栢檔極品海南雞飯

營業中

休息中

餐廳位置喺淘大商場裏面，非常容易搵位置。座位好多卡位坐得舒適，侍應都好好招呼。我同老公叫咗份二人餐，二人餐都好抵食包半分海南雞，豬頸肉/滷水元蹄/香煎手刴魚香肉餅三選一碟，白飯或者油飯2碗，無味精湯或者係飲品兩杯，特色小食及油菜一碟。海南雞值得推薦，啲肉質好滑啖啖肉，廚師處理得唔錯冇乜骨頭要吐，套餐附上三種沾醬，雞肉配埋佔埋醬料味道再上升一個層次。另外一份餐叫咗豬頸肉，份量超多，肉唔會太鹹，而且啱啱煎好肉質香脆，配埋佢個泰式甜辣將簡直一流。佢個無味精湯放好多蘿蔔同南瓜🎃，所以個湯甜甜哋好入口，飲完不口渴。如果下次再嚟一定會再幫襯。讚讚讚👍🏻👍🏻👍🏻

淘大嗰邊有好多嘢食🤤不過唔熟嗰區，真係好難揀見到呢間「栢檔極品海南雞飯」門口寫住佢啲雞係無激素，無抗生素，仲拎咗好多獎，入面坐滿晒人，仲要門口有人等外賣，應該無咩伏，所以就入咗去試吓！我哋點咗二人餐 $220👑皇牌冇味精靚湯見佢再大隻字寫住冇味精，一於試吓🌟粟米南瓜湯，個湯好濃，好足料，好有住家湯嘅味道🌟肉骨茶（+$10）太好了，可以加錢轉👍🏻我最鍾意多款式🤭肉骨茶的藥材好足好夠味，我食到新加坡嘅味道🤤🌟 極品海南雞半隻必點👍🏻暫時係我食過最好味嘅海南雞全部起晒骨，食得好爽雞有雞味，肥瘦適中再配埋3款醬汁，簡直Wonderful！不得不讚碟薑蓉，磨得好細緻！🌟 滷水元蹄滿滿嘅骨膠原，炆到好淋，又係無骨配埋個酸汁食好夾👍🏻🌟 特色小食-香麻辣鳳爪呢個有麻辣味，但唔會好辣最估唔到係，呢個都係冇骨嘅😮🌟 生菜翠綠生菜👍🏻🌟雞油香飯可以揀白飯或者油飯，梗係揀油飯啦😂 🌟迷你雪米糍估唔到個餐包埋甜品細細粒剛剛好👍🏻呢餐不停咁一啖肉一啖飯，份量超大，好多餸，食得好滿足🤤十分推介👍🏻👍🏻👍🏻👍🏻👍🏻除咗海南雞，一定要試靚湯

舖頭位於住宅區，其實唔係太起眼，不過經過就諗住試吓…見呢個品牌有幾間分店應該唔會伏！ 自己都幾鍾意食…覺得呢一間嘅海南雞份量合適，雞又唔會鞋.覺得唔錯！呢張相係半隻海南雞（$93），如果兩個人食就要食一隻！ 海南雞有三隻醬點～ 甜豉油、酸辣醬、蔥油我自己就鍾意每一啖都點晒三隻將🤣有唔同層次呀嘛！另外，仲有老火湯飲！（加$8）湯唔會好油膩.飲完唔會好頸渴～舖頭講明係冇味精，所以可以放心成碗飲晒！見佢假日都有套餐叫，下次叫埋屋企人一齊嚟食先😘

