SuperNormal (淘大商場2期)

營業中

休息中

今次我去左九龍灣呢邊既牛頭角公園同朋友踢波，近近地去隔離淘大揀左呢間西餐廳同朋友食飯，主打烤豬手同埋烤雞，重點係佢有好多特式手工啤嘅選擇，可以同fd子啤啤佢🍻我地到店舖環境唔錯，坐位餐枱都算闊落，踢完波成9點已經接近last order，所以快速落單，服務員態度好好，值得加分💯白酒煮法國青口（$118）呢個菜最重要係佢調製嘅汁，好香濃，面包浸埋一齊食，好惹味而且仲有啖啖嘅青口味，主食青口肉更加係粒粒好肥滿🦪🦞柚子脆皮豬手（$178）豬手本身已經醃到好入味，外皮又被烤到非常脆，食落口外脆但肉又仲軟淋入味，唔會好乾，仲有肉汁，好好味，食完之後再食埋下面嘅酸菜，唔會食到好滯🐷秘製青芥汁軟殼蟹扁意粉（$152）另外一個主食係叫咗一個意粉，成隻軟殼蟹原隻去炸，香脆有好香嘅蟹味，而佢既意粉煮得亦都十分出色，唔會煮到淋曬，仲有彈牙嘅口感，份量十足🍝最後我地揀左兩杯手工啤酒viven chocolate stout ($64)係啤酒嘅基礎紙上再加上淡淡嘅朱古力味，非常特別🍺小麥蜂（$64） 就係另一種比較清新口味，加少少少橙皮嘅味道，非常適合去配重口味肉食🍺餐廳其實仲有好多其他好味嘅主打菜，同埋特色嘅

生日飯食德國脆皮豬手。.這間在淘大商場的餐廳之前食過一次，印象不錯，是價錢親民有質素的西餐廳。近日看食評知道它推出豬手特價，原價$228，現在只需$178便可以吃到，每天限量20隻，就襯快生日和朋友去試下。🏅脆皮德國鹹豬手有兩種口味：麥啤浸泰式秘製汁或麥啤浸柚子。我們選了前者，辣辣地幾惹味。鹹豬手上碟時已起骨切好，方便食用。外皮看來很脆，急不及待放一件入口，咔嚓！咔嚓！真的很香脆。豬手用麥啤慢煮24小時，保持肉汁，肉嫩不鞋。拌碟有沙律菜和德國酸菜，爽脆清甜，鹹豬手最佳拍檔。初時以為會食唔晒，因豬手來到之前已食完碟意粉。誰知傾下食件，傾下又食件，最後食晒。鹹豬手需要等候，我們先點了個午餐分享，包飲品和湯。🏅蟹籽鮮蝦龍蝦汁天使麵（$88）非常好味！份量又多。蟹籽卜卜脆，鮮蝦仁鮮甜美味，龍蝦汁濃郁，醬汁中還有菇菌、洋蔥、紅椒，口感豐富有營養。至於天使麵，更是滿分，口感滑溜而清爽，吸滿醬汁仍不會過於軟爛，烹調時間掌握得好好。🏅餐湯是蘑菇湯，口感和味道都甚佳。

之前幫襯過呢間位於淘大嘅西餐，主打食德國豬手😋 最近又去食，食物味道依然出色，而家豬手有特價好抵食！環境唔大，裝修幾有特色，平日夜晚差唔多滿座，想食記得book位啦～🔸芥末燒牛肉沙律 $88而家出街食飯都會想叫個沙律，食多啲菜！呢個沙律比想像中好食！牛肉完全唔嚡口，平時燒牛肉沙律嘅牛肉都會比較乾，但呢塊牛肉幾嫩，有嚼勁又唔會太熟，肉味幾濃～ 沙律菜好新鮮，沙律汁清新帶芥末味，唔會太濃，幾清爽！🔸燒羊架(2件) $76呢度除咗大路西餐菜式，仲有好多串燒選擇～ 試咗燒羊架，燒得幾好，羊肉好多汁，唔會乾柴，肉質厚實易咬～ 多黑椒調味，唔會太膻，幾好食！🔸麥啤浸柚子脆皮德國鹹豬手 特價$178主菜一定要叫豬手！用麥啤慢煮24小時，肉質嫩滑又富肉汁，而且豬手皮超脆卜卜！非常好食！豬手起咗肉，好方便食～ 配下酸菜、芥末醬一齊食，可解膩～ 呢個價錢好抵食，仲有款辣味好似都好正！🔸三重芝士安格斯牛肉漢堡 $106呢個芝士牛肉漢堡都係中上水準，牛肉煎得唔錯，唔會太熟，肉汁豐富，麵包鬆軟，食材仲有生菜、番茄～ 芝士量如果再多啲就好！叫漢堡會配埋薯條，份量多，薯味濃，幾好！

