Goobne Chicken (The Hart)

營業中

休息中

一家四口去睇燈飾前食好西老公收工話佢揀咗間炸雞喺赫德道我一個人拖住兩個小朋友（2歲及5歲）好彩好近港鐵出口由尖東站N1出口U turn步行五分鐘就到分叉路口前右手邊入大廈搭𨋢上二樓原來係Goobne ，正！我老公識揀吖😏我地（閒日）六點半左右去到唔使等位但走嗰陣已經超多人等緊我地叫左四樣嘢1）地中海檸檬沙律個檸檬汁好得 唔酸但有檸檬味小朋友lam曬脷沙律菜好齊種類仲有橙同西柚有四隻蝦左右 好足料下2）韓式雞蛋卷跟住上蛋卷煎蛋包住青瓜 黃瓜 紅蘿蔔 餐牌寫有芝士 但食落唔覺有咁 哈哈個韓式泡菜醬汁只係微辣 易入口 但辣少少3）蜜糖蒜香烤雞啲蒜片好脆好香 我開頭未食邊夾住邊懷疑過係咪蝦餅嗰類但真係蒜片嚟嘅蒜頭控表示非常滿意個烤雞外脆內嫩個蜜糖醬汁好味到非筆墨可以形容大家去試啦4）韓式炒牛肉粉絲食完烤雞已經極飽食咗好少最後打包第二日做午餐大人就覺得好好食不過有黑椒小朋友覺得有啲辣

晏就去開尖沙咀， 咁想食韓國野就去左Goobne, 因為旺角好食 咁我就坐定粒六都認為尖沙咀都好食， 點知， 少年你太年輕了首先嚟咗芝士蛋， 呢個好好食！然後嚟咗甜辣雞set 可能叫咗無骨啦，口感麻麻哋 味都係麻麻地 熱度都係中規中矩但係印象中旺角就係好好食～至於員工方面可能晏晝時分啲客比較少 佢哋就比較chilli~不過有部分員工好好人～全日唔方便都會幫下你 你要嗌佢哋都要睇彩數 聽到就聽聽唔到呢你真係食自己算😂 因為攞隻碟好難攞😂😂😂

韓國過江龍Goobne chicken黎左香港咁多年依然保持高水準 仲越推越多款式👍🏻1）🍯蜜糖香滑烤雞烤雞比炸雞無咁熱氣而且肉質嫩滑蜜糖甜度岩岩好夠得唔夠味配埋蜜糖芥末醬 一流😋仲有得簡有骨無骨 勁貼心！2）🌶香辣炒年糕由於兩個人嗌兩樣都有啲多我地簡左無芝士 唔會好快滯年糕煙韌 配上辣醬入面仲有韓式粉絲 魚糕 雞蛋！份量十足3）🍓士多啤梨沙冰🧊沙冰打得好細 唔會成日咬到冰粒成杯野亦唔會太甜解渴一流😆

八點幾帶左幾個同事去食，一心想食炸雞飲啤酒，落單果陣叫左幾次職員，有個女職員應左我地兩三次，就係唔過黎，仲示意其他職員佢接左，唔洗過黎幫手，好啦，等左5分鐘，終於埋單埋到附近，肯幫我地落單，咁我地就等食啦。如是者等左半個鐘，連酒都未上，我地又餓，所以叫人check下單，睇進度。奇怪既事發生啦，有個男職員同我地解釋，我地張單同隔離檯交換左，所以未有食物上，即係人地可能食左我地啲野食，叫我地不如講一次落左咩，幫我地盡快跟進。我地覺得離譜，因為隔離檯上錯野會出聲，而且我地都應該會上人地檯既野食，但由始至終都冇，男職員堅持話想同我地落多次單保證會有野食上，咁我地又唔係搞事既人，都係餓，想快啲食晚飯姐，好啦，再落單啦。然後5分鐘左右就黎左啲酒，咁我地以為應該冇意外啦。點知坐到安心出行顯示逗留左1個鐘（你要知用餐只有90分鐘），成60分鐘都未有野食，會唔會太過分，然後我地太餓決定走，職員即刻解釋話野食出緊，好快會上，我地堅持走，職員再解釋話幫我地落單既女職員收左工，我地張單無從稽考，再落單時交待廚房要做我地啲野食先，點知因為冇相同既菜整緊，所以無法優先出菜比我地（我地叫左蛋捲、炸雞、沙律、魚糕，真

