Poke Go (汕頭街)

營業中

休息中

「舞」醉三人組幾個星期前發現灣仔有新店搞買一送一歡樂優惠，原本約咗週五晚收工一試，點知組長喺門外等到五點零三分先被告知店子關門三個月，臨急臨忙就轉咗入汕頭街，喺門面最光亮嘅「Poke Go」續尋歡！地舖簷篷下有幾個室外座，估計係為煙民而設。透過玻璃窗可以見到樓底高高、開揚通爽嘅用餐大堂。正門直入左方位置為開放式廚房及水吧。長櫈上擺出可愛嘅聖誕飾物。夏威夷式魚生飯專門店之前做緊$108兩杯指定紅、白、雞尾酒，不過近日就改咗為全面九折。三人各有各點。飲友教落，樽裝啤酒1664 Blanc永冇出錯。正當舞伴嫌顏值最高嘅小王子雞尾酒「The Little Prince」（$68）唔夠酒精時，坐喺隔離枱嘅老闆Jason哥哥聽聞即安排酒保增添酒精，意見接受後快速反應，實在難得！炸蓮藕片（$48）：唔想空肚飲酒所以求其叫咗客炸蓮藕片，真係冇諗過金黃吸睛嘅蓮藕片係由廚房新鮮炸出黎喎！熱辣辣嘅蓮藕片巧薄不油膩，而且仲脆卜卜，話咁快就食完一碟，結果當然係要追加啦！飲咗兩輪仲比「舞」醉三人組發現炸蓮藕片竟然都有九孔架，哈哈，眼界頓開！灣仔橫街小店「Poke Go」光鮮開揚，老闆幽默親民，不時都會推出全天可享

🍅🌽【 𝐏𝐨𝐤𝐞 𝐆𝐨 】🥒🐟⋄ —————⧫♟⧫————— ⋄識我嘅朋友都知道我係勁鍾意食Poke Bowl💛💚繼Poke Go深水埗、尖沙咀分店後，今日幫襯埋灣仔店，終於成功將三間分店解鎖🔓🎉 佢唯一嘅缺點只係唔近我屋企‼️💔🥹Lunch時段嚟幫襯，門口大排長龍，大家果然都識貨🙈 朋友揀咗Signature Bowl : OHANA，所有配料已經固定好，係廚師認為最佳的配搭👍🏻 不但色彩繽紛，而且健康美味，仲送飲品，係選擇恐懼症人士的福音🤗我決定要自選，由base到toppings、醬汁、調味料，集合晒我最喜歡的食材❤️🥰 推薦鍾意食辣嘅朋友加辣椒碎，味道層次更豐富，好過癮🌶️❤️‍🔥飲品推介紅火龍果汁🩸用新鮮水果打成，絕不加糖，真材實料✨配上店家自己風乾的果乾，超美味又健康👏🏻佢地依家仲有party到會服務，啱晒聖誕節想搞聚會，又想食得健康啲嘅朋友👫🌱⋄ ┄ ┄ ┄ ┄ ❖ ┄ ┄ ┄ ┄ ⋄▪️◾️𝗦𝗜𝗚𝗡𝗔𝗧𝗨𝗥𝗘 𝗕𝗢𝗪𝗟◾️▪️🍅OHANA🥗（$118）（三文魚，沙律菜，櫻桃番茄，溫室青瓜，甜粟米，蜜糖芥末醬，芝麻，果仁）▪️◾️𝗕𝗨𝗜𝗟𝗗 𝗬𝗢𝗨𝗥 𝗢𝗪𝗡 𝗕𝗢𝗪𝗟◾️▪️🐟MAIN PROT

上次食Poke Go已經係兩年前，當時公司正正位於尖沙咀，一落樓下就係Poke Go。而家我已經轉咗工，所以好耐冇食Poke Go，今日請咗小朋友去Poke Go嘅灣仔分店。餐廳裝潢一如以往都係比較簡約，不過灣仔分店多左啲得意既𤩹畫，座位幾寬敞，大約有20個座位。Signature bowl個個都色彩繽紛，令人食慾大增。- OHANA Base揀左壽司飯，其他選擇有珍珠糙飯或沙律菜。三文魚切得好大粒，而且好新鮮。粟米同櫻桃番茄都好清甜，蜜糖芥末醬幾開胃，不過略嫌太甜。- ONO一樣都係三文魚粒同壽司飯，但配材完全唔同：雞蛋絲、蟹棒沙律同青瓜。醬汁都非常多，食到底都仲好有味道。- Hot Latte對比尖沙咀分店，Poke Go而家仲有提供咖啡，不過無拉花，味道麻麻。- Cold Pressed Orange Juice 冷壓橙汁特別鮮甜，上面放左乾果，職員提醒我地一定要食🤣Poke Go既signature bowl依然咁新鮮好味，依家Poke Go仲有推出happy hour，買一送一非常抵🤩

