維記咖啡粉麵

營業中

休息中

很久沒吃豬潤麵啦！專注做豬潤麵的不多；專注做豬潤麵的而好吃的更少！雖然還沒有找到心目中最好吃的豬潤麵，不過心癮還是有地方可以醫治，所以就來到深水埗吃一碗止癮豬潤通 $36咖央多士 $15凍奶茶 $15幾乎是每次來到這裡的必吃組合，除豬潤外還有其他食材如牛肉、雞蛋、餐肉、火腿等可以選擇，不過最具人氣的當然是豬潤吧！這次選了豬潤配通粉，比起公仔麵來得更掛湯更入味，對愛喝這碗帶薑米香味湯頭的朋友應該是不二之選；可惜我是一個不愛吃薑的人，每次吃豬潤麵都要求店家幫忙不加入薑片，由於這店準備的湯頭是加入薑米粒一同烹煮故無法去除，薑味濃郁也辟走豬潤的血腥味，所以就只能當暖身吧！豬膶新鮮爽脆，份量多，惟不太喜歡這店將豬潤片切得太薄，雖然容易熟透不過口感就差一點至於咖央多士同樣是店家的人氣食品，不過論受歡迎程度咖央西多士會更厲害（也更肥），實在是各有捧場客～ 滿滿的咖央醬塗在烘得鬆軟還帶暖和的麵包上，椰香跟斑蘭香俱備，香甜可口叫人要怎樣抗拒呢？再以一杯不加糖的凍奶茶用作中平衡兩款美食的味道，這個comfort food配搭相信也是跟不少到訪的客人一樣啊！店家對很多香港朋友來說絕不陌生，由1957年開業至

氣溫急降只有單位數字，穿上羽絨外套又圍上頸巾，還是有點冷。專誠去深水埗買新口味賀年食品，聽說有時要排隊，所以要先吃點東西。路經維記咖啡粉麵入去醫醫肚，暖暖身。豬潤粉麵及咖央多士是他們的名物。豬膶牛肉米粉，豬膶薄薄的，剛熟但唔會有血水，食落有啲爽脆，牛肉不是好嫩滑那樣，食落好有牛肉味，但係最重要係個湯，濃濃的薑味帶點酒香，食完全身都暖呼呼。差唔多所有食客都會叫奶茶或者茶走，原來個奶茶都好有茶香奶香，不錯啊！

2人入座後， 等左15分鐘都未有 潤牛面，身旁個叔叔 比我地遲入都已經食緊就食完， 完全極差， 以後唔會去！ 黑名單！催左3次單都話下個到你， 點知下個，再下個，再下個都唔係你， d阿姐係「極差」。

由細到大，到深水埗就會見到一連好幾個舖位嘅維記咖啡粉麵。由於屋企人並唔太好食內臟，一直冇機會試。今年搬到深水埗工作，終於有機會一試。第一次食，當然要試試聞名嘅膶牛麵。豬膶同牛肉嘅比例各一半，份量十足。$39嚟講算抵食。豬膶新鮮，非常爽脆，內臟味重，不過湯底加咗薑一齊熬，中和返內臟腥味。牛肉鮮甜，彈牙。不過不失。公仔麵煮得啱啱好，唔會煮得太腍，湯底些少都有啲味精，不過落咗薑去熬同豬膶係夾嘅！呢個價錢，食到香港最地道嘅味道，我俾滿分💯

交通地點方便容易搵，仍然保持水準，佢啲豬潤都幾新鮮，但牛肉就麻麻地，平日都容易搵到位,唔使排長龍排到抽筋，都值得推薦嘅，好食就好食，不過好似比之前貴咗，唔緊要，最緊要好食。

