神山麺屋 (新聲大廈)

營業中

休息中

叫左個蟹湯拉麵真係成碗得隻軟殼蟹同麵咩配料都冇個湯淡口 冇咩蟹味88蚊加套餐30蚊杯特飲好普通 個沙律又係普通細碗蟹子青瓜絲 好唔抵個牡蠣大阪燒 得幾粒蠔 d椰菜切得鬼死咁大粒 一d 都唔好食

衣家中午好似比上年少左人食，一點鐘左右去排隊，等了一會兒就可以入去。午餐有飯有麵，我每次都會點豚角拉麵（黑），因為個豚肉真係炆得好淋，當然有幾次試過麵係「鞋」，前菜點波菜/炸雞件麵好好食。餐飲仲可以揀汽水，其實都叫抵食，埋單都唔洗$100。

同事介紹呢間拉麵話唔錯，可以試下，所以就去左。同朋友叫埋同一款燒叉燒沾麵，兩款小食。燒叉燒有誠意，沾麵湯味濃，份量啱女士。兩款小食燒魷魚鬚（唔記得影相）好惹味，相對之下，牡蠣五輪燒餅好失色。雖然唔油膩，但同埋沾麵一齊食，唔太突出到味道。我唔係美食家，形容詞唔會多但整體而言，一定會返黎餐廳無廁所，最近要去隔離麥當勞/isquare 用app點餐好普遍，但係佢系統點餐要小心。同事話佢訂單望落太多字，就咁睇以為訂左重複野食，睇都花，原來都真係侍應姐姐仲好好人問需唔需要幫手落單。呢間餐廳訂餐app真係比較特別

話說琴晚專登放工出尖沙咀Adidas試衫，一落樓就諗食乜，一轉右就見到有間日本風裝修食店，咁啱有人入緊去 問咗9點半last order 即刻跟咗入去搵啲嘢落肚再等啲美國經濟數據出爐😂一入去就不得了，原來係我最愛之一嘅沾麵🤩 打開menu諗都唔洗諗就第一頁嘅經典叉燒沾麵 之後就乖乖睇電話等啲財經消息沾麵上枱時撞正發佈時間，所以影相時已經遲咗5～10分鐘🫣 不過數據係緊要啲😂 熱嘢食等到一陣嘅本身諗住求其入嚟 冇乜期望～ 點知！豚肉塊微燒焦嘅味道 加埋油脂飄香 忍唔住食咗一塊肉先之後，一夾麵落去就feel到啲湯好濃 淍笪笪 係我中意嘅湯頭❤️‍🔥食落時重熱熱地 麵質彈牙帶啲煙韌 坑紋麵條掛湯能力絕對無問題！豚骨湯底嘅濃郁 加上魚介同秘制醬油嘅神配搭 擺落口就一陣陣咁攻陷我嘅味蕾😭 好耐冇食到厚實嘅湯底感覺啦食完先知原來九龍東都有分店！我會知想食沾麵去邊啦！

食物好好食，沾麵唔會死咸🤤🤤湯拉麵既湯底都好正👍🏻最推薦梅酒梳打😘仲有沾麵豚肉係有燒過 好有心機既師傅😍😍🥰同埋拉麵店環境有卡位 坐得幾舒服🥰雖然唔想私心推薦 但見佢無人龍有啲可惜😢咁好食都無人排隊太可惜🙃🫠重點重點大食法 埋單都唔洗500蚊 超級抵食

神山麵屋近期推出了精集時令菇菌及濃厚姬松茸製成的「地之卷拉麵」及湯底, 以濃郁的菇香作為賣點, 主打素食者和菇菌類愛好者。素食者可以選擇地之卷素拉麵套餐, 肉食的朋友就可以選擇普通的地之卷拉麵/沾汁麵套餐, 當中包括了麵類主食 (有一塊慢煮叉燒、大量菇菌, 包括金菇、雞脾菇、蘑菇等等、濃郁菇香的湯底)、土佐豆腐 (即日式炸豆腐) 和一杯飲品。地之卷拉麵配土佐豆腐 $138拉麵的湯底好香菇味, 質地不太濃烈, 很適合湯麵, 讓人不會有愈吃愈鹹的感覺。慢煮叉燒完全不肥膩, 放在湯裡吸收了菇菌的香氣, 非常好吃。土佐豆腐外皮炸得香口, 有木魚絲的味道, 內裡的豆腐非常軟滑, 是外脆內軟的代表。地之卷沾汁麵配土佐豆腐 $148沾汁比起拉麵的湯底更為濃郁, 質地非常稠密, 配上帶有坑紋的拉麵, 很好掛汁。與預其的清爽不同, 這款主打菇菌類的沾汁麵居然非常重口味! 每一口都是滿滿的菇香, 非常好吃。蘆筍苗牛肉卷 $48煎過的牛肉好香口, 帶點微微焦糖化的外層, 包裹裡爽口的蘆筍苗, 配上鹹香的日式燒汁, 整體感覺好平衡神山炸雞(芥末醬) $48份量十足的神山炸雞, 配上清爽的芥末醬, 雖然內裡有肉

