🍲 潮藝館 🍲 朋友話想食呢間高級潮州菜 餐廳裝修設計雅緻寬敞 有吧台位置又有獨立房間 先叫左杯白酒加小食 後來再點了花茶 鴨屎香單叢茶 甘醇味濃 茶壺有蠟燭的熱力保持溫度好貼心 🐽 韭菜豬紅 呢道菜係必叫打冷之一 這個醬汁味道豐富 微辣 豬紅軟腍入味唔會腥 好快就清曬 🍲 紅燒潮州翅 燉湯碗好精美 底部有火力加熱 食到最後都係熱辣辣 好正 紅燒潮州翅的湯熬煮數小時 濃稠而且綿滑 入口啖啖魚翅真係好正 🪿 獅頭鵝片鵝腸 又係必叫打冷之一 滷水汁味香唔太咸 鵝片夠厚肉 而鵝腸爽口彈牙 🦴 意大利黑醋骨 選用意大利黑醋黎做醬汁 酸味較甜味重 食落好開胃 排骨炸到外皮脆 肉質仍然軟稔 🧁 桂花糕 兩朵花旁邊有花瓣 打卡啱曬 顏色都好靚 食落涼涼的 好香桂花味 完滿的晚餐

🔥牛一哥韓式燒烤放題🇰🇷 聽講旺角新開咗一間由正宗韓國廚師主理既韓國燒烤放題 性價比幾高 $168 食兩個鐘！ 韓式燒烤放題（午市）$168 (11:30-15:30) 限時120分鐘 去到門口已經比佢個橙色同木色裝修吸引左 睇落簡潔舒服 而且個裝修都幾闊落 好多空間 一入門口右邊有飲品櫃任君選擇 想飲熱嘢隔離就有養生紅棗茶同大麥茶 再行入小小就有雪櫃同自助配菜區 有大量自家泡菜選擇 旁邊亦有前菜同熟食 如沙律、雜菜、炸物同韓式煎餅等 樣樣賣相都唔錯 望到已經好想食 🥩 肉類九宮格 入面有安格斯肥牛、美國LA牛仔骨、奧米加青衣柳、五花腩同蒜香雞翼等 肉類總括嚟講都好新鮮而且無雪藏味 大推韓式醃製豬牛雞羊都好入味 吸曬醬汁夠曬juicy 如果整韓式生菜包肉就記得加埋個包飯醬 無得頂呀🤭 🦑海鮮方面都好新鮮 Encore左個辣魷魚同青衣柳好多次 落單點肉仲見到可散叫正宗韓國菜品 韓式蛋拌生牛肉絲、醬酒蟹、韓國鰻魚同韓牛肉眼扒等 如果人多加餸真係一流 🍦甜品 最後最後當然唔少得甜品啦 最吸引係有個任拎嘅雪糕 入面全部都係香港製造雪糕牌子叫CoCoBerry 啲口味好特別 好想試曬佢啲味呀 例如富貴黃金果,玄米茶,菠蘿椰子等等 係呢到可以實現雪糕自由啦😍

🥔薯仔屋電影餐廳 🎥 呢間餐廳個名好得意呀 原來係聯同Cinema City開設以電影為主題既餐廳 外面養左鸚鵡同彩色雀仔 仲有夾公仔機同玩具角俾細路玩 🥬 鐵板黑椒汁肉眼扒配薯菜 肉眼扒都幾大塊 外層煎到少少金黃色 食落肉質滑嫩 識食一定鐵板上 倒黑椒汁時滋滋聲好好吸引呀 薯條係我鐘意既粗薯連皮 份量都幾多 點埋茄汁同黑椒汁好食 🍔 美國安格斯牛肉雙層芝士蘑菇汁漢堡配薯條 中間安格斯牛肉好厚身 咬落好Juicy好有肉味 配上雙層車打芝士加蘑菇汁 呢份粗薯仲有熱溶芝士係上面 真係食到停唔到口呀 🍹 韓國柚子雜果梳打 天氣咁熱飲柚子梳打就最啱啦 柚子梳打唔會太甜又夠凍 清爽消暑 同埋有啲雜果肉食下 幾正 🍨 西班牙雪糕咖啡 第一次飲雪糕咖啡 咖啡味都幾香 仲可食到軟滑香濃既雪糕 等雪糕溶左同咖啡一齊飲又得

