281
9
1
| 餐廳: | 珍珠皇宮印度餐廳 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵尖沙咀/尖東站 D1 出口, 港鐵尖沙咀/尖東站 L1 出口, 港鐵尖沙咀/尖東站 N5 出口
繼續閱讀
電話號碼
37065772
61740223
開飯介紹
餐廳位於重慶大廈內，主打正宗印度菜，包括當地特色烤餅、咖喱魚、印式串燒等，餐廳選用自印度的材料，由菜式，到飲料、甜點都非常有印度風情。
繼續閱讀
營業時間
今日營業
11:30 - 23:15
星期一至日
11:30 - 23:15
以上資料只供參考, 請與餐廳確認詳情
有關獎賞計劃
優惠
食家推介
-
乳酪脆米球
-
混合肉燒烤拼盤
-
Mango lassi
-
印度燒雞
-
咖喱角+26
招牌菜
最近愛上煮咖喱，大家早排睇我去camping都要煮咖喱飯，今日放工直頭約朋友去重慶大廈食正宗印度咖喱，食完勁滿足！想食印度菜一定要試依間！咖喱超好味😋🍅蕃茄湯 $58即叫即磨印式風味蕃茄湯，味道主要有蕃茄、肉桂味，特別之處蕃茄湯係有辣味，頭啖湯已經好開胃～🥗希臘傳統沙律 $78冰涼新鮮蔬菜入口透心涼，多款足料沙律菜好抵食，希臘芝士好加分，非常推介！🌯南印度捲餅 $78上枱超驚喜！超長嘅一塊捲餅，脆捲餅用米漿+豆蓉製成，餡料有薯仔，洋蔥等，簡單食材已經好好味，加上可按個人口味加入3款醬汁食，3款醬汁分別有：酸辣醬、豆蓉醬、乳酪芝士醬，我最鍾意酸辣醬，酸味十足加上微辣用嚟「點」捲餅食好夾！🦐香烤帝王大蝦 $248鐵板烤蝦非常有風味～上枱已經聞到超級香醬汁味，大蝦肉質彈牙又多膏，隻蝦真係好大隻，長過我隻手㗎！🍗牛油烤雞 $118係OpenRice 見到推介必試，咁我都試下，好多汁加上少少辣撈飯勁惹味，烤雞入哂味，加上烤餅食又另一番風味，醬汁辣中帶甜又有牛油香超開胃，唔覺意食多好多飯～🥘瑪莎拉咖喱烤雞 $118依款咖喱可選辣度，我揀咗中辣都唔係好辣，下次可以揀大辣試下，比起牛油烤雞醬汁會少d，同樣撈飯食好正！味道係偏鹹加辣，鍾意濃味菜必試！🍚印度黃飯 $45食咖喱當然要配飯la！平時食開白飯，食印度菜緊係要食黃飯，黃飯好香，配咖喱真係無敵！🫓蒜蓉烤餅 $30印度菜必食烤餅！鍾意蒜蓉味就一定要揀蒜蓉，蒜蓉味好香，烤餅烤得好脆口，就算唔加咖喱單獨食都超正！🍦乳酪脆米球 $75見到每枱人都嗌，我都跟風叫咗嚟試下。外層係脆卜卜炸皮包裹凍涼乳酪，口感似炸雪糕，另外外面好多印度香料，酸酸甜甜好解渴～🇮🇳印度脆米球 $75依款甜品好特別，食嘅時候自己倒瓶裝糖水入脆米球，酸酸甜甜充滿異國風味🥭芒果優格奶昔 $42每次去食印度菜都好期待杯芒果飲品，依杯芒果優格奶昔真係必試！超香濃芒果味，加上乳酪濃厚感勁好飲！🍓士多啤梨優格奶昔 $42同樣有香濃士多啤梨味，乳酪濃厚感比芒果優格奶昔少一點珍珠皇宮印度餐廳 📍地址：尖沙咀彌敦道36-44號重慶大廈1樓96-97號舖
繼續閱讀
我地今次去咗一間印度餐廳，試咗好多唔同嘅菜式，其中有啲真係令我印象深刻。Seekh Kebab佢哋用咗羊肉製成，口感好嫩滑，啖啖有咬勁。當我咬落去嘅時候，啲肉汁就慢慢釋放出嚟，真係好美味。味道方面，佢哋用咗啲香料同調味料為肉賦予咗濃郁嘅香氣同味道，唔會太辣，好適合唔太愛辣嘅人食。Lamb VindalooLamb Vindaloo係一道辣味嘅菜式，但辣味唔會壓過啲肉嘅鮮美。肉質鮮嫩，入口即化，而啲香料同埋醬汁都好均衡，令味道更加豐富。Lamb KormaLamb Korma就相對而言唔辣咁多，但仍然有獨特嘅味道。佢哋用咗啲椰汁同乳酪嚟營造出咗一個濃郁而柔滑嘅醬汁，同啲香料一齊融合，令味道更加濃郁，肉質亦好滑嫩。Butter Naan, Garlic 🫓 Butter Nan係一款軟綿綿嘅印度烤餅，表面塗上啲牛油，令佢更加香脆。入口時，可以感受到啲麵粉嘅香甜同埋牛油嘅滋味，好適合搭配埋其他菜式一齊食。Garlic Naan就加咗蒜蓉喇，個香味散發出嚟，同埋啲蒜味同麵粉嘅結合，真係好好味。Strawberry Lassi呢杯冰涼嘅草莓酸奶飲品好解渴，草莓嘅鮮甜同酸奶嘅滑順完美結合，令味蕾都感到愉悅。呢杯Lassi好滋味，係一個完美嘅結束。
