8鍋臭臭鍋 (金巴利道)

營業中

休息中

作為一個春夏秋冬都可以打邊爐的香港人香港打邊爐中日台的選擇都超級多～～而當中又分放題還是點餐如果有follow開應該都知道我經常去食這一間🤣雖然都喜歡放題式超多選擇但有時想簡單來個快速邊爐跟朋友吃吃喝喝這一間真是首選🌟🌟🌟除了如果人流不多一般兩個人有機會直接坐四人枱之外即使人流多的時候職員都會盡量分開不同客人跟朋友聊天都不用感覺太擠逼在吃方面一般直接點每人一個邊爐+飲品已經可以超滿足而今次朋友多點了一個滷肉飯味道都不錯不會太咸/ 太膩重點是飯粒還保持到粒粒分明而不會太硬🍚雖然對女仔來說一個邊爐+細飯分量有點多都值得一試～

天氣好似轉涼又係時候要食D暖身嘅野😌尖沙咀嘅呢間臭臭鍋有一人鍋，份量剛剛好，又有多款鍋底可以選擇👍🏻晚市有套餐，一個自選鍋加飯或粉絲$119🌟藥膳羊肉鍋 呢款鍋除左羊肉外，有超過15款配菜，包括娃娃菜、豆皮花枝卷、貢丸、淮山、沙白、粟米、金菇、枝竹、豆腐、木耳、蓮藕、鳴門卷等，樣樣都有D，岩晒我咩都想試D嘅人😂湯底係藥膳湯，飲落有D藥材味，但唔會苦，仲幾甘甜，好補身🤩🌟古早三杯鍋幾有驚喜嘅鍋底，配菜有雞肉、紅椒、雞脾菇、沙白、粉絲、魷魚圈、牛肉、甜不辣等十幾款，湯底係麻油、米酒、醬汁溝製而成，甜中帶咸嘅味道，幾特別😋🌟葡萄柚綠茶 $34有綠茶嘅茶澀味加上粒粒嘅葡萄柚果肉，飲落唔會太甜，解渴一流！

未試過食臭臭鍋朋友成日推介 今日就黎試下先🤣🔸招牌臭臭鍋 小辣白豚肉 鴨血 臭豆腐 大腸 王子麵一人一鍋，份量剛剛好，也可以自選配料疊加上去。今日選擇了招牌臭臭鍋，另再加上鴨血，臭豆腐，辣度都可以自己選擇個人口味。枱上有3種汁醬自己配搭唔同食物，有辣油，甜醬以及蒜泥。食到最後，當然要加個王子麵 索埋湯汁做個結尾😌🔸金黃滷肉飯雖然係跟餐，但份量也不少，滿滿滷肉堆砌成一個小山丘，滷肉半肥半瘦配上粒粒分明白米飯，滷肉汁也剛剛好。🔸士林鹽酥雞鹽酥雞唔會太大件，一口一粒，炸得外脆內嫩多汁🔸荔枝梳打酸酸甜甜清爽有氣解膩🔸蜂蜜珍珠紅茶相比起珍珠奶茶 我更鐘意蜂蜜紅茶😌呢到既手瑤飲做得唔錯難怪咁多人飲🤪

#chuchu食在尖沙咀📍 8鍋臭臭鍋之前🐷仔都帶過🐷去食一次，幾抵食！一人一鍋，鐘意食咩湯底都得！💡🐷平日7.30左右到就得番兩張檯，坐低咗就見到要等位了，好好生意的！—————————————————————❣️ 招牌臭臭鍋 $119 叫左唔辣！湯底好濃味好惹味！佢有得揀豬牛羊雞，其中一款肉！🐷就揀左牛，牛肉質素都幾好，半肥瘦，好易咬！入面仲有好多台式配料，例如臭豆腐、米血糕、鴨血等等！仲有好多菜、沙白、丸、豬腸！佢本身有粉絲底，不過🐷都再揀左粉絲，好索湯好味！.❣️ 沙茶牛肉鍋 $119+$5🐷仔嗌左沙茶湯底，感覺好啱香港人口味！配料一樣好足料，都係可以揀豬牛羊雞！基本上啲配料都差唔多，仲有甜不辣呀金菇咁！🐷仔就加左$5要王子麵，係個湯底到淥真係重口味嘅人最愛！.❣️ 百香果綠茶 跟餐+$27+$5基本上個個入到嚟都係一個鍋加一杯台飲！加左椰果再加$5，有啲咬口！.❣️ 水蜜桃綠茶 跟餐+$27嗌左微甜，啱啱好！唔會太甜！.💬性價比好高！人均$150就打到邊爐！—————————————————————不專業評分👅好味指數: 8/10 💰性價比: 8.5/10👍🏻推薦: 8/10 ———

