橫綱

營業中

休息中

橫綱拉麵細細個經過都好多人排隊，但係成日都冇機會食，最近喺附近返學，所以就可以試一試。今次叫個拉麵，嚟到時候果樣，賣相唔錯，但係一食落去幻想既味道就幻滅左。首先，個湯底唔熱，食拉麵或者食麵，個湯底都好緊要；但係呢個湯底係暖嘅，一飲落去，就會覺得好似成口油。呢度已經大打折扣。跟住就到嗰舊叉燒，我叫咗炭燒豬腩肉，賣相唔錯，但係一食落去，我就唔想食；豬腩肉，大家都會覺得係會有肥肉同埋瘦肉，咁樣食落去唔會太鞋唔韌，但係， 呢塊豬腩肉係我食落去最鞋最韌既，我竟然係食唔晒舊叉燒。同埋，炭燒豬腩肉，淨係燒一邊，另一邊係冇燒既，咁已經覺得唔專業喇🤔至於個麵質就一般，冇乜特別。成碗拉麵，我都食唔晒就埋單走人。只可以講，所有嘢幻想最美好嘅。整體味道指數：😋/5性價比：💰💰/5環境：❤️❤️/5服務：✅✅/5

朋友介紹食嘅日式拉麵店🍜，冇諗過喺這裏嘅拉麵啲誘人味道令我驚喜連連！牛肉拉麵面頭好足料，滿載嗰啲牛肉片，韌性啱啱好，一啖落去，真係「爽口」得嚟又鮮嫩。湯底滑溜，安排得好均勻，飲一啖暖笠笠親烏，非常滋味！叉燒拉麵又係另一番風味，叉燒香味講真啱晒口味，咬落鬆化，卜卜聲彷彿音樂，「噴香」！粟米同紫菜嘅加入，更加錦上添花，湯底一啲都唔濁，仲有啲「清甜」，飲完一碗心情好似都爽朗晒！一行人share咗煎餃子，表面焦香，裏面嘅餡料「鮮滑」，真係一試難忘！坐喺擁擠嘅店裡，你會覺得咁樣嘅小地方竟然蘊藏咁大嘅美味，實在「正」！唯一遺憾就係啲店員有啲「冇善意」，可能忙到忽略咗客人感受。總括嚟講，這家日式拉麵店的美食使人好满足，次次來都有新發現，個人超級愛佢哋嘅魚豚骨拉麵，真心推介俾拉麵愛好者👍。

作為20多年油麻地街坊，橫綱拉麵算係區內出名嘅老字號日式拉麵店。但係今次食嘅味道同以前完全唔同，失望而回。轉咗新餐牌設計，多咗一浸大陸味。今次試咗九州拉麵🍜($89)、叉燒飯($86)、煎餃子($38)。整體賣相唔錯，但味道真係差咗好多。店員廣東話都唔係好正🫠九州拉麵🍜($89)正宗九州拉麵出名豬骨湯底，湯底濃味。但今次湯底唔夠濃味、叉燒唔夠香，似係擺咗好一陣。推介：❤️❤️🤍🤍🤍價錢：❤️❤️🤍🤍🤍味道：❤️❤️❤️🤍🤍份量：❤️❤️🤍🤍🤍賣相：❤️❤️❤️🤍🤍叉燒飯($86)賣相、份量唔錯，叉燒肥膏、瘦肉層次分明，煎到有焦香感，可惜口感上偏乾身同攤凍了，欠缺油香。配菜薯仔沙律材料亦冇以前豐富，唔算太滑身。飯底唔係粒粒分明，似落得太多水🫠🫠推介：❤️❤️❤️🤍🤍價錢：❤️❤️❤️🤍🤍味道：❤️❤️❤️🤍🤍份量：❤️❤️❤️🤍🤍賣相：❤️❤️❤️🤍🤍煎餃子($38)兩邊煎得金黃，賣相平平，餡料都多，偏油。推介：❤️❤️❤️🤍🤍價錢：❤️❤️❤️🤍🤍味道：❤️❤️❤️🤍🤍份量：❤️❤️❤️🤍🤍賣相：❤️❤️❤️🤍🤍明白面對行頭競爭激烈，加上疫情影響，要維持生意一啲都唔容易。同時間好多新式拉麵店冒起，但我相信仍然有人會喜歡傳統嘅舊味道，包括我本人。但可能呢個就係香港特色，

