陳通記

營業中

休息中

豬扒米 $30******************************朋友好鐘意陳通記嘅沙爹牛肉麵於是我地朝早11點左右去食個早餐朋友照舊沙爹牛麵 繼續盛讚***可惜我嘅體驗就一般揀左豬扒米等左超過20分鐘先上餐店員擺低碗麵嘅時候啲湯濺到周圍都係好彩冇滴到衫同袋🥹豬扒賣相好似幾香口幾吸引但係一咬... 又冇味又韌🥲湯底亦都冇乜味食左一半已經唔想食了🫠***環境係大排檔格局所以乾淨程度一般而且座位好逼店員穿插落單送餐嘅時候我地經常要又左移又右移咁讓位比佢哋🥲

陳通記沙嗲牛肉米食是一家位於長洲的受歡迎小店，它主要提供精緻及美味而價錢又合理的沙嗲牛肉米。店舖裡傳來香郁的香味，可以由遠處聞到。當我走進當中，就被地道的裝潢和令人振奮的menu引起興趣。他的沙嗲牛肉米味道特別，花生碎混合沙嗲醬汁始終讓人狂歡，肉質飽滿，鮮嫩多汁。此外，當中的米粉也十分特別，正好配合美味的牛肉搭配而成完美的配套。總而言之，陳通記沙嗲牛肉米食是一個值得一試的受歡迎小店，在那裡可以品嘗到滿足及味覺享受，定能令到大家可感受到完美饕餮。

每次黎到長洲都要一次陳通記。沙嗲牛豬潤鴛鴦米（粉絲加米粉）好入味，豬潤亦好有口感。唔會太硬，亦唔係醃都鬆哂。西多士就非常大份，超級heavy 🤫。至於蛋牛治，就一定要叫烘底，因為烘得非常好！而價錢都好抵食，埋單都係$65！

點咗餐蛋麵，西多士，蛋牛治， 同一啲飲品，全部味道一般。 雖然全部都係普通食物，但係如果認真做，喺香港地，每味都可以獨當一面。點菜後等咗35分鐘， 枱都未執，嘢飲都未上，原本仲有點到其他食物，都要無奈取消，真係等唔到，淨係食到以上點嘅食物。亦都有其他客人，投訴時間等得太耐，大聲投訴。 啲店員其後都解釋三文治類會時間較快，粉麵類會較耐， 但係佢又唔係一早點餐嗰陣時講，好無奈。是次食物、服務、體驗各一般。 雖然唔係超多人，唔知係咪疫情過後突然多咗客，應接不暇，有待改進。

•沙爹牛肉米通粉相信大家對呢間嘅沙爹牛肉米通粉都唔陌生！今次小編都特登慕名而去，見好多人都講到世界級正，搞到對佢好大期望。可能因為太大期望啦所以都有少少失望😞米通煮得太耐，缺乏口感，值得一讃既地方係湯底入面加入咗花生粒，令湯底更多香濃。•西多士估唔到西多士有驚喜！熱辣辣！麵包夠鬆飲，蛋香味濃，配上半溶既牛油同埋花生醬，真係超級邪惡🤤超正！！！值得一試～

一講起長洲， 我就會諗起陳通記， 基本上每次黎長洲都一定會去食， 平時係香港其他地方真係食唔到d 個味道👍👍環境方面， 大排檔格局，清潔衛生和服務質素都唔好太高期望， 咁就唔會失望， 最緊要d 野好食😋必食：沙嗲牛肉通-沙嗲湯底超正， 好濃郁，勁多花生碎粒，有口感， 牛肉冧身， 份量都唔算少， 抵食咸牛肉旦治-多士烘到脆脆地， 冇燶， 足料， 啖啖咸牛肉+ 旦因為長洲重有其他好嘢食， 所以個人通常會分散投資， 每間食少少， 可以試多幾間🤣