💎富寶會所私房菜🍲 開左宋皇臺站之後都未去過果頭 今次我老豆話帶我一齊去九龍城探索下 咁我就book左同佢地食私房菜 Btw九龍城真係好有舊香港既Feel呀😍 仲有好多好西食添🤤 🐽冰鎮咕嚕肉 第一次食冰鎮既咕嚕肉感覺好得意 將熱辣辣嘅咕嚕肉放喺冰上面 食落外凍內熱 好似冰火兩重天 但記得快啲食先有呢個Feel 份量都幾大份 除咗菠蘿仲有蜜桃添 🐟清蒸海東斑 蒸得岩岩好 用蔥薑辟曬啲腥味 魚肉夠滑 好鮮味 我淨係食腩位😳 而魚頭魚尾慣例都係俾老豆食埋 因為佢要拎個意頭 好頭好尾 🥠潮式炸豆腐 以前細個我媽媽成日都會整 簡直係回憶中既味道 鹹鹹香香咁 食落外面脆脆地 而入面既豆腐嫩滑 鐘意既可以點埋韭菜鹽水 🦐白灼海蝦 雖然呢款海蝦唔算大隻 但食落蝦味好出 而且肉質彈牙 食私房菜嘅好處就係咁 可以提早預約 咁餐廳就可以提早準備 自己又食到最新鮮嘅食材🤤 自從疫情之後都冇係傳統酒樓同親戚食飯 依家有得聚番餐 呢間都幾岩同一大班親戚食飯 除左食物唔錯 呢度仲有麻雀枱 諗起都手痕呀 Btw我上網睇到有人話仲可以自訂句子 餐廳會放出去個大mon果到🤣 勁Firm

熊小館🐻 帶姨娚女去MEGA BOX睇戲之前先醫肚 係戲院同一層既熊小館都幾多座位 食物又多選擇 熊既公仔同擺設有好多 我地坐個張枱都有兩隻好可愛嘅熊仔 仲可以一邊食野一邊睇住人溜冰 🐷 蜂蜜味BBQ 燒豬仔骨配白飯 $87 豬仔骨有四條骨都幾多肉 肉質軟腍好易切開 蜜糖醬都唔少 甜甜地好開胃 配菜有栗米翠肉瓜 +$3 要凍奶茶 升級優惠有湯有甜品有小食 我+$9 要個雪糕球做甜品 👧🏻 兒童餐 肉醬意粉 芝士雞尾腸 牛油粟米 小熊啫喱 雪糕波波 $88 一次過滿足哂主菜小食甜品既要求 主菜既肉醬意粉份量都幾多 小熊啫喱最吸引 姨甥女第一時間食左 另外叫左杯橙汁熊熊 熊仔形狀既冰塊好舒服咁訓左係杯橙汁上面 好得意

☕️ Cafe Roma 🏖️ 放假梗係要去探索吓香港啦 今次係我第一次去馬灣😍 同啲細路去完挪亞方舟之後 就bookmark左要食呢間Cafe Roma 因為上網睇相 睇到間Cafe連埋個沙灘 仲有啲沙灘玩具俾啲小魔王玩 咁佢地就可以去放下電 我呢啲長輩又可以me time下 太好了 🍝 傳統意式肉醬意粉 我鐘意呢種食偏硬身既意粉 配埋香噴噴既牛肉醬伴自家製番茄汁 灑上大量嘅磨到勁幼細既巴馬臣芝士 好重芝士香味既肉醬意粉 好正 🐟 意式紙包焗海鱸魚 呢款焗海鮮好特別 用牛油紙封住黎煮 除左海鮮既味道唔會流失 仲令醬汁更易融入 除左有主菜鱸魚 仲有新鮮大蜆同澳洲新鮮青口 食落都好新鮮又大隻同最緊要無沙 🍵 甜心暖飲 - 龍眼杞子蜜 我家姐要飲啲養生野 叫左杯龍眼杞子蜜俾佢 龍眼既清甜出到黎 杞子又明目 飲完好潤☺️ ☕️ 熱朱古力咖啡 朱古力味好香 又帶啲咖啡味 一邊睇咁靚既風景 一邊歎杯Mocha 真係好舒服🤤

🔥八木橋日式燒肉🥩 天氣凍冰冰就好想燒肉啦 去完旺中行街之後就去左TOP食八木橋 因為呢排佢地做緊三週年套餐優惠 任食生蠔A4和牛特盛放題 勁抵！ 提提你要早3日經online網上訂座先可以享受到3週年限定優惠 仲可升級至4小時用餐時間添💖 （星期五、六和日＋$20） 💎 任食日本A4五品和牛 💎 任食刺身級生蠔(熟食） 💎 任飲Asahi啤酒 💎 任食Haagen Dazs 餐廳裝修偏日系 座位坐得好舒服 可以同朋友舒舒服服咁樣坐低食野傾計 一定係All In A4黑毛和牛 呢個plan仲可以試曬唔同部位 三角腩/肩胛肉/肉眼蓋/五花腩等等 最鍾意食A4黑毛和牛三角腩 油脂分佈均衡 望落係網狀油花 一入口啲和牛味出曬黎 超正 啲刺身級生蠔好大隻 比目魚西京燒都好食 魚肉好滑又無骨 叫埋味淋魚干 配啤酒飲就最正

