一入門口就比呢間餐廳嘅佈置吸引咗啦！藍色熊啤啤好吸睛用嚟打卡一流😆 入到餐廳位置都好闊落，好多位，但係枱同枱之間都仲有一定距離👍🏻 成個裝修係好電子世界feel，好似八九十年代嘅感覺。非常打卡able🤙🏻 我哋就叫咗個蕃茄韓式辣海鮮湯配中華面，上枱嘅時候有個gas 爐跟著，所以啲嘢食到好夠熱👍🏻 個湯辣味唔重，唔食得辣嘅朋友都話OK 。個湯有好多海鮮，同埋中華面都唔會煮到淋晒，仲幾有咬口👍🏻 另外就叫咗個芝士鐵板五花肉，五花肉幾多，芝士煮到溶溶哋好香呀～成個感覺好match👍🏻 最後仲要多份炸雞，炸雞炸得好香脆！肉質都keep到好嫩！同埋份量好多😎抵食～ 仲配埋格格薯😆 兩杯飲品都各有特色，配搭濃味嘅韓國嘢食都好夾！ 買單$700左右，真係食到兩個人都捧住個肚走🤣😂

好鍾意食韓國嘢嘅我一直都冇食過醬油蟹，聽朋友講話呢間餐廳嘅醬油蟹幾好食，所以就一於試吓！ 先上三款小菜，泡菜酸辣酸辣，黑豆味道唔錯！幾韓式😆 主角醬油蟹出場！仲送埋個紫菜拌飯～ 我哋兩個人就叫咗一隻醬油蟹，白飯就係一人分量～ 用餐廳比嘅手套，將啲蟹膏唧落個飯度撈埋一齊食，好鮮甜 而且完全唔腥！好好食 另外，仲叫咗個韓式豬手，分量比我想像中多！醃得好入味，仲有好多配菜，例如係生蒜片蘿蔔乾同埋辣椒。 夾埋山菜一齊食，食到豬手嘅香味，但係有生菜中和下，唔會好油膩！ 醬油蟹同埋韓式豬都味道出色下次再幫襯食其他！

中環一向都好多唔同種類嘅餐廳，估唔到喺小巷入邊竟然有咁有情調嘅Cafe！ 餐牌選擇唔算好多，不過除咗有單點食物之外仲可以揀套餐~ 餐廳環境都好靚，見到有唔少遊客特登去打卡😆 我同朋友兩個人就揀咗兩個套餐，餐湯係蘑菇忌廉湯，另一個就係沙律。蘑菇湯好creamy! 沙律就夠清新👍🏻 其中一個主菜揀咗喇沙海鮮意大利粉，味道適中唔會太辣，唔係好食得辣嘅朋友應該都OK！蝦仁夠彈牙新鮮，唔會有浸雪味😝意粉就痴晒啲喇沙汁，好味😋 另外一個主菜就揀咗蜜糖咖喱豬肋骨，食落去既有咖喱嘅香味，又有蜜糖嘅甜味，意想不到地幾夾！豬肋骨亦都炆到好淋，基本上一咬啲肉就會甩出嚟👍🏻配埋個酥餅，即刻提升左層次感😆 另外都叫咗個蟹餅試吓，淡淡都係蟹肉，外皮煎得好香脆。配個芒果莎莎汁好開胃🤭 呢杯Rose lady係店員特製俾我哋嘅！佢話menu到係未有，出乎意料地好飲！係加左gin 嘅rose cocktail😝 朋友就叫咗杯竹炭芝麻latte, 芝麻味好重，飲完成個人即刻暖晒🥰

好耐冇同朋友出去食飯，為咗就佢放工，就揀咗一間係佐敦嘅西餐廳食飯 餐廳唔算好大 但燈光暗暗地 幾好氣氛～ 餐牌選擇唔算好多，我地從中揀左4樣野～ 呢個麪包烘到好乾身又脆，醬汁嘅蕃茄味好濃好fresh! 成個配搭好清新又開胃 呢個真係有驚喜 入面係羊奶芝士同菠菜，味道好match! 外面又炸得夠香口，一啲都唔油膩！ 炸魷魚又係炸到好香脆～食得出魷魚好新鮮，有鮮味 蜆肉好新鮮又冇沙，仲要好嫩滑青醬好fresh, 但唔會一大浸青草味，好好食！ 呢間餐廳雖然位置比較隱蔽，但係食物新鮮又好有質素，價錢又唔貴。好值得再去食

配料真係非常多！基本嘅丸，餃子同埋菜都有好多款，餐廳仲另外有小海鮮比食客任拎！😆 醬料方面都有好多選擇，基本嘅蔥同埋蒜頭等等都有。佢仲有個醬汁叫做花生芝麻醬，個味道都幾香幾特別，可以一試👍🏻 喺等緊火鍋之前仲有啲冷盤小食提供，有手帕青瓜，炸雞粒，豬肚同埋鴨血等等。個人覺得炸雞粒最好食！火鍋店有提供咁多款小食都算意料之外😆😆👏🏻 首先可以揀咗湯底先，喺六款湯底入邊我哋就揀咗麻辣鍋～ 佢係冇辣度可以揀嘅，個人覺得唔係好辣，不過可以叫員工幫你加辣嘅～🤣 一上枱個鍋睇落好fancy! 睇住啲湯料同啲湯水慢慢融合埋一齊～ 😆 打邊爐就肯定係要揀咗牛肉先啦，分別有肥牛，牛肩胛同埋牛板腱～ 肥牛會偏向油花多啲，另外兩款牛肉就肥瘦適中，燙一燙佢就可以食！另外仲有豬肉同埋羊肉片可以叫，任食火鍋來講質素都唔錯👏🏻另外覺得佢嘅金牌手打丸幾有水準，重食材味又夠口感～ encore左幾次😆 嘢飲亦都係又唔飲嘅，款式到相當多，另外仲有餐廳自己沖泡嘅冷凍茶～👍🏻 總括嚟講覺得餐廳食物質素幾好，性價比高👏🏻