前排去長洲除咗去cafe 身為 #沙嗲牛肉麵關注組 又點可以唔去食返碗長洲人氣沙嗲牛肉米通！因為當時仲係夏天 入面環境都係舊式冬菇亭嘅感覺 而且係平日 唔係話好多人好彩見到有室內冷氣位 就即刻入去坐🍜 沙嗲牛肉米通見到面頭有好多花生碎 食落有花生香 反而唔太覺沙嗲味湯底濃郁偏杰身 味道偏鹹 米通仲索曬啲湯汁 食完即刻飲咗大半枝水…🥵份量超大碗 一個女仔都未必食得曬如果想全日掃街 就記得留肚 一碗同朋友分享再加其他小食就夠( •́ɞ•̀)整體味道覺得唔夠沙嗲香 個人鍾意沙嗲味多啲 而且湯底偏鹹 可能重口味人士會鍾意但覺得期望過高 食完有少失望 試一次就夠系列…😖自己都係偏好市區茶記嘅沙嗲牛味道🥲

入長洲上網揾食d乜都一定會有好多人推薦食陳通記嘅沙嗲湯～難得平日有位唔使排隊，食完反而覺得個厚西多最好食🤣🍜沙嗲肥牛雞翼公仔麵 $43🍜沙嗲豬扒米通 $34推牌沙嗲湯底非常濃稠，入面仲有好多花生碎粒。但食落沙嗲味其實唔太岀，特別係米通個碗，比較淡味。配料份量都幾多，豬扒唔會柴，雞翼幾香脆👍不過湯底太杰又太多花生碎同朋友都食淨咗一半🥺🧈花生醬西多士 $24反而西多有驚喜🫶新鮮熱辣又厚又香！中間仲夾咗花生醬😍再加溶哂嘅牛油同煉奶好邪惡好好食！

呢間真係唔使小編多講，就好似講M記幾好食咁，但容許小編第一次食，雖然去過長洲好多次，亦都聽過好多人講過話陳通記既沙嗲通神級，的確冇講錯，一碗平平無奇既沙嗲通粉，每一碗都係新鮮滾熱辣，而且30幾蚊食到你嘔都得，湯底裏面仲有啲花生粒，每食一啖除咗通粉仲有細細粒嘅花生，咬落去好有口感，而且沙嗲湯底好濃郁，但係呢個價錢有咁大份，少編願意每日都食佢🥹牛肉質地都她淋，雖然冇乜牛味，但係牛肉都有好多塊，大件夾抵食👍🏻

大排檔環境，冇問題，侍應態度嘛嘛，十問九唔應，回應聲氣差，可能家庭生意，唔在意食物一般，如果要比較，紅茶，黃金，個d仲好，熱奶唔使加$2，因為等左30分鐘乜嘢都凍，再加上呢啲天氣，一個字「妖」，亨受熱奶茶變凍奶茶😡

入長洲玩兩日，唔想淨係掃街食小食，所以就搵咗間人氣餐廳食下午茶☕️平時見佢中午時段一定排長龍，今次我下午茶時間去反而就冇乜人等位，直接入得去坐😙沙嗲牛肉米通 $34一送上枱就已經聞到好香濃嘅沙嗲味，望落去都知個湯底會幾濃郁。湯底係食到花生碎，除咗另到花生香氣更突出之外，仲為呢碗米通增添口感🥜牛肉嘅份量亦都唔少，食落嫩滑無筯，對得住呢個價錢有餘。而米通非常有咬口，亦有淡淡嘅米香味。再加上米通嘅掛湯能力相當高，所以每啖都好香濃。🤤

