釜之魂釜飯專門店 (淘大商場) (已結業)

見到門面好日系，好似好吸引就諗住試下，點知一入門口就知間野唔專業，班待應好似唔識做野甘，連帶位都唔識。叫左一個銀魂同金魂，價錢一樣，諗住試下有咩分別，原來就係有汁同無汁嘅分別。金魂係有汁嘅，食落就係普通嘅饅魚飯，完全無特別。銀魂係無汁嘅鰻魚飯。無汁嘅鰻魚飯真係好dry,就諗住叫個侍應加鰻魚汁，因為佢有寫可以免費加汁，但原來係金魂先可以加汁，咁我就唯有叫佢加落我個金魂飯度，再將金魂d汁放落個銀魂飯度，其實成件事真係好白痴。整體黎講唔會再黎，而且呢個價錢都完全唔值。