同朋友去淘大行街行到攰，周圍搵下有咩好野食，見呢間海南雞都多人幫襯外賣回家加餸，就揀咗呢間，餐廳座位都舒適，餐牌亦頗多選擇，同朋友一齊揀咗個二人套餐 - $220，勁多野食，皇牌無味精靚湯（南瓜、粟米、紅蘿蔔、豬骨），有兩碗靚湯，飲得出無落味精，個湯煲到好濃郁，鮮甜，而且有湯渣可以食下，真材實料，栢檔極品去骨海南雞（半隻），二人套餐有栢檔極品去骨海南雞（半隻），好大碟，份量足半隻，好抵食，果然係海南雞專門店，雞皮薄，雞肉嫰滑，即使係雞胸部分也滑溜，雞皮和雞肉之間會有透明的啫喱精華，全部已去骨，每一口都啖啖肉，味道剛剛好，不會過咸，而且配上海南雞三色醬，令到雞肉的味道更豐富，秘方滷燒豬頸肉，主菜三選一，我地揀咗燒豬頸肉，有好多塊，豬頸肉外面燒到微焦，很香口，內裡的肉仍保持軟嫰，有肉汁，健康翠綠時菜（跟蠔油），生菜顏色翠綠，新鮮爽甜，即使不點蠔油也好食，麻辣豬耳仔，豬耳仔口感爽脆，味道有點麻辣，但可能我食得辣，所以感覺不算很辣，但頗香口惹味，雞油香飯，食海南雞就當然係揀配雞油香飯，雞油均勻地沾上每一粒飯粒，但感覺不油膩，熱騰騰，香噴噴，二人套餐最後仲有兩粒迷你雪米糍做甜品，為這頓豐富的晚餐

假期同媽咪去街街 順道吔個靚飯飯～餐廳主打無激素、無抗生素同味精即刻心心眼😍.柯打一人一個套餐🫶🏻套餐包括主菜、菜、雪米糍、飯、湯/飲品❛ 極品海南骨雞❜咬落無骨啖啖肉真心正❤️！！雞肉好嫩滑 皮唔肥又爽口 油飯仲好香配上黑醬油、酸辣醬、薑蓉都巧岀色🤤❛ 香煎手剁魚香肉餅❜肉餅已經預先切好 好貼心🥹外面煎到香脆 口感鬆化 又幾特別啵～仲有陣陣魚香味 真係超好送飯😶‍🌫️❛ 豬頸肉❜另追加左個豬頸肉😂同樣煎到香口 肉質又𝚓𝚞𝚒𝚌𝚢肥瘦仲巧分明 唔會油膩點埋酸辣醬 真係一級棒！！值得一讚係員工好𝚗𝚒𝚌𝚎♡下次嚟一定要試埋無味精老火湯🤭

間唔中都想下偷懶，出街食飯，煮少一餐，不過都想比小朋友食得健康啲！行完淘大商場，行到攰攰地，又係時候醫肚，見到栢檔極品海南雞飯，主打無激素、無抗生素去骨海南雞，價錢都好大眾化，而且佢哋平日星期六日都有一人、二人套餐選擇，好豐富有主菜、飯、老火湯，仲有迷你雪米糍做甜品，下午茶時間仲有下午茶餐添！～佢哋主打海南雞飯，當然要試試啦！我哋叫咗一人套餐、加多個滷水元蹄飯，仲有烤豬頸肉～一人套餐 $83極品海南雞飯 配 雞油香飯翠綠油菜凍檸茶 (凍飲+$6)一人餐包埋一碟油菜，食返啲菜夠均衡！黃油雞皮顏色睇見都想食😍，雞皮唔會有層多餘肥膏，有少少啫哩狀包住雞肉，食落嫩滑啖啖肉，連雞胸都好滑。最緊要冇激素，食埋雞皮都食得安心。而且份量好足有九件雞咁多！雞油香飯，食完唔會成個碗底都係油，有淡淡椰子香味，三色醬有甜豉油，酸辣醬和薑蓉，樣樣都點下黎食，特別滋味😋！滷水元蹄飯 $64滷水元蹄層皮唔會太多肥膏，可以連皮都食埋，滿滿膠原蛋白。元蹄肉質夠腍，豬皮爽爽地有咬口唔油膩，有大量醬汁撈飯都好正！加埋三色醬一齊食消除油膩又好開胃+$8 配 皇牌栢檔無味精靚湯好似返咗屋企飲啖靚湯嘅感覺，足料南瓜香甜，滋潤返晒

由細食到大嘅栢檔極品海南雞飯，咁多年都保持到水準😎 二人餐仲超級抵食，其實份量夠3個人食!!二人套餐 $220皇牌無味精靚湯極品海南雞半隻滷水元蹄/豬頸肉/香煎手剁魚香肉餅健康翠綠時菜/特色小食迷你雪米滋雞油香飯/絲苗白飯個人好鐘意食海南雞，但實在太懶唔鐘意𦧲骨🙊 所以特別喜歡栢檔嘅無骨海南雞，啖啖肉超級正，肉質又夠嫩滑，雞味仲好濃🐥二人套餐仲包括滷水元蹄/豬頸肉/香煎手剁魚香肉餅，必點香煎手剁魚香肉餅，淡淡咸魚香，鹹香同鮮味都提升了，軟嫩有嚼勁，撈飯一流👍 小食方面揀咗麻辣鳯爪，同樣係無骨，大人小朋友都啱食!!

