天氣又突然變凍，要食返d熱辣辣嘅食物暖下身。屋企附近開左間酸菜魚，見到日日都坐滿人好旺場🤩，價錢仲好相宜，唔怪得咁多街坊幫襯。 🍴酸菜魚 (老壇酸菜湯) $76 重頭戲酸菜魚 一人份都好大盤 老壇酸菜湯 又濃又鮮 酸中帶辣 好過癮 正宗嘅四川風味👍 鱸魚肉質滑溜無骨 配料揀左豆腐皮 白蘿蔔 同薯粉 索晒酸菜湯非常夾 🍴濃湯花膠雞煲 $75 雞湯色澤金黃誘人 濃稠嘅質地 飲落真係好濃雞味 真材實料 除左有新鮮嫩滑雞肉 仲有花膠 杞子 娃娃菜 米線質感都好好 好爽滑 用砂鍋上 食到最後都係熱辣辣 連湯都飲晒😋 🍴涼拌海蜇 $28 小食份量都好多 海蜇爽脆 冰冰涼涼 調味係唔辣嘅 取而代之係好香嘅麻油味 🍴紅豆冰 (跟餐$12) 🍴熱檸蜜 (跟餐$7) 好多特飲選擇 食完辣野飲最啱

朋友話想食流水蝦，醒起佢未試過呢間餐廳，即刻帶佢黎試下，滿足下佢既願望🤭。 每枱旁邊都有一條水缸，入面就係隻隻生猛大蝦，肉質彈牙。呢度既蝦店員都會補充得好快，所以唔怕夾哂就無得食，大家都可以盡情地夾🥳有啲蝦仲特別生猛、夾真係要眼明手快。 另外海鮮仲有鮑魚、帶子、扇貝、沙白等等，配搭埋蒜蓉牛油去燒，勁香😋、沙白鮮甜脹卜卜，鱔係每人一條，油香肉滑，好厚肉。 肉類有羊扒、牛柳粒、豬仔脾等等，燒起上黎都好方便，旁邊有調味料，自己想食咩風味自己調配💪🏼另外仲有玉子燒🤩香甜蛋味，值得一試。 除左肉仲有蔬菜可以燒，口渴都有大量飲品選擇，仲有雪糕等等。 呢度真係食得開心玩得開心🥳朋友都好滿意，開心既一餐👏🏻。

韓式炸雞係近來大熱嘅party food Chimac嘅炸雞就將韓式嘅味道係香港呈現 口味種類多多 今次就買左外賣返屋企 🍴韓國原味炸雞 無骨炸雞腿肉 啖啖肉 外層炸漿香脆 入面肉嫩多汁 一口一口大咬好滿足 夾埋酸蘿蔔一齊食 夠晒清爽 🍴蜂蜜牛油炸雞 炸雞嘅基礎上加上蜂蜜牛油調味粉 好似鋪上一層雪花咁❄ 令炸雞加添一層甜甜嘅味道 錦上添花 🍴韓式泡菜炒飯 甜辣嘅味道 泡菜清爽 越食越有食慾 撈埋大量紫菜碎 好還原韓式食法😆 🍴魚糕串 韓式小食我最鐘意就係魚糕串 呢度都有得食喎 口感煙韌帶少少彈牙 如果有埋魚糕湯呢個品項就好喇😆

又係工廈發掘到一間正野食😆 呢間日式餐廳環境裝修明亮新淨 應該係新開冇耐 主要食丼飯 啱晒上班族中午去食lunch 🍴招牌手打和牛漢堡扒丼飯$128 第一次黎食當然要試下佢個招牌 omg賣相勁靚勁吸引 好似一座湖中嘅小島咁🏝 揀左秘製漢堡汁 味道帶點酸甜 蘭王蛋呈橙紅色 蛋味濃郁甘甜 撈飯超正 漢堡扒用上澳洲和牛 手打漢堡扒有肉汁而口感較軟身 仲有配菜都好特別 揀左芥末酸瓜 原來係磨成蓉咁放係漢堡扒上面 味蕾上好有驚喜🤩 🍴咖哩吉列豬扒飯$88 好耐冇食到咁正嘅吉列豬扒 顏色靚 表面香脆 入面肉質唔乾唔硬 咖哩係餐廳秘製 比起一般嘅日式咖哩辛辣 好有刺激感 🍴一口芝士$18 另外仲追加左個小食 一上枱就聞到好香芝士味🧀 入面係一整塊芝士 味道超濃郁 要趁熱辣辣食 入面d芝士就會好軟好好味😋 🍴蜂蜜綠茶、汽水 店員服務親切，會詳細介紹食物。值得一提係d碟好靚，好有日式風格🎏，食到最底見到心情都好好。☺蘭王蛋漢堡丼飯係每日限量供應架，想食要早d去喇。

