陳通記

營業中

休息中

入到長洲，通街都係美食。今次由住過長洲嘅朋友帶我哋周圍食啲道地美食，第一站就去到碼頭附近嘅大排檔堆（地下熟食中心） — #陳通記。🐮🍜呢度出名食#沙嗲牛，所以我哋大部份人都叫咗，而我就揀咗 #沙嗲牛肉米通，因為出面嘅茶記都好少有。朋友話比起幾年前，湯底變得冇咁濃郁。我目測個湯底都算稀，但搞勻同食到底就有好多花生粒，所以我係覺得唔錯，不過如果湯底可以再濃啲就更好😋🥞有朋友叫咗#花生醬西多士，啲牛油煉奶都好重手，相當邪惡🤤 整體嚟講，我覺得嚟到長洲，係可以一試呢度嘅沙嗲牛系列。另外，呢度係有冷氣位，如果天氣唔好或太熱，都可以有個舒服少少嘅位🙂

去長洲輕鬆吓，上網揾原來陳通記嘅沙嗲牛肉米通咁出名就試吓佢😋🔸花生醬西多士🥞下午茶時間見到隔離枱食緊西多士好吸引🤩 一上枱熱辣辣望住嚿牛油慢慢溶響西多士面，個人喜歡用刀響多士面拮幾下等牛油滲入去🤤🔸花生醬西多士🥞入面嘅花生醬搽得好均勻，啖啖都有濃濃花生醬🥜 實在太邪惡喇！🤩🔸沙嗲牛肉米通🐮牛肉份量好多，煮得剛好唔韌，米通口感特別，滑得嚟煙韌好好食😋 湯底好香濃重花生味，仲有花生碎，成個沙嗲牛肉米通好夾。呢個沙嗲湯底基本上配任何配料同粉都好夾，通粉配埋沙嗲湯都好好食。下午茶時間嚟唔洗排隊，不過都座無虛席不斷有客人坐低食嘢，如果想坐冷氣房就靠彩數😆（貓奴當日好彩坐到冷氣枱🤭）室外坐位都無影響食物質素，仲多咗份大排檔風味。😋

呢間嘢，我一定唔會再去，啲嘢好唔好食我唔知，因為無得食，只係食左一肚氣，待應仲覺得理所當然，一句等得耐就唔好食。當日我地一行11人到呢間嘢想試下沙嗲牛肉係咪真係好似傳聞咁好食，我哋叫沙嗲牛肉出前一丁，等左好耐都未有，搵待應幫手追，待應跟都唔跟就話要等，我地再等左好耐，隔離枱坐左一對男女，又係叫左沙嗲牛肉出前一丁，隔幾分鐘到左，而我地叫嘅沙嗲牛肉出前一丁仲未到，人地食完我哋都未有，再搵待應問，問佢幾時到，今次待應態度極差，佢話『唔係我煮嘅, 你追我都無用，唔等得就咪等』，搵另一個待應問, 態度一樣,我去過一個食肆有咁差嘅態度待應，以後永遠永遠唔會幫襯。

等得耐，我哋叫先，隔離枱後來先到，已經食完我哋仲未有，問佢幾時到，態度極差，成肚氣，我未食過一個態度咁差嘅，以後永遠永遠唔會幫襯，食物質素中下，環境質素一般，最主要係侍應質素極差，永遠永遠無下次，食到好激氣，令我最好脾氣嘅家姐同妹妹，都發脾氣話唔食，完全冇禮貌，食物中下，價錢一個，絕對冇下次，絕對冇下次，貼錢買爛壽，態度極差極差，永不幫襯，很不開心的體驗，永遠永遠不會再幫襯，侍應態度極差不差，不會在去

❤️長洲名物 沙嗲牛肉通粉❤️首先湯底濃郁，偏鹹，啱晒重口味嘅我🥴通粉仲索曬啲湯汁，正呀🥰🥰不過份量就比較大碗，我一個女仔都食到好飽搞到之後掃街戰鬥力減半😂

好開心，11月尾book到公司嘅職員度假別墅，一行12人一齊入去玩，上網睇吓長洲有啲乜嘢signature值得試食，一睇就見到呢一間陳通記，話佢嗰啲沙嗲牛米通好好食好食嘅唔係唔係沙嗲牛，而係佢嘅米通，所以夠出長洲之前大家去每人食一碗，果然分量超夠，米通好好食，不過個人唔係咁鍾意有花生粒嘅沙嗲汁，攝晒喺啲牙度🥶🥶🥶，另外試一試左佢嘅西多士，超級好食，叫完一個之後不得了，再叫多一個，一啲油膩感都冇，好香，麵包好厚，食完之後就嗱嗱臨趕船返市區lu, 大推西多士🤭🤭

長洲出名沙嗲牛通🐮🐮，但我咁多年都未去過，今次終於可以一試，襯平日有假放，🛳入左去搵好野食，係熟食市場氹氹圈都唔係好搵到，原來間舖係中間位，坐底左發現長洲街坊同遊客各佔一半，我叫左個網上推介👍👍～沙嗲牛肉米通粉😋😋，個沙嗲牛肉唔韌，湯勁濃沙嗲味，米通粉本身我以為係似通粉質地淋淋地，但原來唔係，米通粉係有少少煙韌，成個配合真係好好食，唔掛得咁多人推介😍😍😍因為我今日要食好多野，所以唔敢叫多份西多食，但見到隔離枱食，真係有d 心動叫埋🤣🤣

