神山麺屋 (新聲大廈)

營業中

休息中

今晚我們都想吃日式沾麵是日選擇了日本過江龍的神山麵屋主打拉麵之餘更有北海道咖喱湯飯點了招牌的叉燒沾面和豚角煮沾面沾汁湯是濃厚的豚骨魚介口味拉麵有外面未見過的坑紋麵這款特製拉麵掛汁效果非常出色豚角外層有微微焦香非常香口吃完麵可加上沾汁清湯作結小食點了日式蘋果沙律和吉列炸廣島蠔蘋果沙律是非常清新的開胃菜吉列炸蠔即叫即炸非常燙口外酥脆內嫩滑蠔味很突出是非常高水準的吉列炸物飲品是冷泡烏龍茶和凍蘋果焙茶是吃罷重口味食物的解油膩之選

🤣因為太耐無食沾麵，突然好想食，於是OpenRice搜尋一下尖沙咀拉麵，見到神山麵屋好似唔錯‼️所以，一於去試吓先🥰。嚟到神山麵屋，淨係個門面都已經好有日本feel🤭，裡面更加有日本嘅氣氛～。嚟到神山麵屋當然要叫佢嘅招牌沾麵，原來沾麵都有分豚角定叉燒，但嚟得呢到當然要試豚角啦～😋1️⃣ 神山豚角沾汁麵 $90要搵到好食嘅沾麵係好難嘅，神山沾麵絕對係我食到其中一個覺得好好食嘅沾麵😍，麵嘅軟硬度適中，沾汁亦唔會太鹹，最正係佢嘅豚角🥹，肉質好淋，脂肪比例好好，而且好香，一啖麵一啖湯 好正🤤。2️⃣ 白神山豚角拉麵 $90白神山豚角拉麵用上新鮮嘅湯底，上菜嘅時候，非常熱辣辣，濃郁之餘又唔會太鹹，有一點清新感覺，唔算太油膩，仲有豚角，真係啖啖肉，啲肉又淋，真係煮得好好食😋。3️⃣ 神山手造餃子 $48神山手做餃子，餃子皮薄，喺裏面餡料好足，配合埋醋汁，簡直係Perfect match🤤。4️⃣ 吉列廣島蠔 $48吉列廣島蠔炸得好靚😍，而且裡面嘅蠔係無縮水～🤭，最鐘意食蠔嘅我緊係好滿意啖啖蠔肉啦😍。5️⃣ 梅子青檸梳打 $286️⃣ 蜜桃焙茶 $28食麵配返清新梳打 一流～ 另外蜜桃焙茶都好好飲🥂

今日在尖沙咀shopping …才知「神山麵屋」在尖沙咀也有分店，位於漢口道adidas 旗艦店側面🥰於是就和朋友一起去食番個拉麵🤪尖沙咀分店十足像東京本店嘅裝修，一樣有可以看到師傅煮拉麵的席前座，感覺似去咗日本😆😆「神山豚角沾汁麵」，有厚厚兩大件的「豚角燒」，表面烤炙至焦香，肉質嫩滑，醬油味香濃👍麵條掛汁，巧巧味！另加咗低溫叉燒和豚片，大滿足😆😆赤，叉燒拉麵也不錯！半隻糖心蛋入曬味👍餃子煎到表皮金黃香脆👍

咁啱去左尖沙咀，唔知食乜好，經過見到門口幾靚，似係正宗日本拉麵，就入去試下。我品嚐了他們的午餐，白叉燒拉麵配武藏炸雞。留意返，午餐只係星期一至五先有。首先白叉燒拉麵，湯頭濃郁，帶有豬骨的鮮香味道，叉燒肉的質地嫩滑，搭配著彈牙的拉麵，糖心蛋味道一流，還有少見的菠菜和紫菜，望落有點細碗但滿足感不小。跟餐我選擇了武藏炸雞，這道細小的炸雞塊炸得酥脆金黃，外層麵衣的口感讓人愛不釋手。咬下去時，肉質鮮嫩多汁，不過因為個人喜好問題，不是太喜歡上面比較多的醬汁。跟餐仲要會送汽水，不過都係因為個人喜好，如果有其他飲品選擇就更好。總括而言，係一個性價比高的日式午餐。

