釜之魂釜飯專門店 (淘大商場) (已結業)

今次晚餐揀左淘大嘅 #釜之魂釜飯專門店。呢間店開左一段時間，之前都有食過，今次就試下其他食物。店內主打 #鰻魚釜飯，所以就點左金魂（極）。食落油脂豐富，鰻魚燒得好香，配埋珍珠飯好好味😋另外 #古味塩麴牛舌盛釜 🍚都唔錯，有多塊厚切牛舌，味道鹹鹹地，不會太韌，同樣配珍珠米，而且份量不少。小食就有 #甘露甜薯 🍠，香甜焦糖配上甜薯，甜甜地有很香番薯味，都幾好味。#鹽燒鯖魚 🐠外皮香脆，啖啖魚肉，就算我唔喜歡食魚都可以接受。#榴槤炸彈 外層很脆，裡面充滿榴槤醬，食落榴槤味很燶，喜歡食榴槤嘅不要錯過😋

釜之魂釜飯都叫好出名下所以特意提早dd，大約6點多d入席唔洗點排隊菜單選擇好豐富單係鰻魚飯都有幾款，而且有得選擇不同大細好吃的我，當然選擇最肥美的大塊版也選擇了重口味的鰻魚醬燒一上碟，吸引力十足鰻魚比飯還大厚實，鮮甜，還有鰻魚特有的油脂味好唔錯飯方面也很用心配菜十足總體來說很不錯而且價格很相宜牛舌牛肉丼清爽之選沒什麼負擔的飯很好保留牛的清香牛肉也不會太柴小食方面玉子燒很穩妥但炸雞之類的就感覺一般般了

見到門面好日系，好似好吸引就諗住試下，點知一入門口就知間野唔專業，班待應好似唔識做野甘，連帶位都唔識。叫左一個銀魂同金魂，價錢一樣，諗住試下有咩分別，原來就係有汁同無汁嘅分別。金魂係有汁嘅，食落就係普通嘅饅魚飯，完全無特別。銀魂係無汁嘅鰻魚飯。無汁嘅鰻魚飯真係好dry,就諗住叫個侍應加鰻魚汁，因為佢有寫可以免費加汁，但原來係金魂先可以加汁，咁我就唯有叫佢加落我個金魂飯度，再將金魂d汁放落個銀魂飯度，其實成件事真係好白痴。整體黎講唔會再黎，而且呢個價錢都完全唔值。

生日飯決定食淘大呢間日式釜飯餐廳。晚上7點半要排大約15分鐘。很愛食鰻魚飯和玉子燒的我，當然要叫呢兩樣菜。另外，屋企人仲叫左其他的三味菜。1.鰻魚（金魂）（特）（ $88）鰻魚肥美，醬汁亦十分好味，如果你不太喜歡甜醬油可以叫其他釜飯試。2.汁燒牛肉釜（ $68）牛肉不會太硬，而且咬落JUICY3.黑松露玉子燒（$18/串）玉子燒燒得剛剛好，個人覺得黑松露有點槍去玉子燒的蛋味，但都好味道😋4.鹽燒牛舌（ $38）不喜歡吃牛舌的我讓家人試味，他們表示味道OK，但佢地覺得唔太值得$38。5.日式炸雞（$48）炸雞一般，有點乾身。6.香賓葡萄梳打一間CP值高的日式釜飯餐廳😋很愛食鰻魚飯的我，暫時覺得呢度又抵食，又肥美。鰻魚飯及釜飯均值得推薦。

一向喺屋企都有整開釜飯，但原來呢間嘅釜飯同我哋想像中嘅唔一樣。日本人有食釜飯嘅文化，釜飯是日本的一種傳統鍋飯。一般為一人份量，常見的配料有雞肉、椎茸等。不過呢艱釜飯配料有好多選擇，有主打嘅鰻魚，豬軟骨，廣島蠔，櫻花蝦等。🐟 鰻魚釜飯，好香好滑，難怪係主打，推介要試！豬軟骨釜飯，豬軟骨嘅骨已經燉到淋哂。好入味，且仲係原條豬軟骨。🍲 叉燒烏冬，小朋友噶最愛。份量都好足，配料好多。🍌 髒髒香蕉必試！必試！必試！唔知點樣形容，不過你一定要親自試下。😍 🍠 焦糖甜番薯，味道有啲似拔絲。【溫馨提示】加18蚊，可以將每款釜飯轉乘兩食☞茶漬飯。推薦食一半原味再加茶食一半茶漬飯。然後加入配料，➕ 芥末更野味。