😆 依日平日同朋友入咗嚟長洲旅行，去咗食好出名嘅長洲名物——沙嗲牛肉米通 🤗 由於朋友唔食得多，大家之後仲想食其他嘢，所以少少地叫咗啲嚟share食！😁［ 亂闖試飲試食 ］🍜 沙嗲牛肉米通 😋😋😋😋😋超濃郁嘅沙嗲湯底，有滿滿嘅花生碎，長身米通好滑溜，通心掛湯，牛肉又嫩，成碗熱辣辣！冬天食好正！♨️🥪 咖央多士 😋😋😋😋兩片厚身多士，夾住一層幾厚嘅咖央醬，味甜、咖央香。多士微烘過，食落柔軟。☺️☕️ 熱奶茶 😋😋😋😋😋用咗依家好少見嘅玻璃杯，摸上手仲好鬼熱！真係好有以前細細個去茶餐廳嘅感覺！👏🏻 奶茶個茶底好濃厚，茶味好出而又唔苦澀，落奶嘅比例亦好均等！👍🏻午餐 💵 約港幣$40/人💁🏻‍♀️ 長洲嘅熟食中心唔係喺街市大廈入面，係地面大排檔嘅集中地！大家去幫襯就要留意下啦！😉🙆🏻‍♀️ 最後，喜歡嘅話，歡迎follow @foodirectory.hk！

茶餐廳等就應份既！但要等半個鐘，而且唔催得，仲被黑面😂😂 食到一肚氣，唉～講番碗麵先，沙嗲牛湯底冇以前咁濃，有花生碎，都咸，米通份量好足夠，米通好滑，肉比以前少啲啲😂都明既，物價高漲🙈🙈🙈 不過如果服務態度又好差，就唔係咁好！食大排檔都係食人情味😂半個鐘之内，總共叫咗5個人幫我地：1. 冇回應就走左去2. 「唔關我事架，我地分開2條line」(我聽到一頭霧水，我只係想快啲食嘢😂？？？)3. 「你等等，揾人幫你跟」4. 「你係咪而家落單？」(我落咗單好耐啦姐姐)5. 「等等」環境就一般大排檔環境，需要搭台，貼士就係如果姐姐叫你轉位，你可以選擇唔轉，轉咗可能會漏單🤣 我轉左位之後，見到之後既人都已經食完賣單，我都未有🤣

成日都聽啲人講入長洲一定要食長通記今次即管試下！沙嗲雞翼公仔麵本身自己好鍾意食沙嗲牛公仔麵，而陳通記個湯底的確特別唔錯，濃郁仲有好多花生粒，湯底認真唔錯。但係面嘅部份我個人唔鍾意食煮得太淋，可能叫返米通或者其他面底會好食啲🥹值得一讚嘅係嘅係佢嘅雞翼非常脆，推介！價錢部份差唔多$30-40，我個人覺得偏貴。嘢飲單價都$17-23，埋單要成$50-60。環境如果夏天去你預咗一定會好熱，因為有冷氣坐嘅地方都唔係好涼，而坐室外就更加熱，仲要同好多人搭枱。總括呢一間試吓OK，不過就未必會再食。

係長洲影完相，時間重早，就走去熟食中心醫肚先。 行左個圈，先搵到「陳通記」係熟食中心裹面。因為出晒名既關係，餐廳長期都坐滿食客。幸好唔係夏天既時候黎，坐係室外都唔覺得熱。亦都好彩好快搵到位。不過原來等米通要等好耐下. 咁岩同個居民傾計，佢打電話落左單，都重要等多30分鐘以上先拎到個外賣熱榨橙熱既鮮榨橙汁 好快就送到啦, 味道正正常常!咸牛肉蛋治三文治都跟住上檯, 我覺得自己應該叫錯左, 應該叫 "咸牛肉蛋多士"先岩.冇烘底既, 蛋嫩滑, 牛肉唔硬. 因為開始肚餓既關係, 熱呼呼既三文治特別好食.材料唔馬虎,  份量十足嫁. 咸牛肉同蛋已經融為一體沙爹牛肉米通沙爹牛肉米通, 我諗係即叫即煮, 同埋多人叫既關係, 都等左半個鐘, 所以冇得同"咸牛肉蛋治"影番張合照啦牛肉大塊, 有好多舊下. 第一次接觸米通粉, 原來係咁既形狀.沙爹汁好豐富, 食到碗底搵到好多花生碎但係個人覺得個湯底係咸左少少!總結: 陳通記都幾多位既, 但等餐方面就係要預番d時間.