這間位於尖沙咀的拉麵店，除了有拉麵及沾麵外，還有湯咖哩及多款日式小食，價錢合理。湯咖哩豚角定食湯咖哩微辣惹味，裏面有秋葵、蓮藕、椰菜等雜菜，配上厚切豚肉，份量十足，伴飯一流，豚肉是半肥瘦腩肉，炆至肉質鬆化。神山豚燒叉燒沾汁麵沾麵汁濃稠，麵是粗身，比較易沾滿醬汁，入口湯汁濃郁，燒叉燒帶焦香同時又嫩腍，還有糖心蛋。蘆筍苗牛肉卷蘆筍用了最嫩部份，再加上牛肉包裹，香脆多汁。和風蘋果沙律青瓜、蘋果及沙律菜，前兩者爽脆香甜，十分清爽開胃。蒜香魷魚鬚魷魚鬚新鮮彈牙，加上燒汁，十分惹味。

在港的日本朋友推介漢口道的神山拉麵，適逢在附近購物，一於去試試其水準。光看門面，已覺和風洋溢，甚具心思。裝潢以木質傢具配深色主題，感覺時尚高雅。必然要試的，當然是招牌沾麵：神山豚角沾汁麵 $90！豚角份量甚多之餘肥瘦適中，十分鬆化入味；拉麵質地爽口彈牙，浸入超香濃的沾汁湯中，即時令人難以抗拒。半熟蛋的蛋黃做到半凝固的糖心效果；配料荀片亦十分美味。追加多款配料，其中最愛這客低溫叉燒最出色，口感超級軟嫩之餘肉香亦濃，完全是我杯茶 😍😍！個人很喜歡這些配料，忍不住追加了：半熟玉子$13及筍片$10為拉麵增點纖維口感，必然會加些海苔$10神山手做餃子$48，個人很喜歡吃餃子，這道餃子皮比較薄而且柔軟，餡料豐富多汁，瞬間便被清碟了。以神山命名，必屬佳品！神山炸雞 $48外脆內軟，果然不負盛名；配芥末醬更覺開胃。牛油蘆筍炒雜菌$52；以牛油炒特別香滑，更能蓋過一些菇菌的澀味，不錯！吃沾麵味道一般較濃，這道和風蘋果沙律正好可以清一下味蕾$45。蘋果沙律再配蘋果汁，清甜甜入心 $28

同朋友👱🏻‍♀️一齊喺尖沙咀，佢帶咗我嚟呢間麵屋🍜，佢話呢度有抵食午餐，朋友👱🏻‍♀️仲話除咗拉麵🍜仲有好多其他嘢食🤣呢度有幾款「午の特撰料理」可以選擇，「午の特撰料理」配小食一款（4揀1） 同 汽水1罐，都幾抵食，咁我哋揀咗 $78 豚角煮ら～麺「白神山豚角煮ら～麺 白神山豚角煮拉麵🍜」同埋 $85「鶏もも肉 スープカレー 湯咖喱雞腿」，小食2個都揀咗「胡麻菠菜沙律🥗」，飲品2個都揀咗「無糖可樂」🤩「湯咖喱雞腿🍗」：スープカレー Soup Curry據說喺70年代 發源於北海道札幌，原本係 藥膳咖喱(薬膳カリィ)，後來越嚟越流行，尤其係過去20年 … 每次去北海道 我都會搵嚟食吓🤣，喺香港見到，咁就梗係食啦🤩；咖喱湯底輕身又幾清新，亦都幾好味😋；有一隻大大隻嘅雞髀，好多肉🤩；其他配菜包括有 西蘭花、椰菜、南瓜、秋葵，薯仔，呢啲都係典型嘅咖喱湯配料😋「白神山豚角煮拉麵🍜」：豚角煮60%瘦肉40%脂肪，所以非常甘香非常滑😋；拉麵煮得硬硬哋啱我胃口😋「胡麻菠菜沙律🥗」：菠菜軟腍腍，加咗胡麻醬簡單好食😋另外仲叫咗幾個小食：$48「イカゲソのニンニク風味焼き 蒜香魷魚鬚」：魷魚🦑新鮮，肉質彈牙，仲