今日諗住同朋友聚餐，而咁啱佢地又好鍾意食新加坡菜，我就發現依間栢檔極品海南雞飯拎過中國飯店金馬獎，2013年我最喜愛食府等等，所以我地就去聚餐啦，真係好滿足啊！我地叫咗兩個二人套餐，每個套餐都有皇牌無味精靚湯，兩個小食，半隻雞，甜品同飯而靚湯可以免費轉其他飲品，或都加10蚊轉肉骨茶，肉骨茶味道剛剛好，唔會太濃味然後，主菜就係極品海南雞半隻，好嫩滑，啲醬汁又好好食，配埋佢地嘅雞油香飯，一絕！主菜之外，鳳爪，豬耳，豬頸肉都好好食，簡值係必食，再配埋健康嘅翠綠時菜，真係好平衡🤤🤤最後，甜食係迷你雪米糍，食到好滿足😍😍總括黎講，呢個二人套餐真係好抵食，而且份量又夠，好岩晚晚嚟呢度食啊！

放工唔想煮飯又想食到飯菜仲有明火靚湯，去呢度就岩喇～🤗🔆同老公每人叫左個一人套餐🟡極品海南雞飯一人套餐🟡🟡肉骨茶一人套餐🟡🔹️套餐除揀主食外，還有：▪︎皇牌無味精靚湯▪︎健康時菜▪︎絲苗白飯/雞油香飯▪︎迷你雪米糍湯夠足料，有紅蘿蔔、粟米、南北杏等等，海南雞整得十分嫩滑，跟飯既特制辣醬好香，沾飯沾雞都好開胃😃額外加既香麻辣無骨鳳爪好岩我口味，唔算太辣又夠麻，件鳳爪啲軟骨夠哂嚼口😋食完正餐食番個雪米糍，係朱古力味，由於個餐一黎已經放左上碟，有少少溶左，好似食心太軟咁，啲朱古力醬流出黎 😂

落咗九龍灣donki行下行完之後好肚餓咁岩就見到呢間 栢檔極品海南雞飯😗≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣我哋今次叫咗兩個一人套餐，主食叫咗極品海南雞同魚香肉餅，而每個套餐都包左翠綠時菜、皇牌無味精靚湯仲有一粒糯米糍一人套餐 $83 x2主菜🐓極品海南雞雞肉肉質好細嫩✨除咗雞髀之外其他都起左骨😗雞皮入口即化 勁香雞味！加埋好香嘅油飯一齊食令到雞肉嘅肉汁味更加突出有3種點醬: 甜豉油、酸辣醬、蔥油雞肉點完酸辣醬之後 酸酸地辣辣地 好開胃好好食一人餐份量好多🤤海南雞太好食下次想試吓叫半隻😆😆😆😆🐟魚香肉餅肉餅切到好整齊🥰賣相好靚煎得非常香脆 咬開好香魚肉味 裡面嘅肉質同魚香味道濃郁外面脆入邊好彈牙分量比想像中嘅多•配菜·🥬翠綠時菜生菜好新鮮同好脆配咗啲蠔油俾我哋點唔食蠔油嘅我覺得好貼心🥰🥣皇牌無味精靚湯好清甜湯底好濃郁湯底有啲肉碎同埋紅蘿蔔好足料好有營養好好味🤤食完之後唔口渴，真係冇落味精！🍡糯米糍咬開係朱古力流心甜度岩岩好食完個set之後食甜品好滿足🥰≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣另外仲叫多咗個肉骨茶，因為見到隔籬好多枱都有

1️⃣一人套餐極品海南雞，雞份量多，好大塊雞又滑，個皮肥美。有蠔油菜，健康d。但個油飯可以再重味d，老火湯好足料，夠濃味又多湯渣。仲有粒雪米磁做收尾。💰HKD$832️⃣輕量元蹄飯其實輕量都夠食，咬落非常淋，醬汁超多，個皮好肥美。💰HKD$503️⃣細肉骨茶好重藥材味，入面好大舊豬骨同有d豆腐卜💰HKD$184️⃣香辣鳳爪食落唔算好辣，普普通通💰HKD$18加凍飲$8份量真係多，食到好飽👍🏻