本身好少去淘大個邊 難得夜晚仲係個邊 就搵地方食埋個晚餐先走人 睇中咗間叫釜之魂釜飯專門店 咁入去見呢間係食鰻魚飯 就無諗其他就揀食鰻魚飯 個鰻魚飯黎到 睇落已經好靚 咁食落都算唔錯 個鰻魚肉質結實都幾厚 但唔算脆 個鰻魚唔係好夠 係香港食黎講呢個質數算唔錯。

呢間係淘大商場出面嘅釜之魂想食好耐啦😍終於都有機會試下☺️聽講佢最出名就係佢嘅釜飯，見到佢嘅價錢都合理😌晚市時間都幾多人等位添🔻極 蒲燒釜飯 $108呢個鰻魚飯超厚肉同超大塊😱佢係近魚腩位置，油份最高但唔算好肥，上面有啲秘製醬汁，撈埋好正🤗🔻原條汁煮豬軟骨釜 $78呢個豬軟骨係原條上，而且煮到好軟身好入味，側邊仲有好多蔬菜嘅配菜，一睇就覺得好吸引😚😚🔻古味塩麴牛舌盛釜 $98呢個超多牛舌又好大塊😍😍一睇就覺得好正😜而且佢啲牛舌軟硬度適中，側邊燒到燶燶地仲有啲脆添☺️🔻另外仲叫左好多小食，因為見佢價錢都唔貴😝🔹黑松露玉子燒 $18/串🔸博多餃子 $22/3隻🔹日式炸雞 $38🔸甘露甜薯 $38🔹吉列牛舌 $18/串🔸黃金蕨餅（黃豆）$48 期間限定❗️啲小食每樣都唔錯，食完好飽😮‍💨

釜之魂釜飯專門店(淘大商場)我們去左九龍灣食日本菜😍😍我們叫左個鰻魚飯，個鰻魚好厚，賣相好靚，黎到已經好想食😋😋我們仲叫左個蕃茄牛肉湯稻庭烏冬，份量十足，牛肉ok，但蕃茄味唔夠濃 地址：九龍灣牛頭角道77號淘大商場三期地下G286-288號舖整體評分：4/5味道：4/5

今日同朋友去德福睇戲，睇完戲就去咗淘大商場搵嘢食，嗰邊又多嘢食性價比又高😙今次就俾我哋發現咗一間出名食釜飯嘅餐廳🍴見到佢哋做主打唔同嘅鰻魚，我哋決定咗一陣間入去食！佢哋嘅特色招牌釜飯，即係日本人嘅煲仔飯，佢哋就係加高湯，唔似我哋會加豉油。試咗個人氣第一嘅汁燒牛肉釜飯同埋必食嘅鰻魚飯，鰻魚飯就有不同選擇，我哋就點左金魂好似平時食開有燒汁的鰻魚！金魂(蒲燒)鰻魚飯 $88鰻魚飯會配搭餐廳自己秘制嘅鰻魚汁，鋪在金黃色的鰻魚上，令到整個飯嘅味覺層次提高了，令到不知不覺就食曬d飯！鰻魚都好肥美且份量都多，都好香口好快就食曬😙汁燒牛肉釜 $68牛肉飯都係份量十足，而且除咗牛肉仲有其他配菜，有半隻半熟温泉蛋、蟲草菇同埋粟米仔，夾埋牛肉汁同飯都好豐富，我覺得CP值高之選！除了兩個飯仲叫咗兩個小食，分別係吉列牛舌同埋博多餃子🥟第一次食吉列牛舌都覺得好新奇，炸粉嘅皮唔會好厚，有時又唔會真係好乾！食日本餐廳都好鍾意叫餃子嚟食，都係煎到個皮好脆口，但係內裏嘅餡料依然好Juice👍🏻👍🏻餐廳都幾多人，如果想食飯就預咗去或者可以訂定位，鍾意食鰻魚嘅朋友就要試吓佢哋嘅鰻魚飯！如果鍾意食湯飯都可以加錢叫佢哋加高湯!

今日經過九龍灣，去咗釜飯專門店。釜飯係香港相對少見。 去到門口，喺以木製為主，幾符合釜飯嘅主題。 進內環境寬敞，坐得舒服。我哋叫咗2 款比較多人推介嘅釜飯。 👀金魂鰻魚釜飯 $138燒汁唔會太鹹或太濃。鰻魚有一大塊，大過我嘅手掌，而且肉質偏有彈性，外表帶點膠質感。 底下鋪咗蛋絲，增加口感。仲有經濟之選，「特」$88(最焦香)同埋「極」$98(油份最高)。🐽原條豬軟骨釜飯$78豬軟骨比較大件，筋嘅膠質幾突出。雖然鰻魚同豬軟骨大大件，幾抵食，但係飯粒有改善空間。其實枱面上有指示教點樣可以食到軟飯同硬飯，但係2 碗釜飯始終係偏硬，🙈少咁啲粘糯口感，差咁啲飯香。 🍌髒髒炸香蕉$22有驚喜， 雖然外皮髒髒，唔太吸引，以為入面係炸香蕉，但食落係香蕉糕，口感軟糯煙韌。可能係我哋本身對釜飯有所期望，釜飯質素剛剛過關。或許串燒甜品會好啲 ，至少炸香蕉係值得一試。 另外，喺平日夜晚繁忙時段，有少部分店員服務態度有待改善，同埋等候落單需時。