鍋底→肉→主食(飯或麵類)掃QR先揀選湯鍋，自選辣度餐有基本肉食、飯或麵食。點杯荔枝紅茶及水蜜桃紅茶，冰爽暢快。🥢招牌臭臭鍋主打老遠就聞既台灣臭豆腐，入口軟滑味道濃香，跟微辣湯汁食好開胃。配料方面有蕃茄、彈牙香菇貢丸、大腸鹵得入味唔韌，仲有鵪鶉蛋、炸枝竹掛湯一流。跟140G白豚肉，大片厚身，嫩滑唔肥腻。除左粉絲滷肉飯之外，可以加$10升級做王子麵，食盡台式風味。🥢臺式麻辣鍋上次食過小辣，今次試中辣，湯汁明顯濃烈。配雞腿肉200G，份量多仲幾滑，掛埋辣汁惹味得多。一大鍋配料，多款野菜之外，仲有沙白、魷魚圈、鴨血、龍脷柳、鳴門卷、甜不辣、爽口青豆角，跟半個王子麵。特色既炸油條，放湯唔會快速浸淋，中間藏小口辣湯食，香辣感衝擊喉嚨。豬血糕泡湯食軟綿可口，福州魚蛋大大粒，咬開餡料爆汁。粉絲底尤其吸湯，夠刺激！

以前食真係好滿足，粉量多又足料，味道唔錯。而家俾人感覺又係出咗名就開始Hea，食物冇咗最初嗰種誠意。既然你哋加價就唔該唔好縮水，裝唔滿細細份咁真係影響哂個觀感㗎。Btw,滷肉飯就真係值得加錢食嘅，好香口，個人嚟講滷肉飯真係每次必加。至於服務，我都唔期望有咩服務，都知香港平平哋食嘢唔會太高期待，但你哋都唔洗好似我殺哂你全家咁嘅面口掛....你問我我都會再幫襯，食物水準真係仲有，但擺盤同份量真係比起初初食跌哂watt..希望真係會改善。

一直都好想試下台灣嘅臭臭鍋，係香港唔係好多地方有得食🥺。今日終於有機會試下，睇下係咪真係咁臭🤣，唔食臭豆腐嘅都有好多其他選擇，芝士牛奶鍋、蕃茄豚肉鍋、台式麻辣鍋等等，一人一鍋任君選擇。 🍴招牌臭臭鍋 $119炸臭豆腐食得多 煮嘅臭豆腐第一次食浸味係濃烈好多🤣湯底都會有臭豆腐加上大腸嘅獨特味道另外仲有其他勁豐富嘅配料米血糕同鴨血品質都好好 鴨血係台灣食到嗰種 軟身嘅鵪鶉蛋都好正 入面蛋黃口感勁幼滑主食揀左粉絲 又滑又索湯 🍴沙茶牛肉鍋 $119 (王子麵+$10)沙茶其實類似沙嗲味 湯底好香濃呢個鍋蔬菜種類比較多 而且都好新鮮特別係青豆角同粟米 係爽脆同有蔬菜本身甜味嘅主食揀左台灣嘅王子麵所有鍋嘅辣度同肉類都可以自己揀 豬/牛/雞 連羊肉都有 🍴金桔檸檬梳打 $31🍴百香果綠茶 $27食火鍋一定要配冰爽凍飲啦 好解渴😍

一百蚊有找的一人打邊爐，岩曬自己一條友，又有邊爐癮的時候自己去烚烚下午市套餐真心好抵食，$100 左右有得打邊爐，仲要包野飲芝士牛奶鍋芝士牛奶湯底好正好rich，成塊芝士擺系面，慢慢熱溶落湯底，真材實料材料好台式，有台灣貢丸同最愛的王子麵王子麵撈埋芝士收芝士撈麵仲好味想食得豐盛點，可以加錢轉滷肉飯，勁多滷肉同碗飯會大碗點藥膳羊肉鍋另外叫左個藥膳羊肉鍋，湯底相對養生點有少少中藥味，湯底味道麵濃郁呢個湯式配粉絲更好，索曬陣藥膳味