維記咖啡粉麵既潤牛麵和咖央多士一直以來都係我的最愛 週末1點左右排左一陣入到，見到好多遊客過黎食 豬潤牛肉麵 $39 (＾▽＾) 湯底清甜，感覺飲完好滋潤。個豬潤爽口冇筋，做得幾好，不過今次食覺得切得薄左。另外，佢既牛肉質地軟嫩好食。送到黎果時有幾塊未熟，但浸浸下熱湯好快變熟左。有d可惜既係，我覺得潤牛既份量好似變少左。 咖央多士 $15咖央醬好香濃，吐司烤到外皮酥脆，內裏鬆軟，感覺冇西多咁邪惡，係必點之一ヾ(@^▽^@)ノ

今日星期日瞓晏咗，又唔係太肚餓，就過咗九龍食豬膶牛麵，我就少少就夠平時食豬膶牛麵就食得多佢嘅咖央西多士第一次食我老公就食豬膶牛米我就叫西多士試吓，因為之前食佢嘅多士覺得有啲甜但原來西多士用雞蛋揸咗個味道有幾出喎🥰🥰佢嘅咖央醬都幾多🤣🤣同埋佢嘅糖醬係任落嘅，所以鍾意食糖醬多啲嘅朋友一定好鍾意星期日其實都同平日差唔多一樣，幾間分店都要排隊，但我哋排第一間排咗一陣三四張枱到就到，所以都幾快叫嘢食速度都好快嚟到，

-呢一間屹立喺深水埗多年，有時仲要排長龍，咖央多同埋豬膶麵都好出名，所以我都成日都食，貪呢度快靚正！我每次點豬膶牛米/ 凍檸茶 $54有時落雨或者天氣比較凍，熱辣辣食一碗豬膶牛米勁正，湯底落咗好多薑片，加埋辣更加提升整碗米粉嘅味道之餘，食完成個人暖晒。牛肉使用鮮牛肉，以呢個價錢嚟講算係咁，有少少咬口，肉味偏淡。豬膶食落口有少少苦，加少少鞋口，豬膶嚟講，我會喜歡另一間多啲。簡簡單單食一餐快餐，期望太大怕你哋失望。推薦指數：⭐️⭐️⭐️Ps : 只收現金-

由細食到大既維記，難得再去到深水埗，緊係要返去回味一下。兩間分店依舊係係門口排左條隊，不過好彩今次好快就入得！鮮牛煎蛋麵 湯底唔係佢嘅強項，最大特色係佢價錢唔貴，但份量好多。豬潤同鮮牛嘅量佔左成碗起碼1/3，而且煮出黎唔硬，軟身，食落好有滿足感。咖央西多雖然食材簡單，但食落有驚喜。食落有空氣感 ，而且充滿蛋香，咖央醬清新而唔會太甜，加埋糖漿食簡直係一流。 類似嘅西多，與其山長水遠去赤柱食嗰間環境差態度又唔好嘅四溢，黎呢到食嘅性格比明顯高好多。茶走 鴛鴦走呢類港式地道飲品一向係舊式餐廳嘅強項，香濃嘅奶茶同鴛鴦加咗適量嘅煉奶，口感香滑，但又唔會太甜，掩蓋咗奶茶同鴛鴦應有嘅味道，鴛鴦亦冇一般出面常遇到嘅咖啡濃苦味，呢兩杯野我比100分！

今日經開第一次去斯維記。$39豬膶雞蛋米，好大碗好多豬潤。但識落有啲腥同鞋口。大埔墟熟食街市蘇記好食好多。豬潤加啲薑汁、去腥味會更好。伙記有禮呢個抵讚、街坊生意。