上次去過觀塘個間神山拉麵覺得都幾抵食，咁啱今日早收，就約埋朋友仔食埋尖沙咀個間😆。由於係平日又比較早去到，都唔使等位😁呢度間舖雖然比觀塘個間細，但感覺裝飾精緻。今次都想試一d上次冇食既野😋神山豚燒叉燒沾醬麵上次已經試過豚角，今次試叉燒🤪沾醬同樣濃郁，叉燒燒得很香🥹叉燒面既汁分佈均勻，燒得洽當剛好，差點想問可否單點一塊豚燒😂神山湯餃子食麵配餃子乃一流之選😁，所以今次照叫😜九條蔥豚肉串唔好睇佢好似好細咁，其實都幾飽肚。豚肉串燒得好香，再加上面頭既佐料粉，夾埋好惹味😋牡蠣五輪燒餅一黎到個樣好靚❤️打卡一流。內涵非常之充足，牡蠣同好多巴蔬菜係裏面。醬汁充裕，同裏面既菜互相補足，唔會有好漏既感覺😁蜜桃焙茶 & 蘋果汁上次飲過蘋果焙茶覺得唔錯🤭所以今次照點焙茶，改點蜜桃，都一樣ok。唔會死甜，有桃味之餘，亦有好香茶味😌

一碗甚麼樣的拉麵/沾麵才能夠挑起你舌尖的好奇心? 爽彈有勁的麵條? 或是濃醇熬煮的湯頭? 如果兩者兼俱的話是不是更值得前往一探究竟? 我所說的就是日本過江龍神山麺屋。無辣不歡的朋友，推薦大家可以試試赤神山叉燒拉麵，紅通通的赤神山叉燒拉麵看起來攻擊性很強，但其實辣度大概小辣程度，赤神山叉燒拉麵辛香顯著，是一碗相當夠味的拉麵。另外赤神山叉燒拉麵裡頭配料竹筍、半熟玉子、青蔥相當和諧，不會有搶戲的感覺。赤神山叉燒拉麵的麵條部份使用幼麵，但吃起來意外地頗有彈性，拉麵的熟度抓得剛剛好，不會軟爛，也能完整的吸附湯頭。叉燒的肥瘦比例得宜，入口輕輕一抿肉香十足，叉燒軟嫩不乾柴，浸在濃醇的辣湯中，嚐起來更入味，也更好吃。神山豚角沾汁麵的麵條是神山麺屋自家製的，掛湯效果很棒，沾汁都有依附在麵上面，而且沾汁麵蠻彈牙，豚骨沾汁味鮮濃稠，裡面還有豚肉塊，朋友笑說感覺自己吃這碗神山豚角沾汁麵好像賺到了。豚角有著明顯的肥、瘦嚼感，瘦肉細嫩並有鹹香風味，豚角的油脂經過炙燒後入口即化，細味起來不會那麼膩口。神山麺屋的半熟玉子蛋黃都是流心的，多麼誘人，軟綿的蛋白鹹鹹甜甜，朋友大愛半熟玉子。牡蠣五輪燒餅熱傳出陣陣香氣，嚐起來

約咗朋友到尖沙咀買嘢，出地鐵站行左唔夠2分鐘，見到”神山麵屋”，我哋就先醫肚，後先去買嘢。店外掛左張外賣 menu ，以尖沙咀地段，價錢都好優惠店內裝修富有日本風，牆身仲有富士山景可以欣賞職員安排我哋坐卡位Menu 有日文同中文介紹1. 牛油蘆筍炒什菌($52)，入口好香牛油味，蘆筍十分新鮮幼嫩，值得推介嘅前菜2. 吉利廣島蠔($48) 一碟共有3隻，外皮香脆，入口唔會覺得油膩，內裡蠔肉熱辣辣，味度甜美，性價比高嘅小食3. 蘆筍苗牛肉卷($48) ，蘆筍苗無渣夠幼嫩，用牛肉包在外層，入口感覺新鮮，每人兩件剛剛好4. 叉燒蕃茄湯拉麵($88) 湯底濃郁蕃茄味，仲有蕃茄肉同薯片蓉，真係食完麵成碗湯都飲晒。麵質彈牙，叉燒亦大塊，想食得健康，首選叉燒蕃茄湯拉麵5. 白神山叉燒拉麵($85)，自家製叉燒，入口即溶，拉麵同樣夠彈牙同煙靭，湯底熱度足夠同濃郁，值得再試整體來講，餐廳環境舒適，坐位又寬躺，加上食物水準高質，價值亦十分抵，值得一試再試

今日同男朋友去左尖沙咀呢間拉麵店食晚餐認真抵食，我地叫左兩個主食，3個小食，食到好飽好滿足😋😋佢個拉麵口感好好，係湯底咸左少少，但唔係味精湯。另一個主食係咖喱雞髀井飯，呢個井飯一百蚊都唔洗，有湯、沙律同酸蘿蔔。呢個肥牛蘆筍啲歌蘆筍好清新，肥牛夠入味。呢碟燒魷魚落左檸檬汁簡直係錦上添花。個餃子值得推介，佢煎到個餃子皮脆口，一啖咬落去又多汁又入味。總括黎講好推介大家黎食晚餐，我地5樣野都只係食左3百幾蚊，摼抵食，下次會再黎😋