今日又同朋友去咗尖沙咀食最鍾意食嘅烤雞，覺得韓式炸雞或者烤雞來講Goobne係最好食！Goobne 原味烤雞拼蜜糖香滑烤雞 $238之前有試過蜜糖香滑烤雞覺得好好食😋今次就想再叫番蜜糖味，但又想試吓其他口味。見人地食原味會跟配3隻吾同的醬汁，分別有韓式辣醬、芝士醬和蜜糖芥茉醬！個人就最喜歡食蜜糖芥茉醬，點完原味烤雞令到雞肉又嫩滑又惹味😚😋鐵板煙肉芝士蝦仁炒飯 見到佢哋有呢個新出嘅芝士蝦仁炒飯就好想試吓，滿滿嘅芝士圍住中間嘅煙肉蝦仁炒飯，將炒飯同埋芝士撈勻之後一齊食非常好味😻佢嘅蝦仁非常鮮甜，而且份量都好多韓式雞蛋卷 $148韓式雞蛋捲見到相都非常之吸引，佢嘅雞蛋捲係巨大化咗，你平時食開嘅蛋捲會大嚿好多，而且份量都非常之多。雞蛋卷嘅配料都非常之多入面包左有午餐肉、青瓜、紅蘿蔔和雞蛋等等，非常豐富令到個口感都好多層次😆

食過幾次，水準依然👍🏾所有食物嘅分量都比想像中多同大份，點咗分無骨烤雞，外皮唔係好脆個啲 但超好食！雞夠嫩🤤卡邦尼炒年糕超級出色！卡邦尼嘅味道好出，唔會食落無味，食完先發現卡邦尼年糕原來都可以咗好找食！雞蛋卷嘅價錢雖然貴啲，但味道都特別好好食😋😋值得一試

聽講goobne出左新menu，朋友介紹話三重芝士好正，一定要試！連我平時唔太中意芝士，食左都覺得好正，大家絕對值得一試！.▪️韓式雞蛋卷$148賣相吸引，一啲都唔馬虎！香滑嘅雞蛋包住餐肉、紅蘿蔔同芝士，▫️UFO蕃茄奶油炒年糕 $298需時較耐，提供埋gas爐，保持微熱既溫度！👅中間既係非一般既炒年糕！三層既芝士瑪蘇里拉、車打同grana padano 芝士令件事唔同左🤤口感層次都十分豐富!看似平平無奇的脆麵包球，加上軟蒜香忌廉更是非食不可！

今日同朋友嚟到尖沙咀分店食雞，我諗都唔使多介紹，goobne係韓國第一炸雞品牌，最近亦喺香港不停開新分店，聲名大噪😍 Half&half 「韓式BBQ醬烤雞+蜜糖香滑烤雞」$238🍗咁多種口味真係好難揀，好彩有得揀兩隻口味雙拼🤣 雖然叫做韓國炸雞，你會以為好肥膩，不過其實係烤雞黎。呢間嘅雞比出邊嘅做法較為健康。雞件不經油炸，雞件會喺烤焗嘅過程之中，將油分逼出。再加上雞件經過挑選，揀咗雞髀同雞胸部份，較為低脂，食落一啲都唔肥膩。整體而言就可以做出較低熱量嘅雞件😱 啱晒追求健康，但有時又想食下邪惡嘢嘅朋友仔🤭雞件外層香脆，沾滿醬汁，雞肉嫩滑，肉汁牢牢鎖緊。兩款醬各有特色，bbq醬較濃味；蜜糖醬較甜，個人就鍾意蜜糖醬多啲😋韓式烤牛肉粉絲 $128 🍴無論係牛肉定係粉絲嘅份量都十足。韓式粉絲爽彈。烤牛肉鮮嫩，易咬唔鞋口。除咗牛肉，仲加入左大量嘅配料，包括八色蔬菜：紅椒、青椒、蘿蔔絲⋯ 好豐富！整個粉絲充滿着麻油嘅香味，色香味俱全😊想同朋友食下韓國炸雞，坐得舒舒服服，傾吓計，呢間會係好好嘅選擇😎

