金樂軒雞煲魚鍋

營業中

休息中

今日約左朋友係北角食飯，好耐冇食雞煲，所以就揀左呢間餐廳試下。估唔到星期一晚都咁多人，好彩咁岩仲有最後一張枱！老重慶奇妙雞煲朋友唔食得辣，所以揀左呢個奇妙雞煲，醬汁幾特別，甜甜地又幾夠味、幾濃郁，雖然個煲入面有少少辣椒不過又唔會覺得辣喎。呢個係細煲，但都有好多件雞，雞幾滑，大細剛剛好，唔會好大舊食得好辛苦，又唔會太細舊好多碎骨，入面既配料仲有豆卜同冬菇，索左啲醬汁好好味。呢個雞煲值得一試！同埋下次有機會想試埋個麻辣雞煲！鮮味香煎墨魚餅見到牆身張相幾吸引，又寫住人氣，所以就叫黎試下。墨魚餅份量都幾多，幾厚身，又煎得夠香口，個底仲有幾塊蝦片！炒包心菜平時茶餐廳冇乜機會食到，見呢到有就叫黎食下，都唔錯！除左小菜，仲見到有得打邊爐，有機會都可以試下。

金樂軒雞煲魚鍋 （北角）今日去北角搵朋友食飯，佢話呢度有間食小菜嘅非常不錯！估唔到閑逸晚上的七點已經八成滿座，所以原來佢都幾受歡迎！由於最近成日打邊爐同食雞煲，所以我哋今次主要食小菜😍首先我哋叫咗個椒鹽鮮魷魚（$98),魷魚非常卜卜脆，啲椒鹽味令到佢非常惹味，魷魚食落亦都彈牙！由於我哋實在太鍾意食椒鹽嘅餸，所以我哋嗌埋椒鹽豆腐（$60)!呢個價錢有咁多舊大大嚿嘅豆腐真係好抵，而且豆腐熱辣辣，又非常嫩滑！跟住我哋仲嗌左薑蔥生蠔煲（ $198 ）同啫啫通菜煲（ $88 ），仲有黑醋小排骨（ $88 ）！個薑蔥生蠔煲有六粒勁大粒的生蠔，整到好似平時薑蔥炒蟹嘅味道，每粒蠔都非常入味😆呢個配搭我都係第一次試！至於啫啫通菜煲佢有啲蝦米，炒埋一齊好有鑊氣同好好食！總括來講，呢間餐廳的小菜都非常出色！而且我哋叫到成枱都係餸，每人都係二百幾蚊😍真係非常抵！食到勁飽咁回家！！

朋友住喺和富，話嗰度有一間金樂軒雞煲魚鍋，係街坊喜歡的菜館，就約埋一起去試試。今日係星期三，晚上七點已經座無虛席，即刻有晒信心，我哋叫咗個招牌老重慶奇味雞煲，細煲只係$188，有半隻雞，雞煲嘅味道好濃郁，雞亦有鮮味，配料有冬菇豆腐卜等，食唔到辣嘅人小辣已經好夠，其實你可以叫完全唔辣嘅雞煲。我哋加咗鮮蝦雲吞，$48有八隻大大隻的鮮蝦雲吞，抵食。朋友鍾意食小菜，叫咗個椒鹽鮮魷魚，魷魚非常新鮮美味，而且脆卜卜，好惹味，送啤酒或者竹蔗水就真係一流。我就鍾意食紅燒豆腐呢碟菜，豆腐嫩滑，配以唔同嘅菇類炒埋一齊，又有萵筍，有清新嘅感覺，碟頭又大。我們食得很滿意，推薦大家嚟呢度試下。

朋友住北角她說她家附近有一家還不錯的川菜館一直推薦我一定要來吃，對於愛吃辣的我來說，屬實誘惑，決定來試試🤪每次川菜都吃酸菜魚，我們這次換換口味就想試試水煮魚🐟水煮魚都很大一份，三個人都能吃，口味蠻正宗的，魚片大塊鮮嫩，配料有豆芽白菜和紅薯粉，滿盆的紅油和幹辣椒🌶️端上來的時候就忍不住吞口水了😋泡椒肥腸又酸又辣，份量很足，肥腸也大塊，很有嚼勁，裡面還有翠玉瓜和木耳芹菜做配料，營養搭配豐富✌️涼拌青瓜用來配啤酒🍻簡直絕配，爽口開胃😋麻辣涼皮也是川菜必點的，涼皮很薄很入味，配上青瓜絲，口感又辣又清爽✌️青椒🫑皮蛋還蠻特別的組合，個人覺得青椒在辣一點可能口感更豐富✌️這家店除了酸菜魚，雞煲也是必吃的，也是它們家的主打，下次會再去試試雞煲✌️

