栢檔極品海南雞飯

營業中

休息中

其實我成日幫襯栢檔極品海南雞飯，不過主要都係買外賣嘅海南雞，今日收工約咗老公喺淘大睇電器，就索性喺呢度食埋晚飯先返屋企。我哋呢啲懶人最鍾意就係叫套餐，呢度嘅二人套餐相當豐富，基本上夠三個人食，都只係$220，絕對超值。午餐當然要有佢哋嘅招牌菜極品海南雞，半隻嘅份量都幾多，老公鍾意食雞胸，我就鍾意食雞髀，永冇嗌交，老公話佢嘅雞胸都已經好似雞髀咁滑，如果雞髀就真係滑上加滑。而佢都會跟三款醬料，包括有黑豉油、薑蔥同辣汁，味道夠晒正宗，就算叫外賣佢都會有齊3款醬汁提供，所以我哋平時咁鍾意外賣佢嘅海南雞。食海南雞就當然要配返個雞油香飯，香得嚟又唔覺得油膩，仲要大大碗，兩碗真係夠晒三個人食。 套餐仲有另一款主食，三選一夠晒自由度，我哋就揀咗豬頸肉，燒得外皮香脆，斜切令豬頸肉大大塊，口感就更加一流。小食都係有得揀，我哋就揀咗香麻辣鳳爪，佢嘅辣度適中，每隻都爽口彈牙，而且佢嘅軟骨全部都食得，真正連骨都吞埋。套餐都不忘營養均衡，白灼健康翠綠時菜令新鮮嘅生菜保持翠綠，仲保持住生菜嘅清甜味。皇牌無味精靚湯係真材實料冇味精，入面仲有幾件紅蘿蔔，食埋就更加清潤。唔揀中湯亦都可以揀飲品，怡寶白咖啡同一般嘅港式咖啡

海南雞關注組的頭5位之1的栢檔極品海南雞，入了關注組之後就有留意開呢間海南雞，剛好跟朋友去這邊閒逛就吃吃看! 海南雞果然對得起頭5的排行，雞味濃郁、肉質非常嫩滑、雞皮爽口易分離，貼心的無骨設計令到入口啖啖肉，搭配上吃海南雞必配的3個醬汁(甜豉油、酸辣醬、薑蓉) 吃得非常滿足。 同場加映，小食叫了香煎手剁魚香肉餅和豬頸肉，肉餅煎得香脆但肉質軟嫩又不會鬆散，而豬頸肉就正常發揮。另外值得一提的是無味精靚湯，老火湯足料又濃郁，飲完不會口干，吃得出湯料有紅蘿蔔、粟米等甜口湯料，亦有用南瓜增加口感，我超喜歡<3不知道是不是只有這款湯還是會換其他材料，有機會要再飲一次~

A cheap and nice place for Hainan Chicken Rice!🐷overall: 6.5/10Hainan chicken rice is a classic dish that is loved by many, and this meal set that comes with soup, rice, and veggies is a great way to enjoy it.The chicken in this dish was cooked to perfection - tender and juicy with just the right amount of seasoning. The rice was also delicious, with a fragrant aroma that complemented the chicken well. The soup was light and flavorful, providing a great balance to the richness of the chicken and

星期日慵懶在家，不想開爐，與太座都淘大閒逛，想搵間抵食街坊小店，見到此栢檔一試。點了兩個飯餐分享。先來煎肉餅飯，肉餅香脆，吃下彈牙肉味濃，加上微辣豬耳，十分下飯。另加錢紅蘿蔔粟米湯，住家風無味精，一碗入魂。另外必點的海南雞，雞皮爽口肉身嫩滑，雞有雞味。另雙拼豬頸肉邊香脆，十分香口。另加$18一碗細肉骨茶，雖然不算正宗，但喝下胡椒香足不嗆喉，加有龍眼令湯頭鮮甜，充滿住家風味。這裏質素不錯份量又足，抵食好栢檔，一定有下次。

