睇過Lamour 太和店既推介，但對我黎講有D遠，得知中環店試業一於先試為快！ 餐廳位於蘭桂坊，以紅色做主調，配合水晶鋼琴、大大盞水晶吊燈，好有氣派格調，成個氛圍令人聯想到Waltz 既舞台！❤️ 點了兩份4道菜晚餐🍽️ 先有自家製法式餐包🥖 配黑松露牛油、吞拿魚醬。 🍅頭盤：蕃茄莎莎 用上本地有機蕃茄，味道清甜，莎莎汁酸甜平均，好開胃！ 🥣餐湯：大蔥薯仔湯，口感好綿滑 另加$40，upgrade法式龍蝦湯，龍蝦味濃厚鮮味，帶酒香。 🥩澳洲Black Opal M9 和牛小排 M9係澳洲和牛最高級別 以medium 既熟度剛剛好 肉質細緻粉嫩，紋理油花均勻，滿口油香又juicy ! 配杯帶果香house red🍷口感balance，很配！ 🐟乾式熟成澳洲紅東星斑柳 紅東星班多數以中餐清蒸，估唔到出現喺 切開金黃薄脆魚皮，魚肉經熟成處理煎，雖無中式豉油蒸煮調配，魚味天然濃香同甜味同樣突出。 底層仲有鮮滑日本蠔，綿滑夠Juicy，蠔味悠長。 🥄Crème brûlée 法國燉蛋，薄薄一層焦糖脆口，燉蛋creamy柔滑。 🍋Lemon tart 檸檬撻清香微酸，配上樹子餅圈伴碟，精緻又有少女心！

無意中喺太古城搵到呢間喫茶店！ 以黑熊做主題，配合燈光、木系裝修、黑熊掛畫，好有和暖感覺，輕鬆舒服！ 見隔離枱嘅芭菲好吸引，馬上決定留肚食甜品！ 輕盈、飽肚之選 🥗煙三文魚牛油果沙律配胡麻醬 牛油果熟度剛好，口感軟熟幼滑。 沙律菜新鮮爽甜，伴上花型煙三文魚，濃香煙薰魚油香味。 胡麻醬可另上，夠細心！ 🥢鰻魚飯定食 配菜有合桃魚仔、麵豉湯。 鰻魚燒得香口，厚肉肥美，肉質實淨彈滑，鰻魚汁甜度恰到好處。 🖤🐻黑熊特飲 凍americano入口nutty，上面咖啡軟雪糕香滑綿綿，味道double 滿足！ 🌱班蘭拿鐵 第一次飲班蘭latte，奶泡打得香滑，班蘭味好天然，入口柔滑清香。 第二個胃食甜品啦！ 🍦香蕉香桃乳酪芭菲 由乳酪雪糕、香蕉、香桃、藍莓、燕麥、粟米片砌成。配料多，賣相吸引。 乳酪雪糕細滑柔軟，酸甜度配襯鮮果剛好平衡味道😻 💚開心果麻糬卷蛋 喺關注組見過推介，卷蛋質感香滑，開心果味濃厚，麻糬軟軟糯糯，值得一試！

之前朋友birthday party 黎過呢間餐廳，夜晚氛圍不錯！ 今次weekend 再來感覺又唔同，仲見到狗狗喺outdoor玩又有pet area，好開心！ 最緊要係唔限時，lady’s talk 可以慢慢坐。 𝐓𝐚𝐧𝐠𝐞 𝐑𝐨𝐮𝐠𝐞 好中意呢度既mocktail，上面有隻士多啤梨熊bear bear冰，好girly 又啱打卡！ 士多啤梨汁、青檸汁加埋Sprite，甜得黎好清爽，最正係熊啤啤融哂仲好飲！ 𝐓𝐫𝐮𝐞 𝐁𝐥𝐮𝐞 另一杯藍色係藍莓熊bear bear 藍莓、提子、青檸汁，滿滿花青素又抗氧化，加埋梳打，透心涼！ 𝐆𝐫𝐢𝐥𝐥 𝐁𝐚𝐛𝐲 𝐁𝐚𝐜𝐤 𝐑𝐢𝐛𝐬 烤全天然 BB 豬肋骨配薯條及多色有機時令烤菜 餐廳主打全天然無激素肉，呢份BB 豬肋骨肉味特別香，簡單用自家種既香草、椒鹽烤已經好鮮味，發揮到本身既肉味。 配上5款有機蔬菜，仲有薯條，整份配搭好豐富！ 𝐎𝐫𝐠𝐚𝐧𝐢𝐜 𝐂𝐞𝐚𝐬𝐚𝐫 𝐒𝐚𝐥𝐚𝐝 分量好多！ 用上有機羅馬生菜，爽甜挺身，加埋Parmesan cheese 、脆麵包粒，少少沙律醬。天氣熱食，開胃又清新！ 𝐂𝐥𝐚𝐬𝐬𝐢𝐜 𝐂𝐚𝐫𝐛𝐨𝐧𝐚𝐫𝐚 濃稠既忌廉蛋汁沾滿每條意粉， 煙豬腩肉咸香味道融入蛋汁，好有風味！

