想試呢間日式咖啡店一段時間，之前星期六下午茶時間要排隊，今次唔洗排隊即刻試試😽🔸明太子蛋包意粉🍝 $96
蛋包好有動感好鬆軟嘅感覺🤭用刀切開滑溜潘嘅蛋漿流落忌廉明太子意粉到😍 忌廉味好出，不過明太子味就弱咗少少唔係好食到🥲🔸壽喜燒牛肉蛋包飯🐮 $113
蛋包飯係炒飯底簡單但好食😋 滑滑蛋包加埋燒汁好夾，甜甜嘅壽喜燒牛肉有驚喜好香牛味又夠腍😋🔸忌廉青口鍋配香草薯條🍟 $172
有忌廉同牛油香嘅汁唔錯，如果有麵包點嘅話應該會好正😆 不過青口就好一般🥲 呢個可以skip。🔸岩燒芝士多士🧀 $68
鬆軟嘅多士邊邊烤到香脆，中間鬆軟濕潤，上面放咗芝士同微微咸香嘅Ham，輕食之選😽飲品叫咗Iced Latte & Hot Latte☕️餐牌畫風好可愛，餐廳設計走日系咖啡店風格，坐位闊落。店員服務有啲有耐性有禮貌，部分就有待改善喇😅

🐾貓奴足跡🐾
🌐喫茶ちょうぼ (尖沙咀)
📍尖沙咀河內道18號K11購物藝術館1樓117-118號舖

想試素年好耐，今日終於捉到食肉獸男友陪我試🤭🔸薄荷朱古力🍫
🔸椰子水黑咖啡🥥
好掛住泰國嘅椰子水咖啡，今日有少少私心為咗椰子水黑咖啡嚟🤭 香港好似唔多地方有🥲🔸日式咖喱吉列豬扒意大利飯🍛 $118
我揀咗個人氣之選，上枱熱辣辣充滿日式咖喱香氣🤤 粒粒意大利飯吸滿香甜咖喱汁，仲有車厘茄、雞髀菇粒、蘆筍，令到意大利飯嘅口感更豐富😋吉列豬扒用新豬肉搓成厚厚嘅肉餅，表面吉列炸衣好香脆🤤 呢個吉列豬扒令貓奴對新豬肉完全改觀了！😍 好味到完全唔覺得自己食緊素食😋🔸不可能肉醬意粉🍝 $98
男友嘅肉醬意粉好吸引🤩 上枱嘅香氣同一般肉醬意粉無分別，估唔到食落都係一樣！😳 蕃茄醬汁酸酸甜甜好開胃，肉醬炒香咗好好味連肉嘅質感都做到，意粉亦煮得啱啱好🤤推介😻食物份量好大份，擺盤用心排過，仲好好味😋 果然做到1️⃣好食 2️⃣好靚 3️⃣好飽🤭 貓奴已經諗定下次嚟食咩，好期待下次嘅驚喜😻

🐾貓奴足跡🐾
🌐素年 (三陂坊) (荃灣)
📍荃灣三陂坊20號地舖

響Openrice 搶購到牛大人限量1,500份嘅澳洲極上和牛120分鐘吃到飽買一送一優惠，跟餐仲有一份澳洲全血和牛一份😍🔸澳洲全血和牛🐮
和牛片見到清晰嘅雪花紋理，薄薄嘅和牛片牛味好濃郁，肉質仲好柔軟🤤我哋今晚揀咗白玉酸菜鍋，湯底主要材料用五花肉、酸菜、大蔥熬製而成，味道溫和帶酸菜嘅酸味好開胃。🔸澳洲M9和牛牛丸🐮
隨餐仲送每人兩粒和牛牛丸，牛丸結實彈牙牛味仲非常濃郁！😍完全唔需要點任何調味料🤤澳洲極上和牛套餐仲有好多其他牛肉嘅選擇，包括澳洲和牛M5牛肩卷、安格斯一口牛肉粒、美國PRIME極級肩里肌、手切封門柳、安格斯牛小排等等，牛肉款式多之餘仲有豬、雞、海鮮、羊肉片，亦有台灣特色火鍋配料，好多選擇🤭等緊火鍋料熟嘅時候，仲可以叫啲台灣特色小食食住先😋 台灣腸、鹽酥雞，不過甜不辣就同平時食開嘅帶啲唔同喇。飲品款式都好多。