年尾要清假, 所以放了一個閒日, 一人獨遊長洲, 平日的長洲很舒服, 很少的旅客令到行路不會擦肩而過, 而且很多出名的食肆也不用排隊之餘, 也不怕過多的旅客令到商家應接不暇, 從而令到食物的質素下降. 陳通記吃早午餐就是舒服, 馳名的沙嗲牛肉米通在充足的準備下, 水準真的比週末日高, 沙嗲湯底濃厚, 香帶微辣, 最重要是粒粒花生碎保持著口感, 與煙靭的米通和滑牛配合起來, 三十多元正常早餐價有如此質素, 在不用等候的情況下相當滿足. 另外的咖央多士外脆內軟熟, 不會吃到一口粉, 咖央醬不會太甜, 也不會太重椰奶味, 與半溶的牛油結合起來, 吃起來也算飽足.I took a day off at the end of the year and went on a solo trip to Cheung Chau. Weekdays on the island are peaceful with few tourists, making it easy to walk around without bumping into people. The famous restaurant, Ch

之前都介紹過一次長洲嘅陳通記，事隔一年再次嚟到，睇吓有冇保持到水準先！大概中午12:30嚟到都依然可以食到午餐，唔使山長水遠嚟食早餐！🍴沙嗲牛肉米通 $36（9/10）份量多又好飽肚！沙嗲湯好香唔鹹，個汁有花生碎，牛肉新鮮嫩滑有口感，米通好滑煙銀，好好食！🍴西多士 $26（8/10）即叫即炸，好香脆唔油膩，叫咗咖央唔會好甜，配埋煉奶一啲都唔會太甜，好食好邪惡。🍴鮮牛蛋治 $26 （9/10）烘過底好香脆，雞蛋唔係嫩滑，牛肉有牛味又有口感，好食。凍奶茶 $18 （7/10）奶茶茶味正常，入口好滑，熱奶茶會好飲啲！推薦指數: 8/10而家連再次食都係覺得好好食，下次去長洲都會繼續選擇食呢間😆沙嗲牛肉西多士蛋牛治真係必食！

喺長洲嘅陳通記，梗係嗌佢嘅著名沙嗲牛通粉，沙嗲湯十分之濃郁，仲有少少花生碎添，沙嗲牛肉質鬆軟，沙嗲湯完全浸晒落去沙嗲牛入邊，會咬一啖沙嗲牛，都好似飲左一啖湯。加埋通粉可以給湯，令到沙嗲控可以好好滿足佢哋嘅食慾。

長洲另一款賣到全香港都認識的食物就是陳通記的沙嗲牛肉。曾有網台專程到長洲報導，老闆都老實不客氣，直話直說，自已的沙嗲牛肉沒甚麼特別。沙嗲汁都是取貨，牛肉就用較新鮮，加用正常方法調味醃制。這個長洲2日1之夜在第2天一早就起來試試。這裡沒有套餐，全部都是散叫。陳通記另一個特別的地方是可以點出面很罕有的米通粉。米通粉即是米粉的通粉版。比平常食的通粉較煙韌，內熱較高。不易腍。沙嗲牛肉米通-$36這個沙嗲汁真的如坊間所說，沙嗲汁濃郁，花生夥粒感重。最有驚喜是牛肉很多之餘，牛肉本身質素亦都高。絕對是值得這個價。蕃茄蛋治-$18蕃茄蛋治就與其他食店的分別不大。單是這個沙嗲牛肉已經值得來這裡光顧，不會失望。

難得入到長洲! 當然要到出名的大牌檔食返個早餐試試每次臨走搭船都會食既野食之一叫左沙嗲牛肉麵除左等左差唔多20min 先有野食上同埋天氣熱呢個問題個麵真係好好食!下次有機會想試埋沙嗲牛肉米通!!

陳通記位置有點難找要行入熟食中心深處。西多有驚喜此行的重中之重是人生第一次聽說的“米通”當然也是第一次嘗試沙爹牛肉湯底是我吃過最濃郁的米通極有韌勁相信米通一定不會是最後一次只是不會專程山長水遠再來 陳通記只能說 跟海濱的大排檔比 這絕對是一家更值得dropping by的餐廳

陳通記入長洲其中一間要食既就一定係陳通記。佢最正既一定係沙嗲牛肉米通唔多地方有米通食沙嗲牛肉米通/沙嗲叉燒米通 $362樣既湯都十分濃有花生粒 咁濃嘅沙嗲湯粉真好好食🤤 米通適中 粒粒米通都有沙嗲汁 真係不得了~~~但天氣熱黎食 真係辛苦 天氣太熱黎呢度食真係出住汗食 影響享受再叫了個西多士 $26但就沒特別 普通左少少如果有好多行程既話 沙嗲牛肉米通會係長洲其中一個必食既食物呢

琴日同朋友放假去咗長洲玩，就揀咗呢一間之前喺雜誌同埋網上媒體都非常出名嘅茶餐廳！朋友同我就叫咗西多士同埋一個通粉兩個share! 西多嘅味道我哋都覺得同普通茶餐廳差唔多就冇乜好大特別，加埋煉奶食，其實就正正常常我哋又唔會話覺得係非常特別出色，反而通粉係真係幾特別，我哋叫咗火腿同埋雞翼做配料，雞翼係炸過嘅雞翼，食得出係即叫即炸因為咬落去亦都非常有肉汁同埋熱辣辣，呢個位非常值得讚，通粉亦都係同出邊普通茶餐廳嘅有少少唔同，口感食落去都非常特別，價錢亦都唔係太貴，大家可以一試！