Goobne Chicken (The Hart)

營業中

休息中

想食韓式炸雞嘅時候🐓我一定係推介去Goobne Chicken，雖然係連鎖餐廳，但佢啲雞永遠都keep 到水準👍🏻😳韓式雞蛋卷 $148雖然呢間餐廳出名食烤雞，但我個人覺得佢嘅蛋卷都係超。超。超出色😍係就算食過好多次都要再去食嘅程度🤏🏻入面有青瓜🥒醃制咗嘅紅蘿蔔🥕午餐肉🐽芝士🧀出面包咗層紫菜🍙然後最外層就係3層雞蛋皮，雞蛋皮甜甜哋，入面嘅陷料爽脆同酸酸哋，食落超夾，再加埋啲醬汁一齊食，簡直係錦上添花，熱辣辣食最正🔥🌟甜辣烤雞  +  蜜糖蒜香烤雞 $248終於到咗萬眾期待嘅烤雞，睇個賣相已經好吸引，餐廳好貼心咁有幾款半半烤雞，咁就可以試2 款味，唔洗成隻都係同一隻味咁單調🙆🏻‍♀️甜辣烤雞🍬🌶️好開胃，有少少辣味令到烤雞冇咁漏👍🏻蜜糖蒜香烤雞🧄上面有啲炸蒜，脆卜卜，好好食，加咗蜜糖令到烤雞蒜味冇咁重🍯呢間啲雞全部都係用烤焗嘅形式煮，冇炸咁熱氣同油，又可以keep 到啲肉juicy，啱哂口痕想食炸雞但又怕肥嘅女仔🤣.呢間係我其中一間好鍾意食嘅韓國餐廳，鍾意食炸雞嘅你一定唔可以錯過佢呢間嘅烤雞，更健康，更juicy，食得更放心🤣❤️

在尖沙咀金巴利街一帶，有很多韓國餐廳今次朋友介紹，叫我必須試這一家食完之後，真的沒有介紹錯，這家唔錯的韓國餐廳，同樣在尖沙咀赫德道，位置鄰近尖沙咀站和尖東站，交通方便整體價錢唔貴，十分大眾化，食物種類都比較多，食物味道幾好味，他們的炸雞味道真係好正，我哋揀咗雙併的，另外炒粉絲也好好味，蛋捲係有估唔到的好味，芝士鍋唔怕肥就可以叫，味道真係好正整體餐廳的食物性價比高侍應服務都幾好雖然沒有甜品，但是他們歡迎你帶生日蛋糕，並沒有切餅費

呢間Goobne Chicken真係超級正!我每次嚟尖沙咀都要黎呢度打卡食啦!韓國老闆同職員真係好有feel,服務態度好親切就係佢地既位置好容易搵!由D1出口行5分鐘就到囉,喺The Hart商場2樓都好快就見到!就咁易搵,即使baby地理差都冇問題啦!我最鐘意佢地個雙拼烤雞!一次可以試到兩種味道,真係好過癮呀!上次我就叫咗個甜辣味同果味蒜香,滿足爆錶啫!強烈推介無骨烤雞啊,好方便唔使啜骨,直接大口啖啖啖!皮脆肉嫩,入口即化,仲唔係油炸既,安心好多添啦!啱啱,佢地芝加哥pizza都係頂級之選啊!必定要試下佢地個蜜糖BBQ款,拉絲拉到都係一個幸福感啊!底就係我最鍾意嗰種厚身款,一睇就想入口啦!務必要熱熱食啲先啊! Salad都係神級水準!地中海檸檬沙律個醬汁,絕對係灵魂之選啊!新鮮時令蔬菜配埋果肉醬汁,啱啱好滋味,吾錯啦!仲要留意兩款佢地人氣特飲啊,鯊魚之淚個造型超有質感,檸檬蜜桃味涼快清新;Somersby蘋果梳打酒味都唔太重,飲落好似果汁咁啊!

