神山麺屋 (創紀之城五期(apm))

營業中

休息中

最近搬咗 office ，新 office 搬咗咗去觀塘AIA Tower ，新地方當然要和同事周圍去揾食啦。呢日近近地，去咗呢間東京人氣「神山麵屋」食午餐。餐廳位於觀塘APM 二樓，主打拉麵、沾麵，仲有各式日式料理，更有清酒等供應。餐廳環境不錯，座位都很舒適，店員亦都很有禮，最重要係食物品質非常不錯。《神山豚角沾汁麵》 （$90）東京No.1麵店係名不虚傳，我哋試咗餐廳推介之一豚角沾麵，果然好正。有筍片、原隻流心蛋，蛋味濃郁。主角豚肉更正，表面燒至焦香而且超入味，口感豐富。麵質方面夠爽彈，沾上濃汁，非常好味，推薦要試。《和風蘋果沙律》（$45）呢個又係超好味，同事都覺得超正，真心有驚喜。除了蘏果清甜清新，蔬菜新鲜。沙律更配搭有其他特别食材，真係一試難忘，個人認為係必食推薦。《雙色牛舌 》（$58）一舌二食，一個涼拌及一個汁煮，涼拌入口牛舌味較突出，而汁煮就較惹味，各有特色，足見用心處理。《七味鳥軟骨唐揚》（$38）配有檸檬角及沙拉醬，份量頗多。雞軟骨應該已經先調好味，然後才炸，所以入口特別好味，只需加幾滴檸檬汁，已經非常香口惹味，送酒一流。《唐揚豆池魚》（$45）炸粉薄脆，魚肉鮮香，

平時經常到神山麺屋食午餐， 今次剛行完apm就順便食埋晚餐才回家。神山麺屋是一間東京著名的沾麵店，菜式種類多， 環境舒適，服務好。晚餐🥢 ～湯咖哩雞腿定食$90、 地之卷拉麵$138、 蘋果汁$8、  牡蠣五輪燒餅$58、 和風蘋果沙律$45、 可樂$18。 📍地之卷拉麵 ～ 店員推介的新出品， 湯底非常濃郁， 好香的雜菌味， 拉麵軟硬適中，土佐豆腐很滑，淋上醬汁， 味道更佳。 📍湯咖哩雞腿定食 ～ 湯咖哩好香濃， 有大大隻嫩滑的雞髀， 湯咖哩裏面有大量的蔬菜， 拌飯食非常惹味。 📍牡蠣五輪燒餅 ～ 燒得好香，餡料很充足， 食起來香噴噴的。 📍和風蘋果沙律 ～ 蘋果絲爽甜青瓜，口感清脆，再配上火腿和沙律菜， 清新開胃。 📍蘋果汁 ～ 充滿果香味， 清甜可口。 📍可樂 ～ 可樂是一個很好的配搭，食住拉麵飲可樂，也非常爽。 價錢合理，款式又多，味道不錯，值得推介。🏷️溫馨提示～ 整個用餐體驗均屬個人分享意見， 只作參考😊。    

食物方面：叫咗個期間限定既拉麵餐，軟殼蟹拉麵，$118。湯底都幾香，軟殼蟹幾大隻，而且好脆口，拉麵質地夠硬（非常重要），整體不錯👍🏼😆 加咗溏隻心蛋$10都ok！服務方面：正常環境方面：小小逼，冇位置得放袋性價比方面：同其他拉麵店價錢差不多～備註：可以係話觀塘極少數主打拉麵既食店，希望將來可以有更多高質拉麵店！如果覺得我寫既食評幫到你既話，記得follow，like，同埋share俾你身邊鍾意食好味嘢既朋友😋😆

✨神山豚燒叉燒沾汁麵（$95）沾汁嘅味道好清淡，好似越食越無味咁🫢🫢沾麵較煙韌🍜不過我鍾意個燒叉燒‼️燒得香口，鹹度適中，應該係日式叉燒之中 係好食之一🐽.✨特製浪人蟹湯拉麵（$88）見到好似做緊Promotion 就try try佢🤔呢個嘅湯底冇咁淡味 亦都唔鹹唔辣～有少少蟹味咁囉🦀拉麵帶有少少咬感；軟殼蟹算係大隻 有少少膏食下。.又未至於難食，只係覺得冇咩性價比🥹環境好暗又擠迫 令人好有睡意。同埋除咗上餐同收錢係有服務之外 我覺得服務費係唔應該收🌝🌝

