新泰東南亞餐廳 (已結業)

因為想食生菜包同泰式生蝦 喺OpenRice隨便搵搵 見呢間泰菜既食評一致好評 所以第一次黎呢度食。雖然食物味道一般，但好值得勁贊既係員工既服務水準同態度，真心講服務非常之好，非常有禮貌。👍🏼👍🏼👍🏼店員提到W square呢間店遲下會唔做，但無講幾時，所以遲下會只剩番灣仔大王東街間舖繼續。散叫午餐🧾🐷豬肉生菜包 - 肉碎新鮮但炒得唔夠惹味，辣道剛好，生菜新鮮有甜味。🦆紅咖哩鴨 - 我從未食過，原來煮咖哩既鴨係燒鴨🤦🏽‍♀️ 朋友話一向係用燒鴨，如果我早知道 一定唔會order🙁咖哩無味，燒鴨既味同咖哩及其他配料完全係各有各既味道😣。成個餸既味好奇怪😓🥬馬拉盞通菜 - 正常水準口味👍🏼🥠烤餅- 醮咖哩係好食既，可惜個咖哩汁唔好食😓🐚冷盤翡翠螺 - 正常無味既翡翠螺，但願跟嗰個汁係生蝦個汁 所以都ok小小🙂

鐘愛泰國菜既我聽聞呢間餐廳廣受好評，又怎能不來一試呢今晚約了幾位朋友一起前往，大吃特吃餐廳佈置充滿泰國風情，跟你去泰國的餐廳沒有分別令人一入進內就感受到氣氛面積很大很實用，放了很多大枱，適合一班朋友黎另外有一種用帳篷包住既卡位，有很高私隱度，非常有心思小食點了香芒軟殼蟹米紙卷，不過不失有米香但軟殼蟹太小偏軟，欠缺口感生蝦剌身好新鮮，配上辣醬一酸一辣好惹味馬拉盞通菜有鑊氣，馬拉盞足料通菜都爽口新鮮今晚既重點就係呢個泰式燒春雞釀香茅黃飯原隻雞上，SIZE比一隻手掌大切開見到滿滿既黃飯，香氣四溢隔離枱都忍唔到望過黎成為全場焦點haha重要既係雞肉完全唔鞋，即使雞胸都好嫩滑黃飯吸收哂雞汁，好入味好香呢道菜絕對係必點一隻雞切開4人份都可以，非常抵食最後飲品方面點左青檸梳打同芒果沙冰青檸汁好夠，例哂成支梳打水都唔會覺得淡味同我係泰國飲既味道差唔多一樣而芒果沙冰都足料唔會太甜呢餐好滿足，仿佛去了泰國一趟~~

男朋友食過尖沙咀分店話好好食，所以是日放工後，我地去左灣仔分店去試。餐廳好大，枱與枱之間隔得好開，裝修就非常有泰式風格。我地叫左冬蔭海鮮金邊粉同豬肉串燒拼糯米。冬蔭海鮮金邊粉好大碗，一個女仔肯定食唔晒，同人share就最岩。坊間有d冬蔭公唔係偏酸就係偏辣，新泰就岩岩好，香味十足，極之開胃，連唔係好食得辣既我忍唔住係咁飲。海鮮豐富，有蝦、魷魚、青口、蜆等。豬肉串燒拼糯米飯，串燒好好食，好似美珍香d 豬肉乾，附送既汁就太辣，我點左一次就無再點。糯米飯略嫌太硬，唔夠軟糯，有改善既空間。總括黎講，CP值極高！

Sun Thai Restaurant 🇹🇭 一間大約佔7000呎的泰國餐廳，大廚來自泰國，有多年入廚經驗。環境寧靜、優雅，內有三個白色脹蓬的卡位，處身於脹蓬𥚃，感覺大大不同。椰青沙冰🥥：一杯十分有誠意的凍飲。先把椰青起肉，加入椰奶、花奶、水及冰打磨至糊狀，味道少甜。對於不好甜品人士十分合適，加上酷熱天氣，消暑又解喝。而且有解辣功能。真係隔住個Mon都想飲魚肉生菜包🐟：先將魚肉切粒，把魚肉和魚粒炸脆，加入松子、香矛、洋蔥、青檬、Nuts，配上酸甜醬料，非常開胃，又不油膩。配搭生菜，根本停不了口😋會再Encore試食其他菜式😁