好多年前香港仲未咁多拉麵鋪先, 橫綱絕對係當時既名店之一一來價錢比較便宜, 二來亦足料飽肚, 估唔到可以做到今時今日有時候經過都見唔少人有排隊, 當然冇以前咁誇張星期六見旺角人頭湧湧咁多開關落來既人士, 決定走向尖咀方向搵食見到鋪頭冇咩人, 好耐都冇食佢, 決定入去食返碗當然價錢係升左D, 合理, 上到台見到碗面熱辣辣, 叉燒半肥厚, 唔會過老痴牙湯底亦唔係味精湯, 飲落係順滑濃郁既豬骨味, 唔錯不過美中不足當然就係冇冰水, 仲係一杯熱茶而且食到半想加辣, 見到湯面係港式既辣椒油, 試左加一匙落去, 係唔夾既!

呢間餐廳真係大排長龍，成日都要等好耐先可以入到去食，我最鍾意嘅就係食佢嘅魚豚骨拉麵，湯底好濃郁，拉麵好彈牙而且好入味，仲有一大條嘅豚骨，啖啖肉超級好味🤗🤗🥰🥰

比較少過泥呢頭，有嘢做順便搵埋嘢食見到呢間，冇 feel，覺得似味千拉麵 d friend，就諗住食間點心鋪，點知大排長龍，又番去呢間櫻花蝦拉麵率先飲一飲個湯，哇賽，蝦味好濃，直頭似係原隻蝦嘅精華都被吸乾入個湯度同埋啲櫻花蝦係拉麵啦喎食完一啖即刻講咗句對唔住因為求先帶咗有色眼鏡睇佢拉麵條望落平平無奇食落口感均勻，滑 + 爽口 + 少少彈牙食得好舒服好舒服同埋我敏感嘅觸覺感覺到呢度嘅麵條係特別圓好與別不同令我一食難忘味玉拉麵都令我刮目相看，豬骨味好重，都幾惹味!依家啲拉麵鋪閑閑地都百幾蚊碗，呢度幾實惠啊橫綱Yokozuna櫻花蝦拉麵 $98味玉拉麵 $89📍油麻地

橫綱拉麵我兒時跟父母最愛吃的拉麵小時候我最怕跟老豆去食打冷，但唯獨跟爸爸來食就最開心！😝以往，我們一家人在店外閒閒地等半個鐘先有得食，一路等就一路商量大家食乜好，因為乜都好好味。究竟食咖喱拉麵好？定係叉燒拉麵好？定係食雞蛋肉粒飯好呢？然後再心思思想叫埋個餃子🥟可惜，這是新橫網😫沒有咖喱拉麵，也沒有雞蛋肉粒飯😖我點的這個拉麵，湯底是味千，帶有蒜味又好鹹，其實麵質不錯，但肉很「鞋」，吃了一半便放棄了🥲那個肉粒飯，好多冬菇，好重黑椒味，吃不到肉的甜味，唔知點解好有種食日式鐵板燒炒飯嘅味道，不過係唔好味嘅味道😅或者，係我對橫網太太期望，如今爸爸都不在世，或許這才吃不到從前的味道的原因吧🥺說句公道話，一碗麵加一碗飯再加汽水先$110，差唔到啦😊仲送你一張$10 現金卷😛

多年無嚟，剛好行過附近，突登過嚟回憶下。 ………… 有如新香港，“新“橫崗已經係另一間拉麵，另一味道。九州拉麵湯底係無層次，只係咸，滿滿味精口乾，似出前一丁味道。 麵身還好，都係爽。叉燒無咩味，只係一片非常普通嘅豬肉。環境係港式，同日式無咩聯想。師父表現不集中，不認真，甚至隨手執起地上垃圾。想嚟回憶就免la。事但想食拉麵下次去味千。不過，附近茶記平幾十，仲有野飲，何必嚟“新”橫崗呢？