呢間又係一間好耐無去嘅餐廳，第一次食嘅時候應該係剛畢業嘅年代，那些年成日約埋啲同學仔weekend周圍去食嘢😌某個星期六下午茶時間經過深水埗諗起好耐無食，於是就過咗去食😂 由於太耐無去，去到見到三間舖中間嗰間有人排隊就行咗埋去，等咗一陣，左邊間舖個姐姐大叫出嚟話嗰邊有位，於是就有得食喇✌🏻叫咗個 #豬潤米 ，每次嚟都必點❤️ N年前試過叫埋牛肉，但始終覺得豬潤出色啲，食過一次就無再食～ 個豬潤完全唔靭又無渣，湯有薑去腥之餘又好有味，次次都要米粉連湯一齊食。好記得有個朋友鍾意叫通粉，佢話食通粉有洞，而且用匙羹食，先可以飲到更加多湯！另外叫咗 #鮮油奶多 ，塊牛油有啲少，麻麻地🥲 仲有 #咖央西多士 ，味道還好，只係食回憶😂😂 我去維記其實淨係鍾意食佢個豬潤麵😂😂😂

全家食左好多年 幾十年老街坊今日落雨叫左外賣膶牛米 雖然係外賣，但米粉無浸林，比較彈牙。湯底清澈肉沬少，但味道比平時淡，牛肉豬膶唔算多牛肉不過不失豬膶好硬，硬到驚銀胃，要用力咬碎先敢食整體嚟講係失望嘅而家既質素比較返，執左笠既志X麵檔比較好食，可惜…咖央多士基本上講多士都無技術可言，但個咖央醬既份量太少，得薄薄一層。白麵包咁厚，變左嚼落白麵包既比例太多，無乜味，如果咖央多返少少就好食咗咁多年都係咖央西多士好食啲

好耐無食豬潤麵🍜所以去咗深水埗維基食豬膶蛋麵，依然咁多人，碗麵個湯底有埋薑，今日覺得個湯有啲咸，啲豬潤好食，一啲都唔鞋，好淋，豬潤都算幾多👍👍因為加央多唔係度度有得食，所以每次都會叫埋加🥪

已經有5年冇食過，對上一次食膶牛麵覺得難食左好多，豬膶又薄又鞋，牛肉又冇肉味，又多大陸遊客勁多人排隊等位，自始就唔想再食。今日去開深水埗買嘢，行到一半肚餓，見到維記唔洗等位而且價錢比附近餐廳平少少，入去求其食碗麵再行街。隔咗幾年再食返膶牛麵反而覺得好驚喜，碗麵上枱時豬膶啱啱熟，有少少粉紅色水係面，咬落去外面爽爽地入口軟糯，火候控制得好好，唔係睇見都唔想食果種。湯底鮮甜充滿豬膶同牛肉精華，一飲上癮，如果有得叫多碗淨湯就好啦。

維記咖啡粉麵豬潤蛋麵$39星期六3點幾去深水埗走左去食維記！佢一條街已經有3個鋪位😱我入左間最大個間鋪坐! 里面環境雖然摺枱摺凳及同人搭枱! 環境都OK! 整潔，冷氣夠!👍我叫左個豬潤麵加左隻蛋! 叫左一陣,好快就有得食!上餐熱辣辣 出曬煙!! 一睇就知 剛剛煮好拎出來! 正! 麵淋左dd 可能因為太熱，下次叫米粉應該好d👍 內有很多片豬潤, 好大碗抵食👍湯用薑同豬潤滾出來! 入面仲有薑粒架! 邊食邊飲好味! 中意食豬潤要來試下！😊叫左個凍檸茶🍋$15都吾錯, 夠荼味, 檸檬吾苦澀, 個杯個SIZE已經夠曬我飲! 岩岩好! 本身想食完叫多個咖央西多, 但已經太飽! 😊得閒會再番來食下! 要定期來補補血❣️🤭😋美味指數:8/10💲性價比:8/10🏡環境:6.5/10🚶‍♀️服務：7/10📍深水埗福榮街62號及66號地下/ 北河街165-167號地下D號#維記咖啡粉麵 #維記 #深水埗 #豬潤麵 #food #美食 #香港 #HKFOOD #掃街 #為食貓奴 #catslavefood #香港美食#飲食