574
26
6
| 餐廳: | 班蘭葉印尼餐廳 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵銅鑼灣站 E 出口, 步行約4分鐘
繼續閱讀
電話號碼
31885478
開飯介紹
由印尼人主廚炮製印尼特色小食和飯餐。主打班蘭味食物，班蘭雞尖塔飯更是人氣之選。另外，花膠湯粉皮亦獲不少食客讚賞。
繼續閱讀
營業時間
今日營業
10:00 - 21:00
星期一至六
11:00 - 22:00
星期日
10:00 - 21:00
公眾假期
10:00 - 21:00
以上資料只供參考, 請與餐廳確認詳情
-
網上訂座服務暫停
相關文章
一去到星期日喺銅鑼灣必定會出現人山人海嘅場面，除咗有唔同嘅旅客同埋本地市民之外當然唔少得一大群嘅印傭同菲傭啦，成為咗市區嘅一大特色，😚所以喺銅鑼灣都有一啲印尼餐廳，專程可以體驗一下佢哋嘅食物文化，😉特別係糖街嘅班蘭葉印尼餐廳屹立咗咁耐，而且係非常正宗所以長期都有唔少好奇嘅食客專程來一試🤩正宗印尼咖喱雞— 🍛無論係印度定係印尼咖喱都成為咗佢哋主要嘅醬料，🍛同樣都係以傾向濃郁為重點，辣到就相對調返低少少，同樣都係紅黃色點綴，🍛而佢哋嘅雞同我哋所食嘅咖喱雞最大唔同就係佢哋啲雞相對上係比較淰身，🍗而且更加容易嗦到咖喱嘅味道，無論係雞髀定係雞翼，🍖甚至雞胸都可以輕易咬到，少咗薯仔嘅情況之下，每一啖都係肉非常滿足，仲可以叫多碗白飯愛嚟撈添🍗辣咸魚— 🌶️間唔時見到印尼嘅工人佢哋打地舖買食物，🌶️其中一款就係辣咸魚，同我哋所認識嘅鹹魚如出一轍都係用海鹽醃製將魚體內嘅水份排出剩低落嚟嘅就係最鮮嘅肉質，🌶️就咁食就會傾向太鹹，🐟所以佢哋自己調製咗青紅辣椒嘅汁嚟中和返，鍾意食辣嘅話，🫑呢一個幾有挑戰性，同事都係佢哋嘅特色小食🌶️牛肉沙嗲— 🍢有咖喱當然唔少得有沙嗲串燒啦，佢哋同樣都特別擅長於整沙嗲汁同埋串燒，🍖可以見到色澤上係非常之深潤，因為用咗唔少嘅醬料一邊燒一邊加落去令到食慾更加強，🥩肉質仍然保持濕潤，最緊要係筋根同埋唔韌，呢一點都已經大大加分。🍢另外佢哋嘅沙嗲汁亦都相對濃郁。加埋少少花生落去更加香🥜珍多冰— 🍹以飲品嚟講嘅話椰子類系列都係佢哋出名嘅飲品，🧉呢款珍多冰同泰式嗰種差唔多，但係佢哋嘅配料就用咗斑斕粉條，🧉但有少少雲呢拿香配埋一啖嘅椰汁冰形成幾有震撼而且強味道，🍹底部仲有紅豆，配料落手都唔少，成杯都係比較濃郁🥥班蘭葉印尼餐廳 (銅鑼灣)銅鑼灣糖街1-5號銅鑼灣商業大廈地下B2號舖
繼續閱讀
班蘭葉印尼餐廳 @pandanleafindonesiafood 📍：銅鑼灣糖街1-5號銅鑼灣商業大廈地下B2號舖🚗：銅鑼灣地鐵E出口 步行4分鐘📞：+852 6802-5903💲：~HKD150/head for lunchFood quality✔️：印尼秘製汁燒魷魚、蝦卷、大蘑菇沙嗲三串、牛油果沙冰👌🏼：斑蘭雞飯、珍多冰、鹹魷魚椰漿飯總結：😋一間地道印尼🇮🇩人開嘅餐廳 好多姐姐幫襯 價錢都好抵食 有風味值得一試😋價錢非常相宜 最推薦係大蘑菇沙嗲三串 三大串大粒 沙嗲味勁香 其次必試牛油果沙冰🍧又係大杯到要兩個人分享先啱啱好😋燒魷魚🦑大條 主要兩個醬汁很出色 惹味 蝦卷上枱係熱辣辣 食嗰陣係脆到咬落去下下都有聲 新鮮嘅炸嘢永遠都唔會輸 而且蝦嘅味都幾出😋舖頭雖細但入面裝修都有行東南亞風 門口仲有好多印尼小食 甜品畀你外賣🥡返去當零食 睇落都好吸引 最尾食到勁飽都忍唔到手買咗包蝦片🤔斑蘭雞飯就雞滑 斑蘭飯就全綠睇落較震撼 但食落唔係話好大陣斑蘭味 另外配咗兩個醬 加一碗湯 另外砌成尖尖咁端出嚟都勁有東南亞風情😎🤔鹹魷魚椰漿飯就唔錯嘅 不過我哋有點燒魷魚所以覺得後者出色啲 椰漿飯幾好食🤤🤔珍多冰正常幾好飲 因為牛油果沙冰實在太正所以有對比😂