點樣食推介✨⭐️非油炸韓式烤雞⭐️⭐️尖沙咀韓國菜⭐️Goobne Chicken 地址：尖沙咀赫德道4號The Hart 2樓🍖辣炒年糕湯 $145 (7.8/10)依個係goobne chicken嘅新菜色🤩，終於可以係goobne chicken食到辣炒年糕，真心味道好正宗，夠曬辣同甜，仲有勁多魚片同洋蔥😝，年糕都夠曬煙韌，不過唔食得辣嘅朋友可能就要小心d🤣，佢辣到我d鼻涕流曬出黎，但真係好好食🥰🍖韓式bbq醬醃燻烤雞+蜜糖香滑烤雞 $238 (7.8/10)唔知係我錯覺定點，食左幾間goobne chicken嘅分店之後覺得尖沙咀店嘅烤雞係最好食😙，兩隻味嘅雞都勁入味，外皮脆得黎又索曬d醬汁嘅味道，bbq醬偏甜勁惹味，蜜糖味都一樣好食🥰，店家仲會比兜bbq同蜜糖醬你額外點，完全唔係擔心d雞唔夠醬！回頭指數: 🍧🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️🧎🏻‍♀️ (滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️）

今日同個friend想食雞揀左Goobne去到等咗一陣先有位相比上次去荃灣分店排左差唔多兩個鐘今次算好幸福😆😆揀咗half half 原味同蜜糖香滑烤雞另外揀咗個鐵板海鮮煎餅呢度嘅Staff係着緊魷魚遊戲嘅綠色運動衫感覺好有趣我哋安排坐響角落位置 兩邊有玻璃 感覺好開揚炸雞好多味都想食！但佢上炸雞嗰陣有連同埋三個醬汁而且本身啲雞都已經好入味所以都滿足到我嘅願望佢係烤雞唔係炸雞所以整體上食完都唔覺好熱氣唔使咁Guilty，哈哈煎餅煎得幾香口，食到入邊啲粒粒海鮮雖然用鉄板焼，但佢唔會煎到好油膩

🇰🇷🇰🇷韓式炸雞絕對係一樣久唔久就會想食嘅嘢而Goobne 嘅烤雞絕對係我心目中韓國雞嘅數一數二 今次去左尖沙咀店食 店員都換上左魷魚遊戲參賽者456嘅制服 同埋上個星期食已經有聖誕樹 氣氛好好🍗Goobne 原咪烤雞+韓式BBQ醬烤雞 $238黎goobne 烤雞一定係必點 呢到嘅雞有別於其他炸雞店係用烤焗而成 成落比較健康兩款雞肉質都好嫩滑 有齊雞翼雞髀雞胸 啖啖肉 食到停唔到口🐔原味烤雞配有兩款醬汁 甜醬同芝士醬 個人比較鍾意甜醬 點完都仲食到烤雞原味🍖韓式BBQ醬烤雞 香甜惹味 唔夠醬嘅朋友仲可以點🍺Terra 啤酒 食烤雞當然要配啤酒 今次揀左韓國啤酒Terra 算比較light嘅啤酒🧀鐵板芝士煙肉蝦仁炒飯 $128呢個係新菜式 ❣️超級邪惡 鐵板面冇滿滿嘅半溶嘅芝士 撈嘅時候芝士拉絲可以拉到好高好高❣️❣️炒飯餡料有不少蝦仁煙肉 同芝士撈埋 雖然好肥 但真係好正🤤🤤🤤上面仲有煎蛋同蟹籽 撈左入炒飯之後增加左口感🫕好想食UFO烤雞 但已經好飽 下次再食😋