120分鐘確實食得無咁趕，食物款式多到食唔晒，趁住今次牛大人嘅優惠，偶爾嚟放縱一下🤭

🐾貓奴足跡🐾
🌐牛大人台灣火鍋吃到飽 (偉華中心) (沙田)
📍沙田正街11-17號偉華中心2樓9A-9B號舖

放假最開心就係瞓到自然醒，再揾間cafe relax吓😌

今日嚟到銅鑼灣樓上韓式cafe🇰🇷🍝 主食加$63 就可以轉套餐，包餐湯、精選蛋糕、自選特式飲品☕️🔸金莎朱古力🤎
飲落朱古力味香濃幼滑，金莎或朱古力迷必試🍫🔸魚糕串辛辣麵卡邦尼意粉🍝 $138
好有趣嘅配搭🤩 味道係柔和版嘅辛辣麵換成意粉，面頭有脆脆媽咪麵碎，撈埋溫泉蛋辣得嚟又好溫和🤭 除咗有大大串魚糕，意粉裡面都有好多魚糕、蘑菇仲有泡菜，份量十足！🤩🔸醬燒頂級牛肉拌意大利飯🇮🇹 $138
看似普通嘅牛肉拌飯，原來拌意大利飯又幾特別😋 香甜嘅洋蔥炒牛肉好香，配料有牛蒡、沙律菜、紫菜碎，底層係忌廉汁意大利飯，仲拉到絲😍 下次再嚟都想encore呢個拌飯😍 🔸粟米濃湯🌽
粟米湯濃厚仲有唔少粟米粒。🔸韓風corn ribs🌽 $58
炸粟米扒配辣粉、韓式脆脆同紫菜碎，好惹味🤩🔸Unnie炸雞翼 (蜂蜜蒜蓉)🍯 $58
炸雞翼金黃香脆，沾滿蒜蓉同蜜糖，入面仲好juicy。好似食緊韓國蜂蜜味薯片嘅感覺🍯😆🔸士多啤梨mousse cake 🍓
跟餐嘅蛋糕本來無太大期望，食完一啖改觀了😲 士多啤梨味嘅mousse好滑，中間層甜甜酸酸嘅乳酪mousse好好味，蛋糕好有驚喜，都係下次encore之選😍👍🏻餐廳設計走簡單舒服嘅水泥風格，食物又好食，會再嚟嘅小店😊🐾貓奴足跡🐾
🌐Unnie (銅鑼灣)
📍銅鑼灣富明街2-6號寶明大廈1樓L號舖

屋企人生日，呢度咁啱有生日優惠 5人以上壽星免費，就試吓質素如何。🔸蠔皇鮑魚扣玉掌
本身中式酒樓格局，中菜應該唔會太差，鮑魚入味鴨掌夠腍，兩樣都正常。🔸極級牛頸脊🐮
呢碟牛頸脊望落非常靚！油脂均勻牛味仲好濃郁😍🔸刺身拼盤🐟
雖然刺身好肥美，但怕肚痛嘅貓奴都係食熟食好啲🤭🔸海鮮拼盤
配給一人一件嘅海鮮都好新鮮，放題形式嘅海鮮算係正常🦐另外亦有好多配料任叫任夾，蔬菜、丸類、麵食等等。總括嚟講火鍋料算唔錯，不過衛生就有待改善。