喺尖沙咀做完body check，臨返工之前，想食餐好先返工，行過見到呢間神山拉麵，就跳咗入去😜*12點入到去冇乜人，仲有好多空枱，原來12:30已經要等位，想食嘅提提你可以早啲去！𝓛𝓾𝓷𝓬𝓱 𝓢𝓮𝓽♥︎ （$78 +1服務費）🌟黑湯（黑蒜油）豚角拉麵🍜湯底足味，蒜味濃，又唔油，熱辣辣，紫菜夠脆，有半蛋 🥚 （唔駛加$）𝓢𝓲𝓭𝓮 𝓓𝓲𝓼𝓱 (free - lunch set incl.)🌟蘋果沙律🥗（另外可以選擇餃子🥟/炸雞🍗）🌟飲品 (free - lunch set incl.)可以選擇coco cola/ zero/sprite/ cream soda真心又好食又平🤤🥰怪唔知得lunch hour爆晒人！食左個full set 好滿足☺️*餐廳沒有提供任何特別優惠，純分享食評🫰🏻🫶🏻

這幾天好想好想吃吉列豬扒，所以就來到這裡吃，滿足一下心靈💛吉列豬扒拉麵🍜（小碗）$55豬扒外皮炸得很脆口，粉漿唔會太厚，咬落去啖啖肉，而且豬扒是熱的‼️並不是提早炸好，這寒冷的天氣吃到熱騰騰的吉列豬扒拉麵真是一件很幸福的事🥰拉麵湯底有種柴魚的味道，讓我忍不住不斷飲，結果越飲越覺得鹹😅😅不過，整理而言，環境、味道都不錯👍🏻

而家太多拉麵同沾麵嘅選擇，但呢間聽聞都唔錯，見咁啱出開呢頭就試試佢啦。撞正閒日嘅下午茶時段，套餐有嘢飲同小食一份👍🏻🌱白叉燒拉麵配煎餃子: 湯底熱焫焫，濃香厚實，滿滿豬骨同魚介醬油味。如果咸度減返少少會更完美～～雖然咸咗少少，但小妹都忍唔住一路食麵一路飲d 湯，大家諗吓幾吸引🤣麵底方面軟硬度適中，叉燒有兩大塊，肥瘦適中，而且燒得幾香。蛋係溏心㗎，咬落去仲會流d 蛋汁出嚟，真係好鬼正😋😋 至於煎餃子就正常發揮，邊位煎得幾脆但面層就軟身，而餃子嘅size 偏向細隻，但以一個咁嘅價錢係尖沙咀地段嚟講算係抵食。

箇家店嘅餐單令我真係有啲心郁郁—想點晒所有嘢！首先，個神山叉燒麵真係一流，嗰啲叉燒肉片滑嘅令我一次過掃晒三件，麵條Q彈又不會太硬，沾上嗰個秘製醬汁，真係香噴噴，頂晒！蕃茄豚肉拉麵嘅湯底鮮甜得滯，飲一口，啲麵條包裹住嗰啲蕃茄粒粒，真係靚絕！講多啲，腸仔都嘆！講緊鐵板燒啦，佢哋話要等耐啲，其實10分鐘就攞到熱辣辣嘅，海鮮鮮甜，蔬菜爽口，全部喺鐵板上乘係我面前做得熱呼呼嘅，乜嘢叫忍唔住要嘆個飽呢，就係咁樣！至於佢嗰個梅酒梳打，呢個飲品就適合啲唔鍾意酒味太重嘅朋友，清新嘅味道真係透心涼，好適合夏天飲。終於食到日式嘅正宗滋味，我覺得下次仲要約埋多啲朋友嚟，一齊分享呢個美味旅程。🍜🥂✨