聖誕限定！！！放大假鳥，終於有時間寫番食評。 聖誕果排同朋友行過淘大， 發現開左好多新餐廳。 其中一間好評如潮，睇落超有氣氛的一間西餐廳氣氛超浪漫， 暖色既柔光充滿聖誕既氣氛~鋪面好有外國櫥窗既感覺，仲有超大棵紅色聖誕樹.Menu 選擇都包羅萬有，上至焗飯，下至意粉，扒類，漢堡不等。前菜小食叫左度墨西哥粟米片（$96）， 有大大舊cream cheese, 同埋超足料既牛油果醬（guacamole 。 仲有肉醬同拉絲芝士，同埋蕃茄仔， 超多料， 好有誠意啊！💓主菜有三重芝士安格斯牛肉漢堡（$106）， 漢堡超有份量， 有濃郁既blue cheese味，仲有mozarella等等， 同埋漢堡扒超多肉汁， 食落啖啖juice,好好食。另外聖誕點少得鹹豬手（$176），價錢平，超大份， 如果幾個一齊share 就剛剛好。味道還好，係啲肉有少少硬身。今日好凍，就簡左杯暖胃既熱飲， 肉桂檸蜜。 有新鮮肉桂， 味道香濃。三份兩個人份都超飽肚， 其實真係幾抵食， 坐得又舒服。 見都幾多情侶， 同埋啲歌好好聽， 氣氛唔錯, 一定會再尼。

性價比高西餐呢日大大完畫畫，就帶埋細細去湊佢放學，之後唔想煮晚餐，就去附近食嘢，俾啲間餐廳出邊嘅聖誕裝飾吸引咗，入咗嚟食。呢間餐廳裝修有格調。有紅磚牆，有卡位，有普通座位，座位都坐得舒服。墨西哥粟米片（Mexican Nacho）：脆脆的玉米片搭配濃郁的肉醬、香濃的酸忌廉和滑順的牛油果醬，營造出了一個美味的口感和豐富的層次感。肉醬的香氣與玉米片的酥脆相得益彰，酸忌廉的酸味平衡了整體的口感，而牛油果醬的濃郁滑順更增添了一份奢華感，是一道美味的開胃菜。西班牙海鮮燴飯（Seafood Paella）：菜式外觀非常漂亮，打卡一流，！燴飯的米粒飽滿，與新鮮的海鮮完美結合，形成了一個充滿層次感的口味。香料的加入為燴飯增添了豐富的香氣和顏色，十分美味。燒羊架：羊架的肉質嫩滑，搭配炭烤的外皮，帶來一種獨特的燒烤風味。肉質的鮮美與炭烤的香氣相結合，讓人垂涎欲滴。這道燒羊架的烤製技巧使得肉質保持了豐富的汁液，同時燒烤的火候使得肉質更加入味，食完好滿足。燒焦糖菠蘿：新鮮的菠蘿經燒烤後，外皮呈現出焦糖化的金黃色澤，散發出誘人的香氣。菠蘿的酸甜與焦糖的甜蜜相遇，酸酸甜甜，非常開胃。檸檬蜜桃蘋果梳打：檸檬的酸味、

✨九龍灣·SuperNormal✨🔹🔹🔹🔹🔹🔹🔹🔹🔹🔹🔹三文魚凱撒沙律:凱撒沙律的經典配料和鮮嫩多汁的三文魚完美結合，帶來了豐富的口感和層次感。沙律醬的酸甜搭配起初讓我驚喜，隨後又散發出淡淡的薄荷清新香氣，讓整個味蕾充滿了驚喜。柚子脆皮豬手是我第一次嘗試的一道料理，令我驚喜且意猶未盡。皮脆肉嫩的豬手，搭配上柚子的微酸和脆口的口感，讓每一口都充滿了滋味。此外，豬手表面的脆皮令人愛不釋手，咬下去時發出酥脆的聲音，令我愛不釋手。最後是青瓜薄荷青檸梳打，這是一款清爽又怡人的飲品。青瓜的清香和薄荷的清新相輔相成，讓人一喝就感到全身舒暢。青檸的微酸加上氣泡水的氣爽感，令整個口腔都感到涼爽。這三道菜搭配在一起，絕對是一場味覺的盛宴。不僅口味豐富多樣，而且質地層次分明，令人回味無窮。推薦給所有喜愛美食的朋友們品嚐一番，絕對會讓你對食物的期待更上一層樓。🔸🔸🔸🔸🔸🔸🔸🔸🔸🔸🔸▪️美味指數：😋😋😋😋😋▪️餐廳環境：✨✨✨✨✨▪️服務質素：👍🏻👍🏻👍🏻👍🏻👍🏻