今日同朋友係APM行街, 行完搵餐廳食晚飯, 睇到呢間神山出左新既軟殼蟹拉麵, 有套餐, 加埋沙律同埋野飲, 都係百零蚊, 價錢合理, 同埋我之前都食過佢既沾麵都覺得唔錯, 就入去用膳啦~軟殼蟹拉麵 ~ 軟殼蟹就細細隻, 入面都有啲蟹肉食, 但表面就腍哂差小小, 除左隻軟殼蟹無其餸, 比較單調, 我都係比較喜歡佢既招牌沾麵~套餐沙律正常發輝, 但杯野飲好薑, 唔太岩飲~神山豚角沾汁麵試咗餐廳推介之一豚角沾麵，都keep到同之前食到既一樣味道, 麵係屬於硬身的, 撈埋濃汁, 味道出, 不過個汁唔太熱, 熱多小小會好啲, 原隻流心蛋，蛋味濃郁, 豚肉燒到幾香~加左餃子做小食,  餃子皮薄, 內裡juicy, 唔錯~呢間都開左好多年, 希望佢可以維持到做沾麵既特色~

湯拉麵d 湯只有3份1碗，一半都唔夠，加咗半份麵底，淨麵冇湯上，叫個侍應加少少湯極不願意咁，話可以加但係無味既，咁即係意味即係只會加滾水俾你，服務之差劣令人非常失望，服務質素比以前差咗好多。雖然食物的質量似乎還可以，但是服務的差勁讓我對這家餐廳的光顧意願大大降低。我感到不太願意再次光顧這家餐廳，因為他們的服務態度明顯下降，並且對顧客的需求不夠重視。這次的用餐體驗讓我對這家餐廳產生了負面的印象。永不光顧

啱啱入到餐廳，諗住裝修幾靚就入咗去食，入到去坐低諗住飲杯水先食嘢飲咗一啖，一望杯入面，杯水入邊有大量食物殘渣嚇到我即刻噴返出嚟，望得仔細啲，有一大劈污漬喺度，大量食物殘渣喺度飄來飄去，仲要明顯有條菜喺度飄吓飄吓。同侍應講完之後兩個傳來傳去呆咗喺度，冇反應，等到經理過嚟都冇咩表示，淨係收走咗杯水，雖然講咗句唔好意思，仲要態度都係輕佻，好惡劣。到埋單同佢講多一次話注意吓啲衛生，經理都只係好輕佻咁講咗句係呀，我哋會注意返

最近我到訪了位於觀塘apm的神山麵屋，體驗了他們的神山豚角沾汁麵。整體而言，這次的用餐經歷給我的感覺是中規中矩。關於沾麵本身，味道方面確實不錯，豚角的肉質柔嫩，搭配的沾汁也相當有層次感，味道豐富。然而，就份量來說，略顯不足，對於一個餓了的人來說可能不夠滿足。此外，最讓我感到有些遺憾的是，沾汁在上桌時只有微暖的溫度，這導致在用餐過程中很快就變涼了。沾麵的醍醐味之一就是那熱騰騰的湯汁與麵條的結合，但這次的體驗在這方面略有不足。總的來說，神山麵屋的神山豚角沾汁麵在味道上確實有其吸引之處，但考慮到份量與沾汁的溫度問題，整體用餐體驗就顯得一般。對於想要嘗試的食客來說，我會建議保持一定的期待值，並且可能需要考慮點其他菜品來補充飽足感。希望未來能有所改進，提供更加完善的用餐體驗。

「還記得那一天在那一天初次上學堂～」以前喺觀塘番學時，總會有一天係去APM神山麵屋食沾麵，一個人多數安排在吧位，一邊睇住開放式廚房一邊等待美食，果陣啲叉燒好大件同整得好香㗎！令小妹留下深刻印象❣️相隔多年，本年大年初三同屋企人行大運，由港島漫遊過海來到觀塘區，久違又嚟到神山麵屋品嘗美食🫶🏻裝修咁多年都無乜點變，唯獨是餐牌餐點變咗，多咗幾款美食，不同湯底的拉麵、湯咖哩、丼飯等等⋯而本身大大件的叉燒都被一分為二🥹🥹好彩地味道依然出色，燒豚角沾麵既豚厚度有成1cm，有咬口及味道香👍🏻👍🏻；白神山拉麵味道清甜、黑神山拉麵味道香甜美味😋，三碗麵質都唔錯，沾麵食到最後再加木魚清湯，碗湯真係超好飲呀！ 不過香港食拉麵好貴貴🥹個價錢去日本可以食2-3碗🤭🤭⋯⋯

之前好似叫麵屋武藏，冇幾耐改左名叫神山，但入鋪個裝修好似差不多，個餐牌仲寫緊麵屋武藏… 不過呢間沾麵都幾有特色，值得返兜。招牌菜餐單擺左係上面，但今次食既係期間限定既地之卷拉麵，跟餐有土佐豆腐同野飲（罐裝）。成個麵好似除左多左d菇之外同一般豚肉沾麵冇咩分別。湯底夠濃好有豚肉香氣，唔太咸。豚肉可惜比較硬身。杭紋沾麵係重點，就算佢比熱麵都夠哂掛湯，如果有得凍麵上更正，但相對地個湯可能會唔夠熱。土佐豆腐唔值得試，本來應該熱上但凍哂。個炸皮同入面既豆腐分離，汁唔夠甜。呢個薯片炸雞好值得試下，非常脆身但雞肉好滑唔硬。個餐就$148，雞翅就$48，仲會收加一服務費（服務合格）。香港食拉麵沾麵真係偏貴，好似日本入口貨十數咁啊！

