為了實現這個理想，他敦促華商會和香港會的領導層去成立一個新會。由於雙方都熱衷於賽馬和其他體育活動，因此他就命名這個新會為「五陵會」。最初的會所是設於干諾道中的太子行，取其位置正好是處於香港會和華商會之間。當時，會章規定，這個會的會員必須是華籍和非華籍各佔一半。到了1989年，由於非華籍會員逐漸減少，因此便決定撤消這項限制。五陵會多年來一直以會員制度運作，會藉分為公司及個人兩種，會所的宴會廳不算大，只能延開約十席左右，另外亦有獨立房間，供會員作宴客之用。由於老闆是會員，之前已經來過幾次參與宴請客人，是晚重臨是老闆宴請公司同事，在宴會廳延開數席，慰勞答謝同事 宴會廳位於大廈5樓，還附設一個小露台，平台擺放了幾組戶外用的枱櫈，客人可以在小露台的位置抽煙，亦可以把酒言歡，所以深受歡迎。負責統籌這次晚飯的同