午餐除左雞煲有咩好⁉️鑊氣小炒王🔥三號波下，今日臨時俾中學同學約左出去午餐，真正風雨同路💦🌧☔️💨食完重一齊去Shopping ，買左餸預備今晚八號波打到黎時既晚餐🥣講返你餐午餐，非常惹味，喺雞煲同小炒嘅人生的抉擇下，我哋選擇咗小菜，可以食多幾樣，兒晏晝食雞煲我哋暫時仲未有咁嘅勇氣，實在太罪惡「雖然幾想」😛三個人，食咗$262，四個小炒又飯又湯又凍飲🥤。位位$88 ，一路食一路聽住廚房師傅嘅炒嘢「呼呼聲」超級有風味。雖然有川菜，但可以揀小辣，非常之貼心😆，係會油咗少少，但值得既。好好食😋炸大腸，生炒骨，回鍋肉，香鍋豬什，夠晒足料😆食唔停口😋😋推薦度（10👍🏻滿）：7.5👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：7⭐️賣相（10⭐️滿）：8⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：8⭐️地點（10⭐️滿）：7⭐️［金樂軒雞煲魚鍋 (北角)］地址：北角和富道114號康華大廈地下C3號舖#lunch #lunchideas #lunchtime #午餐 #午餐時間 #午餐吃什麼 #食飯 #推介 #美食 #美食推薦 #美食日記 ##外賣 #堂食 #takea

話說小編要落北角整d野～咁緊係想去埋搵食～心郁郁想食雞煲🤤上網搵下有咩選擇睇下未食過既～就同大家一齊去試下依間啦😝老重慶奇味雞煲(細)叫份細都算多雞·食落唔算多花椒小編幾滿意·太多花椒要挑開黎食係好煩·雞方面又唔會斬得太大舊或者碎濕濕咁👍味道唔錯亦唔係好特別家鄉蠔仔煎可能係小編食唔慣個種口感·好淋好痴口·蠔仔味唔算出🥲雞絲粉皮味道正正常常·青瓜絲雞絲同個醬汁幾夾·整體算大碟抵食安格斯牛頸脊牛味唔濃不過數量算多👍唔會切到好薄要讚·落湯滾一滾唔好太熟小編最鐘意😋土魷魚 豬肚 皇帝菜3款都係味道正常·魷魚同豬肚切得幾大舊·小編見議滾耐小小無咁un·皇帝菜幾新鮮好味😋—————————————————☻非專業食評·純個人口味☻—————————————————📍總結:味道不過不失～普普通通食雞煲～不過環境真係好嘈🥲唔接受太嘈真係要諗清楚～小編就感覺麻麻地🙏🙏

有朋友介紹這間街坊小店，隱世火鍋小菜。老重慶奇味雞煲$188 小辣一打開，好香呀！好多芫茜！！雞嫩滑多汁，洋蔥索哂湯底味道。下次可以再食中辣！水煮牛頸肉 $118麻香味十足，第一次食，不敢太辣。舌頭麻得痺痺，過癮！牛肉厚切又嫩，配菜索哂麻辣，爽！寬粉Q彈，厚身有咬感。煎墨魚餅 $128招牌菜，必食！份量好多，墨魚肉很多，很實在的墨魚肉。外樣炸脆，但內裡鬆軟，蘸試甜辣醬更為滋味。炸魚皮$45、支竹$38、丸餃雙併$68加入湯底混著食，好食！魚皮香脆！竹蔗矛根 $33、青島$25竹蔗矛根唔太甜，剛好！而且滋潤喉嚨！再食多D都唔怕！

早排同朋友去慶功，去到北角嗰度搵下啲傳統小店， 想搵間有得打邊爐又有雞煲。 咁咪openrice睇到呢一間金樂軒。我同你看住一齊出去慶祝咁梗係要整支啤啤啦， 飲得啤酒通常有嘅叫小菜或者叫雞煲， 我哋就梗係叫咗一個細嘅雞煲， 兩個人食啱啱好， 我哋兩個有得揀少辣。之後就叫咗個蒸魚雲，搵我都好surprise真係好食， 我叫咗個唔知咩菜咁啦。 咁之後我問老闆話有冇咩海鮮推介呀， 推介咗蟶子， 一人一隻蒸蟶子都幾正呀。你問我呢間嘢都幾有歷史， 火候都有番咁上下啦。 最鍾意外蒸魚雲同埋蒸蟶子，真係又鮮甜又新鮮。