全家都好鍾意食海南雞，今日帶屋企人去左有17年歷史主打海南雞既專門店「栢檔」。餐廳環境舒適，衛生整潔，全店食物和飲品仲係「無味精」添加，啱晒一家大細食得健康👍🏻❤️叫咗個二人套餐 $220，非常豐富，包兩碗湯，油菜，海南雞半隻，元蹄，小食香麻辣鳳爪，兩碗香噴噴的油飯和甜品雪米磁。🐥海南雞用上無激素、無抗生素的三黃雞。肉質好嫩滑，雞味濃郁，雞皮都好爽口，一點都唔肥膩。點埋帶甜味的黑醬油或酸辣醬食，真係食唔停口!🐷滷水元蹄炆得好淋，好入味，層皮仲充滿骨膠原。🐥香麻辣鳳爪起咗骨，入口酸酸辣辣，好爽脆，作為餐前小食非常好!🥣必飲「無味精」靚湯! 入口好鮮甜，仲好足料，有南瓜，紅蘿蔔，粟米，豬骨，蜜棗和陳皮。🐷另外叫左一煲肉骨茶 $52，真材實料用當歸、熟地、桂皮、川芎、黑棗、桂圓、黨參、玉竹、杞子⋯⋯等等熬制，飲完成個人暖笠笠。🍹+$28 叫左兩杯梳打，青檸和咸檸梳打口感冰爽，解渴一流！

栢檔係我最鐘意食既一間海南雞，鐘意佢地啲雞會去哂骨，無激素同無抗生素，食得放心啲🫡呢到環境好green，周圍都有好多綠色原素，有卡位同吧枱位，野食價錢唔貴，性價比好高👍🏻🪐栢檔極品去骨海南雞 半隻$93推薦❤️雞肉嫩滑又香，雞皮q彈q彈，平時唔食雞皮的我都失左守😂份量無呃秤，兩個人食一餐食唔哂，附有3款醬汁俾人點🪐滷水元蹄飯 $66·轉雞油香飯 $8滿滿的骨膠原，滷得岩岩好，唔會過咸👍🏻雞油香飯不可不點，雞油香到不得了🪐栢檔靚湯 跟餐+$8呢個有驚喜，推薦❤️，湯水唔係稀，而係煲到啲湯料溶哂係啲湯水到果種，$8抵到爛🤤🪐細肉骨茶 跟餐+$18好足料，見到好多藥材係到，肉骨上的肉輕易離骨，唔錯

淘大有一間海南雞專門店由我仲係學生果陣食到而家😆咁多年黎雞真係保持一貫水準，而且除左海南雞之外，肉骨茶、魚香肉餅等等都係皇牌食品👑🐥栢檔極品去骨海南雞 半隻$93呢間海南雞標榜無激素．無抗生素，食得夠晒放心😋雞肉一如既往嫩滑有雞味，雞皮爽得黎有彈性👍🏻食海南雞飯點可以唔提佢既三色醬汁，尤其係黑豉油！黑豉油係海南雞既靈魂，出面有啲好頹既真係夠膽倒生抽出黎就黎，真係會破壞晒成個用餐體驗😂栢檔係用拎到大獎🏅既黑豉油，質地濃郁又香甜，蘸雞一流🤤🐷肉骨茶套餐 $83套餐包括生菜🥬、雞油香飯（可選白飯）、迷你雪米糍同飲品呢排潮濕天氣最岩食肉骨茶祛濕補身，肉骨茶用料充足，排骨豆卜份量好多，排骨亦都煮得入味同好腍，啖啖肉🤤而且湯汁大大碗，飲到夠晒喉🤤

🐥栢檔極品海南雞飯 (九龍灣)之前同男朋友去淘大食個快飯，我哋隨便入咗一間食海南雞飯嘅餐廳 「栢檔」😆 我哋一人叫咗一個一人套餐～🍲 皇牌無味精靚湯 /任何飲品（特飲+$6)個湯係煮得超溶嘅紅蘿蔔湯，好難得，好有住家飯嘅感覺😙👍🏻🐥 主菜五選一極品海南雞 / 滷水元蹄 / 豬頸肉 / 香煎手剁魚香肉餅 / 肉骨茶我哋一個揀咗海南雞，一個揀咗肉骨茶🫶🏻 海南雞好嫩滑，又夠香，肥瘦適中、肉骨茶超足料，咁大煲都夠晒入味😋！🥬 健康翠綠時菜當日係洽生菜，配埋蠔油😚🍚 雞油香飯 / 絲苗白飯白飯粒粒分明，雞油飯更香更滋味（推薦雞油飯！）📍 九龍灣牛頭角道77號淘大商場一期地下G107號舖