餐廳位於太古坊，主打印、泰、越地道菜式， 以大自然森林元素為題材，好有峇里感🌱 半開放式outdoor位，環境relax，點杯Cocktail 幾chill ! 🧉Unknown Beast 用Tiki 杯裝住，真係好可愛！ 以spiced rum 做base帶微辛感。 芒果汁味道濃又有raspberry，甜中帶酸！ 🍹Sassy Boss 賣相girly! Base有Prosecco，Gin，Aperol，口感相對輕身！ 🥗Thai beef salad 牛柳分量唔少，燒得好香。 芫茜、車厘茄、三色椒、沙律菜、紅洋蔥，加上泰式魚露汁，清新開胃！ 🥄Nasi Goreng 印尼炒飯，微辣又夠醬油香。 配料有雞肉粒、蝦仁，辣椒炒香幾惹味！ 飯面既太陽蛋煎得剛剛好，蛋黃好流心。 加上兩串沙嗲雞肉串，香滑味濃。 當然唔少得印尼蝦片啦！ 🥘Lahori Lamb Gosht 印式香料燴羊肉配 醬汁融入印度香料調煮 慢煮羊肉鮮嫩肥瘦均勻 燴得香濃入味！ 🥭芒果糯米飯 香芒初熟，甜度輕盈爽口 糯米飯口感煙韌軟糯， 帶有清香椰汁味。 整體食物都好有風味，仲有套餐選擇幾多。 會再來的！

呢間藍色cafe 喺觀塘屹立左好多年，同朋友飲野傾計都黎過幾次，樓底夠高，感覺幾舒服！ 🍝Bone Marrow & Duck Breast Linguine 牛骨髓鴨胸扁意粉，好特別既配搭。 鮮南瓜醬，加埋左柑橘、檸檬茴香打汁，成個tone鮮黃色，味道輕甜得黎清新。 加入細細啖骨髓，扁意粉更加提鮮 油滑咸香無滯膩感。 配一口厚身鴨胸，皮薄火紅脆脆地，中間位粉紅煎得嫩滑。 🍔Hail to the King Burger 漢堡足兩寸厚，餡料好吸睛。 麵包烘得香軟， 自家製免治牛漢堡扒厚身，口感爆汁鮮味。 仲有酸瓜、煙肉🥓、半熟蛋、 芝士、小蕃茄、洋葱，味道層次感好豐富。 仲配上金黃脆口粗薯條。 🍮Forbidden Lover Cheesecake 香濃幼滑，toppings放滿野莓醬，酸酸甜甜果香味，仲加左雪耳好特別。 🍨Coconut Mousse 椰子味Mousse，造型似中式壽包。外層texture綿滑，入面滿滿紅豆蓉，口感清新。 雪糕球有熟悉Hoegaarden啤酒香氣，同椰子mousse好夾 ☕️點左Ethiopia既 Hand drip，口感fruity，微酸 🍹Hawaiian 青檸、菠蘿汁、加埋espresso，甜得黎咖啡味突出，味道好balance。

