🤍米線真係試多幾間都唔怕多~每次都期待可以食中一間岩自己口味又抵食既米線🥹，網上肥仔米線評論好壞參半，所以都係親自拜訪下～ 👀間店係喺德寶商場入口嗰條巷仔，店舖細細座位之間都尚算逼 •酸辣小鍋米線 (墨魚頭、螺旋藻*小辣)🐙 湯底有小小似雲x香既小鍋米線，湯底酸辣balance 得岩岩好，唔會成層油浮面，米線份量偏小，墨魚頭都比較細舊，只係得一兩舊係大舊爽口，螺旋藻食落同海帶差唔多 米線比偏幼身小小，滑但唔彈牙 •酸辣小鍋紅薯粉（豬紅、豬頸肉*小辣)🐽 豬頸肉就有小小失望，以為會帶小小焦香，個人較喜歡焦香斜切豬頸肉（類似泰式個類)，豬紅有小小彈性 總結⚠️如果要係九龍灣地鐵站行過去或者特登去食就不了，除非順路都可以考慮下

聖誕就係食自助餐好日子，上左KKday 睇邊間有優惠，再臨閣算係幾高分價錢又化算，再上網睇見人介紹YMCA既性價比好高，所以就book左試下，當日主題係「愛在聖誕」，$498三個鐘 雖然環境普通又唔係咩出名酒店自助餐，但整體質素的確唔錯，款色唔算好多，但勝在味道幾好，重點係有回本位🤭🤭蟹腳、龍蝦、最正既係即煮鮑魚🥹🥹，芝士蠔都好香濃 •前菜：泰式去骨鳳爪沙律、櫻花蝦豆腐、自家製刁草煙三文魚、地中海發達芝士沙律、cold cut、煙黑魚籽雛蛋、黑松露蜜糖伴芝士、水晶肴肉、烤芝麻吞拿魚 • 熱食：清蒸比目魚、芝士焗蠔👍🏻、鹽焗雞、脆皮咸豬手、照燒八爪魚仔👍🏻、燒T骨羊扒、龍虾湯意粉檔、即煎魚&虎蝦、即煮鮑魚👍🏻 龍蝦湯意粉可以唔洗試，湯底好淡，而且意粉難以掛湯汁 •海鮮大召集：波士頓龍蝦👍🏻、鱈場蟹腳、龍蝦仔、藍青口、翡翠螺、熟蝦、熟蜆 •即切魚生檔：雜錦寿司、芝士拼盆 •切肉：燒美國肋骨牛肉 • 甜品：三色朱古力慕司、紅豆綠茶布甸、荔枝乳酸啫喱、藍莓芝士餅、檸檬牛油蛋糕、即做pancake

呢間車仔麵好得意，裝修係香港懷舊風，舊式階磚，鐵皮閘，覺得好有新鮮感 叫左兩餸一麵 1️⃣咖喱魷魚&醬燒豬頸肉-河粉 叫左麻辣同腩汁 ，因為怕會好辣所以試下小小辣先（就係呢塊豬頸肉上面咁多），食辣既人可以方心叫小辣或以上，因為麻辣係放係面，可以自己𢳂番起再自己慢慢續小撈落湯，麻辣好香不過唔夠，後悔叫小小辣😢 🐷豬頸肉焦香入味👍🏻，🦑咖喱魷魚都唔錯，不過本身水魷魚本體就係難入味，所以咖喱味就唔太濃 2️⃣瑞士雞翼&醬燒豬頸肉-粗麵 同樣叫左麻辣同腩汁，瑞士雞翼唔夠淋，肉會痴住骨，雞皮瑞士味夠，雞肉就入唔到味，下次未必會叫😿 腩汁湯底幾好味，唔係偏甜個種，食完都唔會好口渴 桔仔水（跟餐+$10） 第一次試桔仔水，飲落味道好熟悉，同道地金桔檸檬有八成似，同想像中有啲出入，幾甜下 一碗唔算好多麵，當一個下午茶既份量就岩岩好，如果正餐就建議加底‼️

有日好想食燒賣，咁啱喺社交平台見到呢一間，手工燒賣呢個字！就決定要山長水遠都要去拜訪下粒燒賣🫡

係大窩口地鐵行過去都要十五分鐘左右，都比較偏僻係屋村下面，而且附近都無咩野行🫣係一間舊式做街坊生的既粥麵鋪，今次目標明確！$20@10粒燒賣
係鋪頭門口有三大個蒸籠，直接係門口叫姐姐就得啦～每一粒燒賣都大過乒乓波，想食辣可以加辣油🌶️

食落同預期中出入激勁極大😅
☞預期👉🏻係好有魚肉味，帶小小煙靭彈牙
☞現實👉🏻好淋啤啤，好爛好散，幾乎食唔出係魚肉味，仲有浸怪怪地既蒜味，抱歉只可以話係成世食過最放唔入口既燒賣😵‍💫😵‍💫