見到豬手做緊Promotion，加上餐廳裝修唔錯，就入去試吓🤩🤩 雙色魚子煙三文魚天使面 $138🐟外相吸引既pasta，魚子和三文魚份量十足，係濃郁既醬汁配上爽口既天使面😋😋 柚子麥啤浸脆皮德國鹹豬手 $178🐷肉質鮮嫩，外皮夠晒脆身，仲有淡淡既柚子香味。配上芥末同埋酸菜，無咁油膩之餘仲好惹味！三重奏芝士牛肉漢堡 $106🐂牛肉超級厚身，肉質夠晒鮮嫩juicy，加上濃郁既芝士同埋其他蕃茄配料，啖啖咬落去爆晒汁，仲有好多薯條伴碟，份量十足！

SuperNormal呢間餐廳真係幾好喎! 佢哋位於九龍灣德福廣場,餐廳設計好講究,落地玻璃窗好大好開揚,再配合石壁同木製裝潢,超有高級西餐廳feel!今次我哋各自點咗一樣主菜。我自己點咗佢們出名嘅「麥啤浸柚子脆皮德國鹹豬手」, 原價228，而家每日限量20隻，只要178! 豬手真係無得頂，又香又脆,加埋蜜糖芥末醬,簡直係絕配!我朋友就揀咗「蒜片紅椒藍蟹肉鮮蝦扁意粉」,意粉彈牙,蟹肉肉多肉嫩,超級鮮甜!為咗幫助消化,我哋叫咗杯冰涼爽口嘅凍檸水, 簡直係清新到爆!除左環境舒服之外，服務員亦都好貼心,不時來到我哋身邊,問下我哋要D咩。總之呢間SuperNormal嘅食物,環境,服務都好出色,下次有機會一定要再嚟試下佢哋其他特色菜式!

上次食過呢度既豬手之後念念不忘今次再黎見到原來佢哋既2人餐都幾抵食Dinner for 2 $508包括是日餐湯 + 自家製牛油餐包一款前菜 兩款主菜同兩杯飲品白酒忌廉煮青口青口份量都幾多 每隻都好飽滿忌廉汁順滑濃郁 食落仲有陣陣白酒香柚子脆皮德國豬手每次黎都一定會嗌呢個豬手佢個皮真係超級脆 上枱已經切左起埋骨豬手用左麥啤浸慢煮左24小時肉質有彈性得黎又唔會太硬 蟹肉海鮮龍蝦汁蟹籽天使麵另一款主食可以揀飯或者意粉類蟹肉同蟹籽鋪滿左係意粉面 配粒仲有蝦仁 三色椒同雜菌 口感十分豐富醬汁唔會太濃 天使麵軟硬適中

平時去灣仔都會食燒雞但其實九龍都有好食燒雞！如果要食燒雞啲記住要早啲落單因為製作需要架今次大約半個鐘左右出餐一上檯已見雞隻金黃仲要脹卜卜勁飽滿好多肉上檯已覺超開胃雞皮超薄又燒到香脆一撕開雞肉超級juicy😍連雞胸肉都唔鞋唔乾本來就咁食已經好味再點埋秒製汁就更惹味！好推薦都食得健康啲/鍾意食燒雞人士手打蟹餅一口咬落去全部啖啖一絲絲蟹肉真係覺得食緊蟹肉唔會覺得食緊粉好正！另外仲點左三文魚沙律，清清地balance下炸物

我今日放工後，約同好友去位於九龍灣牛頭角道77號淘大商場2期地下196-199號舖的SuperNormal 食晚餐，環境舒適，坐得舒服。我點左個柚子脆皮豬手$178（原價$228），串燒茄子$18，燒羊架（2件）$76，經典安格斯牛肉漢堡$106，焦糖菠蘿$36。豬手燒得皮脆肉嫩，夾有清香柚子味，好味又好食；茄子燒得好正，多汁好味；羊架真係好好味，肉質嫩滑又好咬口；安格斯牛肉牛味濃郁又嫩滑，口感豐富；好欣賞焦糖菠蘿的鮮甜口感，好好食👍！