行太平山街附近發現呢間店，充滿異國感，趁假期留港消費黎試吓！ 餐廳裝潢帶歐陸感甚有氣派，金、白色主調，仲有葡萄牙畫家既掛畫，好有格調又有藝術感！ 除左🍷紅、白酒，Sangria 都係必點！ 玉桂味突出，果味濃厚，好好飲！ 🦐Piri Piri Shrimp 一客6隻大蝦用木餐架捧住出場 濃汁以Piri Piri 風味醬加醇厚干邑調煮 仲有葡國菜常見🫒青橄欖、大蒜、香葉 蝦肉超爽甜，味道辣辣地有酒香 配自家製麵包沾汁 蒜香蝦汁濃香，有層次! 🍴Half Piri-Piri, charcoal grilled chicken 點上半隻雞，Piri-Piri 風味辣醬 烤起色澤火紅入味， 雞肉嫩滑充滿辛香感，聞到都吸引！ 配菜除左醋汁田園沙律、香脆薯條， 仲有葡萄牙飯，粒粒分明有咬口！ 🍴Bacalhau com Natas 以鱈魚起肉一絲絲，再用薯仔、芝士、忌廉煮成，口感既有薯仔既粉軟又有魚肉絲滑，最正係啖啖肉，真係會食唔停口！ 最後點杯cherry wine 🥂配甜品， 甜甜地絕配！ Premium Pastel de Nata & Port Wine Baked 小葡撻灑上玉桂粉，味道芳香。 🥄Serradura木糠布甸，忌廉層帶張力，口感特別幼滑！ 店裏嘅外籍店員都好熱情friendly，第一次嚟感覺已經好親切！

✧˖放假試新嘢˖✧ 之前去Undici 得知開新店，新店加入左韓食元素，趁復活節假期留港消費黎試下！ 🍢魚糕串辛辣麵 x carbonara ✩•‿• 有無諗到辛辣麵🌶️可以同carbonara 扯上關係？ 辛辣麵今次唔係湯麵， 融入意式carbonara 意粉靈魂 蛋汁、煙肉、洋葱片、菇菌 結合地道韓風小食魚糕串 香辣泡菜麵麵條掛滿辛香感濃滑蛋汁 味覺效果豐富，創意破格新穎，有驚喜！ Angus beef cheese burger 黑白芝麻粒麵包 牛肉漢堡餡成寸厚 伴鮮沙律菜、番茄片、芝士 一大口安格斯免治牛肉 軟嫩勁爆汁有油香 仲有香熱脆炸Skinny fries +$48轉餐：有粟米蓉忌廉湯 配清香柚子蛋糕，texture鬆軟唔易散 濟洲柳丁美式 Double Shot啡底 撞濟州島柑橘汁 啡味中散發清新果香 少少甜，別有一番回味

尖東海旁好多餐廳都試過，今次試埋呢間地中海餐廳，outdoor位比其他店濶落，我地坐最捧的窗座位，黃昏時間望住天色漸變真係好靚！ 🥃Smoky Mill 用玻璃蓋蓋住入面注滿煙 ，店員轉住打開蓋，蘋果木煙薰味隨之而來，香氣撲鼻。 Rum 酒作base，有柑橘、士多啤梨，飲到尾都好香煙薰味。 🍸Vasilia Tequila base，有椰子、百香果、柑橘，幾有夏日感，好fresh ! 🍤Shrimp Scampi 檸檬香蒜辣汁，酸酸辣辣好開胃。 香烤大蝦爽彈大隻，附上sourdough 點汁食。 🍔Beef Burger Slider Mini burger3件，唔好睇佢mini size，牛肉都幾厚身，咬落juicy, 酸瓜唔太酸不錯！ 仲要有粗身薯條，香脆！ 🍝Squid Ink Linguine with Crab Meat 黑白配既墨魚汁蟹肉扁意粉， 蟹肉分量好多，墨魚汁意粉煙韌，硬度剛好，沾上香蒜辣汁既味道平均，伴上蕃茄仔幾清新！ 🍰Chocolate Temptation Cake 朱古力控當然選了朱古力蛋糕作甜品。 中間朱古力滑順馥郁，上面香軟蛋糕口感濃醇