約左一班朋友6個人，想食下泰國菜所以就book 左新泰，第一次幫襯，估唔到食物都好有質素👍🏻位置亦都幾方便，係灣仔，岩曬係港島番工既朋友翡翠螺都幾新鮮，夏日炎炎啱曬食d 涼浸浸既野，加上我地一枱6個人，岩曬我地一人一隻😋生蝦比起螺更吸引，同樣都好新鮮，加埋少少檸檬汁、蒜頭、辣椒，都好惹味👍🏻😋巴東牛展都好好食，如果餸白飯一流，由於本身巴東醬會有辣椒係入面會有少少辣，但係加左椰奶中和翻同埋會超級香😚呢個金邊粉賣相一流，用煎蛋整咗一個網咁包住啲粉，金邊粉都係有啲辣，但係唔會太辣，炒嘅時間剛剛好，食落仲有韌性，唔會太淋或者太硬👍🏻最尾唔可以錯過嘅係烤雞釀黃飯，本身烤雞都好香口，都仲幾juicy，入面既黃薑飯亦都吸收左啲雞味，味道好濃郁，如果怕太濃味可以夾埋左邊酸酸甜甜既泰式沙律👍🏻

已過來光顧了好幾次，食物水準中上有餘，價錢公道，環境闊落好坐燒牛扒 - 牛扒質素普通，肉質偏乾，不推薦軟殼蟹卷 - 軟殼蟹不脆口感覺不新鮮，皮厚，menu上寫是推薦食物，有點失望串燒 - 雞牛豬各兩串，份量足，調味惹味，好食東陰功湯 - 足料，辣度適中，好飲，推薦東陰雞煲，足料，偏咸但可接受，發揮正常生菜包 - 份量及質素中上，發揮正常綠咖哩羊架 - 價錢算便宜，羊架medium rare，肉嫩，調味豐富，非常推薦食物水準不錯，比新泰好食的也有不少餐廳在，但論及價錢公道，環境舒服闊落，總體而言還是非常不錯 👍🏻

好耐冇食泰國菜，今次就同朋友一齊去左新泰食，貪佢係樓上夠晒私隱同空間比我地一路食一路吹水坐底左一陣，就有職員黎問我地洗唔洗叫左野飲先，我同朋友分別叫左青檸梳打同埋芒果沙冰～ 青檸梳打係比你自己溝埋既，夠晒清新開胃泰國野不少得有串燒，依份串燒拼盤有齊豬牛雞，每串都燒得好香，肉唔會好un，配埋沙嗲汁夠晒惹味另外仲叫左份青咖喱，可以自己揀配邊款肉，汁同料既份量幾乎係1比1～咖哩食落都有少少辣，我地叫左份薄餅黎點住食，薄餅係新鮮熱辣辣咁上枱，兩樣野夾埋就岩岩好食左咁多肉，當然要食番啲菜啦～我地叫左馬拉盞通菜，份量都幾多，鹹辣好惹味美中不足係油左少少，食到最後要fing走啲油主食就有食極唔厭既泰式炒金邊粉，依度既金邊粉外型好有趣，有個蛋皮包住啲金邊粉，介開佢就可以見到有唔少大蝦既金邊粉啦～最後唔少得有經典甜品芒果糯米飯啦依度既糯米飯有齊普通白糯米同紫糯米，配埋椰汁同埋酸酸甜甜既芒果，為我地依餐畫上左完美既句號

