已經有5年冇食過，對上一次食膶牛麵覺得難食左好多，豬膶又薄又鞋，牛肉又冇肉味，又多大陸遊客勁多人排隊等位，自始就唔想再食。 今日去開深水埗買嘢，行到一半肚餓，見到維記唔洗等位而且價錢比附近餐廳平少少，入去求其食碗麵再行街。 隔咗幾年再食返膶牛麵反而覺得好驚喜，碗麵上枱時豬膶啱啱熟，有少少粉紅色水係面，咬落去外面爽爽地入口軟糯，火候控制得好好，唔係睇見都唔想食果種。湯底鮮甜充滿豬膶同牛肉精華，一飲上癮，如果有得叫多碗淨湯就好啦。

經外賣平台叫外賣因為有低消，淨係叫碗米線好唔抵，所以加左個涼拌青瓜同凍洛神花茶。 收到外賣打開碗藥膳麻油雞米線黎食，藥膳連少少藥味都冇，只係濃雞湯同勁多麻油，配料就幾多，仲有一隻雞全脾斬開幾件。 由於係外賣平台叫，所以送左兩舊6 Dee雞，兩舊砌埋即係得一隻中翼，佢係炸既所以勁dry，仲包滿孜然粉，成口苦味。再食埋青瓜真係要講粗口，佢既成份係青瓜、冇味既辣油、食到成口渣既辣椒渣、同埋多到好似唔駛錢既孜然粉。每食一啖都係苦，唔知食緊乜，簡直不知所謂，離L晒譜。 最離奇係杯洛神花茶，咪呃我啦，明明就係利賓納。 總括嚟講，呢間野真係唔推薦人食，直頭係比人吹大左既餐廳，真係試一次就夠啦

前年已經食過一次午餐，覺得佢d野都幾好食。今次4個大人+個BB去食晚飯，侍應安排窗邊位置都幾闊落，放左BB車都唔會阻住其他食客，侍應仲好貼心問我要唔要兒童餐具添。而且後面就係平台花園，就算BB扭計都可以即刻抱佢岀去睇野，唔會影響到其他人食嘢，地理位置冇得輸。原本想食刺身壽司，但為左啱啱可以食大人野既BB，唯有委屈自己同家人叫熟食啦。叫左鰻魚飯、烏冬、海膽蟹肉石頭飯等等⋯⋯不過淨係幫個飯影左相🤣🤣🤣

係附近返工，之前食過幾次雞飯都有木瓜沙律做配菜，酸辣清新的木瓜沙律能夠消除雞飯的油膩感，雖然沙律得幾啖卻令人胃口大開，可惜如今只有三片單薄且透光的青瓜片。雞肉依舊，相伴的不是木瓜而是青瓜，唉，非常失望

由於今晚收工夜咗，原本想食嘅舖頭又要等位，行下行下就黎咗246。開頭只係想點幾件 壽司填飽肚就算，只叫了海膽山（唔記得全名），油甘魚同黑鮪。 呢座海膽山味道冇得輸，全完冇唔新鮮嘅味，海膽肉粒粒分明，唔係爛溶溶果d，我坐吧枱位睇住師父細心堆砌，而師父亦好貼心提醒我快d食，因為紫菜腍咗就唔好食。 另外油甘魚同黑鮪亦好高質，肉質鮮嫩無筋又唔腥，第一次點的油甘魚是白肉帶紅邊的，而第二次再點時，已經變做魚腩位置，入口充滿油香，一食難忘，$20兩件呢個價錢銅鑼灣真係搵唔到，真心覺得抵食😎👍 不過到離開嘅時候先見到有塊白板寫住一d係menu裡面冇嘅菜式，如果客人入座時店員能夠簡單介紹下會更好，等客人知道有咩是日精選或推介。