🐟Poke Go 🐟天氣熱辣辣 梗係要食個夏威夷蓋飯喺灣仔囍帖街隔離嘅汕頭街有一間食夏威夷蓋飯好出名嘅Poke Go店員服務態度超好會向每一個客人介紹佢哋嘅特色飯最正可揀一半壽司飯 一半沙律菜咁又食得健康啲 又可食少啲飯冇咁飽 NALU $118以辣味八爪魚為主既夏威夷蓋飯醬料用左辛味蛋黃醬再加埋辣椒碎食落都真係有啲辣🔥 幾正但唔食辣嘅朋友要注意‼️粒粒八爪魚都幾煙韌唔鞋口 軟硬適中仲有又大又圓既櫻桃番茄 食落爆汁味道超甜配埋甜粟米 蟹棒沙律 芝麻同蔥唔經唔覺就食左一碗賣相靚得黎仲健康又飽肚🐟 ONO $118呢款蓋飯既賣相都好吸引醬料用左果仁芝麻醬 撈埋一齊食好香三文魚都好新鮮上面球狀既食物係蟹棒沙律 好得意仲有溫室青瓜 芝麻 同 雞蛋絲令賣相更色彩繽紛 食落個人都開心啲🍊 冷壓鮮橙汁好耐無飲杯咁足料既鮮燈汁Feel到吸收左好多維他命C🥥 100%椰青水好清甜既椰青水 好Fresh

上星期食完個夏威夷蓋飯 好回味🤤 今次去左灣仔Poke Go再食多次😍 我都好鍾意灣仔汕頭街嗰邊嘅環境感覺好多隱世高手喺度開店🤣 一入到餐廳播住陳奕迅 童年回憶都返哂黎坐低店員好細心問下我地有冇食過 因為呢度嘅poke bowl可以自己配搭當然我地緊係揀返Set好 顏色同味道都夾得好 一定無衰😌▫️Ono ($118)🌺係呀！又係我最愛嘅三文魚🤤 揀左壽司飯+沙律菜 個蟹棒沙律忍唔住即刻黎一口😮 配埋爽脆青瓜 好fresh呀😍芝麻醬暫時覺得係最夾的😄佢塊炸蓮藕片好加分 十分用心❤️▫️Ohana ($118)朋友叫左另一款三文魚Poke Bowl果然係Fd子🤣 口味都差唔多呢款用左蜜糖芥末醬 食落酸酸甜甜 車厘茄好大粒又甜 仲有啲nuts添😃Set lunch仲多杯飲品 個冷壓鮮橙汁超推介酸酸地仲有橙肉 佢地仲有冷壓蘋果汁同菠蘿汁 應該都不錯的🤤

成日出街食嘢好唔健康，今晚放工就嚟汕頭街嘅Poke Go食又健康又好味嘅蓋飯！SHOYU AHI ($118) - 吞拿魚、糙米飯、沙律菜、芝麻海帶、和式洋蔥、紫洋蔥、鰹魚醬油、芝麻、木魚絲，食材好新鮮，味道同口感都好豐富好有層次，又清新又開胃ONO ($118) - 三文魚、壽司飯、溫室青瓜、雞蛋絲、蟹棒沙律、果仁芝麻醬、芝麻，呢款食材同樣新鮮，口感爽脆，味道香甜，好好味Poke Go門面同店內嘅裝修都好新好靚，色彩繽紛，感覺好有energy好chill，擺設同佈置有品味得嚟帶點玩味，座位乾淨闊落，環境俾人嘅感覺好舒服選擇好多，賣相吸引，揀預設嘅Signature Bowl又得，按個人口味自己配搭又得，又清新又好味，Happy Hour嚟嘅話Cocktail都有，期待下次再嚟

