玩味十足嘅Mamaday餐廳，食物有番咁上下水準🥰一D 都唔係麻麻地ga😉 ✨🍗期望愈大，失望愈大…雞翼$69 每次都必點蜜糖芥末味！呢款單骨炸雞翼，外層香脆，入面又夠juicy, 有質素保證😍 ✨🍕 點解個個都叫軟殼蟹比薩㗎(仲要有菠蘿) $145 大大隻炸軟殼蟹放喺Pizza 中間，非常吸睛！Pizza餅底薄脆，上面仲有我中意嘅菠蘿🍍， 具創意之餘又幾好味☺️ ✨🍟 薯薯薯薯薯條$48 2-3人的話叫Small size 已經好夠食😉 明太子醬真係夠晒佛心😍熱辣辣嘅香脆薯條上面有明太子醬之餘, 仲額外跟咗成兜明太子醬！ ✨🍝有蟹Go又有蟹肉的蟹蟹蟹意大利扁麵 $145 滿滿嘅蟹膏同蟹肉, 蟹膏味幾出☺️ 意大利扁麵口感彈牙，仲幾掛汁tim❗️ ✨🍹你今日飲咗益力多柚子沙冰未呀？ $56 係我嘅最愛😍 柚子蜜益力多沙味道酸甜，而且仲唔會太甜☺️

好中意呢度食物款式夠晒多元化, 而且店員服務殷勤😉食物refill & 執枱速度都好快, 真係五星級嘅服務🌟 ✨💰歸本攻略✨ 1️⃣一開始梗係食海鮮&刺身：🦞龍蝦、🦀長蟹腳、🦀蟹鉗、🦐凍蝦、帆立貝、蜆、🐟吞拿魚、🍣三文魚、帶子等，完食已經歸咗本一大截!當中三文魚同長蟹腳係小妹最常encore 的😍 2️⃣轉攻熟食嘅🍲中西式食品, 我重點推介中式部嘅紅燒花膠同鮑魚🥰 你地又知唔知車仔麵🍜檔係可以走麵呢? 咁就可以食到我🦑咖哩魷魚同🥬恰生菜, 加埋🐷豬血個肚都仲可以繼續戰鬥😂 食埋東坡肉、老火湯、西班牙海鮮炒飯、🍕pizza、🥟意式雲吞、🐟石斑魚、燒味等，已經好飽啦😳 如果大家仲食得落, 仲可以食埋🥗沙律吧！ 不得不提, 呢度指定時間仲會有限量嘅菜色供應, 係絕對唔可以錯過ga😍 ⏰6:30PM焗牛油果配鮮蝦及柚子芝士醬🧀 ⏰7:00PM火焰芝士焗龍蝦 🦞 ⏰7:30PM炭烤斧頭牛扒🥩 3️⃣黎到甜品嘅環節,大眾款式的🍨雪糕、🍰cake 同🍉水果都好齊全, 仲有糖果可以夾tim! 個人推薦紅豆鯛魚燒同即叫即整嘅Pancake, 坊間buffet 比較少有!

我最近喺Storellet App 入面登記做🐱貓爪烤肉會員獲得唔少優惠卷，今日決定用個張$348嘅烤肉二人餐😍 🔥烤肉二人餐🥩 $348 呢個套餐實在太豐富啦, 每人都只係💰百幾蚊就已經食到好飽😍重點係佢嘅燒肉都醃好晒味，加上食物本身肉味夠，唔洗再醮燒汁都Ok, 整體質素仲幾好tim☺️ ✨ 木耳青瓜🥒 (跟餐附送) ✨ 全明星拼盤🍱 內有蒜香豬五花、貓抓芝士雞、精選牛板腱、嫩肩里肌味現拌、秘製牛五花同藤椒牛舌等，份量仲好佛心🥰 ✨ 雞脆骨🍗 ✨ 海捕虎蝦🦐 ✨ 貓抓烤茄子🍆 ✨ 生菜🥬 ✨ 貓抓拌飯🍚 上面有滿滿嘅飯素😍 珍珠米口感柔軟，加埋燒肉一齊食真係好夾！ ✨ 焦糖布丁🍮 上面有個貓抓奶凍，非常可愛！味道仲幾好食tim! ✨ 紅豆豆腐花 最後跟餐仲送埋兩杯飲品 - 貓檸茶或貓草茶，CP 值實在太高😂