今日同朋友嚟咗灣仔嘅一間泰國餐廳食晚餐，一入到去已經比呢度嘅裝修吸引左，朋友未到，都忍唔住影咗張相吸引佢快啲過嚟細得來首先嚟到嘅係兩杯野飲，我飲嘅嗰杯係芒果沙冰👅杯嘢飲裝得好滿，冰粒幼細，而且芒果味亦都好香濃，甜度適中食泰國嘢又點少得青咖喱呢！我哋仲配埋分薄餅黎配青咖喱食～青咖喱嘅味道唔算話太辣，就算係怕辣嘅朋友都可以一試！之後仲有飛天通菜，通菜炒得好香之餘仲帶有微微嘅辣味沙嗲串燒都係我每次食泰國嘢必點嘅小食之一！香濃美味嘅沙嗲醬真係令人無法抵擋～三種肉裏面特別推介雞肉串燒，肉質細嫩仲叫咗一碟泰式炒金邊粉，賣相一流，而且裏面嘅材料都好豐富最後以一個芒果糯米飯作結。裏面有齊黑糯米同白糯米，而且仲有大大片嘅芒果果肉，配埋可口嘅椰汁令到呢餐飯俾人嘅感覺再度昇華

近排疫情問題，但又約咗朋友2個人食飯，想搵好坐嘅地方，又坐得闊落啲，所以嚟咗新泰東南亞餐廳食泰菜。侍應安排咗卡位俾我哋，坐得好闊落，好有泰國風情。食泰菜點可以唔叫椰青，近排天氣轉熱，飲椰青解熱，大大個，仲好清甜。豬肉碎生菜包，豬肉配泰式香料炒得非常入味，辣辣地，好開胃。泰式生蝦，非常新鮮，肉質彈牙，配埋辣椒、香蒜同醬汁，更能提出鮮味，值得一讚。炸蝦餅，炸得非常香脆，又彈牙，配甜酸醬一流，不過兩個人食好似太多。串燒沙嗲，豬肉、牛肉同雞肉各一串，沙嗲汁非常香濃，越食越滋味。尤其雞肉肉質非常嫩，一定要叫。泰式蝦炒金邊粉，外層蛋皮煎得非常靚，而且大蝦爽口，金邊粉調味開胃，我同朋友都讚不絕口。太耐冇去過泰國，最掛住一定係芒果糯米飯。餐廳嘅芒果非常甜，估唔到喺香港都可以食到，而糯米飯有分紫糯米同白糯米，口感煙銀，配埋椰漿非常好食。

已經好耐無食過泰國菜 見到呢間好似幾有特色 就一於同friend嚟試下安排咗我地係個帳幕到坐 好有feel🤩我地叫咗個大蝦金邊粉 賣相已經贏曬 有層蛋係面包住 食落好好食 有幾隻大蝦 啲粉好夠果 好好食😋呢個生菜肉碎包 好出色 佢有得揀豬同雞 咁我地就揀咗豬肉 一拎到埋嚟已經好香 食落仲辣辣地 好惹味 包住啲生菜食 真係一流😝生蝦 肉質好爽 又唔怕有一陣雪味 連埋啲蒜同辣椒 吱少少檸檬汁落去 再點埋個汁 真係perfect match💯個蝦餅炸到好外脆 入面又唔會好乾 配個酸辣醬 十分好食 不過熱辣辣 食個陣真係要小心熱親個嘴🤣食泰國嘢當然要試下啲串燒啦 我地叫雞牛豬各三串 個沙嗲汁配串燒好好味 個人覺得雞串係最出色 燒得好香之餘又唔會無曬肉汁好乾 呢6串每串都好大串 而且價錢上唔算貴 好抵食😆每次食泰菜都唔少得椰青 係我必點之一 清甜又解渴👍🏼最後當然仲有芒果糯米飯做甜品咦話😌呢個最特別嘅地方就係有曬紫糯米同白糯米兩款 啲芒果仲舊舊都好甜 嚟到一定要食🤪