從朋友口中得知，西九龍中心8樓有間食喇沙的小店，據聞評價不錯，仲話個湯底好味到攞獎添，住附近的我卻從未聽聞過，看來是小女子孤陋寡聞啦，我就前來試試佢什麼料子。 在店員推介下，試左招牌大蝦喇沙米線+蜜桃茶。 話明喇沙，重點梗係要試湯底！可惜喇沙湯不夠濃，還被椰奶搶左味，因為湯底真的很稀。配料方面，豆卜沒有煮過而係浸熱，因為食第1啖係微暖的而且冇吸收到湯汁😩。魚片頭只係普通的魚片頭。大蝦不過不失，至少不是殭屍蝦又霉又冇味。講到底，喇沙湯底的稀稠濃淡真的有待改善！！！

今日去D2 place買零食，但又有d肚餓，所以去左之前食過都幾ok既板上醫肚。 星期六中午人流極少，所以大把位。睇左一陣menu，叫左個味噌五花腩配珍珠飯，心癢癢+$10飲胚芽港式奶茶。 賣相還可以，對女性來說份量剛剛好。港式奶茶幾好飲，走左冰都不會過甜👍🏻👍🏻 味噌唔會死咸仲有少少甜味，味道是ok的，美中不足既係五花腩內藏咬崩牙既「豬軟骨」😥要將硬到咬唔開既「豬軟骨」咬岀黎先可以安心食用！！

西冷扒餐，伏中之伏，伏到喊！ 買前問有咩配菜同包唔包飲品，佢話配菜係粟米同西蘭花，跟餐有紙包飲品。10分鐘後，到取餐時話粟米同西蘭花冇晒轉左做薯角，仲話不如送多條腸比我，但又要等多10分鐘，仲差d連飲品都唔比我，唔問佢都唔比。再10分鐘後話腸仔冇晒所以整左兩隻雞翼比我。只係晩上7點幾已經冇配菜👎🏻 西冷完全唔係西冷，仲要細塊過大家樂早餐，有圖有真相👎🏻 黑椒汁又甜又辣不知所謂👎🏻 薯角冇味之餘仲要炸唔透👎🏻 整體黎講負分👎🏻仲要收我$39 雞翼是送的，但都不能為呢份餐加分👎🏻 仲想有人day day eat？？？ 伏過1次都唔會返轉頭啦🙁👎🏻

今日要上2點堂，上堂前梗係要係附近搵食啦。行入厚福街，係人都知多野食，天氣又熱所以好想食凍野。去到厚福街中段有間叫鉄火堂既小店，中午時段唔多人唔洗等位就決定食佢。 竟然星期日都有自選魚生飯，正，二話不說即刻揀4款魚生。OMG，淨係魚生都有成30款可以揀（仲未計要加$果d） 最後揀左碎葱呑拿、穴子、油甘魚腩同三文魚籽。 耐心等待5分鐘。 三文魚籽同呑拿份量ok。油甘魚略有腥味不過係可以接受，因為香港食到既油甘魚都係呢d質素。穴子面有鰻魚汁但佢本身好dry，有汁都救唔到，至少食落冇骨。整體份量都唔少，食完都夠飽。 食自選飯仲跟個味噌湯，唔會死鹹，幾好。成個飯連埋個湯都只係$58又冇加一，下星期可以揀另外4款魚生試。I will be back!

已經有10年冇食過，估唔到食物質素keep得到而且抵食👍 生蠔依舊大隻飽滿，新鮮得黎又冇雪味腥味，根本不需任何汁醬去配合食用，廚師re-fill生蠔冇停手，至少食返10隻先滿足😌其他凍海鮮亦不過不失，熟蝦及蜆烹煮時間恰到好處。三文魚刺身連魚腩部位也有供應而且厚切爽口。沙律選擇亦夠多，有西式及日式可以揀。 熟食方面不得不提那味燴牛肋骨，醬料濃而不膩，牛肋骨亦淋到入口融化，如能提供一碗麵再配上牛肋骨這個組合實在太犯規了🙈 甜品方面也有驚喜，火焰香橙班戟這道坊間不常見的甜品，一入口是酒的苦澀味，但再三細嚼之下有淡淡香甜橙味湧岀，配合橙肉進食，先苦後甜的感覺實在太驚喜太意外😭😭😭😭😭😭 是日食客不多，能夠讓我和朋友悠閒地用餐和聊天，簡直係鬧市中的清泉！