呢間🇯🇵日式居酒屋位於尖沙咀K11 斜對面, 西鐵同地鐵站N出口對過面馬路就到,非常方便😉 ✨🥗和風刺身沙律 刺身夠新鮮，而且份量勁多, 配搭沙律菜真係好好食! ✨🐟忌廉芝士吞拿魚卷 吞拿魚肉質夠嫩,而忌廉芝士則口感細膩，飯卷底部仲有香濃嘅蛋黃醬,唔洗加豉油已經夠晒味！ ✨🍱極上海之幸丼 丼飯用料新鮮且豐富，有海膽、拖羅、吞拿魚蓉、牡丹蝦、磯燒鮑魚、三文魚籽等，鮮味十足。 ✨🍢串燒 叫咗雞皮餃子、薩摩赤雞肉蔥串及薩摩赤雞腿肉, 個人最中意食雞皮餃子, 一啖咬落爆晒汁, 好 juicy! ✨🍤天婦羅盛合 天婦羅香脆可口, 炸粉又唔會太厚, 仲好豐富tim! 有🦐海蝦、🍆茄子、秋葵、南瓜、菇等， 食落仲完全無油膩感!

今日嚟到呢間"至尊重慶雞煲"任飲任食，食足2.5小時，平日都只係每位$228 ，仲免加一服務費😍 最平仲低至$198/位❗️ ✨Set B 包咗任食： 🔸🥩澳洲肩胛肉眼 🔸🥩雪花肥牛 🔸🐷黑毛豬梅花 🔸🐑頂級小肥羊肉 🔸紐西蘭青口 🔸🦪廣島蠔 🔸鮮甜沙白 🔸🐔鮮雞子 🔸日本帆立貝 除咗上面呢啲款式之外，大家仲可以掃QR code叫其他火鍋配料tim☺️ 另外出面仲有飲品區、自助區同甜品區😍 啤酒、汽水、雪糕、雪條、前菜等都係任飲任食😂

第一次挑戰呢個大排檔90分鐘小炒任食, 每碟都係例牌份量黎ga! 平日每位$288就可以任食大排檔小菜同任飲汽水啤酒同無糖茶😳 ✨ 可愛BB鴿一隻 預先切為4份, 味道就正常發揮啦! ✨🥔黑椒薯仔牛柳粒🥩 黑椒汁香辣惹味，薯仔香脆可口, 牛柳粒仲一D都唔UN! ✨菠蘿拔絲咕嚕肉🐷 咕嚕肉份量佛心, 味道酸酸甜甜，非常開胃 ✨🐓當紅炸子雞半隻 外皮整得真係幾薄脆, 有酒樓質素, 都幾驚喜! ✨🐮黑椒牛仔骨 醃得夠入味, 口感鬆軟 ✨豆腐肉片魚雲湯 真係勁足料! 豆腐質地嫩滑，仲吸收晒湯底嘅鮮味!仲面仲有豬頸肉﹑ 魚雲﹑魷魚同白菜仔等, 魚湯味道都幾濃!