服務態度真是差 下完單才看到恆生信用卡滿250送餃子的優惠 正好也點了餃子 於是問了一句 先說 菜單裡正價計到250樓上即可，馬上又反口說已經落單的不可以我點的辣湯燉豚骨肉掛麵 三層肉燉得柴成雞胸肉也是很不容易做到的 紅湯真的油出天際朋友的沾面我沒有嘗 無法評價 但據說湯底為了濃而濃 打槍不會再來最可怕的是煎餃 上來皮已破 皮上感覺有水 難不成這煎餃是焯完水再煎的？香港拉麵成百上千家 通常都是吃過就忘 這家吃過讓我體驗這麼差而記得 也是 不 容 易。

依間嘅水準令人感到放心 經過附近突然很想吃沾麵 搵左一下附近 發現了依間 襯住仲未到6點立即去食·🍜神山豚角沾麵超厚實的肥肉 好入味 麵嘅質地都好好食 幾Q彈 襯埋個沾麵湯 真係好好味😋·🍜神豚燒叉燒沾汁麵叉燒有點偏硬 牙齒不太好 吃得有點辛苦😂但係叉燒好入味😋·🐙蒜香魷魚鬚依個魷魚鬚 超重蒜香味 真的很好吃啊！·🍑白桃焙茶白桃味很重 甜度適中·🍎蘋果焙茶蘋果味重 甜度也剛好本來以為份量看似有點少想不到食到超飽咁走

今日去左尖沙咀行街，行到攰見呢間神山麵屋門面幾四正，就決定今晚食拉麵！本身我想試呢到出名嘅沾麵，但天氣凍想食返湯麵！所以我叫地之卷拉麵配土佐豆腐（$138）個湯底好濃郁，勁重菇菌味！叉燒都算大塊，另外豆腐外脆內軟滑！跟餐飲蘋果焙茶（+$8）冇茶澀味唔錯！男朋友就叫左神山豚燒叉燒沾汁麵（$95）男朋友未食就話呢隻麵唔同一般拉麵，食落係比其他外邊嘅麵條粗身同彈牙！沾汁係滿滿嘅豚骨+魚介湯頭，果然係皇牌！飲品佢就叫左蘋果汁 （$28）小食方面，我地叫左神山手造餃子（$48）同神山炸雞（芥末醬）（$48）餃子個皮好薄唔會食到成口粉，唔似機整！而神山炸雞配上芥末醬香口得黎又唔會好膩，d雞仲要大大舊！呢到環境ok而且都幾多人食，繁忙時間要排隊！等天氣冇咁凍我要黎食返沾麵，今次只可以偷食男朋友嗰碗一兩啖，唔夠喉XD

由東京過嚟嘅過江龍拉麵店，今晚終於可以一試！期間限定既地之卷沾汁麪配土佐豆腐 $148素食之選！用左大量菇菌製成既沾麪汁，有松茸菇，雞髀菇，鮮冬菇同乾冬菇，好特別，味道唔會好膩，清清地咁，汁夠濃郁，可以掛麪！土佐豆腐係炸過既豆腐配上木魚絲，再蘸上醬油，充滿日式風味！神山豚炙叉燒沾汁麪 $95沾汁麪係濃郁既魚介湯底，叉燒好厚，而且炙燒得岩岩好，除咗叉燒仲配有溏心蛋！特別要讚吓佢個麵質，有一坑紋令到佢更易掛汁！另外仲叫左吉烈炸蠔，好香脆，完全唔會腥！

今晚我們都想吃日式沾麵是日選擇了日本過江龍的神山麵屋主打拉麵之餘更有北海道咖喱湯飯點了招牌的叉燒沾面和豚角煮沾面沾汁湯是濃厚的豚骨魚介口味拉麵有外面未見過的坑紋麵這款特製拉麵掛汁效果非常出色豚角外層有微微焦香非常香口吃完麵可加上沾汁清湯作結小食點了日式蘋果沙律和吉列炸廣島蠔蘋果沙律是非常清新的開胃菜吉列炸蠔即叫即炸非常燙口外酥脆內嫩滑蠔味很突出是非常高水準的吉列炸物飲品是冷泡烏龍茶和凍蘋果焙茶是吃罷重口味食物的解油膩之選