今日雖然連日大雨，但無阻我和朋友出街揾野食的興致。今晚我地去深水埗青山道天悅廣場地下的大煲皇打邊爐。朋友是常客，今晚由他發辦。 朋友話這小店受街坊歡迎，有雞煲，活魚，刺身，火鍋等任君選擇，價錢實惠，用料新鮮。 今晚我地揀左抵食好味的翅群花膠雞鍋，這個受歡迎的人氣鍋底真係無得輸，雞湯濃郁香甜，充滿骨膠原，花膠和翅群滑，雞肉香，特價$228算超值。 火鍋配料選擇多，各款精品牛肉尤其出色。今晚的頂級手切鮮肥牛真係好好食，牛肉味濃質感好，厚薄適中，一碟小的也份量不少，推介！ 蝦滑拼墨魚滑鮮甜，好食。潮洲魚蛋爽脆有魚味。 棉花魚肚吸滿濃雞湯好惹味。 打邊爐之餘最好飲埋竹蔗茅根水，清甜下火，正！ 支持本地消費，我地推介這良心小店。

香港好多良心小店都用心經營，今天和朋友去光顧的佐敦廟街沾仔記麵食有特色，出品經濟實惠，值得支持。 朋友最喜歡蠔油蝦子三拼撈麵。撈蛋麵爽脆彈牙，加埋蝦子更惹味出色，生菜爽甜。上湯三寶都好食，先飲幾口充滿大地魚味的上湯，再享受大大粒，飽滿足料的鮮蝦雲吞，有肉味的牛肉片和真材實料的鯪魚球，大滿足! 下午二時後才有供應的蜆介鯪魚球和甜酸炸雲吞也不可錯過。炸鯪魚球又香又彈牙，可口。炸雲吞皮香脆有蛋味，餡料足，點埋自家製甜酸汁味道更佳。 韮菜花新鮮淋甜，美味。 低糖豆醬豆香濃，口感滑，正。 兩個人吃飽又滿足，人均消費$80左右，抵食。 朋友走時買了火鍋配料鮮蝦雲吞，鮮鯪魚肉和鮮牛肉回家孝敬媽媽。

今日朋友提議去新開叫加賀屋的居酒屋吃午餐，有水準，物有所值，很滿意。 西京平目魚午市定食 所有定食有麵豉湯、飯、平目魚、沙拉、熱茶一杯。我選擇的平目魚煎得非常用心，魚皮脆卜卜的，魚沒有腥味，滑而鮮，味道鮮甜。飯粒粒分明又軟熟，加上地道的麵豉湯，健康有益嘅新鮮蔬菜沙拉，係一個豐富嘅午餐定食。 松 壽司定食 壽司定食有兩款，我們選擇的松套餐全部都係魚生壽司，裡面有幾款灼燒過的，全部魚生都好肥美同新鮮。友人表示大愛灼燒左口魚！ 大關 刺身定食 刺身定食有三個套餐可以選擇，友人話厚切的中本拖拿肥美非常，特大的海老和帆立貝吃了好滿足！套餐有人選擇配烏冬，麵質有嚼勁，很好吃呢！ 飲料：蘇打梅酒 甜甜的梅酒配上清爽的蘇打水，裡面還有一顆酒味濃郁的梅子果肉，正! 甜點：千層蛋糕和芝士蛋糕 兩款蛋糕只需要加15元就可以加購，蛋糕甜度剛好，味道不錯！ 此店值得再訪。

今晚朋友約我去尖沙咀Asok Thai Garden吃晚飯。好彩有訂位，下午七時前餐廳已差不多滿座。 此店主打西.泰fusion菜式，菜單，用餐和環境都令人有在泰國渡假的感覺。 客人自己用barcode落單好方便。我們選了些厨師推介菜式，吃得滿意。 泰式燒牛肉沙律有水準，沙律菜新鮮清爽，牛肉生熟程度適中，有肉味質感佳，炸腰果好食。 推介小食拼盤，可以試哂免治豬肉串，泰式魚餅，雞棗，清邁腸，蝦片和燒菠蘿。每樣都好食惹味，我特別鐘意微辣的魚餅和雞棗，燒菠蘿好甜。 蒜香班蘭燒羊架好肥美，有三大件，羊肉唔騷肉質鮮嫩，配菜都出色，薯蓉香滑，西蘭花，椰菜花，粟米都新鮮好食。 甜品芒果糯米飯甜筒味道不錯，不太甜，椰子雪糕尤其好味，打卡一流。 凍泰式奶茶濃郁有茶味，推介。 此店值得再訪。

朋友喜歡吃日式燒肉，今日同佢去燒肉801吃燒肉慶祝她生日。 午市好抵食，選擇多，用合理價錢可以享受到美味的燒肉，午市送味噌湯和白飯。 803神盛可以一次試哂特上牛胸腹肉，牛板腱肉和腹前牛小排。三款都好食，有牛肉味，值得試下。 806牛舌盛有醬油牛舌和鹽味牛舌，各有特色，牛舌香，有咬口，我鐘意醬油，朋友比較欣賞鹽味。 愈吃愈開心，我們追加了鹽燒黑毛䐁無骨小排和單點鹽燒特上牛胸腹肉。特上牛胸腹肉和䐁肉都肥美，有肉味和口感。 飲埋跟餐的可樂，今餐好滿足! 人均消費$220左右，抵食好食。 店通風好，座位舒適，服務令人滿意，值得再訪。