希望佢係蒸得太耐？失準？先會係咁

再次黎食，今次有試新野又有叫番上次食過既，今次賣相花巧左，好搞笑每碟辣野都有大大條🌶️，到底條椒會唔會重用定for 你唔夠辣齋食🤣🤣 大邱辣醬無骨雞$128⚠️食得辣先好叫🌶️🌶️🌶️ 炸雞熱辣辣，唔係超厚超脆炸皮，每件都係一口size，方便食👍🏻唔食得太辣既就小心，越食越辣！另外有蕃薯條係底，甜甜地叫做可以短暫解幾秒辣，不過同樣個碟底好多油，食煎炸野最怕呢樣，所以放棄左部分蕃薯條 八爪魚煎餅$128 小貴，八爪魚細細粒，不過贏在超級彈牙🐙面同邊位都好香脆，成塊都好香口，⚠️不過底部同中心就好油，油既程度係成個碟底都令立立，煎餅配左兩個醬汁，可以中和番小小油膩感 紫菜手抓飯$88 份量夠曬兩人以上share，一上檯就係一碗有大量紫菜、飯素、蟹籽既飯，旁邊仲有一兜芝士🧀(不過就唔太清楚食法)，因為飯既溫度又唔能夠令芝士溶，勝在有儀式感同朋友一齊捏波波飯🤣🤣 淑女辣醬炒年糕$108 用一個熱鍋裝住，一路食都keep住係熱，成鍋紅噹噹，入面有一大塊脆米，有扁年糕同長條年糕，個仲有小小芝士同菜~比起第一次食辣左好多 藍橙荔枝梳打$48 好飲就稱唔上，不過隻色真係好靚，味道似荔枝味啫喱👉🏻一粒粒要搣開膠紙然後啲汁會滴到成手都痴立立，就係個啲汁既味😂用黎解辣都唔錯 煎炸野就會比較油，如果可以索一索油先出餐就更好，底個啲真係油到淋番曬😮‍💨😮‍💨 📎經OpenRice 訂座有9折

見環境靚靚地，相約左兩個朋友慶生🎉🎉 辣肉腸薄餅$128 Pizza批底係薄批，味道正常 懶人小食拼盤$128（+8有黑松露醬） 小食拼盤有雞翼、薯條、洋蔥圈同芝士條。雞翼味道幾好夠香脆，芝士條要趁熱食，薯條味道正常，洋蔥圈比較乾身，炸粉較厚，唔建議額外加黑松露醬，黑松露醬味道唔夠香，好普通。 美國安格斯肉眼扒$288 肉眼扒選擇5成熟，岀嚟效果幾好，每啖都有肉汁，又唔會好血淋淋，配菜都烤得香 明太子忌廉烏冬 忌廉汁足夠拌勻烏冬，入口發現原來係凍烏冬，明太子味好香，加埋落烏冬令成個烏冬味道昇華，呢個主菜幾好，唔錯 朱古力心太軟配雪糕$62(寫字服務+$30) 心太軟有流心效果，味道唔會過甜，朱古力味濃，雪糕係雲呢拿味，不過寫字服務要+$30都幾進取，好多餐廳都係訂座免費畫圖寫字🫣 期間限定tiramisu $58 Tiramisu芝士味唔夠，但啲餅充滿咖啡味，成個甜品口感香滑，奶味夠重

一行六大一小，預早左一星期book，安排左半開放式既房仔坐，職員仲好貼心比左張Bb櫈同兒童餐具小朋友👶🏻，BB櫈係High Chair方便小朋友食野同唔好搞到枱面既餐具食物👍🏻👍🏻🫢 15%白松露薯條$68 份量好多，白松露醬好香，帶小小沙律醬既酸，越食越開胃，不過醬唔係好夠，薯條熱辣辣好脆唔會油，食完再叫多左碟芝士薯條👇🏻 芝士煙肉炸薯條$68 芝士醬係車打芝士味，食落比較膩，煙肉脆脆令個口感豐富小小，不過全體成員一致認為白松露好食太多‼️ 岩鹽燒牛舌芯$78 牛舌偏薄，岩鹽燒以為會好香，食落無特別，如果叫醬汁燒會更合適 蒜蓉包$2x(印象中) 四片焗得岩岩好外脆內仲keep到麵包既軟，蒜蓉味唔係勁濃個種，反而牛油味更出 香烤單骨雞翼$58 係蜜糖芥末醬口味，皮脆肉嫩係冇炸粉嘅炸雞翼 西班牙海鮮燴飯(二人份）$260 茄味好出，海鮮都幾大隻，蝦肉質好彈，仲有帶子、青口、蜆，蜆係大隻飽滿，無沙無腥味，不過飯就淋左小小，無乜咬口 牛油果軟殼蟹意粉$138 一大隻軟殼蟹，牛油果同意粉唔算好夾，醬汁比較稠杰，會有小小牛油果青味 蒜香蟹肉意粉$138 蒜香味適中，食落蟹肉存在感好低，口感上就好似得淨意粉 黑松露雜菌意粉$118 三個意粉當中最好食，黑松露味超香，有唔同既菇，好creamy ，意粉有微微彈性 原味疏乎厘配蜂蜜糖漿$98 疏乎厘出色❣️❣️❣️仲要超大份，比起出面普遍size 係大足一個double，超級soft，真心必叫 ✨無加一服務費 食左$1100左右