香港人真係四季都會打邊爐🤣🤣我同男朋友兩個都好中意烚下烚下，但如果去邊爐店又會計時，所以今日就揀左食酸菜魚煲，慢慢食慢慢嘆👩🏻‍❤️‍💋‍👨🏻。🐒酸菜桂花魚鍋💰$238(一條)一上鍋第一下心諗係咪比錯左4人份量我地，份量勁多，啲魚勁滑同埋起哂肉但間唔時都有少少細骨，所以都要小心配料方面入面除左有唔少酸菜之外，仲有啲娃娃菜，椰菜花，芹菜，蘿蔔，青椒，所以我地都冇另外再嗌菜食湯底方面唔會好油，我哋嗌小辣就好似BB辣咁，所以食我辣既話可以大膽啲😂花椒個啲配料都唔會好多，食落都冇咁麻煩，唔會唔覺意又咬爆幾粒店員個個都好熱情，一上鍋姐姐就叫我地慢慢食哂啲魚先再叫佢加湯打邊爐，完全唔會催你。🐒火鍋配料👉🏻豬頸肉💰$58👉🏻餃雲吞雙拼(韮菜豬肉+木耳豬肉蝦仁)💰$68👉🏻鮮魷魚💰$58👉🏻炸魚皮💰$48👉🏻特級黑豚豬肉💰$128(~厚切十幾塊)邊爐料黎講就全部都正常，特別可以講講個黑豚豬食落半肥瘦，一啲都唔鞋口，仲要厚切，啖啖滿足感🥰🥰。依家佢仲有推出外賣餐，岩哂禁堂食兩個人又唔想煮既時候烚下烚下就最岩啦！

想食雞煲但又冇晚市所以午市黎食。午市嚟到見到好多人都係食午市小炒或者碟頭飯，同埋見到都幾多人食，相信都係熟客，心諗多熟客應該唔會中伏嘅。一入到去老闆就問我哋食雞煲定魚煲，諗諗吓魚煲都幾好就叫左，原來係酸茶桂花魚煲黎，另外仲嗌咗魚皮、餃子拼盤、豬頸肉、魷魚同埋豬肉片，仲叫左兩杯野飲。啲嘢食好快就嚟度，桂花魚已經起咗肉所以好正，啖啖肉，我哋兩個人食都食左三四碗魚，所以好大份量，另外佢個酸菜好開胃，同d魚好夾，特別一提佢啲豬肉片係靚野黎，唔係話好肥同埋唔會好柴，叫咗個魚皮好啱點魚煲所以都推介如果食魚煲都可以嗌埋魚皮。其他嘅膠紙豬頸肉魷魚都係正常發揮。重點係個酸菜桂花魚係好正，同好大份，總結下次會再嚟，試埋佢個雞煲同埋其他小炒，相信一定好有鑊氣。

之前經過呢度一到lunch就大排長龍，仲聞到陣陣雞煲香味，今次就特登lunch 過黎試下。佢地除左鷄煲魚煲出名，仲有好多小炒都好吸引。我地1點黎到超多人，都等左半個鍾左右。小辣雞煲 $188要讚個醬 好惹味 同出面有小小唔同 感覺味精無甘多 唔會一路食一路好口渴雞件超多 好入味 汁調得岩岩好 夠味但唔會好咸鷄肉都算滑 美中不足有小小鞋2個人食完已經好飽 仲要繼續打邊爐lol自家制竹蔗茅根 $33好足料好好飲！唔會好甜有屋企煲既感覺我超中意有凍&熱 忍吾住encore左多一札黑牛柏葉 $78個人就一般般覺得有小小un  唔夠爽口安格斯牛頸脊 $288濃郁既牛味！軟嫩 香氣十足 分量都唔少 必叫脂肪唔多所以唔會好肥膩 但好有口感鮮魚片 $88最中意 好有驚喜魚片好鮮美 滑溜可口 無骨比牛更出色！魚腐 $40大大粒 好抵食 比丸更值得叫 同埋好飽肚蟹柳 $40高質 好滑吾係出面個d普通貨色lol出前一丁 $22索曬湯汁 超惹味湯底打到最後都依然好濃鬱 好值得讚 全程唔會越打越淡味唐生菜 $33打邊爐/鷄煲點少得生菜新鮮脆綠 Overall 係一間人情味小店，食材新鮮美味，最推薦竹蔗茅根，好有