食放題最開心係試好多款式，放滿檯都係一個價錢。 今次黎到QRE呢間火鍋店食百花齊放放題，推廣價$328食150分鐘 除左火鍋配料仲有手工點心、小食， 仲有一次性大大盤海鮮。 北方小食四喜烤麩、冰糖醬香鴨 調製甜醬濃厚掛汁 烤麸軟綿綿入味 醬香鴨外皮火紅 鴨肉吸汁滋味 食住點心等鍋底大滚 多款中式點心，揀幾款醫肚 大大粒蝦餃，餡靚晶瑩。 爆汁牛肉同豬肉雙色燒賣。 仲有懷舊灌湯餃， 好足料魚肚雞扎。 鴛鴦湯底自由配搭 抵在唔洗加錢升級 麻辣拼藥膳雞湯鍋 打邊爐兩種口味最開心😃 內臟放辣湯惹味 至愛Q彈鴨血，一碟四薄片 鮮爽肥鵝腸，小小腸脂一流！ 牛胸爽、豬天梯灼熟超爽脆 骨髓滑溜香軟掛湯 豬潤鮮味質感柔軟 海鮮蔬菜配雞湯好夾 海鮮盤有大隻肉厚虎蝦 貝類既海蜆、帶子 手掌般大鮑魚 仲有咸香剝皮魚 蔬菜籃🧺 鮮甜粟米、菇菌、娃娃菜 健脾紫准山條 竹笙配紅湯吸辣刺激 食到飽肚叫甜品 跟餐每人除有一款杯裝Häagen-Dazs雪糕 我點紅糖糍粑，外皮脆又流心 薑汁紅糖湯丸，軟心可口 杞子桂花糕，橙紅色好清香 紅糖果仁冰粉，清涼透心 ！

最近清屋裝修真係虛脫， 趁周末抽幾個鐘放空一下🙌🏻 黎呢間室內連天台酒吧既餐廳， 傍晚坐outdoor特別寫意， 上到黎真係好有渡假感覺！ 十幾款signature cocktails🧉每一杯都有特色！ 🐤 𝐃𝐚𝐦𝐧 𝐏𝐢𝐬𝐬𝐞𝐝 𝐎𝐟𝐟! 🔸Vodka, Passion Fruit Purée, Pineapple Juice with Ginger Flavour 賣相好可愛😍女孩子一定會被泡泡浴缸吸引住，仲有黃色鴨仔🐤 熱情果、菠蘿，好有熱帶感！ 🦩𝑰 𝑫𝒐𝒏'𝒕 𝑾𝒂𝒏𝒕 𝑻𝒐 𝑮𝒐 𝑯𝒐𝒎𝒆 🔸Gin, Homemade Lemon Cordial, Lemongrass Syrup,Lemon Verbena Purée and Tonic Water 酸酸地有香茅味，幾清香！ 🥗𝑻𝒉𝒂𝒊 𝑮𝒓𝒆𝒆𝒏 𝑴𝒂𝒏𝒈𝒐 𝒂𝒏𝒅 𝑮𝒓𝒆𝒆𝒏 𝑷𝒂𝒑𝒂𝒚𝒂 𝑩𝒆𝒆𝒇 𝑺𝒂𝒍𝒂𝒅 青木瓜甘筍絲蕃茄仔， 配自家調制泰式醬汁， 外層用生菜包卷，口感豐富 味道酸酸甜甜，作開胃菜最好不過。 牛扒肉油香軟嫩， 略帶炭火香。 🐟 𝑶𝒗𝒆𝒏 𝑩𝒂𝒌𝒆𝒅 𝑺𝒂𝒎𝒃𝒂𝒍 𝑺𝒕𝒊𝒏𝒈𝒓𝒂𝒚 香焗大條魔鬼魚， 一條主骨貫穿頭尾， 叉子輕輕一刮， 就有超大片白魚肉 掛上香濃叄巴醬， 滿滿泰風惹味。 🦞𝑻𝒉𝒂𝒊 𝑳𝒐𝒃𝒔𝒕𝒆𝒓 𝑺𝒂𝒖𝒄𝒆 𝑺𝒕𝒓𝒐𝒛𝒛𝒂𝒑𝒓𝒆𝒕𝒊 𝑷𝒂𝒔𝒕𝒂 𝒘𝒊𝒕𝒉 𝑳𝒐𝒃𝒔𝒕𝒆𝒓 𝑻𝒂𝒊𝒍 煙煙韌韌口感短捲麵， 放上大隻龍蝦尾🦞 肉爽厚身賣相吸引 中間充滿鮮味龍蝦煮汁 味道超鮮甜！