今日黎到位於灣仔既泰國菜，一出lift就見到充滿泰國風情既裝修同擺設，店員安排左我地坐係有帳幕既卡位，寬闊又有私隱。魚係我每次食泰國菜必點既菜式之一今次我就點左蕉葉烤鱸魚🐟鱸魚底下墊左一塊蕉葉魚肚入面塞左香矛同其他泰式香料因為香料味道不重，可以食到魚既鮮味肉質亦都十分嫩滑蝦醬炒飯炒飯係全晚最惹味既一環蝦醬用量恰到好處飯粒小小煙韌，加上落左臘腸粒口感唔錯串燒我地揀左MIX (豬、雞、牛各二串）配上沙嗲醬好惹味我就比較鍾意牛肉，爽而不韌咖喱蝦蟹同肉類配咖喱食得多 今日試下咖喱蝦，咖喱醬濃稠，蝦肉爽口彈口我地再叫左印度酥餅黎點咖喱醬酥餅油香味重，軟熟又有層次配上咖喱一流👍🏻整體食物都不錯位於鬧市，環境舒適但價錢都唔貴

位於灣仔既呢間泰國餐廳之前食過十分不錯，今晚好肚餓，所以帶埋女朋友去大擦一餐，呢度環境好好，而且坐位係非常闊落舒適！芭葉烤爐魚喜歡食辣既朋友可以試下，佢肉質非常滑，就算唔點佢準備既泰色辣醬本身都已經有刺激味蕾既辣香味咖哩蝦賣相非常好，帶有甜味既泰色黃咖喱溢入左蝦入面，蝦彈下爽口，可見食材新鮮印度薄餅有甘正既黃咖喱點可以唔叫印度薄餅，點呢隻帶甜既黃咖喱絕對係perfect match，必點之選！泰色串燒豬牛雞數量可隨意配搭，總共六串，燒個既牛肉串都好腍身，唔會韌，配埋佢既串燒燒烤醬滋味無窮！ 而且只係88元，我覺得非常抵食！蝦醬炒飯好有驚喜既炒飯，飯粒炒得很乾身，配有臘腸、蛋絲、腰豆、肉鬆、蕃茄，咸味調得好適中，加埋配料一齊食係勁好食，下一次一定會再返黎幫襯。

這間餐廳是我去過一次也會再去的餐廳，這次已經是第六次了！為什麼？因為環境好，食物好，價錢合理。吃過午餐，吃過晚餐，服務員也很有禮貌。很適合跟三五知己一起吃飯的地方。

呢間泰國餐廳其實嚟過好幾次，貪佢環境幾大坐得舒服之餘食物質素都幾好，以灣仔區來講價錢都算合理，性價比高。串燒沙嗲$88好多泰國餐廳既串燒都整得唔好食，但呢度無論雞、牛、豬都整得幾好，大大舊肉但都keep到夠juice。蒜蓉越南牛油雞翼 $78正常牛油雞翼質素不過不失。青檸蒸魚 $168有烏頭、鱸魚、同魷魚可以選擇，因為我怕多骨嘅魚，所以就揀咗烏頭。條魚蒸得剛剛好而且都幾大條。肉質嫩滑，酸酸地辣辣地好開胃。蒜蓉包 $32蒜蓉包來講唔算平，但係整得好好食。唔會太乾，上面嘅蒜茸分量剛剛好。馬拉盞通菜 $75我幾鍾意食呢度嘅菜，因為唔會落得好多油，食落健康啲唔會油淋淋。

呢排天氣濕濕焗焗咁，好需要食d開胃嘅野所以亂打亂撞去灣仔要上樓嘅東南亞餐廳一開始以為平日會唔多人啦，點知都幾有人氣，應該無嚟錯除左泰國野之外，仲有馬來西亞/越南野揀，真係花多眼亂一坐低我叫左杯三色冰，又幾多料，開心之後揀左好耐決定要試下呢個泰式燒春雞釀香茅黃飯貪黃飯有抗病功能隻雞唔好睇佢細細隻，都好多肉架而且去左骨食落啖啖肉，外皮燒到少少香脆但入面仲好juicy架一開入面釀滿哂金黃色嘅飯，太好味啦好想推比多d人食啊芒果糯米飯都好好味，d飯嘅質地好好知道佢用心調過味，椰漿分量都岩岩好，食到最後都唔會唔夠仲有黑白兩色，太開心啦