✨中女獨食難肥日誌 ✨神山麺屋 中女食尖沙咀一向喜愛沾麵，早前吃過海老名沾麵，很不錯。今日再試這間過江龍沾麵。神山豚角沾汁麵 $90豚角份量好大，肥瘦相間，外面燒得焦香，另有荀及溏心蛋。荀爽脆，而溏心蛋半熟，生熟程度控制得不錯！神豚燒叉燒沾汁麵 $95比起豚角我更喜歡叉燒，有兩大塊，調味偏向甜甜的，又略帶焦香，好惹味！而麵條偏粗，麵質軟硬適中，有咬口，而且好掛湯！濃濃的沾汁掛上麵條一口吸入口，好吃！蒜香魷魚鬚 $48推介，魷魚很香口，配上面頭的蛋黃醬，好開胃！吉列廣島蠔 $48有3隻而且幾大隻，新鮮炸起，香脆有蠔味！蜜桃培茶 $28有驚喜！不會死甜而且有新鮮蜜桃果香，好好飲！巨峰梳打 $28樽裝梳打，也是不錯。📮地址: 神山麺屋 (新聲大廈) (尖沙咀)尖沙咀漢口道17號新聲大廈地下AK及B號舖☎電話: 23320383

打完風的週末無淡好食，睇朋友ig又飛呢到飛果到，我都上網搵到呢間東京No.1 沾麵，仲要係尖沙咀站附近，一於去食下！神山叉燒麵招牌真係招牌，麵底清爽，可以按喜好沾上醬汁進食，叉燒香口，火喉十足！香港比較少沾麵食，終於可以滿足到呢個願望😆蕃茄豚肉拉麵蕃茄湯底好濃郁，有蕃茄肉，薯仔等配料，食得健康就係咁easy✅️鐵板燒雖然下單前侍應特別提醒需時較久，但是事實上都係10分鐘左右的事，即叫即整更新鮮熱辣辣啦😍 睇相都見到佢煎得幾靚仔，用料唔馬虎，有野菜及不同種類海鮮，配上惹味燒烤醬沙律汁梅酒梳打有梳打水調和，梅酒味相應減少，更容易入口，岩d想飲酒但又怕苦的人，下次試下佢個梅酒😝星期二晚上去食，都keep住有人幫襯，環境坐得舒服(卡位有3張），relax🥸

係OpenRice 睇食評話東京 TOP 123沾麵，就滿心期待去試吓啦。嗌左一個叉燒沾麵，一個湯拉麵，一份炸雞，一份餃子，一份魷魚鬚，2杯梳打。第一啖沾麵 嘩好咸啊，叉燒好硬炸雞又好鹹，餃子比唔上普通日式餃子，魷魚鬚正常。成餐飯好彩兩杯梅子青檸梳打，因為真係好咸 好需要飲野食完超口渴 ，夜睌飲多兩枝烏龍茶都搞唔掂！R哂頭，點解會咁多好評

我發現咗一間超正嘅拉麵店喇！就係尖沙咀嘅神山麵屋！你一定要去試下！我今日食咗佢地嘅神豚燒叉燒沾汁麵同吉列廣島蠔，簡直係爆炸好味啊！🔥🔥🔥首先講下神豚燒叉燒沾汁麵，真係一碗神級好食！啲叉燒超級入味，肉質嫩滑，一入口就融化喇！同埋佢地嘅豬骨湯底好濃郁，每啖都令人心醉神迷！麵條有彈牙口感，同啲湯底絕配！仲有啲叉燒沾汁，加埋一齊食，真係令人嘆為觀止！一啖叉燒沾汁麵，我好似喺天堂飛翔㗎！😇💕仲有啦！吉列廣島蠔真係冇得頂！啲蠔肥美鮮甜，仲配埋啲醬汁，啖落超級鮮味！真係一啖一個驚喜！蠔肥到令人嘆為觀止，一啖就係一個幸福嘅瞬間！😋💖總括嚟講，神山麵屋絕對係尖沙咀嘅拉麵必去之地！再話多少都唔夠，你要親身去試下先知道！係度唔單止有神豚燒叉燒沾汁麵，仲有其他唔同款式嘅拉麵可以揀擇！真係拉麵控嘅天堂！唔好錯過呀！快啲約埋班食友一齊去探險啦！一定唔會後悔㗎！💪🤩