更多
2024-02-23
63 瀏覽
另一半聽聞呢間西餐唔錯 見到零負評就訂枱試吓本身訂咗8:00 餐廳前一日打嚟要我哋改8:308:30前去到冇咩人出嚟 最後9點幾先入去😨9點鐘啱啱食完出嚟嘅人話7:30入嘅人都未有嘢食😰入到去其他食客都嬲嬲地話自己7:45到仲未有得食😨😨最後有人一坐低話cancel起身走人😂本身好想試佢嘅生蠔 但聽到店員話蠔要等一段時間就冇叫🥲⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰▪️青檸汁醃北海道帶子,蕃茄刨冰及檸味西瓜帶子用青檸汁醃過 令口感奇怪軟腍腍唔鮮甜寧願正正經經俾刺身級帶子我😨西瓜🍉好地地你做咩要整酸佢❓加埋蕃茄刨冰🍧仲有啲牛油果蓉🙃看似新意 幾樣野完全唔夾‼️食完情人節都酸溜溜😂😂(準備定LEGO俾人跪)▪️酥皮焗澳洲翡翠鮑魚伴海鮮蛋黃醬酥皮完全唔酥脆 咬落腍啤啤 (圖5)用叉吉嚟食 隻鮑魚唔係原隻係自動分成3部分🤔鮑魚質感彈牙到不得了 似米線食開嗰啲墨丸…旁邊有一小杯醬汁係冇咩味道▪️鮮蟹肉清湯,黃甜菜泥,萵筍及阿根廷紅蝦溫度只有微微暖 唔凍又唔熱嘅湯 味道算有蟹味紅蝦麻麻地新鮮 肉霉霉哋 又係看似新意 幾樣野完全唔夾俾個普通紅/白湯我算啦🥲🥲▪️烤焗紐西蘭羊架伴榛果脆
本身訂咗8:00 餐廳前一日打嚟要我哋改8:30
8:30前去到冇咩人出嚟 最後9點幾先入去😨
9點鐘啱啱食完出嚟嘅人話7:30入嘅人都未有嘢食😰
入到去其他食客都嬲嬲地話自己7:45到仲未有得食😨😨
最後有人一坐低話cancel起身走人😂
本身好想試佢嘅生蠔 但聽到店員話蠔要等一段時間就冇叫🥲
⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰
▪️青檸汁醃北海道帶子,蕃茄刨冰及檸味西瓜
帶子用青檸汁醃過 令口感奇怪軟腍腍唔鮮甜
寧願正正經經俾刺身級帶子我😨
西瓜🍉好地地你做咩要整酸佢❓
加埋蕃茄刨冰🍧仲有啲牛油果蓉🙃
看似新意 幾樣野完全唔夾‼️
食完情人節都酸溜溜😂😂(準備定LEGO俾人跪)
▪️酥皮焗澳洲翡翠鮑魚伴海鮮蛋黃醬
酥皮完全唔酥脆 咬落腍啤啤 (圖5)
用叉吉嚟食 隻鮑魚唔係原隻係自動分成3部分🤔
鮑魚質感彈牙到不得了 似米線食開嗰啲墨丸…
旁邊有一小杯醬汁係冇咩味道
▪️鮮蟹肉清湯,黃甜菜泥,萵筍及阿根廷紅蝦
溫度只有微微暖 唔凍又唔熱嘅湯 味道算有蟹味
紅蝦麻麻地新鮮 肉霉霉哋 又係看似新意 幾樣野完全唔夾
俾個普通紅/白湯我算啦🥲🥲
▪️烤焗紐西蘭羊架伴榛果脆及酥皮配脆皮薯肉、甘荀仔負💯
因為本身我冇睇餐牌 最接受唔到食落有金莎朱古力入面嘅榛子醬味‼️羊架配甜味榛子醬…呢個配搭唔係個個人都啱☹️
對我嚟講極不討好🙃肉質睇圖9都見到偏老又乾
後面有件披住beef wellington皮嘅羊
酥皮果然冇令我失望 一樣係唔酥脆
最好食係甘筍仔夠甜🥕😂
▪️香草鮮奶浸黑安格斯牛柳伴小牛胸腺及脆薯波
完全冇問我哋要幾成熟…牛肉嚟到又老又乾
口感好韌 似煲湯瘦肉…冇咩牛肉味
旁邊仲有兩粒全黑色嘅薯仔粒⚫️
其他食客一邊食一邊彈😂
▪️覆盆子慕絲釀吉士夾芯伴白朱古力及草苺棉花糖
慕絲釀吉士夾芯令到口感唔夠軟滑 少少死甜
旁邊啲朱古力係生日蛋糕嗰啲糖霜整成
視覺上有啲嘢睇吓 但係變咗冇焦點冇主角
將所有嘢放上隻碟變成幅畫咁😂
我覺得餐廳有花時間設計菜式同擺盤
未知係咪情人節個廚房唔夠人 所以食物麻麻😂
雖然個餐價錢$1199好平 但冇理由錢就照收
俾啲咁嘅食物同服務🤷🏻♀️🤷🏻♀️
最離譜係出餐已經慢 仲要極❗️度❗️混❗️亂❗️
嚟先又唔代表可以飲餐湯先😂我遲過人哋入座飲咗餐湯
原來其他人食埋main又未飲湯😨
完全唔係跟枱出餐 係見到邊個未有就俾人食😂
張貼