📍 Poke Go (汕頭街) (灣仔)灣仔汕頭街5-7號地舖做完運動，想食健康d😁所以就黎呢間主打夏威夷風味碗料理餐廳。用新鮮海鮮、蔬果和獨特的調味料🥳又健康又好味😋👉 自選風味碗 (三文魚，沙律菜，豆腐，雞蛋絲，海草，山葵乳酪醬，紫菜絲，芝麻，木魚絲，海鹽，果仁，辣椒碎，脆蒜片)💰$118😋😋😋😋.8/5這個bowl超豐富😋😋三文魚的鮮美，加上豆腐柔軟和嫩滑的口感，真係減肥食都唔會有罪惡感！😆😆而山葵乳酪，辣椒碎和脆蒜片更為呢個bowl增添唔少味覺👅享受😋值得一試。仲可以自選唔同既選擇😋😋👉 808(吞拿魚，壽司飯x糙米飯，沙律菜，和式青葱，枝仁豆，三文魚籽，雜菌香菇，山葵乳酪醬，芝麻，木魚絲)💰$128😋😋😋😋.8/5呢個係signature 之一，這道碗結合了吞拿魚，壽司飯x糙米飯，沙律菜，和式青葱，枝仁豆，三文魚籽，雜菌香菇，山葵乳酪醬，芝麻，木魚絲。全部配料mix 埋飯食真係好滿足，而且份量十足。回頭: yesyesyes，真係健康又好味😋食完好滿足😌peek-go風味碗絕對值得再黎👏🏼👏🏼👏🏼👏🏼👏🏼👏🏼💞

Poke Go 呢間餐廳已經幫襯過好多次尖沙咀分店同埋深水埗都食過估唔到灣仔分店裝修得咁有格調門口已經俾到好放鬆嘅感覺入到去環境好闊落牆身仲有好多好可愛嘅壁畫menu嘅選擇好多有選擇困難症嘅人就可以揀選已經配搭好嘅bowl由於我目標好明確嘅關係，所以我就選擇咗自選而家直接可以喺QR code落單落咗單冇耐之後就好快上咗菜同之前一樣都係咁大碗滿到就嚟瀉嘅節奏我揀咗半糙飯半沙律菜，吞拿魚，豆腐，香菇，蛋絲同埋海帶最後仲揀咗啲小配料，例如杏仁片，木魚絲等等增加返個口感食落去非常清新之餘仲感受到食物嘅原味炎炎夏日冇乜胃口食返啲清爽嘅食物真係好舒服好食得來又營養爆燈吞拿魚嘅營養元素非常之豐富，又低卡好啱我哋成日做gym嘅人食

夏日炎炎好多時候無咩胃口，有時諗起美國既一碗Poke Bowl，有好多沙律菜同魚生，食落開胃又解暑，不失為解暑好方法。同老公有選擇候群症，決定叫兩個signature bowl，由店家幫我哋組合。Nalu:有八爪魚、壽司飯、粟米粒、蟹棒沙律球，食落八爪魚粒粒好有彈性，配合甜甜地既粟米清甜味、番茄仔既酸，一口會有好豐富既味道，脆又爽又甜既組合幾自然同fresh!ONO:個醬汁係果仁沙律醬，所以會好香堅果香，同三文魚既油脂相得益彰，配埋粒粒青瓜，係夏日既感覺。個人比賽中意呢度，因為可以安靜地享受完個飯，同埋有不一樣既魚生體驗。

每次黎都會叫808，吞拿魚同三文魚子配上山葵乳酪醬，好味到前面有幾隻蚊飛黎飛去，蚊子陪足我成個lunch，叫極佢走都唔肯走，想ME TIME都唔得。不過呢間嘢好旺，午飯時間排晒長龍，記得啊，Lunch 得45 分鐘咋，上次我差唔多食完，女職員先走黎提點我：「你夠鐘返工拉，打工仔」。

同朋友灣仔買嘢，肚餓想食嘢，經過汕頭街呢一間餐廳，之前食過深水埗嗰間分店都幾好食，就過嚟醫肚灣仔分店比深水埗分店多咗酒精飲品，收工想摸吓酒杯底就非常適合上次喺另一間分店食過吞拿魚嘅配搭，今次就專心食三文魚，叫咗ONO同OHANA, 因為我同朋友都鍾意牛油果🥑，所以on top再加咗，牛油果配埋魚生飯真係無敵！下午時間仲有嘢飲送，特別推薦椰子汁，真係好似新鮮椰子嘅味道😋😋同埋都要再次讚一讚，可以選擇醬汁另上，自己可以調節口味，唔怕醬汁太濃味，清淡少少又得👍