招牌臭臭鍋佢個臭豆腐真係當之無愧😂今次小編揀咗中辣作為一個唔太食得辣嘅人嚟講小編表示下次會揀返小辣🥵滷肉飯小編好鍾意佢個滷肉飯😍嗰肉肥瘦相間，個比例好完美飯係用珍珠米煮嘅，唔會太軟或者太硬多多綠茶小編嗌左微甜同加左椰果呢個甜度加埋椰果本身嘅甜係啱啱好😳唔好甜到流又有啲野咬口😋臨走埋單嗰時仲有收銀嘅音效，好有驚喜🫨今次兩個人淨係嗌左一鍋一飯一野飲小編已經覺得飽，埋單163蚊，超抵食🫶🏻

🍽🫕🥚🍲🥩🥬🍅🍜🍚🌽🍅🧋臭臭鍋主打一人一鍋邊爐，又方便又唔限時，今日5點半就到了🤣試下early dinner 食火鍋🍲 Menu 好多選擇有9款鍋，最好係肉類可以自己組合，有雞、牛、豚、羊，唔洗一定跟鍋底，而且加$20就可以追加肉類，十分啱晒香港人！😉叫了兩個鍋，分別係🌶️🐮臺式麻辣鍋、香蒜牛肉鍋，其中一個主食 +$10 升級了黃金滷肉飯，滿滿的滷肉，肥瘦適中入口即溶！超級推薦🤪臺式麻辣鍋好豐富，湯底真係麻辣又香口，一開始就已經可以聞到一股辣椒同香料嘅香氣，仲可以自己揀辣度。🥵食材唔馬虎，包括各種新鮮蔬菜、肉片同海鮮等等！我最鍾意係牛肉同鴨血，仲有甜不辣，夠晒地道😜 最特別係佢仲有油炸鬼🥖而且佢仲會有半個王子麵，主食方面可以留返揀其他😂🧄香蒜牛肉鍋亦好滿足😎 牛肉份量好多，又有蔥爆牛丸😆好好味呀🐂鍋內亦有🥬娃娃菜、甜不辣、牛丸、🐚沙白、🍅蕃茄、黃金魚籽球🍘、金菇、粉絲、粟米🌽、枝竹、🍥鳴門卷、油炸鬼、豆皮蝦卷！真係好多款式😍隔籬枱叫咗招牌臭臭鍋，上面亦都有唔少人情有獨鍾嘅臭豆腐！食到七點，餐廳亦都差唔多開始滿座，感覺呢度係一個一人邊爐嘅好地方😊最後服務值得一讚。四個妹妹態度親切友善，服

平時我哋都好少在外面餐廳同食肆食火鍋，因為中式打邊爐通常要叫好多食物，亦都要好多人一齊先食。今日放學經過呢間8鍋臭臭鍋好似幾得意，就算一個人都可以☺️仲有好多唔同味道的鍋選擇。細佬就揀咗芝士牛奶鍋，有娃娃菜，日本南瓜，豆皮蝦捲，香菇貢丸，麻吉燒，沙白，香菇，蟹柳，金針菇，炸枝竹，鳴門卷，雞蛋，王子麵（半個），芝士片，蛋餃，黃金魚籽球。一個鍋內有十多種的食物，真係好豐富，好滿足。芝士味好濃，好適合小朋友食。這個芝士牛奶鍋和蕃茄白豚鍋是比較適合小朋友的。 有時家長想食辣，又要遷就小朋友不可以食麻辣火鍋，我覺得這個一人一鍋的台灣火鍋做法非常好，因為可以滿足每個人的口味。另外，肥牛片是芝士牛奶鍋已包的，我哋還可單點不同的食物，如麻吉燒、豆皮蝦捲及白豚肉片。🌟金桔檸檬綠茶酸酸甜甜又有綠茶味，食火鍋就最啱啦。🌟 巨峰提子梳打香甜的巨峰提子梳打好解渴，如果食辣嘅時候會真係好好飲。🌟士林麻辣臭豆腐麻辣又香又惹味，配合臭豆腐絕對係小食嘅好選擇🤤