香港探店｜九龍灣｜馬來菜｜栢檔極品海南雞飯很久沒有吃馬拉菜了！疫情之後，一直就很想念 #新加坡、#馬來西亞 的美食！這次來到九龍灣的 #拍檔極品海南雞飯，一想到可以大吃特吃我最愛的南洋菜，就禁不住摩拳擦掌！拍檔極品海南雞飯 $64無骨雞肉很滑，而且油脂不多，點上開胃的醬料如黑醬油和蒽，配上金金黃黃的雞油飯，簡直絕了！加配肉骨茶 $18$18的肉骨茶，真的不能看輕！輕輕一嗅已經有一股濃烈的中藥材味，感覺就是養生。裏面的配料也十分足夠！排骨、豆卜、以及其他藥材，例如山藥等，感覺帶我回到南洋的時光。秘方爐燒豬頸肉拼香煎手剁魚香肉餅 $72這裏的豬頸肉，不吃你一定會後悔！經過火炙的豬頸肉，外皮香脆、肉質爽彈，點上泰式酸辣醬，簡直冇得頂！麻辣豬耳仔$18豬耳仔麻辣爽脆，是一款不錯的佐餐小食可樂加$8凍怡寶白咖啡苦苦澀澀的，更來得提神！——————為食分界線——————📍 栢檔極品海南雞飯 (九龍灣)九龍灣牛頭角道77號淘大商場一期地下G107號舖人均消費： $80#mariofatfat #hkfoodie #Foodie #為食馬利奧 #hkrestaurant #topcitybiteshk

👩‍❤️‍👨又到兩口子撐枱腳的時候第一次去到淘大花園吃晚飯原來那裏有很多餐廳今次又係吃👽爸爸至愛無骨海南雞不想左選右選，下單叫了二人套餐。有點後悔，應該夠2大2小吃到飽🥣王牌無味精靚湯（南瓜、粟米、紅蘿蔔、豬骨）南瓜已經煮至糊狀，所以湯比較稠，加上冇味精，$18一碗？可以添飲嗎？🐓極品海南雞（半隻）海南雞嫩滑可口，雞肉味道濃郁，皮薄爽滑，雞皮及雞肉中間還保留了一層啫喱，入口回味無窮😋👍👍豬頸肉第一次吃這類型豬頸肉，肉眼看起來十分普通，豬頸肉外圍有一層脆皮，不是煎及炸的焦脆，而是豬頸肉包裹着一層豬肉紙的口感，100%推薦！！🥗健康翠綠時菜 及 🥠特色小食清湯浸生菜配蠔油小食-麻辣豬耳仔有三款可以選擇，最後選擇👩🏿孖媽至愛，麻辣豬耳屬於微辣，一點點麻香，一點點辣味，開胃小菜，不吃辣的朋友，也能品嘗。雞油香飯🍚好。大。碗😅比普通的常溫，這碗雞油飯更熱，米粒分明，飯香撲鼻。但真的好大碗😅，下次要叫小飯。迷你雪米糍🍫Mochi Chocolate & chocolate Ayrup第一次食海南雞送甜品，當是一天的happy ending

早前在堅尼地城吃過栢檔的海南雞，既性價比高雞又嫩滑，念念不忘，發現他們在在九龍灣淘大也有分店，馬上去試試店子小小，感覺比想像好坐服務水平正常出品一人套餐$83飲品我們都選擇了栢檔靚湯，入口非常清甜，一喝就知道是南瓜湯，鮮甜味是來自南瓜的， 還有炆得超稔的青蘿蔔，好正點，肯定沒有味精翠綠時菜只是普通的蠔油生菜🥬，口感爽脆，也是不俗然後海南雞餐海南雞沒有煮得過熟，入口稔軟嫩滑，雞胸肉熟度剛好，外皮爽脆而且有啫喱，三種醬汁中甜醬油最濃郁香口，酸辣汁最開胃，蒽油比較港式， 各有特色雞油飯偏稔身而且油香濃郁，份量也頗大滷水元蹄餐入口即化的元蹄應該炆很久了吧，加上鹹中帶甜的元蹄醬，口味相當不錯，配白飯吃更標準麻辣豬耳加$18爽爽脆脆的凍豬耳加上少量的麻辣汁調配，口味也是不俗

今日收工出九龍灣淘大花園食飯，呢間海南雞飯專門店主打無激素去骨海南雞，價錢都好大眾化，套餐都幾抵食，有齊主菜，老火湯，時菜同甜品～王牌無味精靚湯熱辣辣，都幾豐富足料，味道清甜又唔會太油膩，冇味精所以唔會越飲越口乾～ 🐣極品海南雞海南雞肉質嫩滑，外皮爽口而不油膩😋，肥瘦適中，雞皮與雞肉中間會搵到一層啫喱狀嘅膠原蛋白，配上專用三色醬，個人最鍾意配辣椒醬，酸酸辣辣好開胃，同海南雞最夾～ 配埋雞油香飯，好香雞油味又唔會油淋淋～🥬健康翠綠時菜山菜翠綠爽脆，都幾大碟，配上蠔油最夾～香煎手剁魚香肉餅份量好多，肉餅煎到好香又唔會太油～ 咬落去肉質軟嫩，味道鹹香～ 手剁令肉質較有彈性，又保持咬口，值得推薦👍🏻香麻辣鳳爪同普通泰式鳳爪味道唔同，味道香麻香辣，鳳爪起咗骨好爽脆，作為開胃小食非常合適～整體來講，食物質素唔錯，價錢親民～ 服務態度亦非常親切，姐姐上菜嘅時候都會提醒小心熱到燙口～ 地點方便，地鐵站行幾分鐘就到～