朋友話這烤肉店在國內很受歡迎，有很多分店，時常排長龍。今日放假我們便相約來尖東這間內地過江龍試下。 有一個供二至三人食用的招牌烤肉套餐幾吸引，有7.9折，由$852減到$698，我們便選了這套餐，不用傷腦筋。 幾款前菜可以隨便添加，沙律菜，薯仔沙律，蘿蔔絲都美味。 點烤肉的麻醬有特色，加了醋好味道。特製乾芝麻辣椒粉有風味，愈食愈想食。 老太太特色瘦牛肉味香濃。老太太特色肥牛肥美。雪花肋條和燒汁橫隔膜有肉味和口感，用生菜，蒜片和青椒包住來吃更美味。豬五花都有質素，香甜有肉味。 金針菇用錫紙包住焗熱，裏面有蒜蓉又鮮又惹味。 拉絲的芝士烤粟米粒都好正。 店的通風佳，座位舒適，店員有禮效率佳。 套餐份量足，我們吃得又飽又滿意。下次揾多幾個朋友再訪，試下其他好野。

今晚同朋友去尖沙咀後宮食火鍋。 店營業到凌晨6時，每日9:30pm後入座單點7折優惠，海鮮酒精飲品除外。店有2個獨立KTV，房間最大容納30人。在這裏一班朋友可以一起吃火鍋，一邊唱K，盡興。 火鍋湯底選擇多，我們要了雙拼，秘製沙爹鍋濃郁惹味，裏面有美味的豬皮。番茄魚湯薯仔鍋足料，湯好甜，正! 火鍋配料新鮮有質素。美國prime牛小排肥美肉味濃，肉質嫩，好食。珊瑚蚌爽脆，不但低脂，而且低膽固醇。鮮蝦丸鮮甜，鮮墨魚丸彈牙好味。金針菇吸滿湯汁又滑又美味。 小食冰火芥末火魷魚出色，好惹味，送酒一流。 今晚吃得滿意，下次叫多幾個朋友來唱K吃火鍋。

今日去咗銅鑼灣Sugar+瀧宴日本料理食鐵板燒，餐廳環境好靚，落地玻璃可以飽覽維多利亞公園嘅風景。 首先食咗前菜先，有蘆筍，水雲，同日本蠔，味道都好開胃。跟住師傅就會擺放今日嘅食材出嚟，俾我哋影相，隻鮑魚超級新鮮，仲一直喺度郁緊。 首先就食比目魚，外皮煎到極香脆。之後到大蝦，肉質彈牙鮮美，蝦頭惹味。鮑魚好大隻，口感好軟熟，係我鐵板燒食過最好食嘅鮑魚！帶子都好特別，同海帶湯一齊煮，上面有魚子，食落味道好夾。總括嚟講，依度海鮮嘅煮法都好俾心機，唔似平時單純用鹽同黑椒去煎。 之後就到牛肉，有兩種煮法，一種係薄切牛肉包住蔥同蒜，另一種就係煎牛肉粒。我自己鍾意食牛肉粒多啲，比較有口感，都重牛味同油脂。 已經食到好飽，但仲有櫻花蝦炒飯同蝦頭湯，炒飯好有鑊氣，櫻花蝦煎到好脆，蝦頭湯好惹味。之後仲有芽菜食。 最後就係自家製嘅巨峰葡萄啫喱，可以解解鐵板燒嘅油膩。滿足嘅一餐。

平時經過這店見到名人和食家如蔡瀾都是這裏的座上客，今日终於有機會試下，覺得這店的手工餃有風味和水準。 餐牌見到有多款餃子和小食都吸引，但一個人食量有限，只叫了一份餃子和小食與及飲品。 見到店內宣傳推廣松茸的好處，便决定叫這店的鎮店極品，山珍之皇龍鳳松茸餃。這餃子有新鮮豬肉和黑白松露，可選湯餃或煎餃。今天想吃煎餃，餃子即叫即煎，中的一份八隻。餃子個頭大，隻隻煎得外皮香脆，肉餡鮮味，黑白松露香，增添餃子的風味，健康可口，加些香醋和微辣的菜甫豆豉醬更美味。 新鮮酸蘿蔔爽甜脆，開胃。 日本龍鳳蛋配黑白松露醬都有水準，流心蛋黃尤其美味。 最後飲杯酸甜的蜂蜜檸檬薏米水，滿足! 下次再來試下湯餃和狀元九鼎湯。

As suggested by my friend, we had a lunch gathering at 文華廳 recently. Dim sums are very good. For steamed dim sums, we recommend har gau and crab meat dumplings with morel mushrooms. For baked and fried dim sums, whole abalone and chicken tarts are must try. Iberico ham puffs are delicious, too. It is a pity that steamed rice rolls will only be provided during weekends. Chilled fig cream with seaweed sage is a delightful dessert we recommend. Soy sauce chicken is one of the best I have tried. Ambience and service are very good.