繼續閱讀
細個比印尼姐姐湊大，所以無意中見到呢間印尼菜嘅時候令我好想試下。本身以為呢啲菜式比較冷門應該會冇乜人，點知要排隊之外，入面都座無虛席，完全係意料之外！原條魚花膠湯粉皮將海鮮攞去燒係印尼菜嘅一大特色，可以見到條魚用咗好多香料去醃，而且條魚外皮燒得好脆，但肉質仲保持得好juicy嫩滑。碗湯雞湯味好香濃，飲完唔口渴，入邊仲有舊花膠同鮑魚。粉皮類似香港嘅腸粉，配埋花膠湯一齊食又嫩滑又滋潤。燒雞斑斕尖塔飯斑斕飯食落真係有淡淡的斑斕味，而且入面見到少少班蘭葉，可見廚師係真係用足材料去製作。燒雞配上一碟甜甜辣辣嘅醬汁，印尼人果然都係食得辣，嗰醬汁嘅辣味後勁好勁。印尼四大天王飯 四大天王包括左巴東牛肉，印尼版海南雞，沙嗲雜菜同埋花生沙甸魚。巴東牛肉用咗牛腱部份，所以肉質好淋好好咬，配埋嘅醬汁好香濃，超好味！另外值得推介嘅係佢嘅花生沙甸魚，食落甜甜地好開胃，撈埋飯食又係另一個特色，總之成碟好多配搭，任君選擇。牛肉沙嗲三串呢度嘅沙嗲串好出名，所以點都要嗌黎試吓。牛肉部位係用咗牛肋條，外皮燒得微微香脆，重點當然係佢嘅沙嗲汁，印尼嘅沙嗲汁比泰式嘅偏甜，入邊有好多花生碎，果然係佢哋嘅招牌！總括而言印尼菜幾有特色又啱食，聽到隔籬位都讚不絕口，願意嚐鮮嘅人士值得去try try。
繼續閱讀
好少喺香港食到地道印尼菜，多謝朋友介紹豆卜沙嗲三串($30)、秀珍菇沙嗲三串($42)、墨魚丸沙嗲三串($48) - 份量十足，沙嗲汁甜甜地勁開胃，花生味又勁香，串燒又燒到脆卜卜，好食班蘭雞半隻($100) - 雞肉嫩滑，仲有我好鍾意嘅杞子，點黑豉油定薑蓉都一樣咁好味馬拉盞炒秋葵($68) - 好特別嘅菜式，喺出面未試過，炒得好香，味道好夾桂皮箭葉果蜜($28)、柑桔冰($28) - 食物味道濃，飲護啲清新解渴嘅飲品就最啱糕點櫃好吸引鋪入面幾骨子，乾淨、闊落、舒服，侍應又有禮貌有好多唔同嘅特色選擇，可以逐啲逐啲逐次試
繼續閱讀
平時成日係銅鑼灣見到呢間印尼餐廳 但就一次都冇食過 今次一於試一試佢🤩🌟炸矮瓜 有四大嚿 矮瓜面有薄薄一層炸衣 脆脆地幾特別 配埋側邊嘅蒜蓉辣椒 十分惹味 越辣越過癮🌶️🥵🌟雞肉沙嗲 及 🌟秀珍菇沙嗲第一次見到有秀珍菇做串燒 又估佢唔到喎 幾好食！雞肉同秀珍菇沙嗲嘅醬 十分match💯🌟石栗馬拉盞炒通菜 份量好多，而且好惹味 少少辣好送飯😍🌟巴東牛肉斑蘭尖塔飯 綠色嘅飯真係好特別 食落有微微嘅斑蘭味 配上甜甜嘅沙嗲醬 送飯一流🤩 牛肉份量都唔少 好濃郁嘅香料味🤩🌟牛骨白鬚牛丸湯 一上台真係俾佢嚇親 有四粒細牛丸仲有一大嚿嘅牛骨肉 真係好大嚿啖啖肉。湯底望落好清淡 但係一入口其實好濃郁 好鮮甜 差唔多飲咗大半碗😍飲品方面叫咗🌟黑糯米特飲 及 🌟柑桔青瓜冰。黑糯米特飲好似真係食緊一個甜品咁樣 會比較飽肚。青瓜嘅清新帶有少少柑桔嘅甘香，好特別 。
繼續閱讀