Food court好處就係可以邊行邊八掛下人地食乜🤭見到都幾多人食呢間台灣野，其實望張餐牌真係唔吸引，但係見到人地食，湯底又好似幾濃同幾多餸🤔🤔🤔一於Trytry 叫左碗牛三寶麵，比較貴既一款，無加飲品已經63蚊 🍜碗麵有牛丸、牛肚、牛展，牛丸彈牙 牛肚同牛展都幾入味，仲有小棠菜同紅蘿蔔🥕 麵比較闊身，軟硬剛好～湯底幾濃唔會死咸，帶微微酸菜既酸味，整體幾好👍🏻唔係特別出色 食food court就係平+醫肚🫣不過相比起已前既food court 依家物價真係好貴，同基本上都係集團式

上次好急咁行左一陣Airside淨係試過麵包店，今日再去Airside認真行下，呢個商場唔算好多元化，一年行一次已經足夠曬🫣 每一層都有唔同既餐廳，頂層就有FoodMuse， 當中最吸引我既係NEEDS，出餐位有好多漢堡，望到已經流口水🫡 白蘑菇牛肉漢堡&半份招牌薯條•汽水$83 ✿白蘑菇牛肉漢堡 漢堡包好鬆軟，類似麥嘟嘟魚柳包個款包🍔入面有👉🏻牛肉漢堡扒、瑞士芝士、特大蘑菇、烤紅洋蔥、特製招牌醬✨ 本身以為特大蘑茹係大啡菇🍄，原來係白蘑菇比較大片，漢堡扒望落好似好散，食落又唔會仲要牛味都幾重帶小小焦香，好juice‼️‼️ ✿招牌薯條 有小小煙肉碎、紫洋蔥個醬似sour cream同泰式辣醬 鍾意辣既就配埋JALAPEÑO🌶️一齊食，成件事會好剌激🥵 坐得幾舒服，不過坐正風口位野食好快凍

朋友話想食燒肉，見到安平燒肉評價都幾好， 加上OpenRice 有訂座優惠，M4套餐5:30入座($304+服務費)❣️ 我地兩個人店員竟然比左張4-6人既卡位我地🤓唔洗擔心野食無位放 主要都係用QR Code 落單，蔬菜類同飲品可以自行出去拎，出面都會有小小熟食🍲生菜排得好整齊🥬🫣 落單之後食物好快到齊，可以攤到成檯都係，好豐富，食物質素望落都唔錯👀 一黎就燒最珍貴既牛舌芯先，每位只係得兩件，追加就要$68@3件👀燒肉真係要用網爐先有feel，個種味道係鐵板爐比唔到🤭，不過火勢唔係好平均 👅牛舌芯係成餐最最驚喜，真係好好味，軟淋得黎又爽爽地，牛味好濃‼️ 其他牛肉質素都唔錯，不過就薄左小小，小心好快燶🔥，M5和牛雪花唔算好靚，其實同SRF極黑牛分別唔係好大，肉質同肉味都差唔多，不過OpenRice book有優惠，只係差小小錢緊係試M5🤭 海鮮類 დ帆立貝同蝦質素比較好，帆立貝燒完好香，每隻蝦都好大隻肉質都爽彈，蠔燒完比較細同有小小腥🦪 值得一提既仲有烤豬肉乾😋烤完真係好香，厚薄適中，比較易燒燶要落力小小反轉🥢 呢幾款就可以skip😂平平無奇 蜆有小小沙 醬料都有幾款，就咁加小小玫瑰岩鹽已經可以帶出牛肉味，辣椒醬就無牛角咁惹味，仲有個黃金醬就麻麻地 熟食試左四款 澎湖花枝排最好食，花枝比例多 另外梅山酥炸薯都好好食，熱辣辣，甜甜地 甜品方面每人會有一客，可以要雪糕/芋圓～ 芋圓好煙韌，仙草好滑，雖然到最後已經食到好飽但都依然覺得好食👍🏻🤭 店員都好有禮貌☺️收吉碟都收得好快，枱面長期無垃圾(7:00後開始多人入座，繁忙時間就可能無咁好服預🫣) 最後埋單兩個人都係$680~值得再去食🤣🤣