同行三個人首先就叫咗個老重慶奇味雞煲，有大中小辣可以揀，今次就試吓水溫叫咗小辣先。老闆話原來仲有個麻辣雞煲，下次就可以試吓啦～雞件幾多又入味👍🏻 食完就加辣湯落去打邊爐，食肉獸們就梗係要食咗肉先啦！特級安格斯肥牛唔係坊間食嗰隻肥牛，呢間嘅牛肉會厚身啲，所以牛肉味都相對重啲。特級黑豚豬肉都係厚身type～打邊邊好正～ 估唔到呢間餐廳連煎墨魚餅都有！墨魚膠彈牙又夠味，食多幾件都唔怕油膩～ 另外仲叫咗啲金針菇同埋唐生菜，全部都大大份。炸芋頭同埋炸響鈴亦都係即叫即炸，食落去特別香～ 飲品方面就叫咗竹蔗茅根，甜甜地用嚟解辣就啱晒

原來尖沙咀新開左古今二，行經the One唔想太多人所以就試吓～ 呢走沙律賣相好colorful 有柚子，海草，車厘茄同埋牛油果等等嘅配菜。大蝦幾爽口，沙律菜都好新鮮，幾開胃，仲要好大碗 叫咗一串鹿兒島豚肉蘆筍，同埋鹿兒島豚肉荔枝串。荔枝串好有驚喜，夠香甜～ 豚肉燒到微焦，兩者估唔到咁夾 見佢幾名幾得意就叫左，一上枱先發現原來係咁樣！又真係幾似火山！其實係帶子蟹柳飯卷嚟嘅，上面個pat醬汁就係沙律醬撈蟹柳～ 食落都唔錯～ 另外仲要多咗一個炸軟殼蟹飯卷，材料同白飯嘅比例岩岩好 軟殼蟹夠香脆但唔油膩～ 最後叫埋個牛肉壽喜燒，多肉又多菜，大滿足～

難得香港都有富有日本特色又高質嘅居酒屋～ 依家餐廳都幾多人幫襯，一定要卜位！見到佢地方都裝修得好靚，好有日本風味～ 首先就叫咗刺身，肥美又新鮮，價錢都好合理 感覺似鰻魚，燒到香脆但係唔會乾，香口 飯卷嘅份量比想像中多，炸蝦同飯嘅比例都岩岩好，同埋炸蝦keep到脆！ 帆立貝好大隻，職員會係食客面前用爐去燒，溶埋牛油即刻好香口～帆立貝 本身就係好鮮甜，燒熟左就有爆汁效果 呢個甲羅燒真係世界級好食！可以話係喺香港食過最好食嘅～生嘅時候買相已經好靚，職員會即場燒熟，然之後撈埋一齊就食得～ 一食落去就有種鮮甜感！鹹鹹香香，配埋梳打餅食會冇咁油膩啦～分量可以填滿晒兩塊梳打餅～ 呢個又係好新鮮，魚生夠鮮甜，海膽都唔會好搶味！食落去就係一個新鮮嘅感覺 呢個又係可以職場加熱嘅，食材都唔算少叫做應有盡有，不過重點係呢個龍蝦湯好鮮甜！飲得出真係用龍蝦煮嘅上湯，如果加個白飯落去應該會好正！

呢到唔單止有dinner set menu，另外仲有啲餐廳精選，啲款式都好吸引，尤其是係海膽蟹膏蟹肉意粉好吸精！ Set dinner方面，會提供埋前菜同埋餐湯，兩款麵包分別係小餐包同埋牛角包，欣賞佢有焗熱左先比客。沙律細細份都幾新鮮，精選餐湯就係栗子忌廉湯，飲得出係有栗子打成用再加cream, 所以整體好香口，好重栗子嘅味道～ 主菜就是澳洲400日穀飼和牛牛腹膜柳配日式芥末蜜糖醬，伴碟有個小芝士煙肉焗薯同幾款燒蔬菜。牛扒份量多，牛味濃郁，抵食。 小食就叫咗火炙半熟吞拿魚伴柚子味噌醬，做到外脆內軟，不過吞拿魚味唔係好出，反而醬汁味道比較突出，有少少掩蓋左吞拿魚嘅鮮味～ 另外就一定要叫嘅最出名嘅海膽蟹肉忌廉汁意粉，海膽同蟹膏都好香濃，餐廳加咗蟹膏喺忌廉汁入面，所以成個意粉都好香蟹味～ 食到停唔到口！

喺新城市經常行過見到呢間放題，但係都冇食過，終於今日去試吓啦 放題來講食物款式唔算好多，不過叫做非常齊全～ 一坐低就叫咗刺身先，整體來講好新鮮，三文魚夠肥美，帶子都好鮮甜 另外就叫咗啲串燒，燒得幾香口，唔會過分熟，肉質仲係好嫩滑！除咗肉類之外，燒秋葵都幾好食，上面仲林咗少少燒汁，令到個味道冇咁單調～ 見到好多人都叫咗鵝肝，我哋都梗係要叫埋一份！油脂好足夠，夠惹味，食到最後有少少油膩，一份就好滿足了～ 燒帶子係全晚最出色之作，keep到外脆內軟，encore左幾次！ 仲有幫襯放題會送嘅燒大蝦，每人一隻，肉質好爽蛋，啖啖肉 當然唔少得雪糕汽水任飲啦～ 整體來講食物水準高，款式幾齊全，價錢合理，住沙田嘅朋友可以一試～