繼續閱讀
第一次入到嚟 #重慶大廈，環境原來無想像中複雜，#小秘書 反而有啲衝動想行埋去啲小店八卦吓👀 不過始終對周圍嘅環境唔熟悉，只好跟住大隊向前行😉 沿着條長樓梯上到嚟一樓，終於嚟到我哋嘅目的地「Moti Palace Indian Restaurant」。餐廳嘅裝飾充滿印度嘅色彩，有啲似返咗去七八十年代嘅感覺😉 嚟得食 #印度菜，梗係要整杯 #MangoLassi（#芒果乳酪）🥭先啦🤤 飲落口味道唔算太甜，用 #乳酪 嚟配襯呢餐以辣為主嘅 #印度菜 就啱晒！剛剛見完牙醫嘅我，麻醉藥都未過… 本來諗住坐低飲杯嘢、同朋友講聲「生日快樂」就走嘅我，居然比面前嘅 #Samosa（#咖喱角）🥠 吸引住👀 新鮮炸起嘅samosa充滿咖喱香氣，入口完全冇油膩嘅感覺，非常鬆化，雖然我個口當時擘唔得太大，但係都寧願將🥠切到細細嚿咁，慢慢將成個吞落喉嚨… 哈 為食得我吖🤭如果大家鍾意食肉，不妨可以試吓佢哋嘅 #燒雞，香辣嘅雞肉放喺鐵板上面份外惹味🤤 之後我哋又嗌咗各式各樣嘅 #咖喱 用嚟同 #Naan（#烤餅）一齊食，味道辣辣地非常有風味🤤 雖然呢度冇靚裝修，不過就夠晒地道，而且啲員工都非常有善，難怪個個幫襯完都有彈冇讚啦😉📍 Moti Palace Indian Restaurant(尖沙咀)彌敦道36-44號重慶大廈1樓96-97號舖
繼續閱讀
係香港要食正正正宗印度菜，識食一定識搵重慶大廈，今次搵左呢度，坐得舒服，店員又nice識聽同講少少廣東話。好，坐低睇下有咩好食先。南印度捲餅，睇menu就係想試啲岀面好少有得食既野，，呢個捲餅好長長，用米漿加豆蓉製成脆捲餅，裡面係薯仔洋蔥餡料，仲有三款特色醬汁點呀點。印式素菜沙律，加左芝士同herbs，我喜歡果啲香料既味道，因為本身我唔太喜歡蔬菜腥味，反而有herbs令我易入口。咖哩雞，咖哩濃郁夠稠，仲有好多雞件，好抵食！叫左蒜蓉烤餅、印度芝士餅點咖哩，先試一啖原味烤餅，就咁食都已經好香、酥 、脆，點埋咖哩仲升華。Mango Lassi，Banana Lassi，店員介紹Mango Lassi真係好好味，又香芒果味，仲有芒果汁，唔錯！
繼續閱讀
第一次入到嚟重慶大廈食印度野, 感覺既興奮又緊張呀! 環境原來無想像中複雜, 地下好多兌換店同小商店, 上一層有好多不同嘅咖喱餐廳, 不過始終對周圍嘅環境唔熟悉, 沿着條長樓梯上到嚟一樓, 就搵網上介紹嘅呢間珍珠皇宮印度餐廳試下先;珍珠皇宮印度係網上數一數二好食餐廳, 店內裝飾充滿印度嘅色彩, 有啲似返咗去七八十年代嘅感覺。印度脆米球 Paani Poori - $75脆米球係岀名嘅印度街邊小食; 印度脆米球外表好得意, 係一個脆卜卜嘅波波球, 外酥內軟, 裡面裝住八種香料同薯仔蓉, 食之前要先將印度酸梅水倒入米球內, 食落有少少酸酸辣辣, 真係一道印度特色小吃。蒜蓉蝦Garlic Prawn - $138蝦食落真係爽口彈牙, 好新鮮。這道菜蒜蓉不會遮蓋左鮮味, 都是呢度嘅一道非常受歡迎嘅海鮮料理, 口感豐富。瑪莎拉咖喱烤雞 Chicken Tikka Masala - $118瑪莎拉咖哩比較香濃, 咖喱汁偏厚, 主要用香料同埋黃薑調製, 小小辣, 肉份量都幾多, 烤雞都香口, 唔會好鞋, 用嚟配烤餅一流。蒜蓉烤餅 Garlic Naan - $30又香又軟嘅烤餅係印度嘅傳統美食, 食印度菜不可或缺少, 配上咖喱真係可以食好多塊呀! 青檸梳打 Lime Soda - $38青檸梳打解渴首選, 青檸亦可清清喉嚨, 口感清爽, 微酸微甜, 這是一款非常清新的飲料, 啱哂用嚟解渴。芒果優格奶昔 Mango Lassi - $42用新鮮芒果汁配乳酪撈埋一齊飲, 飲得出明顯係新鮮果汁整成, 酸酸甜甜, 好好飲。
繼續閱讀
您可能會有興趣的...