呢幾日終於有冬天的感覺⛄ 咁凍嘅天氣梗係要去打邊爐啦 牛大人係食台式風味嘅火鍋 食材同湯底味道都好正宗 🍴台灣鳳梨雞鍋+牛大人秘方麻辣鍋 台灣鳳梨雞鍋用上鳳梨搭配苦瓜加雞肉 味道清爽又有絲絲回甘 感覺好下火 咁就唔怕打邊爐熱氣啦🤭 麻辣鍋湯底濃郁 辣味香濃 每次必點!! 🍴澳洲和牛M5牛肩卷 和牛真係特別好食 油花分佈均勻 入口軟嫩 又有牛味👍 🍴手切封門柳 肉味濃郁 咬落有口感 嫩滑又冇筋 🍴鴨血 台式火鍋又點少得鴨血 呢度嘅鴨血個質感好好 吸滿麻辣湯之後超好食😋 🍴蟹籽墨汁漿x黑松露海鮮漿 兩款都好食 入口彈牙 冇腥味 有海鮮鮮甜 🍴脆肉鯇魚腩 舊舊都大大舊 肉質結實 魚味濃 正！ 🍴水蓮 水蓮係台灣嘅蔬菜 平時好少食到 入口爽脆帶清香 仲有好多炸物小食 甜品可以揀Häagen-Dazs雪糕☺

木系裝修嘅居酒屋 環境闊落 氣氛清靜 真係名副其實 燈光美 氣氛佳 慢慢品嘗美食 傾下計 少酌一下 享受生活 🍴海膽吞拿魚壽司 鐘意食海膽同吞拿魚嘅必點！ 有大大塊吞拿魚 海膽同吞拿魚蓉 一啖擺落口一次過感受到吞拿魚嘅鮮甜同海膽嘅鹹鮮 好新鮮好好味 🍴串燒(燒雞翼、牛肉車厘茄串、燒翠肉瓜) 串燒火侯掌握得好好 翠肉瓜同車厘茄都keep到勁juicy 肉類唔乾 調味又啱啱好 🍴海鮮茶壺湯 好特別嘅一道菜 海鮮湯用茶壺上 自己斟落茶杯品嘗 期待感同體驗感即時提升📈🤩 海鮮種類好多 海鮮味十足 趁熱飲 超療癒💞 🍴蟹肉忌廉 外皮超香脆 酥脆到咬落去咔一聲 入面餡料飽滿 滿滿嘅蟹肉忌廉 超creamy 奶味香濃 仲用醬汁畫左花紋 又好睇又好食嘅一道菜 🍴鰻魚炒飯 用珍珠米炒嘅飯 粒粒分明 日式醬油炒飯 口感比較糯 甜甜嘅味道同鰻魚超夾 🍴荔枝梳打 🍴柚子燒酌 真心想讚賞呢度嘅廚師，每道菜都十分出色，冇一樣野係踩雷。好適合黎呢度慶祝特別日子，獎勵一下自己。

今次黎到比較隱蔽嘅拉麵小店 鋪頭燈光同氣氛都感覺好溫馨😊 好似真係入左日本嘅家庭拉麵店咁💞 🍴芝麻手羽$38 好出色❤ 個皮係炸到超級香脆 但入面仲係肉嫩多汁 外面仲有好多芝麻 好香 🍴和風餃子$38 係冰花煎餃 有心機 底部煎到微脆 上面加左大阪燒醬沙律醬木魚絲同香葱 幾新穎嘅配搭😋 🍴北海道蟹肉湯拉麵$138 湯算係比較清 有蟹味 飲落好舒服👍 除左有蟹肉 仲有蟹籽同蟹膏 豚肉叉燒同雞肉叉燒 入口都夠軟嫩 唧左少少附上嘅檸檬落湯底 少少酸味更加喚醒味蕾 🍴櫻花蝦味噌拉麵$88 呢款味噌湯底就比較濃郁 櫻花蝦份量夠晒多 蝦味濃🦐 叉燒同豚角煮都有齊晒 豚角煮好厚身 肥瘦均勻 整體都幾好食，店員服務亦都非常親切有禮☺。