我覺得「Goobne Chicken」真係好啱我呢啲鐘意食炸雞又怕肥既為食鬼。呢間韓式烤雞專門店既雞件全部都不經油炸，無咁熱氣又唔肥膩。雖然係用烤既方式處理啲雞，但係依然做到外脆內嫩，同炸既一樣香口惹味。黃金脆烤雞，有少少既咖喱味，烤雞外酥脆，真係一啲油膩感都無，烤雞附有兩種漿，一款甜甜地，另一款就似沙律醬，各有特色。韓國傳統泡菜煎餅，煎餅比較厚，唔係粉漿多，係泡菜多呀，煎餅香口，食到泡菜既酸酸辣辣，好開胃。啲店員着住魷魚遊戲既服飾，好特別。

之前食過依間嘅烤雞，印象唔錯，今次再同朋友嚟食dinner~ 果味醬油蒜香烤雞🍎蘋果檸檬醬酸酸甜甜，蒜味唔算十分重，非常開胃，雞皮烤得金黃，雞皮嘅油份都逼咗出嚟，所以薄薄地好香脆，不過裏面嘅雞肉依然好嫩滑多汁。上次食過有骨嘅香滑蜜糖烤雞，今次食依款無骨嘅，覺得更加juicy，味道方面依次嘅果味醬油蒜香就會濃味一啲🧄炸醬炒年糕🥘Menu新加咗幾款年糕菜式，朋友唔想食辣，所以揀咗炸醬炒年糕上面隻太陽蛋超靚，年糕煮得軟糯而不失彈牙，炸醬食起嚟唔會好鹹👌

Goobne鮮蝦芝加哥Pizza🦐🍕 +果味蒜香烤雞🍗🐥 太耐無食炸雞，就約朋友去Goobne Chicken到Chill下，今次試左呢到好Hit嘅Goobne鮮蝦芝加哥Pizza🦐🍕 初初以為細細個點知原來都好足料， 每一塊Pizza上面都必定有至少一隻蝦，再加埋佢個芝士餅底，岩晒我呢個芝士控，外圍好酥脆， 批底仲加咗意大利蕃茄醬，面頭再加埋包辣醬就更加正~ 嚟到呢度點可以唔食呢度嘅雞🐥， 今次就試左果味蒜香烤雞🍗， 店員話呢到係一隻雞嘅份量，而且起曬骨，啖啖肉， 肉質嫩滑又juicy， 蒜同蘋果果醬味都勁重，加埋檸檬成件事就變得唔膩😋推介👍🏻 Goobne Chicken#天天飲食_銅鑼灣#天天foodies 評分：8/10 #goobnechicken #韓國炸雞 #炸雞 #chicken #hkig #偽食家 #相機食先 #手機食先 #一路食一路post #食好西 #hkfoodblogger #foodblogger #全力食 #日日食 #ilovesharefood #foodphotography #foodphotos #hkfoodies #instafood #偽食

好耐冇食烤雞，又好掛住Goobne d 雞，就叫埋朋友一齊去食啦😙😙鐵板軟芝士蜜糖咖哩烤雞 ($198)🐓🐓之前黎食都係淨食烤雞，今次見到呢個連芝士上既覺得好吸引，即刻叫黎試下😋😋配搭嘅仲係我最鍾意食嘅咖哩蜜糖味添，加上芝士會有多一重口感，有啲配芝士，有啲就咁食就冇咁單調啦😉😉砂鍋魚蛋/魚片湯 ($150)🍲🍲天氣凍除咗食雞之外都想飲番個湯，同行嘅朋友好鍾意食韓式嘅魚糕😄😄所以我哋就揀咗呢個魚蛋魚片湯，入面有好多款唔同嘅丸類同埋魚糕，配埋啲湯暖暖地幾啱呢個天氣食呀😛😛📍 Goobne Chicken (The Hart) (尖沙咀)尖沙咀赫德道4號The Hart 2樓#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #hkfoodie #hkfoodies #food #foodie #foodstagram #foodblogger #berryfoodie #berry尖沙咀 #韓國菜 #炸雞 #魚糕湯 #芝士