We booked a large table on a Saturday night and was very sad to see the restaurant being so quiet.We ordered -ginseng chicken soup-Korean fried noodles -spicy rice cakes -Caesar salad-seafood pancakeLastly for the famous chicken, we ordered half half honey chicken and soy chicken, boneless. Also a cheese chicken bone-in.Firstly, the Caesar was surprisingly very nice, fresh and great portion. The Korean noodles was nicely seasoned, chewy texture, it was delicious that we ordered a second. The sea

好吃！UFO芝士火锅🛸给每一块炸鸡都穿上了厚重的美丽的芝士新衣🍗，炸鸡吃完还有没吃完的芝士🧀。虽然每一口是热量炸弹，但是吃的脸上洋溢起笑容韩式鸡蛋卷很懂我！🫔完全没有一粒米，纯纯是绵软厚实的鸡蛋包裹着小料，让丰富的口感在口中层层递进📌每一份菜分量都蛮大的，尤其是那一大锅芝士，一下子就能顶住

踏入這間餐廳的一剎，就俾佢地嘅招牌蜜糖咖喱巴沙雞和海鮮班戟吸引住眼球。👀 頭盤海鮮班戟厚厚哋一大片，入面包含咗蝦、魷魚同蜆，雖然食落有啲厚重，但份量正啱，海鮮嘅鮮味同蔥嘅爽口感，令人食完仲想再黎多啖！仲有個意外嘅驚喜就係唔油膩，塊面脆脆哋，真係揼得👍🏼。入正題，蜜糖咖喱巴沙雞，真係一絕！雞肉鮮嫩，溏心到不得了，外皮烤得金黃糖香四溢，咖喱味食落唔會太辣太搶鏡，仲有蜜糖嘅甜味作平衡，棒！😍每一啖都係想用心去細嚼慢嘗嘅滿足。最後送上黎嘅免費醃漬小食，簡單清新，為咗之前的油膩感洗涮一番，味道提鮮得嚟不過不失。這家餐廳㗎，份量、口感和調味都做到恰到好處，淋漓盡致地將平民美食提升到既親民又有格調嘅層次，值得一試！🍴

好食到震。。。無限回頭鐵板芝士炒年糕🌶️🌶️年糕鬆軟彈牙搭配濃郁的芝士醬汁和辣汁非常好食，融化左既芝士使得每一口都散發出濃郁的奶香味道，另外中間有公仔麵，麵質吾會太硬太軟系整得剛剛好，每一條麵都掛滿辣汁食落非常爽呀芝加哥薄餅薄而酥脆的餅皮配上濃郁豐富的芝士層，口感豐富，每食一口都系滿滿的芝士和奶香，芝士控的你一定要試試蜜糖蒜香烤雞(有骨)雞肉經過烤製後，烤雞外皮香脆，肉質嫩滑非常juicy超級香，香濃醬油加香甜蜂蜜既烤雞配有炸蒜片一齊食超正，夠哂滋味鯊魚之淚杯上插着條小小嘅鯊魚，賣相非常吸精，酸酸甜甜非常開胃

🐔喺咁多間韓式餐廳裏面，我最鍾意就係呢間，每次心情唔好/心情好好（我講曬😌）嘅時候，一想食韓式嘢就會諗起呢間！由我第一次食開始，佢已經榮升我嘅𝒄𝒐𝒎𝒇𝒐𝒓𝒕 𝒇𝒐𝒐𝒅榜首🥹🩷今日繼續去食炸雞，獎勵自己！我哋兩個人嗌咗C-U UFO 芝士火鍋（無骨） ($288)、韓式玫瑰醬炒年糕 ($165)同埋藍橙沙冰 ($58)，全部都大份好食，正！記得我哋當時太肚餓，喺芝士未開始融之前已經想蘸芝士😚店員見到我哋蘸唔起，即刻上前講解+落手幫我哋，服務態度真係好好🥹🩷

星期六晚尖沙咀周圍都係人，呢一間韓國烤雞位置不在大街，仲要係樓上店，人當然少啲，座位唔迫，我哋坐咗露台個位，開揚但有冷氣，舒服😄我哋兩個人選了個套餐，抵食又大大份果味醬油蒜香烤雞：蒜頭味好香，一口咬仲滿滿肉汁，正宗皮脆肉嫩，一隻接一隻停不了口👍🏻蜜糖BBQ芝加哥薄餅🍕：薄餅皮是酥皮，層層酥脆；內涵有薯仔、芝士，香香甜甜好開胃，不過真係幾飽㗎😉最正就係醃蘿蔔可以無限天食，用嚟解油膩一流，食件雞就食幾塊醃蘿蔔，就是最好嘅配搭😁😁