今日行經灣仔囍帖街，突然想起朋友介紹過喺附近有間著名的夏威夷蓋飯專門店，抱著試新嘢嘅心態走去探店。呢間食店位置都算容易找。店內裝修已休閒風格為主題，餐廳除了室內，還有室外坐高櫈的位置，絕對適合放工後Happy Hour兼食個健康的夏威夷蓋飯。今日選了鎮店的Signature Bowl, 其實餐廳重可以任顧客自由配搭的Own Bowl，不過我第一次嚟探店、必定試佢哋嘅signature bowl。🥄 今日選了SHOYU AHI , 裡面有吞拿魚、芝麻海帶、和式青蔥、紫洋蔥、鰹魚醬油、芝麻、木魚絲配上壽司飯吞拿魚肉質鮮嫩，油脂適中，搭配芝麻海帶，既能增添一絲海帶的鮮美，又能讓芝麻的香氣和口感與吞拿魚相互映襯，和式青蔥的加入，其辛辣與甜味能中和吞拿魚的油膩感，紫洋蔥的口感甜脆，帶有一種淡淡的甜味，而鰹魚醬油使要整個飯更加美味可口。🥄 另外選了個OHANA, 裡面有三文魚、沙律菜、櫻桃蕃茄、溫室青瓜、甜粟米、蜜糖芥末醬、芝麻、果仁配上壽司飯三文魚作為主角，其肉質鮮嫩多汁，口感滑嫩，沙律菜的清爽與三文魚的鮮美形成了美妙的對比。櫻桃蕃茄的酸甜與溫室青瓜的清脆相互呼應，增添了更多層次感。而蜜糖芥末醬

Wanchai do have a lot of healthy options like cafes the offer salad, but they do not usually operate at dinner, Poke GO would be my healthy options to go for dinnerSuper glad that finally there is an amazing poke bowl restaurant in Wanchai! They offer a large variety of options to customise your own bowl, I like the combo that they allow you to have half rice and salad.Their salon is so rich of fish oil and fresh, and I like their sauce, it matches so well with all the ingredients

之前已經食過Poke Go另一分店，見友人話想食健康啲，即刻帶佢嚟灣仔分店試試！餐廳設計以休閒風為主題，牆壁上畫上可愛又得意既公仔，坐位上仲放上軟墊，坐得好舒服，餐廳除咗室內仲有室外座位。餐廳有6款Signature嘅沙律碗，而我同友人就選擇咗自選Own Bowl，岩曬我呢啲咩都想食嘅顧客😋！▫️自選Own Bowl $118Main Protein: 三文魚Base: 沙律菜Toppings: 青瓜、粟米、麻醬豆腐Dressings: 辛味蛋黃醬（醬另上）Seasoning: 果仁、木魚絲、紫菜絲▫️自選Own Bowl $118Main Protein: 三文魚Base: 沙律菜Toppings: 青瓜、芝麻海帶、麻醬豆腐Dressings: 辛味蛋黃醬（多醬）Seasoning: 果仁、木魚絲、紫菜絲、辣椒碎、岩鹽、脆蒜三文魚食得出好新鮮，而且大大粒，係滿滿嘅蛋白質😋今次我同友人嘅Base都簡咗沙律菜，夠曬清新！其實除咗沙律菜外，仲有壽司飯同珍珠糙飯選擇！而配料我地都簡咗豆腐，口感超級細滑，仲簡咗粟米，好健康！友人就選了海帶，好爽滑！醬汁方面，我哋就簡了辛味蛋黃醬，係辣辣地嘅蛋黃醬，

爸爸好鍾意食魚生, 佢成日都說媽媽去試下夏威夷碗飯, 今日我地終於去左灣仔試下⭐️Poke Go 菠蘿魚⭐️由於媽媽第1次試, 店員好好人介紹我地可以試咗佢嘅指定款式先. 餐廳用QR code落單, 有得揀全部都係飯/全部都係菜/半飯半菜, 今次我地都係叫左全部都係飯. 連醬都可以DIY份量, 不過我地第一次試所以都係揀咗正常份量.媽媽之選 - SHOYU AHH吞拿魚+壽司飯+芝麻海帶+和式青蔥+紫洋蔥+鰹魚醬油+芝麻+木魚絲爸爸之選 – ONANA三文魚+壽司飯+櫻桃番茄+溫室青瓜+甜粟米+蜜糖芥未醬+芝麻+果仁我地覺得2個都好好味, 對於第1次試夏威夷碗飯嘅媽媽黎講都好易接受, 比起日本菜嘅魚生飯有更多嘅層次, 口感好豐富. 如果下次再食, 想試下自選配搭🫶🏻 另外, 都想推介下佢哋個菠蘿汁🍍媽媽好鍾意呀, 連放係杯邊個塊菠蘿都可以食架👍🏻 有興趣可以留意埋夏威夷碗飯組合同Happy Hour優惠🫶🏻Poke Go 菠蘿魚 (灣仔店)📍G/F, 5-7 Swatow Street, Wan Chai📍灣仔汕頭街5-7號地舖