陳通記

營業中

休息中

上次一嚟長洲，朋友就即刻介紹呢一間早餐店，話非常嘅出名，結果一食真係記憶難忘，今次去長洲玩，決定再食多次 😛😛😛🧚🏻‍♀️ 沙嗲牛肉公仔麵 預想不到一個簡單嘅菜式，竟然可以有咁樣嘅演繹，湯底有濃濃嘅沙嗲味以及帶點花生香味，湯身比較稠身，公仔麵煙靭好吃，配上牛肉切片，簡直係一份醒神早餐，應該係我喺香港食過最好食嘅沙嗲牛肉公仔麵 TOP 3 😍😍🧚🏻‍♀️ 西多士本身叫咗花生醬夾心，但餐廳冇比到花生醬我地，最終只有一份原味西多士，有點遺憾。不過西多士都好食，外皮焦脆，夾埋煉奶食用，十分香口味美，甜甜鹹鹹嘅滋味，實在令人停唔到手 😖😖🔹🔸🔹🔸🔹🔸🔹🔸🔹🔸🔹🔸陳通記 (長洲)長洲海傍街熟食中心13號舖

難得嚟到長洲，梗係要試吓出名嘅陳通記超濃沙嗲湯底牛肉米通😍 不過要注意嗰度係冇冷氣，同埋要等得比較耐先至有嘢食，所以夏天食可能會有啲熱啦～🔥沙嗲牛肉米通🐮美味指數：👅👅👅👅 (4/5)湯底嘅香氣好濃郁，加上辣椒嘅刺激感，令人嚐到之後都會不斷咀嚼味道。湯底嘅辣度唔會太強烈，而係恰到好處，即使唔係辣食愛好者都可以享受到呢個美食👍🏻牛肉方面，煮熟嘅牛肉質地好嫩。米通嘅Q彈口感令呢碗湯底牛肉米通更加豐富，每一口都有唔同嘅口感層次😽

#chuchu食在長洲📍 陳通記之前🐷放假同🐷仔去左長洲，專程黎試！之前聽朋友講要等超耐，所以做好心理準備，點知平日lunch hour竟然唔洗點等！同出面茶餐廳等嘅時間差唔多！💡 嘢食超大份，🐷建議要同2-3個朋友share一碗就夠了，唔係食唔落！—————————————————————❣️ 沙嗲牛肉米通 $36 沙嗲肥牛米通 $36出面好少食到米通，口感好特別，就係米粉做嘅通粉！沙嗲湯底超級濃！！！！🫶🏻仲有好多花生碎，好有口感！又唔會太咸，啱啱好！牛肉整得都好入味，唔會好韌！#沙嗲牛肉關注組 應該要有！仲要咁大碗$40都唔洗🤩.❣️ 西多士 $26新鮮熱辣辣！揀左花生醬饀，厚厚的，一上枱香香撲鼻！啲融左嘅牛油同煉奶好邪惡好好食！.❣️ 咸牛肉蛋治 $18烘到好脆，好足料，啖啖都係咸牛肉同蛋！.💬飲品唔係加餐係另外嗌的，所以可以飲其他嘢或者唔嗌留翻出去飲！—————————————————————不專業評分👅好味指數: 8.5/10 💰性價比: 10/10👍🏻推薦: 9/10 —————————————————————🏡地址: 陳通記 (長洲)長洲海傍街熟食中心13號舖🕑營業

假期最後一天跟家人到長洲閒遊。恰巧一家人都喜歡吃沙爹牛肉麵，就入來一試。果然，等待是值得的，是一間用心做好食品的小店。由落單到食物上枱大概等了半小時多。沙爹湯底非常足料，濃濃的花生味加上微辣的沙爹，味覺滿足爆燈。麵質彈牙，爽滑。鮮牛肉有咬口得黎唔會un, 又唔係用鬆肉粉喇到淋嗰種，有肉味。另外檸檬茶都好味，唔太苦澀，又不失茶味，檸檬新鮮。奶茶則比較甜。妹妹叫的西多士都好香，有蛋味，夠厚，大片牛油🧈。

第一次到訪陳通記，餐廳位置便利，碼頭行過去五分鐘左右📍餐廳無冷氣大排檔，大熱天時實食到流曬汗🥵建議天陰陰黎食都幾舒服沙嗲牛肉米線$36🥜沙嗲湯底濃郁，充滿花生粒，帶很微的辣味牛肉新鮮，唔會韌，而且入味，米線軟硬度適中,份量足夠🌶️可配搭辣油（辣油聲稱攞你命三千，但個人就覺得唔係好辣)*本人食開譚仔中辣雞翼米線$30一碗有四隻煎香嘅雞翼，如果雞翼可以另上就更好，可以保持香脆口感，雞翼味道正常不過不失，湯底比較清淡~

嗌個通粉 兩點等到三點半都未到 仲要店員服務態度極之惡劣 見到比我遲到既客人已經有得食(同款食物) 詢問店員 店員同我講我仲要等多幾張單 完全唔了解點解遲嚟反而有得食先 店員完全一副你食就食唔食就走既態度奉勸各位如果唔係特別有耐性，或者有錢冇埞洗千其唔好試