以前去Goobne chicken 會覺得烤雞係好食，但總覺得環境同餐牌都up up dup dup，今次去感覺餐廳經營好咗✨換晒全新餐牌，野食超好食><🩷蜜糖蒜香烤雞 (有骨) $205嚟到Goobne chicken 烤雞係必點，仲要一定叫有骨雞！蜜糖蒜香味勁香、醬汁濃濃蓋住烤雞嘅每一吋，而且雞肉肉質鮮嫩，仲有肉汁係入面的，超級好食😋比小編之前食開嘅果味醬油蒜香烤雞更好食～烤雞仲要感覺比炸雞健康得多！😆🙌🏼Goobne 蜜糖BBQ芝加哥薄餅 $208超級軟熟，佢唔係普通嘅pizza 薄餅，而係好似平時食雞pie 個底咁，好香脆，加上驚人份量嘅芝士！每啖都拉絲🤌🏼好食係好食，但食一兩塊已經覺得膩，女士們吃的話要揾多幾多人喔🫶🏼藍莓韓式米酒 $58/glass白桃韓式米酒 $58/glass藍莓味好飲好多！啖啖藍莓🫐似smoothie 多過米酒，勁好飲😋📍Goobne Chicken (V Point ) (銅鑼灣)銅鑼灣登龍街18號V Point 25樓

同其他炸雞店唔同，Goobne主打健康烤雞，啱晒做gym嘅我，啲烤雞不經油炸，都可以保持嫩滑香脆的口感，食完都唔會有咁大罪惡感甜辣烤雞 + 果味醬油蒜香烤雞 $238甜辣烤雞甜甜地，又辣辣地，超級惹味，外皮香脆，一啲都唔油膩，雞肉又好嫩滑，推介果味醬油蒜香烤雞味道好fresh ，果味配埋蒜香好fresh ，味道酸酸甜甜非常醒胃，雞肉嫩滑，食落去啖啖肉，每舊烤雞都沾滿醬汁，食完大滿足韓式雞蛋卷$148雞蛋卷入面有蟹柳、青瓜、腌蘿蔔、餐肉同芝士，雞蛋卷好厚，蛋味濃郁，上面放有蕃茄醬同蜜糖芥末醬，令雞蛋卷味道嘅層次更豐富芝士炒年糕 $165炒年糕上面有滿滿嘅芝士，仲有魚糕、公仔麵同埋雞蛋放喺鐵板，放咗一陣先食都仲係好熱，食到最後芝士都仲有拉絲效果鯊魚之淚 $88鯊魚之淚真係好啱打卡，有一條鯊魚公仔喺杯嘢飲入面，呢杯係雞尾酒，都送烤雞好 Match ，可以消除油膩感📍Goobne Chicken尖沙咀赫德道4號The Hart 2樓❤️價錢：8/10❤️味道：10/10❤️服務：8/10

呢間之前睇韓劇都見過嘅韓式烤雞店，無睇錯係烤雞，唔係炸雞😛 但呢到嘅烤雞都做到外層脆脆地，食落又無咁熱氣，所以今次帶咗兩個讀緊小學表妹嚟食，以下係4大2小嘅份量，食咁幾多野，而且都幾抵食~~•🥢蜜糖蒜香烤雞 $218蜜糖包住烤雞，烤到外層少少脆，入面嘅雞肉仲好滑好juicy，上面嘅蒜片都好香，一齊食都無好大罪惡感😌 全份烤雞應該有1隻雞，都有唔少肉，啲骨又唔會好碎👍🏼 而且餐廳有提供即棄手套，食落都方便！•🥢韓式雞蛋卷 $148雞蛋卷份量幾大，有10件咁多，雞蛋代替飯捲住醃蘿蔔、青瓜、火腿、蟹柳同腐皮，仲加埋芥末、茄汁同千島醬，但食落好輕盈，無飯卷咁飽~•🥢鐵板海鮮煎餅 $125煎餅煎到面層少少脆，仲用鐵板熱住無咁易腍同凍👍不過就覺得海鮮粒粒比較少，同埋主要都只係得魷魚粒🫣•🥢 卡邦尼炒年糕 $155唔係好正宗嘅卡邦尼，係韓式嘅忌廉卡邦尼，有啲煙肉一齊煮，都幾香～ 有意粉有又年糕，係滿滿嘅澱粉質😆 而且年糕條好煙韌，有咬口，唔會好腍。•🥢 韓式炒牛肉粉絲 $135呢個炒粉絲都幾豐富，除咗牛肉，仲有啲蔬菜絲同菇炒埋一齊，粉絲係比較粗身，都好易咬，不過就濕咗啲啲，如果炒到乾身啲就更好啦~•

