726
287
96
港鐵深水埗站 B2 出口, 步行約2分鐘 繼續閱讀
電話號碼
23876515
開飯介紹
道地茶餐廳,粉麵、飲料應有盡有。招牌菜為湯頭香濃的豬肝牛肉麵。 繼續閱讀
獎項殊榮
最優秀開飯粥粉麵店 (2008-16), 最優秀深水埗開飯熱店 (2015-16)
營業時間
今日營業
06:30 - 19:15
星期一至五
06:30 - 20:30
星期六至日
06:30 - 19:15
公眾假期
06:30 - 19:15
付款方式
現金
其他資料
泊車 詳細介紹
電話訂座
食評 (1243)
等級2 2020-07-24
54 瀏覽
深水埗一向出名係平民美食天堂,今次介紹既呢間茶餐廳已經紮根左深水埗六十幾年,佢地既豬潤麵遠近馳名,係米芝蓮推介既街頭小食店之一🍴.幫襯當日咁岩係附近做運動🏋🏻‍♀️,無諗過朝早十點零鐘已經近乎坐滿食客,好彩兩個人唔洗等位直接同另一對食客搭檯👩🏻‍🤝‍👨🏼.呢度既樓面姨姨好厲害,落單完全唔洗手寫,憑記憶🧠就記到每檯客既order,到俾錢前一刻埋黎結帳更加計數了得,真心佩服👍🏻******************************✨豬潤通🍜 ($32)一場黎到又點可以錯過最出名既豬潤呢! 呢度有公仔麵、米粉、通粉同意粉可以揀,最後點左通心粉,個人認為咁樣就可以每一啖都間接飲到d豬潤湯啦👅通心粉份量都幾大碗,豬潤亦都俾得好大方,一碗入面有唔少片,當日兩個人share一碗黎食覺得份量剛好👌🏻 雖然食得出d豬潤已經用左唔少薑去辟味,不過個人認為都仲係有少少內臟味😂 至於湯底偏淡,如果食開濃味既朋友仔可能會覺得好似清水咁淡...🤣.其實除左豬潤,呢度既牛肉🐮都同樣出名。下次有機會會再試埋😈-✨咖咉西多士🥪 ($19)呢度既西多士望落似pancake既金黃色🌟 茶餐廳好貼心咁已經係上面預先切左兩刀🔪,上桌時分好左四份方便大家,唔洗再左切右切咁麻煩🙆🏻‍♀️舊年係附近間#蘇媽·蘇媽 食過佢地既咖吔多士覺得味道偏甜,初時都擔心呢度既咖吔西多士會過甜,點知食落又接受到,甜度剛好👌🏻而最吸引既係呢度既西多士入口有好濃香既蛋味🥚,口感咬落好紮實,蛋漿十分足料。如果唔係陣間要做運動,絕對會encore多一份😜-✨熱奶茶 ($14)、凍奶茶 ($15)或者係飲慣無糖飲品,個人認為凍奶茶落左糖漿味道偏甜破壞左奶茶既精髓,熱既比凍既好飲,只係又未去到非常好飲既地步🤔******************************👧🏻人均消費:$40👍🏻味道指數:3/5👍🏻抵食指數:4/5👍🏻環境指數:3/5👍🏻再訪指數:3.5/5-📍 維記咖啡粉麵地址:深水埗福榮街62號及66號地下;北河街165-167號地下D號 (📍分店)⏰營業時間:06:30–20:30 (Mon –Fri);06:30–19:15 (Sat–Sun & Public holiday) 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-09
105 瀏覽
放左工出左深水埗買野,響買野前就要去醫下肚先,上網見到維記好多人介紹,響深水埗區算係出名既餐廳,於是去試試😂上網睇,話黎維記一定要食豬潤麵,所以就叫左豬潤麵,牛肉麵,同埋咖咉多。豬膶麵果然係招牌,佢上菜好快,豬膶整得好好食,味道調教得岩岩好,但豬膶如果可以厚身啲就好喇👍🏻牛肉麵整得好出色,牛肉好新鮮,唔會煮得太老,切得都比較大塊👍🏻咖咉多唔同出面既味道,佢有種蛋既味道響咖咉醬入面,其他地方係食唔到,真係好特別👍🏻1.咖咉多2. 牛肉麵3. 豬膶麵 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-14
303 瀏覽
一直都知道維記咖啡粉麵嘅豬潤麵好出名。由於本人不愛內臟,所以並對本人並冇太大影響力。不過,最近啱啱見到節目推介維記嘅加央西多士。今日趁住反正都要嚟九龍區,就順便到此一試。又唸到,既然一場來到,就試埋鼎鼎大名嘅面。先上的是加央西多士。剛煎好的蛋麵包夾著加央果然是絕配。美中不足嘅係麵包煎得不夠喉,少咗蛋的香味。話說本人不吃內臟,只好嗌煎雙蛋來代替,本希望可以嚐到湯地究竟係咩味道。點知,湯底就係豬潤湯嘅味。唉... 只怪我不識欣賞,最弊係仲嚟咗一大碗,我逼自己食半碗,剩低半碗。罪過罪過⋯⋯茶走有水準,夠熱又夠大杯。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-07
323 瀏覽
好耐都冇食過維記豬潤,今日去深水埗買電視,經過維記又咁岩冇人排隊,所以入去食下先,叫左兩樣野食同杯熱奶茶☕️!呢度最出名就係豬潤同咖咉,幾乎每枱都係叫呢兩樣野食🤣🤣!豬潤米$32,好多塊豬潤,用左大量薑辟味,不過米粉略少,如果多d米粉會好好多,米粉同豬潤唔合比例咖咉西多士$19,好香蛋味,唔會太油膩,加上自家製咖咉醬味道不錯熱奶茶☕️$14,茶味唔夠濃郁,味道一般!總結:呢度嘅豬潤比較細塊同略為鞋身,相對本人就比較鍾意灣仔「生記」嘅豬潤,大大舊同脆口! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-05-31
265 瀏覽
馳名深水埗豬膶麵。每次去開深水埗必定食的一間餐廳,因為我本身好鍾意食內臟,所以好鍾意食呢一間豬潤麵,每次經開深水埗一定食佢。我最鍾意佢嘅豬潤麵,啲薑粒切得好大粒,可以咬到嘅感覺,而湯底味道濃郁,唔怪得知佢歷史悠久,十分馳名的招牌豬潤麵。如果食開也會點另一個招牌咖央西多士,非常好食,來一杯凍檸茶,這一餐十分完美。雖然我帶著兩個小朋友一同去這間餐廳,侍應生服務良好,落餐快送餐快好有效率,可以好快就食完一餐,而且小朋友可以食通粉或者公仔麵,一定要佢哋啱食嘅菜式。 繼續閱讀
(以上食評乃用戶個人意見 , 並不代表OpenRice之觀點。)