呢間藍白小屋入面嘅裝修同佈局都充滿地中海風情💙, 難怪咁多人都鍾情黎呢度用饍❗️ ✨🐟Fresh Tuna Salad🥗 $175 以柑橘類水果🍊搭配新鮮蔬菜及西紅柿乾, 再於上面淋上🥭芒果醋, 非常開胃! 芒果醋食落甜甜地, 比普通醋更出色, 整個配搭都好fresh, 份量又大🥰 ✨🍢Grilled Souvlaki $195 呢碟希臘烤肉串有雞/牛/羊/豬可以揀, 共有2串! 我揀咗🐷豬肉同🐮牛肉串，兩者都夠晒香口! 佢嘅🍟薯條雖然唔係香脆口感, 但淋得黎又幾好食! ✨🦑Seafood Pasta $205 由新鮮嘅海鮮同🍅蕃茄製作而成, 意粉均勻沾滿蕃茄醬, 而且海鮮份量夠晒足料, 啖啖都係到肉質彈牙嘅海鮮😍 ✨🥤Greek Berries Yogurt Smoothies $88 🫐藍莓口味, 充滿原汁原味嘅藍莓果香, 味道又唔會俾Yogurt 搶晒,味道岩岩好

𝙍𝙖𝙧𝙚 𝙍𝙚𝙨𝙩𝙖𝙪𝙧𝙖𝙣𝙩最近喺中環重開，設有戶內同戶外座位，樓底特高，非常舒適☺️依家晚市二人套餐仲非常抵食😍 最平$599已經有個2人餐❗️ 今晚同朋友慶祝升職，所以我就揀咗$699個Set😉 一點完餐店員立即送上熱辣辣嘅麵包☺️好快就正式開始食得： ✨巴馬火腿沙律🥗 Parma ham鹹香可口，口感細膩，份量又多！ ✨新鮮黑松露蘑菇忌廉湯🍄 黑松露上面有滿滿嘅現切黑松露，味道好濃郁 ✨黑松露意粉🍝 同樣鋪滿現切嘅黑松露片，每條意粉都平均沾上黑松露忌廉汁，黑松露唔會搶過晒忌廉汁嘅味道，個平衡做得好好，食落仲幾creamy😍 ✨澳洲M9和牛肩胛肉眼扒🥩 口感鮮嫩多汁，仲有陣油脂香！ ✨🍰士多啤梨拿破崙🍓 拿破崙個layer 整得夠酥脆，加埋清甜嘅士多啤梨，味道唔錯！ · ✨🍰朱古力蛋糕🍫 係比較硬身嘅 brownie，帶有濃郁嘅朱古力味 ✨咖啡或茶🫖 薄荷茶用玻璃壺裝住，📸打卡真係一流

最近發現太子新開咗呢間充滿懷舊風嘅西式餐廳, 價錢仲幾親民tim! ✨🥩安格斯Prime 西冷8oz配大蒜 $118 估唔到8oz都咁大塊! 煮出黎7成熟, 西冷食落幾juicy，而且仲油脂豐富tim! ✨🦐奶油蒜蓉蝦 $58 跟西冷加配, 蒜蓉同牛油味好出, D 蝦肉好彈牙, 仲隻隻都剝晒殼, 而且仲有7隻咁多, 性價比極高! ✨🦀蟹羔蟹餅 $78 蟹餅外層煎得好香，入面真係有滿滿嘅蟹肉，味道有D 微辣, 幾開胃! ✨🍗士拉差雞翼 $48 係炸單骨雞翼, 香脆多汁, 份量仲好佛心tim! ✨🍟卡真薯條 即叫即炸嘅薯條, 水準之作

Tera一向出店食物有質素,今日放假同朋友一早book位黎食! ✨明太子蟹肉意粉 $138 真係每次黎必點! 意粉份量勁多，兩個女仔share就岩晒, 明太子醬仲好足料，仲好creamy! 意粉鹹香味十足! ✨🦀香煎蟹餅 $88 有沙律菜作為伴碟, 令整體完全唔會覺得油膩! 而且蟹餅仲煎得好香! ✨🍶清酒煮蜆 $78 蜆肉又大又鮮嫩，清酒香氣濃郁，兩者味道互相融合。 ✨🐟煙三文魚 $28 (追加) 煙三文魚砌到成朵花咁, 仲有兩朵咁多! 我配埋香煎蟹餅一齊食, 更豐富! ✨🍨雪糕 $26追加 有2球雪糕咁多, 非常抵食! 奶味仲幾出tim!