Goobne Chicken在香港總共有6間餐廳。今次到訪尖沙咀分店，環境寬敞，服務亦到位。❈ 半半烤雞：甜辣烤雞 + 果味醬油蒜香烤雞 HK$248半半烤雞是一個很好的選擇，因為同時可以享受兩種美味的烤雞，只是半半烤雞只限有骨雞。甜辣烤雞是以香甜帶辣的秘製醬料調味；而果味醬油蒜香烤雞是混合了蘋果檸檬醬汁和蒜香加上秘製醬料調味，兩款烤雞都香脆多汁，好味。❈ 鐵板泡菜煎餅 HK$115泡菜煎餅是以泡菜煎成餅，口感酥脆，而且放在鐵板上維持溫度。❈ 韓式玫瑰醬炒年糕HK$165炒年糕是韓國的傳統美食。這個韓式玫瑰醬炒年糕， 以特製玫瑰醬鎖住油膩，甜辣適中，年糕口感Q彈，好味！❈ Somersby Apple Rita HK$88這杯外型獨特的瑪格麗特雞尾酒是以蘋果酒加上酸甜清爽的冰沙制成，好適合夏天飲。

今次一於同大家分享下我早排去咗食嘅呢個韓式嘅芝士烤雞啦～🍗UFO芝士火鍋呢一個UFO芝士火鍋有六種口味嘅雞俾你揀，分別係1️⃣果味醬油蒜香烤雞2️⃣三重芝士烤雞3️⃣甜辣烤雞4️⃣韓式BBQ醬煙燻烤雞5️⃣蜜糖香滑烤雞6️⃣火山烤雞我今次就揀咗有骨嘅三重芝士烤雞同埋甜辣烤雞～首先講吓三重芝士烤雞，基本上佢呢一款雞就係醃好咗嘅雞然之後放啲芝士粉上去，就咁食落去，唔加拉絲芝士試下原味，肉質係幾鮮嫩嘅，口味亦都啱啱好，之後再加埋個芝士火鍋入面嘅芝士亦都係另一種感覺，不過食耐左感覺就會比較膩，佢哋亦都有提供一啲醃蘿蔔俾食客解膩～然後再講下甜辣烤雞，只要你食過韓式嘅食物基本上都會想像到呢一種甜辣味係咩味，佢就係烤雞上面佈滿住韓式嘅甜辣醬，甜甜辣辣嘅味道好吸引人繼續食落去，肉質同頭先講過嘅三重芝士烤雞冇乜分別，只係由芝士味變咗做甜辣醬嘅味道，不過呢款甜辣烤雞配上芝士火鍋，反而更可以凸顯出呢個芝士火鍋嘅特別之處，拉絲芝士減輕左甜辣烤雞嘅辣度，但有令你同時食到輕微嘅甜甜辣辣，又食到濃濃嘅芝士味。環境方面因為我係夜晚9點幾先去食所以唔算多人～唔會坐得好迫夾，不過就鋪面就唔覺得有特別用心去裝修。另外佢有提供手套濕紙巾等等嘅物品比

情人節好似要post一啲情人content應景啲ヾ(*´∀ ˋ*)ﾉ❤️除咗祝天下有情人終成眷屬，亦都祝單身嘅朋友快啲搵到另一半～如果冇嘢做其實可以睇下《社內相親》，好似已經做完好耐不過覺得套劇幾搞笑🤪 因為呢套劇有插入到Goobne，所以搞到我都勁想食個社內相親套餐($388)(❛◡❛✿) 自己覺得呢個餐都幾抵食，兩個人食可能有啲飽，如果有個大食啲唔怕滯嘅另一半都不妨一試👩🏻‍❤️‍👨🏻呢到嘅烤雞已經食咗好多次，今次呢個社內相親烤雞(甜辣)都烤得好好，外面微微脆，雞肉嘅肉汁鎖晒喺入邊🍗辣度對於唔食得好辣嘅我嚟講，屬於啱啱過到癮嘅程度🧡 蜜糖 BBO芝加哥薄餅，一拉起就見到激多芝士超邪惡呀🥰 批底牛油香比較重，似酥皮個種texture多過平時傳統dough pizza🍕上面嘅蜜糖烤雞都焗得唔會好柴😛 加埋啲薯仔粒真心好邪惡😚 呢間其實自己都食過幾多次，算係由我7年前一開始食，到而家擴張咗唔少，水準仍然keep到嘅韓國菜🇰🇷加埋呢個勁抵嘅餐，真心冇理由唔推介🙌🏻🤑