之前聽朋友講呢間火鍋放題好高質，今日一試果然名不虛傳，榮升我心目中最正嘅任食火鍋😍。 今次揀左SRF美國極黑和牛片套餐，肉類同海鮮類用手機落單，出面自助區有好多唔同種類嘅蔬菜、前菜、甜品、各式酒類飲品選擇，有清酒梅酒啤酒，最特別係連乳鴿同小龍蝦都有任食！ 🍴湯底 秘製麻辣鍋 x 冬瓜瑤柱豬骨鍋 麻辣鍋揀左BB辣 有辣度得黎又唔會發苦 豬骨鍋有好多瑤柱同一整條豬骨係入面 真材實料 🍴肉類 美國極黑和牛SRF 肉嫩多汁 兼具細緻油花同濃厚肉味 🍴海鮮 象拔蚌 蝦 鮑魚 青口 品質都好好 好新鮮 蝦肉肉質結實 鮮甜 鮑魚青口完全唔會韌 🍴火鍋料 丸類好豐富 仲有台灣特有嘅豬血糕 芝士蛋腸 水蓮 蔬菜超新鮮 最鐘意冰菜嘅爆破口感同顏色好靚又清甜嘅紫蘿蔔🤗 最後一定要留肚食甜品，有好多款本地/韓國雪糕雪條，仲有Häagen-Dazs都可以任食😍。

久違嘅朋友聚會，揀左呢間食壽司卷物嘅餐廳，呢度晚餐冇限時，環境幾適合三五知己黎慢慢食飯，吹吹水🤗。 🍴超級龍卷風 創意卷物 入面包住炸蝦 鰻魚 青瓜絲 同芝士 上面仲加左脆片同大阪燒醬 口感好豐富 忌廉芝士好幼滑 青瓜絲又可以解膩 配搭唔錯阿 🍴雜錦天婦羅 有天婦羅蝦 小番薯 同埋秋葵 炸漿做得好好 好輕薄 完全冇油膩感 蝦肉彈牙 小番薯好香甜 而秋葵入面釀左肉餡 都幾特別 🍴櫻花蝦茄子燒 櫻花蝦份量超多 厚厚一層鋪滿全條茄子 令軟綿嘅茄子加添左香脆嘅口感 好鹹香惹味 勁入味

一直都好想試下台灣嘅臭臭鍋，係香港唔係好多地方有得食🥺。今日終於有機會試下，睇下係咪真係咁臭🤣，唔食臭豆腐嘅都有好多其他選擇，芝士牛奶鍋、蕃茄豚肉鍋、台式麻辣鍋等等，一人一鍋任君選擇。 🍴招牌臭臭鍋 $119 炸臭豆腐食得多 煮嘅臭豆腐第一次食 浸味係濃烈好多🤣湯底都會有臭豆腐加上大腸嘅獨特味道 另外仲有其他勁豐富嘅配料 米血糕同鴨血品質都好好 鴨血係台灣食到嗰種 軟身嘅 鵪鶉蛋都好正 入面蛋黃口感勁幼滑 主食揀左粉絲 又滑又索湯 🍴沙茶牛肉鍋 $119 (王子麵+$10) 沙茶其實類似沙嗲味 湯底好香濃 呢個鍋蔬菜種類比較多 而且都好新鮮 特別係青豆角同粟米 係爽脆同有蔬菜本身甜味嘅 主食揀左台灣嘅王子麵 所有鍋嘅辣度同肉類都可以自己揀 豬/牛/雞 連羊肉都有 🍴金桔檸檬梳打 $31 🍴百香果綠茶 $27 食火鍋一定要配冰爽凍飲啦 好解渴😍