依間餐廳成日打完波後都見到好多人排隊食，今日終於有機會去食喇😛。和牛釜飯（$128）依個和牛釜飯我覺得CP值幾高。一嚟，佢啲和牛嗰量都幾多，你見到佢成個面都係和牛肉粒，都真係幾多下，量多之餘，佢嗰味道同口感都唔差🤤🤤。二嚟佢個飯入邊係有啲蕃薯係入邊，令到啲飯入邊有啲蕃薯香味係入邊，幾正。👍🏻👍🏻沖繩苦瓜餃子（$22）依個都係一個我幾鍾意嘅，可能因為我本身都鍾意食苦瓜🤣。佢嘅味道係有啲胡椒加豬肉碎同埋苦瓜。嗰苦瓜令到一個普通豬肉餃子有回甘味同更加有口感，好食😍。黑松露玉子燒（$18/條）個玉子燒做得幾好，口感鬆軟，少少甜咁。但配埋黑松露沙律醬，我就覺得有少少多咗🙈。我自己覺得走醬應該好食啲。

Bookmark左咁耐，今日終於得閒黎到呢間釜之魂。👏👏👏朋友之前介紹都話呢間好好食，今日特登帶埋朋友過嚟一齊試吓。🤤因為我好鍾意食菠蘿😻，第一時間就點左呢個溏心燒菠蘿，超級多汁，好奇問佢哋點解可以咁多汁，佢哋話係用台灣鳳梨的，用料上都好有心思✌️✌️✌️另外一定要講吓嘅，就係呢個手足歸隊鍋，應該用咗藥膳去處理，好好味，豬手亦都好淋，連啲菜都好入味，我將全部野都清哂！！！！極度推薦大家成個湯飲晒佢，真係好好飲又養生‼️

我同男朋友都好鍾意日本文化，成日都會搵日本嘅嘢食，行到呢家釜之魂就入咗去了------------------------------點左一個鰻魚飯，一個古味鹽麴牛舌盛釜飯好好食鰻魚多汁唔乾身，而且鰻魚都幾大件🧜‍♀️🧜‍♀️🧜‍♀️最緊要大件得來仲要多汁。牛舌都被好多件，試咗男朋友兩件牛舌，牛舌都係唔會乾身，口感好好，加埋佢上面嘅汁，真係好好味。食牛嘅生熟程度真係好緊要，佢真係拿捏得啱啱好。估唔到俾我哋搵到間咁有質素嘅日本餐廳，抵讚！👍👍

好耐冇嚟過九龍灣淘大商場啦，今次去到三期，真係超級多嘢食，今次就收到邀請來試食呢間出名鰻魚飯嘅餐廳。咁佢嘅鰻魚飯最出名當然要試鰻魚飯啦，咁佢係有分高中低三個價錢，有厚切嘅鰻魚，鰻魚腩肉位置，同埋魚尾位置。咁我就試咗中間價格嘅鰻魚腩位置，佢嘅鰻魚果然真係唔錯，好香鰻魚肉味，一啲腥味都冇，入口彈牙，肥瘦均等。至於另一個就係五花豚肉釜，首先值得一讚嘅係佢嘅秘製醬汁用嚟煮五花腩真係好好味，啲肉熟嘅程度啱啱好，仲保存到五花腩肉嘅油份，加埋隻流心蛋，同埋蔥花，令到成碗飯增添唔少色彩。咁我仲跟餐，跟餐就會有麵豉湯，前菜同埋飲品，前菜係辣味嘅青瓜，麵豉湯就比較清淡，有豆腐海苔蘿蔔等等，嘢飲都係啲普通餐廳嘅嘢。

先不論黃藍 餐廳味道認真難食今日叫左個熱門推薦滑蛋吉列豬扒斧飯，基本上成塊扒無豬肉，全部都係肥膏嚟。大佬呀，你想偷雞最少都俾少少豬肉嚟啦 無理由成舊吉列豬扒都係肥膏？仲要成68蚊真心食左一舊就燥底凍奶茶少甜：奶精奶茶 飲左兩啖飲唔落玉子燒兩串：幾香口 不過唔夠蛋味 收28蚊兩串結論：中伏 食吉豚屋會好好多