同行三個人首先就叫咗個老重慶奇味雞煲，有大中小辣可以揀，今次就試吓水溫叫咗小辣先。老闆話原來仲有個麻辣雞煲，下次就可以試吓啦～雞件幾多又入味👍🏻 食完就加辣湯落去打邊爐，食肉獸們就梗係要食咗肉先啦！特級安格斯肥牛唔係坊間食嗰隻肥牛，呢間嘅牛肉會厚身啲，所以牛肉味都相對重啲。特級黑豚豬肉都係厚身type～打邊邊好正～估唔到呢間餐廳連煎墨魚餅都有！墨魚膠彈牙又夠味，食多幾件都唔怕油膩～另外仲叫咗啲金針菇同埋唐生菜，全部都大大份。炸芋頭同埋炸響鈴亦都係即叫即炸，食落去特別香～飲品方面就叫咗竹蔗茅根，甜甜地用嚟解辣就啱晒

呢間餐廳距離北角地鐵站唔算好近，裝修都比較古舊，似普通茶餐廳咁樣。但係估唔到入邊竟然有雞煲同埋烤魚食，而且價錢親民。一坐低就叫咗個老重慶奇味雞煲，揀咗小辣，覺得可以再辣啲。三人份量來講到幾足夠，雞肉都幾嫩同埋入味👍🏻 個醬汁都幾惹味👍🏻食完雞煲之後就可以加辣湯打邊爐，炸響鈴係即叫即炸，好新鮮~ 主打安格斯肥牛就係比較厚身一啲，食落去牛味好濃郁，而且有咬口🤩 特級黑豚豬肉都唔錯，同樣係厚身少少，咁樣就比較有口感🤞🏻另外仲叫咗啲金針菇同埋唐生菜，份量都幾多，好抵食。芋頭亦都係即叫即炸，夠晒新鮮，份量仲要多到食唔晒！另外喺老闆推薦下仲叫咗個煎墨魚餅，熱辣辣好好食，墨魚膠好彈牙！作為小食真係一流～打邊爐咁熱氣就梗係要叫返竹蔗茅根睇得出好足料，不過味道有少少偏甜～三個人食飯唔使$1000，而且質素中上，抵食～

古詩有曰，紅泥小火爐，能飲一杯無。不用上班的日子，當然是和好友美食佳釀，觸膝言歡。有火爐的佳餚，水煮魚是首選，這裡雖然不大，菜色選擇却不少。選了餐廳一角坐下，先點了竹蔗茅根甘筍玉米馬蹄水，清一清味蕾，以預備享受佳餚。首先是一鍋水煮魚，紅色的微辣湯伴着新鮮的桂花魚片，粉條，鴨血，大豆芽，大白菜和香菜，放在爐上慢慢煮開，迫不及待的兩個饞嘴馬上開動，厚厚的桂魚肉鮮嫩美味，嚼在嘴裏滿足了每一個挑剔的味蕾，伴着鍋里不同的配菜，這水煮魚是滿足又滿分。其他點菜陸續上桌，鮮魷魚，豬頸肉，沒漂過的鮮牛柏葉，雙色餃子，全是新鮮嫩綠的食材，在通貨膨脹的環境下，全用如此新鮮的食材，實屬難得，值得點👍讚。吃得肚皮微😊笑時，喝上一杯清香的竹蔗茅根馬蹄水，如一泉清流，洗滌了積壓的凡俗，微笑的肚子又是另一番滿足。

話說我好鍾意食雞煲，而呢間餐廳我都bookmark左一段時間，前2日終於同friend去左試。P.S. 而家午市有八折 | 晚市有八五折 (飲品除外)老重慶奇味雞煲(小) $188辣度對我地2個黎講都唔算太辣，個汁又唔油，除左有雞之外仲有好多豆卜，好索汁😋最緊要係全程食緊同食完都無口渴既感覺！我之前食雞煲都係要一路狂飲野，同埋食完會喉嚨痛，今次係無架👍🏻同埋要讚下佢個竹蔗茅根好清甜好抵飲。照舊食完雞煲加湯打邊爐 : ✨安格斯牛頸脊 $288✨雙拼餃 $68韮菜餃 x 鮮蝦雲吞 ✨豬紅 $35✨土魷魚 $48✨皇帝菜 $38✨鮮魚片 $88✨竹蔗茅根(小) $33