約埋朋友仔一齊食晚飯，我地去左淘大商場「栢檔極品海南雞飯」，叫左個二人極品海南雞套餐，及散叫左幾款餸及小食，特別D雞好好食。二人套餐二人極品海南雞套餐極品海南雞(半隻) 雞肉好嫩滑，又啖啖肉，配埋油飯，好滋味。鹵水元蹄鹵水好入味，元蹄又淋不肥膩。二人套餐，仲包括翠綠時菜及迷你雪米糍，另有2杯飲品，叫左凍檸水及凍柚子蜜。肉骨茶湯底好香濃，肉骨好多肉又軟淋，好好飲，又暖胃。另外仲叫左小食香麻辣鳳爪及麻辣豬耳仔，都幾好味。

🎈栢檔極品海南雞飯以海南雞飯為主打的餐廳，價錢親民，餐廳裝修簡潔舒適，店員服務態度親切友善，而且海南雞每次都保持水準✨🎈極品海南雞 配雞油香飯一人套餐 ＄83一人套餐相當豐富，包括皇牌無味精靚湯/飲品·海南雞·時菜·雞油香飯·迷你雪米糍😚無骨的海南雞肉質嫩滑juicy，食落啖啖肉夠滿足配黑醬油、薑蓉同蒜蓉辣椒醬🌶️食到三種唔同口味個人最鍾意薑蓉，令雞油香更突出，配上香氣十足的雞油飯更加正❣️🎈滷水元蹄元蹄煮得夠火喉，賣相十分吸引豬皮部分充滿膠質，食落滿滿骨膠原😍豬肉煮得軟腍又入味，加上滷水汁，送飯一流🎈栢檔靚湯南瓜紅蘿蔔粟米豬骨湯，味道清甜，真材實料無味精🥣🎈迷你糯米糍套餐附送，有朱古力味及士多啤梨味，飯後一點甜❣️🎈熱菊花蜜（跟餐加$8）🎈熱咸檸水（跟餐加$8）

再訪栢檔海南雞✨因為位置好方便所以有時唔知食咩都會黎解決呢到的海南雞同栢檔靚湯都係我每次必點🤓另外員工服務質素非常好，有禮貌亦很親切👍🏻💕食物品質都保持得好一致，品控一流鐘意食海南雞絕對要黎試一試❤️🐷秘方滷燒豬頸肉飯$64豬頸肉上面的油花滿滿，十分誘人🤤豬肉滷味汁好入味，再燒到表面輕焦口感層次好豐富再配埋油飯，真係不得了🤤🐓栢檔極品去骨海南難 半隻 $93去骨真係好方便👍🏻雞肉滑溜鮮香可口食極都唔厭🥴🐔香麻辣鳳爪 跟餐+$18香辣香辣的好惹味🍲栢檔靚湯 跟餐+$8一定一定要點✨一碗足料的老火靚湯點可以錯過🤭

-栢檔極品海南雞飯-喺九龍灣放工諗住去淘大睇吓有乜食！突然之間想食海南雞，經過見到呢間然後見到門口好多人排隊買外賣，裏面堂食都滿座😜😜就決定入去食！😋😋😋海南雞飯套餐 (一人套餐) $83海南雞個皮好爽，啲肉好嫩滑！❤️❤️唔會有好大浸雪雞味🐓🐓! 一人餐好豐富！仲跟咗唐生菜，另外可以揀要皇牌靚湯或者飲品！我就叫咗凍檸茶再加$8試驗埋佢個皇牌靚湯！個湯有南瓜粟米紅蘿蔔豬骨🦴🦴無味精，但好濃郁😋😋-豬頸肉 (一人套餐) $83豬頸肉外脆內軟，一咬開豬頸肉油脂爆發😋😋😋送飯一流！呢個餐我哋揀咗鹹檸七😈😈😈！佢呢度所有飯都可以跟油飯！- 香煎手剁魚香肉餅 我都未試過咁樣食肉餅🤤🤤真係好好味！味道好惹味，佢煎到底面都好香脆👻👻食落去好有鹹香但係又唔會油膩！-佢哋嘅一人套餐會跟埋雪糕糯米糍，少少哋為晚餐作個總結🤤🤤-