入左長洲又點可以唔食陳通記呢~ 上星期六去竟然唔洗等～最後叫左野食２０分鐘左右就有得食試咗佢哋嘅沙嗲牛肉米通同蛋牛治烘底，真係好好味😋湯底好出色，牛肉好嫩滑，米通好有咬感岩岩好，吸曬湯汁係入邊😍蛋牛治都好夠味，好正！🔥環境係一般，不過店員好好服務，人流咁多都冇做到講粗口。👍 ------------------------------陳通記  Tung Kee Noodle Restaurant🚦長洲海傍街熟食中心13號舖環境: 🔥🔥🔥 (尚可)味道: 🔥🔥🔥🔥🔥 (很好)價錢: 🔥🔥🔥🔥🔥 (抵食)評分: 4/5------------------------------

係搵長洲美食嘅時候，10個都有五個會介紹呢一間，所以就決定試吓，呢一間位於喺熟食中心入面嘅一間小店，最出名就係沙嗲牛米通。不過份量都真係幾多，細食嘅人記住一定要同人 share，因為你仲可以留肚食其他嘢。味道方面就真係好濃郁啦，花生味都好重，米通彈牙，份量又多。不過食到一半其實都覺得太重口味，重口味人士可以真係去試吓！

朋友係長洲地膽，一到埗長洲就帶我地去食沙嗲牛肉米通。我之前嚟過幾次長洲，次次都係食大大粒魚蛋、芒果糯米糍，或者其他嘢，所以今次朋友推介食陳通記真係有啲驚喜😆餐廳好多人，所以等食物都比較耐，如果嚟食要比啲耐性等食物。喺出面餐廳比較少食到米通，口感好特別。沙嗲湯底濃，仲有好多花生碎，花生愛好者必食呀。牛肉整得都好入味，唔韌。另外食物份量好足夠，我果時係同朋友share一碗都覺得飽。整體食物好食，價錢合理，終於明白點解個個都專登嚟食。

每一次黎到長洲 第一次時間都會行去陳通記搵位地點唔會太難搵 距離碼頭大概5分鐘路程黎到必食既一定係沙嗲湯底 岩哂重口味既人香濃沙嗲味 仲有細細粒既花生粒 好香好濃郁 次次都會忍唔住飲左好多湯Fatfat而配料 我通常會叫肉碎 煎蛋 雞翼 米通煙煙unun既米通加埋肉碎食真係會食到停唔到佢既煎蛋唔會過熟 一定係荷包蛋 正！而雞翼就炸到好香脆 食完哂一碗都好夠飽架 當然要叫埋佢杯港式奶茶先prefect啦如果想留肚係長洲食其他野就唔好自己食哂一碗喇

有朋友大推呢度嘅沙嗲牛，就即管試下！嗌咗沙嗲肥牛配出前一丁，個人覺得肥牛因為薄啲，食落口比平時食啲牛塊更加索到沙嗲汁，好入味味道啱啱好，唔會太咸但又好夠味！星期六lunch hour食都唔會等太耐，食物都嚟得快！

放假入長洲行下，落船兩點幾未食晏就去試下佢個沙牛通，要自己搵位/搭枱，落個單要搵專人都無所謂，反正熟食中心其實都係咁上近......落完單，除咗支可樂同份多士正常時上枱外，半個鐘後先有第一碗粉上枱，杯奶茶重要等多陣先到。見第一碗野都食完，就同收銀位哥仔追小朋友碗野食(已經冇追我自己碗沙牛通)，跟住佢一句：係冇咁快㗎~ 作為茶記一間出杯奶茶要半個鐘，出碗通粉要9個字，點講都講唔通！一係你就擺少d枱唔大家都等得咁辛苦最後有位哥仔幫我地跟下先叫上齊但嚟到已經冇咩心情欣賞，重要唔特別好味。食完拿拿臨走因為已經浪費咗好多玩嘅時間奉勸大家想多d時間去玩就唔好去潮聖了

之前星期六下午來過，但當時已經截咗單，無得試長洲名物沙爹牛肉通，失望而回。為咗要食聞名已久的沙爹牛肉通，今次早上到達，好彩終於試到了！沙爹牛肉米通粉沙爹湯底超級濃，而且整碗充滿花生碎，又香又好味。米通粉質感滑滑的，形狀非常掛湯。我地兩人每人各點了一碗，由於味道偏濃，食到一半已經開始覺得有點膩，如果兩個人分享一碗應該會較適合一點。咸牛肉蛋治多士烘得好脆，蛋炒得唔老，咸牛肉份量多。奶茶茶香奶滑，上枱時滾熱辣，好有風味。

由2點半坐到3點半，成粒鐘都仲未煮好一碗火腿通粉成間鋪頭十幾二十枱，幾乎個個都係叫粉麵，但係枱面有碗嘅真係聊聊可數你比我自己入去廚房煮可能仲快啲唔止嘢食出得慢，嘢飲唔快得去邊唔講仲以為自己去咗食法國餐

📍陳通記去長洲除左食大大粒魚蛋，梗係要去試吓長洲人氣沙嗲牛肉米通。環境就係以前冬菇亭大牌檔個種舊式feel。本身已經遲咗入去，仲好驚食唔到沙嗲米通粉。由於星期六太多人，3點半就已經截咗單。見啲人話要好耐，我又好好彩地等左5-10分鐘就已經有得食。❣️沙嗲牛肉米通 ($36)食之前一定記得要係底到撈反啲花生碎上黎，花生碎昇華左成個沙嗲湯底。好小係其他地方食到米通粉，感覺好新奇，好似滑啲嘅狗仔粉。份量都偏多。❣️咖央西多士 ($26)朋友問我咩叫咖央，咖央係椰漿、雞蛋、砂糖和牛油整出黎。西多士比預期更加好食😚