坡椰坡囉咪 🧙🏻 坡椰坡囉咪‼️好得意既舖頭名🤣 同朋友係灣仔行完街就諗起呢間星馬菜 🥘 娘惹喇沙配羊扒 $73 揀左摻摻 鐘意佢一半米粉一半油麵 食落有雙重口感 湯底椰漿味濃 勁掛湯 啲魚片彈牙 豆卜吸曬啲汁 食落好濃郁 有幾款小食可以揀黎配餐 加左$16 就有兩塊羊扒 勁抵 咬落厚肉又juicy 煎到外皮有少少脆 而個羊味好香 🐮 咖喱牛腩 $78 揀左新加坡咖喱 咖喱香濃惹味 辣度岩岩好 而牛腩份量都好多 用咖喱餸飯幾時都係咁開胃 🫔 小食拼盤 $198 岩曬有選擇困難症嘅我 唔使揀一次過試曬咁多款小食 有春卷 咖喱角 蒜香雞翼 蝦餅 全部黎到都係熱辣辣 食落好香口又足料 🍵 凍爆泡拉茶 (套餐+$15) 好大杯 仲要啲泡湧曬出黎 造型好特別 啱曬我打卡 飲落杯拉茶好濃好香滑 正 想飛番一轉星馬🤤 仲送左老火湯 好正

🥩 牛気 🍲

知道希慎間牛気終於裝修完即刻去食下先
個裝修真係幾靚 坐得又舒服

一入門口左邊有雪糕&飲品自助區
右邊一大個甜品櫃 & 熟食區
中間就有丸類同新鮮蔬菜等
再入小小有醬料自助區
真係超多選擇呀

有Lv 1-6嘅餐可以揀 選擇困難症又發作😆
最後揀咗Lv 5澳洲極上和牛+海鮮放題$438
揀完之後店員拎咗兩隻得意達摩公仔嚟
原來頭200個book位有得送
超lucky🍀 讚好埋社交平台仲送埋御守添🥰

分店限定嘅北海道海鮮湯配松葉蟹腳拼盤
一嚟到梗係試飲咗個湯底先
湯底勁正 仲好有層次
除咗赤味噌外 完完全全感受海鮮嘅鮮味👍🏻上料果陣真係嘩一聲
兩個大木盤圍住個爐 夠曬華麗
打卡呃like一流🫶🏻 仲有日本和牛送🥳
木盤上面有澳洲和牛/安格斯/牛舌/雞頸肉/雕魚片/牛骨髓同鮑魚
兩種和牛各有各好食
澳洲和牛就比較重牛味
而日本和牛就夠曬油花味😋 私心推介埋個希慎限定嘅日本特選牛肩胛肉眼 油花均勻 入口即化 🤤
值得一提個雞頸肉 出面好少見到會有雞頸肉 雞頸肉超好咬口
另外 烏雞卷都好出色

海鮮拼盤（蝦/鮑魚/松葉蟹腳/螺/帆立貝/青口/鮮魚片）
大大隻嘅松葉蟹腳食到 lam lam脷👅
螺同鮑魚又夠彈牙
鮮魚片絕對夠曬新鮮 一啲都唔腥 魚味濃郁最最最最後 當然唔少得甜品放題
除咗自助區行幾轉拎北海道蜜瓜卷/大福/雪糕等
仲叫埋店舖限定十勝紅豆豆乳冰豆花同奶蓋白肉丸子
滿滿嘅日本北海道feel
一次過滿足曬甜品胃

埋單發現原來1730前各套餐仲可以減$40
仲可以download app儲分拎coupon
CP值極高😍

Station 3️⃣☕️ 我男友話搵左間有boardgame玩既靚Cafe Station 3 裝修以白色為主 座位坐得好舒服 燈光又夠 而且張枱夠曬大 堅岩玩Boardgame 勁岩一大班朋友一齊黎玩 🍝 煙三文魚忌廉蕃茄醬扁意粉 $132 擺盤好靚 用煙三文魚砌左個玫瑰花出黎 拆開左之後 啲煙三文魚都好大塊 配埋意粉食勁夾 而扁意粉硬度適中 忌廉番茄醬濃稠度岩岩好 勁掛汁 食落酸酸甜甜 好開胃 💎 黑松露帶子鮮菌燴意大利飯 $128 意大利飯都煮得幾好 外面腍得黎入面又有少少咬口 黑松露味好出 配埋少少芝士既咸香 帶子雖細細粒但有好多粒 +$38仲包埋沙律同蛋糕添 🍰藍莓芝士蛋糕 芝士蛋糕好挺身 食落都幾香芝士味 🍰法國朱古力芝士蛋糕 仲吱左啲朱古力醬做裝飾 蛋糕層次分明 朱古力味好濃 🍹水蜜桃乳酪 飲落酸酸甜甜 幾refresh 🧉死神 可樂 ＋朱古力雪糕 好懷舊既飲品😍 簡直係重拾童年回憶～ 以前細個好鍾意篤個雪糕落去 就會有啲泡泡出黎 再食啲泡泡就會甜甜地🤣