🐾貓奴足跡🐾
🌐半島漁港/阿翁火鍋館 (將軍澳)
📍將軍澳唐德街1號將軍澳廣場1樓L1-104號舖

母親大人生日🎂 今晚嚟粵藝館品嚐精緻嘅高級粵菜。呢個套餐非常足料又好味，呀媽都話正🤩🔸藤椒萵荀絲🌶️
先嚟涼菜有爽脆嘅萵荀帶微微辣味👍🏻
🔸西班牙栗子豬焦香叉燒🐷
蜜汁叉燒肥瘦均勻夠腍，仲有燶邊🤤🔸黑蒜螺頭燉花膠🍲
足料燉湯火侯十足，黑蒜口感似栗子有軟糯，花膠養顏啱晒女士💗🔸鮑汁三頭鮑伴菜膽🤎
豪華精緻嘅三頭鮑魚厚肉得嚟咬落軟滑Q彈，醬汁做得幾好唔會太鹹。花菇炆得好入味🤤菜膽開花🌸🔸鮮菠蘿咕嚕蝦球🦐
酸酸甜甜嘅醬汁包住炸到脆卜卜嘅蝦球好醒胃，呢道中場嘅菜色非常好😋🔸蔥薑霸王雞🐓
好似好普通嘅薑蔥雞估唔到咁好食😳 唔食蔥嘅貓奴都忍唔住！雞肉一嚟好嫩滑，個汁先係道菜嘅靈魂😲 只係簡單薑蔥、豉油同油已經好惹味😍🔸濃湯紅杞浸時蔬🥬
食完咁多濃味嘅菜色，點都要食返啲菜🤭🔸X.O醬海鮮炒飯🍚
炒飯入面有蝦仁、小貝柱、櫻花蝦乾等等，炒得唔油👍🏻🔸燕窩南瓜露🎃
將南瓜打成蓉嘅南瓜露，質感幼滑又唔會太甜，推介😻👍🏻餐廳位於海港城旺區，當晚我哋入座都九成滿。幸好一早訂咗位同order咗指定套餐，當晚店員安排我哋坐寬闊嘅梳化座，自成一角。上菜速度都幾快，店員亦好好客。如果以會員價食的話，值得一試👍🏻

🐾貓奴足跡🐾
🌐粵藝館 (海運大廈) (尖沙咀)
📍尖沙咀廣東道3-27號海港城海運大廈3樓OT 310號舖

九龍城除咗泰國菜仲有好多選擇，今晚就同朋友嚟食粥底海鮮蒸鍋🦀 就係為咗呢碗吸收晒海鮮精華嘅粥😍今晚食嘅尊貴海鮮套餐$419 總共有九款海鮮配蔬菜籃，好豐富🤩🔸加拿大野生海蝦🦐
🔸台灣九孔鮑魚
🔸黃金翡翠螺
🔸大西洋野生青口
🔸蟹皇大元貝粥底本身都好足料，有粟米、豬骨、芋頭粒等等，加埋蒸海鮮嘅精華必定好鮮甜😋🔸台灣花尾龍躉片
🔸韓國珍珠蠔🦪特調嘅蟹皇醬好特別，更食到元貝嘅鮮味😋🔸琵琶蝦
肉質爽彈味道鮮甜，比龍蝦更好味😋🔸罕有藻食綠膏蟹🦀
店員話膏蟹係食藻類長大，所以蟹膏都呈綠色，啲膏又幾甜喎🤭最後就係份量十足嘅蒸粟米🌽同蔬菜🥬 超甜粟米好好食🌽🤤 最後當然唔少得要食埋碗海鮮粥😍最後仲有冰涼嘅椰汁雪燕作為今晚嘅甜品，食落好舒服😊

店員熟識海鮮種類，服務熱情又有禮貌，真係值得一讚！🤩

🐾貓奴足跡🐾
🌐蟹仙海鮮蒸氣鍋 (龍崗道) (九龍城)
📍九龍城龍崗道2-4號地舖

朋友介紹嘅呢間西班牙餐廳位於銅鑼灣，呢個位靜中帶旺，都有唔少客人。🔸蘑菇西班牙炸丸子 $45
🔸火腿西班牙炸丸子 $50
炸丸子好香脆，兩款都好味但個人喜歡蘑菇味濃嘅丸子🍡🔸流心煎蛋配薯仔肉腸 $110
呢個小食入面有西班牙紅椒味小肉腸、薯塊、蒜蓉蛋黃醬、煎蛋。小肉腸嘅咸香配流心蛋同香脆嘅薯塊，幾香口。🔸西班牙乳豬 $180
乳豬配菠蘿莎莎醬，乳豬尚算嫩。🔸西班牙薯仔蛋餅 $110
蛋餅蛋味香濃，表面煎至金黃，入面薯仔香軟但保持有咬口，唔錯。🔸香煎鱸魚配蘆筍、焗薯 $160
鱸魚煎得略為過火候，份量依然十分迷你。有烤薯仔🥔、蘆荀配烤紅椒堅果醬幾特別。🔸Sangria $65
同朋友飲返杯水果酒🍹😋