返到 🇭🇰 香港又去食，今晚去咗TST食台式臭臭鍋 @8鍋 8potshk 🥘🥘🥘 以一人一鍋型式嘅台式口味嘅一品火鍋，有9款湯底口味選擇 🥰🥰🥰 套餐$168/set, 可以揀湯底 & 肉份量，+ 飯或麵，+ 台式飲品1杯，另外仲可以加$ 追加配菜….. 係一個人少時想過下邊爐癮嘅不錯選擇 🔥 🔥 🔥 今次我哋試咗以下2個鍋set 🥘🥘🥘 ：🧀🥛🥛 芝士牛奶鍋 配白豚 + 滷肉飯 + 水蜜桃紅茶 🧋🧋🧋 + 追加鴨血 🩸 ： 個湯底幾香 & 麵上面滲咗熔芝士幾時味 😋😋😋 滷肉飯肉汁均勻 👍👍🥓🥓🥓 蒜香肥牛鍋 + 王子麵 + 荔枝梳打 🍹🍹🍹 + 追加鹵大腸 ： 鹵大腸好入味😋😋😋，肥牛亦唔錯，湯底走咗辣有啲淡 👌👌👌 其他底料菜🥬 & 丸都係正常嘢 👌👌👌 份量1人正常會夠食，因為我哋有食剩少少～

個friend帶我黎食台式火鍋，呢度既一人一鍋套餐，可以按自己喜歡嘅個人口味揀番湯底同火鍋料嘅組合用QR CODE落單台式三杯雞鍋湯底幾濃，自選配料有娃娃菜、三杯雞、金針菇、粉絲、台式丸子台式麻辣鍋🍲最好就係自己揀幾辣，個湯仲有少少藥材味，而且唔要嘅餸可以飛走，我就唔係好食內臟🤣一樣要左娃娃菜、肉片、金針菇、蜆、鴨血、貢丸、粉絲+王子麵🤩套餐加 ($27一杯)朋友叫左烏龍紅無糖、我就鍾意百香果果茶

香港人最中意打邊爐🥘，但任飲任食又太飽🤣呢間喺尖沙咀台式火鍋店主打一人一鍋😋飽肚得嚟唔會食到太濟🤤，而且有多款火鍋湯底選擇，有辣有唔辣🌶，仲可以揀辣既程度😉📍晚市套餐（一款火鍋+飯/粉絲） $119一共有九款火鍋選擇，包括有招牌臭臭鍋、台式麻辣🌶、芝士牛奶🧀🥛、香蒜牛肉🐂、藥膳羊肉🐏、酸辣羊肉🐑、蕃茄白豚🐷、沙茶牛肉🐂同埋季節限定既古早三杯鍋。另外可以加10蚊升級粉絲做王子麵或者白飯🍚升級做滷肉飯🍗📍香蒜牛肉鍋🧄🥩🐂今次揀左香蒜牛肉鍋試，入面有娃娃菜🥬、牛肉片🥩、三星蔥爆貢丸、甜不辣、牛丸、老油條、 粟米、金針菇、炸枝竹、粉絲、沙白、鳴門卷、豆皮蝦卷、蕃茄🍅、青豆角、黃金魚籽球，非常足料🤤香蒜味非常重，小辣程度岩岩好香口得嚟唔會辣到掩蓋哂其他味道😍😍📍滷肉飯🍚🍗意外地滷肉好入味，而且份量都唔少，撈飯食真係一流😍😍📍台式飲品（荔枝紅茶☕️ ＆ 蜂蜜綠茶🍵🍯）每杯 $27野飲都算大杯，不過唔太特別，正正常常台式飲品😅

尖沙咀8鍋臭臭鍋是一間台灣風格的火鍋專門店，提供多款不同的湯底和食材，每人一鍋，十分衛生方便。香蒜牛肉鍋：湯底清甜，有濃郁的蒜香，牛肉片嫩滑多汁，配上新鮮的蔬菜和豆製品，十分美味。鍋內還有半份粉絲，吸收了湯汁的精華，彈牙有嚼勁。這個鍋適合喜歡清淡口味的人。招牌臭臭鍋：湯底帶有濃烈的臭豆腐味，不是人人能接受。但如果你敢於嘗試，你會發現這個鍋其實很有層次和特色。鍋內有豬大腸、貢丸、米血糕、鴨血等台灣特色食材，都很有嚼感和風味。這個鍋適合喜歡重口味的人。飲品方面，叫咗一杯荔枝紅茶，仲加錢叫咗彩虹寒天呢款配料，可以為香甜嘅紅茶增添多一份口感。