五陵會

營業中

休息中

曾有人介紹五陵會，於是我們一行十幾人到五陵會食farewell午餐，菜單之前已預備好，寫菜單已經一肚火，別人二十幾人，我們十幾人，每位價錢相若，但寫給我們的竟然少兩樣菜，而且是大海斑及冬瓜盅!剛坐下來，想要多壺茶，侍應竟然話唔夠茶壺，好滑稽囉! 全部人到齊叫上茶啦，就等20分鐘先有第一道菜上到嚟。最離譜的是，當我們埋單時，在單上沒有寫tips銀碼，名都未簽好，那沒有茶壺的侍應便立即說: 你們或多或少都要俾D tips, 否則好難同公司交代! 請大家評評理，這種服務態度值幾錢?? 我地當然冇俾啦‧咪話唔公平，佢地的食物份量夠，味道好，但請都唔會再去囉，費時食到吐血．

日本妹功成身退，作為東道，點都要食番一餐餞行，問佢想食咩，佢話來香港咁多次都食過好多中國野，今次食番粵菜啦。才醒起呢度的粵菜都唔錯，加上是會所，環境唔錯，清淨一點，亦方便傾計。可惜今日大部份同事都在廣州搏殺緊，所以連老婆大人都要出動來充撐場面，以湊夠半圍六人之數。<br />呢度行會員制，訂位要用會員名，以前check得幾嚴，一定要會員在席至得，不過因為家陣市道唔好，競爭又大，所同大部份中環的其他會所般放鬆了限制，現時已不用會員在席。<br />菜式是家庭式的粵菜，價錢大約五十零、六十蚊一碟，味道精緻，不走大碟抵食的路線。六個人，叫了幾款餐前小食，生汁蝦球、無錫骨、香煎銀雪魚、脆皮雞、梅菜肉鬆蒸茄子同花膠瑤柱海皇羹。餐前小食叫了蝦多士、椒鹽豆腐、炸蝦片及甜合桃。其中以蝦多士最有水準，炸得香脆又不油膩，在面頭的蝦膠亦美味，不可錯過；椒鹽豆腐細細粒，亦是送啤酒的佳品。幾個小菜碟頭不大，但普遍來說都好有水準。生汁蝦球雖然價錢較貴，要98蚊一碟，都係得八隻蝦球左右，但隻隻大大隻，走過油亦上了沙拉汁，面頭灑了幾粒芝麻，肉質彈牙鮮美，香口又好食，值得一試；無錫骨肥廋