同小朋友去完茶果嶺新落成冇耐嘅海濱公園玩，之後就揸車過黎APM 醫肚😛小朋友玩得好落力，佢哋話勁肚餓🤤想食Noodles ，見呢間唔洗等位，所以我哋選擇咗呢間神山拉麵🍜首先！神豚燒沾汁麵（白）叫俾小朋友，我鐘意叫沾麵俾小朋友，因為可以唔洗俾湯佢哋😂事關佢哋成日食完湯拉麵話因為味增重，會好口湯🥲所以沾麵就最好，麵同湯可以分開上🤭👍🏻呢度叉燒煮到好淋，小朋友同大人都覺得好食，另外，拉麵有得轉做”坑紋麵”，食落就粗身啲硬啲，味道同拉麵一樣😂鐘意食辣嘅我好推介🌶️赤神山叉燒拉麵😋小食炸物：吉列廣島蠔&唐揚豆池魚雖然好熱氣，但又係好好食，魚仔炸到脆卜卜，炸蠔又夠鮮🦪🦪😍整體來說，呢間拉麵店都幾好食😝

首先一入去坐，攞杯水飲啦，一飲就知，杯水一定係水喉水，難飲到第一次見竟然可以係水難飲既拉麵鋪，大佬你係apm呀，隔離定樓下老K要杯水都過濾下啦咁當然我冇做過K記唔知杯水喺咪生水啦但係你_______________你杯水會難飲到我專登註冊個AC打滿200個字打個差評囖跟住叫野食啦，打開menu，哇，_你，你一碗拉面90同我講用水喉水俾客?你_________定我___________啊，大XX都煲滾先wo好啦，咁忽視價錢，問你員工，唔該借問聲呢個豚角同叉燒沾面都係豬肉會係咩位，有咩區別“er，叉燒咪叉燒囖，豚角咪豚角囖……”哇，我知咩叫豚角就唔問你啦，你唔識好心你直接講或者幫手問啦你賣野食做前台我開到口問你唔係叫我即場自己google卦算，兼職唔好太多要求，我冇鬧佢，寫係度純粹湊200字留差評俾呢間____鋪頭完以及，個沾面麻麻，90蚊嚟講係垃圾（因為沾面你幾乎一定要飲水，計埋杯水係災難級），但唔睇價錢就還OK

我同女朋友其實每一兩個月都會嚟食神山既沾麵，因為雖然佢偏貴，份量又唔多，但勝在起觀塘市中心比較方便，所以幾年嚟經常嚟食。因為我係單車通勤嘅，所以我打算泊架單車起佢鋪頭出面啦，點知佢即刻趕我走，佢話“你唔好阻住我個招牌啦，我啲客見唔倒個招牌啦”其實呢間餐廳都唔係第一日態度差，大約半年前，我同女朋友如常嚟食，係非繁忙時間嚟嘅，我哋等左大約45分鐘，要我地問，先至發現漏左單，最後經理都係一句道歉都冇。我都好明白，唔係間間餐廳都方便停泊單車，但既然經理唔當我係客，咁我只好食其他鋪頭算，反正神山咁多客，又咁多foodie，應該都唔缺我一個客。補充返：佢地既沾麵係ok嘅，唔建議大家食其他野飲其他野，佢地啲野飲仲差過譚仔。

📍神山麺屋🇭🇰 觀塘觀塘道418號創紀之城五期(apm)2樓L2-1b號舖星期五嘅觀塘周圍都好多人買完嘢之後好肚餓random走入去嘅呢一間餐廳～見到門口都唔少人排隊感覺應該幾好食？！🤩🤩最後等左15分鐘左右～😋 湯咖喱雞腿定食 $85隻雞脾超巨型！！啲肉就大部份都滑嘅 只有少部分會乾乾地佢啲咖喱唔辣 甜甜啲 唔算好濃有麵豉湯、蘿蔔、沙律、白飯整體嚟講 都ok嘅 下一次有機會試翻勁多人讚嘅拉麵🤣🤣

成日都見到佢好多人，咁啱平日唔使排隊，入去試吓佢哋啲拉麵，賣相唔錯，湯頭大眾化口味，容易入口，叉燒啖啖肉，口感十足，熱辣辣嚟到滿滿嘅肉香，令人食慾大開，食得拉麵都預佢百零蚊一碗，加上佢哋啲肉都比較大件厚身，滿足感加分。佢哋嘅沾汁，係一個唔錯嘅選擇，濃味唔太鹹，因為平時食沾汁拉麵，有啲真係好鹹㗎>< 我個人口味就覺得呢間味道啱啱好。佢哋仲有好多小食選擇，拉麵店嚟講都算係多嘢揀~仲有好多特色飲品，幾個朋友約食飯嘅話，食拉麵之餘亦都有好多其他小食配合，坐得又舒服。