呢間拉麵店我成日去幫襯，次次都大排長龍，要好有耐性排隊先可以入座，🤣🤣我最鍾意就係食佢嘅魚豚骨拉麵，豚骨好大條啖啖肉又入味！湯底好濃郁💖💖😍😍熱而且拉麵又爽身彈牙仲好入味，最重要嘅就係佢嘅份量好足夠！性價比好高👍🏻👍🏻

再次來店， 今日路過，下午茶時段walk in，全場8折。 30幾年老店，一種懷舊嘅感覺。好似來到日本某地方都市嘅小店。 味玉拉麵，特製黑蒜油蒜香濃郁！ 我心目中嘅日本拉麵No1可能疫情後變化，客人唔多，唔洗排隊服務，質素依然一流。

叫左份豆醬元祖拉麵面質地几好湯對我來講有嘀鹹但是好正無味精我個人食比較淡，後來姐姐比左碗清湯我整淡嘀，叉燒够軟淋有肉香。入來前最担心有好多味精，無味精呢樣野對我來講超正我連湯都飲埋，依家半個鐘都無口干干難受感覺，証明樓面個姐姐無講大話推薦

個碗一拎上嘅時候嚇親，唔係以前嘅樣，但係唔緊要照試吓個味：點知一飲個湯，第一時間諗起味千拉麵🤣🤣。叉燒都…較乾身，唯一要講嘅係糖心蛋唔錯，不過加配糖心蛋要$16一隻。以前係排長龍嫁，見到餐牌都改變左啲，估唔到質素唔同晒，坦白講帶着期待過嚟，但係食完有啲失望，都係回憶中比較好，最後都係食唔晒。食都係食回憶嘅，真係想知道轉咗手，點解仲要用同一個名，尤其是離開咗香港幾年再返嚟食既人，真係唔知道啲嘢唔同晒。

(簡單幾句，説道别)幾十年的横綱，原來已經消失了，相信已經轉手了本地人經營。今天晚上8時半去到，没人排隊，吃了豚肉蛋拉麵，真的不知所謂！垃圾不如！味道咸，面湯不夠熱，面没有洗煮一下才放入碗中，仍有梘水味，豚肉不夠新鲜，又硬又起柴，湯底太多味精，只有咸味！我自己煮的拉麵還好吃百倍！另外，叫了鷄串丶餃子，我只吃一口，吐了出來，唇邊已經小了出來。MK侍應，没有日式食店基本禮貌+MK厨師頭髮又長又油，制服污糟，店內四處污漬，物件零亂，污污糟糟！大佬呀！俾d心做日式拉面食店呀！學習一下啦！

好難食味精拉麵 不是真正日本拉麵大約八點walk in 兩位，立即有位坐。點左Menu上最signature嘅兩碗拉麵。櫻花蝦湯拉麵，完全冇櫻花蝦味，係味精湯味，同公仔麵一樣味道。好鹹，只有少許櫻花蝦乾係面上，好似food court 一樣嘅質素。麵質都好差好淋唔彈牙，係超級市場買嘅現成急凍拉麵質地，完全對唔住個價錢。至於九州拉麵就更差，所謂既日本直送係係同出前一丁豬骨湯麵一樣， 完全唔係真正既日本拉麵。唯一係叉燒有用火槍燒過，半熟蛋味正常。日式餃子係炸，而唔係煎！總結而言，好難食，劣食味精拉麵，唔會再黎。

以前間唔中都會黎食下, 突然朋友提起好耐無去 我地就特登出左去搵呢間拉麵食到達既時候無人排隊, 我地好快就入左座鋪頭比較逼 座位都係逼住逼住叫左一碗九州拉麵同埋一碗叉燒拉麵九州拉麵比起以前就見到小左好多配菜例如菜同粟米 味道食起上黎都係比較偏咸湯底亦都無左之前既豬骨味叉燒拉麵叉燒既份量同以前一樣咁多朋友叫左醬油湯, 一樣覺得咸除左叉燒份量多好抵之外 都無咩特別既地方唔怪得宜家連隊都唔洗排希望以後會改進d