餐廳環境靚，食物精緻但份量細，好多薯仔嘅配搭好滯😂

🐾貓奴足跡🐾
🌐Calle Ocho (銅鑼灣)
📍銅鑼灣加寧街8號Fashion Walk 地下K號舖及1樓

作為海鮮迷嘅貓奴，一定唔會錯過食海鮮蒸鍋🤩 今晚叫咗尊貴海鮮套餐 $449，有幾項自選嘅項目，我哋交俾店員推薦當日邊款海鮮新鮮就食邊款🤓店員先送上6款海鮮，店員會安排由淡至濃味咁蒸：
🔸加拿大野生海虎蝦🦐
🔸台灣九孔鮑魚
🔸蟹皇大元貝
🔸台灣花尾龍躉
🔸韓國斧山珍珠蠔🦪
🔸野生青口
🔸紐西蘭刀貝蚌

全部都好新鮮！仲有店員全程主理，時間火侯完全唔需要操心，啱晒淨係坐響到食嘅貓奴😍🔸爆膏奄仔蟹🦀
大大隻蟹之餘仲要爆膏、頂肉😍 真係一試難忘😍🔸琵琶蝦
琵琶蝦雖然外表醜，但勝在有內在美🤩 肉質彈牙鮮甜。我反而更喜歡佢肉質較爽，有別於龍蝦厚實嘅感覺😋海鮮始終用蒸嘅烹調方式，先食得出最原有嘅鮮味😋未蒸嘅時候已經好靚仔好吸引🤩 蒸完見到爆滿金黃嘅蟹膏，真係流晒口水🤤最後仲有蒸粟米🌽、生菜同娃娃菜🥬男友要增加口感，叫咗個炸魚皮送海鮮粥🤭拆咗啲蟹肉同海鮮粥一齊食，一流😋套餐一共有十款海鮮，仲有成鍋粥，真係唔洗擔心食唔飽，份量十足👍🏻 店員亦好好禮貌，不時留意我嘅進食嘅速度去調整，好細心😊 

🐾貓奴足跡🐾
🌐蟹仙海鮮私房．蒸氣石碢 (環海大廈) (尖沙咀)
📍尖沙咀天文台圍2號環海大廈2期地舖

好耐無嚟Burgeroom食漢堡包🍔，今晚突然想食burger 就嚟睇吓質素有冇變先😋🔸蜜糖芥末大烤菇煙肉牛肉漢堡🍔🔸蜜糖芥末大烤菇煙肉牛肉漢堡🍔 $120
Burger依然份量十足好足料😋 麵包柔軟帶牛油香，大啡菇好juicy！牛肉漢堡嘅肉汁一切開就湧出嚟😋 另外加配嘅芝士溶化響牛肉上真係留晒口水呀🤤 底層嘅生菜同蕃茄好脆口增加burger嘅層次感👍🏻🔸菠蘿燒烤醬牛肉漢堡🍍$98
男友喜歡酸酸甜甜菠蘿配牛肉漢堡，再加埋惹味燒烤醬好開胃🤤🔸飛魚子芝士薯條🍟 $70
呢個薯條要襯熱食，芝士凍咗會變硬。飛魚子就無下次喇，食到雪櫃味仲腥腥地🫤星期日既晚餐時間，餐廳用餐嘅人只有50%以下。呢度嘅burger款式多又可以自行配搭，如果可以保持到水準唔知會唔會去返之前座無虛席嘅時候呢？

🐾貓奴足跡🐾
🌐Burgeroom (美麗華廣場1期) (尖沙咀)
📍尖沙咀彌敦道132號美麗華廣場1期2樓207號舖