如果喺九龍灣、牛頭角活動開嘅，都會知道呢一間酒吧我地都算係常客啦不過近期少左過嚟，前排食咗一次發現有明顯進步🤯所以分享一下d菜式俾大家。1.麥啤浸柚子脆皮鹹豬手每次必點，一如以往，皮焗到好脆，肉又好淋之前佢地介紹過係會醃過夜，所以就算焗完出黎D肉都唔會話好乾好嚡而且隻豬手好咸，啱啱好👍配埋佢地既芥末醬，甜甜地，好好餸酒🍻(佢地D醬唔夠可以叫佢地再俾，唔洗怕羞，因為我地係會狂點醬，係一定唔夠😂)2.酒香燒雞呢樣我地記得係新嘅今次就試下叫半隻，發現原來都好大隻（唔係春雞）佢地特別之處係雞皮有酒香，燒出嚟又都係好有肉汁，夠哂香口😎仲有一點，大家記得要食粟米！🌽食得出好香既牛油味😍呢D小心思，大家唔好當配菜就唔食呀。之後叫左卡邦尼扁意粉一上枱我同朋友都「哇」左一聲，估唔到呢家擺盤咁靚 當然味道上都係好，而唔係得個樣芝士味好香夠哂 Creamy，意粉無煮過龍，啱啱好最後因為我地帶咗小朋友去食就「必須」叫個薯條俾佢開心下😂以前我地會叫漢堡包配薯條嘅，不過食唔到咁多嘢就散叫薯條熱辣辣又香脆唔會食完好油膩咁😋所以我地都好放心俾個小朋友狂食呢度都有手工啤酒叫，不過我地今次就無叫到都係佢地嘅特色之一大家嚟

見食評唔錯，所以預訂座位慶周年，預訂7:30pm, 條約寫明留枱10分。我們7:25pm到達未有枱，明白客人交枱時間難預；等到7:40pm,其實我是不等位的人，如未有訂枱服務，我跟本不會選擇；況且是周年慶，實在唔想等，問侍應，如果唔等離開是否當作取消？他們回覆是no show! 對此回覆，我深表不滿，但又可以以點？為了名聲，我氣憤的等多5分鐘，終於有枱。室內環境淺窄，不是慶祝之選，見花了時間等，唯有一試，叫了豬手及烤雞。出菜時間超耐，我唯有認為是製作需時，的確食物熱辣辣上枱，是真材實料，味道亦是合乎期望，只係服務欠奉，態度欠佳。在這店慶祝經驗不快。

🍔🍔🥘🥘商場附近好多食肆，行過見到有間西餐廳都幾吸引，勝在外面放左好多menu夠多選擇，就入去試下先，果然好有驚喜👍🏻👍🏻酒香脆皮燒雞($108-半隻)燒雞好多地方都有得食，但用酒醺既就比較少見，寫住每天醃製八小時燒雞份量都算大，燒起望落去漲卜卜，食落口真係有陣陣酒香，味道唔錯調味岩岩好，而且雞肉嫩滑，皮好脆👍🏻👍🏻法式鵝肝多士($148)鵝肝多士好香，重點係鵝肝好厚，多士同鵝肝中間夾左菠蘿，一啖咬落口，有鵝肝既香味加菠蘿既酸酸甜甜，去除鵝肝既油膩感👍🏻👍🏻日本刺身帶子龍蝦汁意大利飯($158)香噴噴既意大利飯，意大利飯黎講份量多，濃汁好有效果，但味道好濃但唔咸，配埋厚厚帶子，相當唔錯

人均$200起｜九龍灣｜德國菜｜SuperNormal柚子脆皮豬手柚子脆皮豬手展現了獨特的口感與風味。豬手外層炸至金黃酥脆，內裡則保持著嫩滑的肉質，令人回味無窮。柚子的香氣與酸甜的味道為這道菜增添了一絲清新的風味，使其更加令人愉悅。黑醋鵝肝牛肉漢堡黑醋鵝肝牛肉漢堡融合了高級食材和創意組合。鵝肝的豐富奢華與黑醋的酸度完美平衡，為這款漢堡帶來了獨特的風味層次。牛肉的鮮嫩和漢堡的口感完美結合，讓每一口都充滿了豐富的滋味，令人難以抗拒。芥末牛肉沙律芥末牛肉沙律帶來了一種刺激而清新的口感。嫩滑的牛肉搭配著辛辣的芥末醬，營造出一種獨特的風味組合。這道沙律的口感豐富，芥末的辣味與牛肉的鮮嫩相得益彰，令人一試難忘。西柚檸檬四季春茶西柚檸檬四季春茶是一款清涼解渴的飲品。西柚和檸檬的酸甜與茶的清香完美結合，呈現出一種平衡的口感。這杯茶帶來了濃郁的果香和微妙的茶香，令人在炎炎夏日中感到愉悅和舒暢。——————為食分界線——————📍SuperNormal九龍灣牛頭角道77號淘大商場2期地下G196-199號舖人均消費： $200#mariofatfat #foodie #hkfoodie #hkresta