SuperNormal (淘大商場2期)

營業中

休息中

生日飯食德國脆皮豬手。.這間在淘大商場的餐廳之前食過一次，印象不錯，是價錢親民有質素的西餐廳。近日看食評知道它推出豬手特價，原價$228，現在只需$178便可以吃到，每天限量20隻，就襯快生日和朋友去試下。🏅脆皮德國鹹豬手有兩種口味：麥啤浸泰式秘製汁或麥啤浸柚子。我們選了前者，辣辣地幾惹味。鹹豬手上碟時已起骨切好，方便食用。外皮看來很脆，急不及待放一件入口，咔嚓！咔嚓！真的很香脆。豬手用麥啤慢煮24小時，保持肉汁，肉嫩不鞋。拌碟有沙律菜和德國酸菜，爽脆清甜，鹹豬手最佳拍檔。初時以為會食唔晒，因豬手來到之前已食完碟意粉。誰知傾下食件，傾下又食件，最後食晒。鹹豬手需要等候，我們先點了個午餐分享，包飲品和湯。🏅蟹籽鮮蝦龍蝦汁天使麵（$88）非常好味！份量又多。蟹籽卜卜脆，鮮蝦仁鮮甜美味，龍蝦汁濃郁，醬汁中還有菇菌、洋蔥、紅椒，口感豐富有營養。至於天使麵，更是滿分，口感滑溜而清爽，吸滿醬汁仍不會過於軟爛，烹調時間掌握得好好。🏅餐湯是蘑菇湯，口感和味道都甚佳。