淘大商場有間《栢檔極品海南雞飯》，裝修似快餐店，座位都算舒服，唔會太擠擁。午市套餐都幾抵食，最重要係大大隻字標榜無激素，無抗生素，無味精！食得健康，食得安心！來到當然要試吓海南雞飯，我和朋友叫咗一人套餐，可選白飯或油飯，我哋選了雞油香飯！小食加$18可以多一個麻辣豬耳，鹹檸七凍飲加$6。果然海南雞夠嫩滑油飯好大碗，可以share兩份分。然後被餐牌上面的《香煎手剁魚香肉餅》的圖片吸引了，所以叫了小菜一碟，份量都有兩大塊巨型肉餅，外皮煎得好夠香，用來送飯超好味😋#栢檔極品海南雞飯 #栢檔 #海南雞飯 #海南雞 #肉骨茶 #魚香肉餅

成日經過九龍灣淘大都會見到呢間食海南雞飯好出名嘅——🌟栢檔極品海南雞飯🌟以前返工都會成日食，佢外表色彩繽紛好奪目，一認就認到👍🏻._.🐥｜極品海南雞飯｜🐥（配凍咖啡）海南雞飯係招牌菜必食，+$10仲可以轉雞髀肉啖啖肉，肉質腍身無骨，有三款醬汁可點，配埋碗黃油飯，簡直夾到不得了☺️·🤎｜肉骨茶飯｜🤎（配熱子蜜）除咗海南雞，仲想試下佢嘅肉骨茶，所以點埋肉骨茶套餐，肉骨茶係藥材煲出，勁香濃又唔會好辣，好暖胃呀😍煲湯嘅材料腍到又出味同樣可以食埋架👍🏻·🐥｜麻辣鳳爪｜🐥呢個小食以$28黎講份量都算多，鳳爪去骨，就算有骨都唔會太硬係軟身，而且肉質厚，唔算話好辣，啖啖肉好滿足👍🏻·🐷｜麻辣豬耳仔｜🐷呢個同樣係小食，唔會話好辣，好滋味嘅小食呀💕·🐽｜鹵水元碲（半隻）｜🐽呢個半份嘅元碲上到碟排到好吸引，每件元碲都有濃濃嘅膠原，黏黏地啖啖肉，鹵水醬汁又多，我覺得好食到飽都忍唔住繼續食😋._.

當我有時間嘅時候，我就鍾意去搵新餐廳食唔同嘅美食啦 🍽️。最近，我發現咗一間喺九龍灣淘大商場嘅東南亞餐廳 - 栢檔海南雞飯，就決定去試吓。我叫咗佢哋嘅招牌菜，包括極品海南雞飯🍗、肉骨茶配飯🍛、秘方鹵燒豬頸肉飯🍚同埋跟餐嘅皇牌無味精靚湯🍲。全部食物都真係好好味，令人流連忘返！先試咗一啖極品海南雞飯🐥，啲雞肉好嫩好滑，加埋椰漿飯同埋甜甜嘅醬汁，真係一啖接一啖，好好味！而且呢碗極品海南雞飯只係$64，價錢好實惠！之後，我再試咗肉骨茶配飯🐷。湯底好濃郁，肉質好嫩滑，好開胃！呢道菜令我諗起我嘅馬來西亞嘅肉骨茶，每次都會叫一大鍋一齊食。而呢份肉骨茶配飯只係$64，真係物超所值！👍之後，我試咗秘方鹵燒豬頸肉飯，豬肉好嫩滑，醬汁香鹹可口，味道好好味！呢份鹵燒豬頸肉飯只係$64，價錢好實惠！👌而且最令我驚喜嘅係，食咗跟餐嘅皇牌無味精靚湯之後，感覺好清爽淡雅，唔含味精，好健康！湯中嘅南瓜亦好入味，好開胃！呢碗湯只係$8，價錢好親民！👏總括黎講，呢間新餐廳嘅食物好好味，份量十足，而且價錢好實惠！另外，員工嘅服務態度都好好，令人感到溫馨。我一定會再黎呢度，同埋推介大家都黎試試啦！😋