新泰東南亞餐廳 (已結業)

同朋友都係灣仔返工，所以就去咗附近間新泰食泰國菜。一到餐廳，已經見到好靚嘅裝修，啱曬大家打卡！轉角見到啲檯凳已經見到個好靚嘅帳篷咁嘅座位，點知真係可以坐到個個位！食泰國餐點少得泰式炒金邊粉？！所以我地就嗌咗個泰式蝦炒金邊粉。朋友話唔想食太多澱粉質，所以我地就另外嗌咗個馬拉沙咖哩（牛）配印度薄餅。野飲原本想嗌啤酒（見到隔離檯飲到好正咁😭）但因為聽日要返工，所以就嗌咗芒果沙冰同菠蘿沙冰。無幾耐，炒金邊粉就到咗！Size中等，好足料！有四五隻蝦！味道夠，又唔會好油！馬拉沙咖哩就唔會好辣，如果鍾意食辣嘅就可能要試另一隻咖哩。碗咖哩都好足料！好多牛肉！除咗牛肉都有啲薯仔同青椒係裡面。印度薄餅有有六塊，點咖哩汁食一流！至於菠羅沙冰同芒果沙冰，我同朋友都話對方個杯甜過自己個杯😂不過結論都係唔會太甜同埋水果味好自然，唔係嗰啲果汁劑好假嘅水果味。以灣仔區食泰國菜價錢中等，位置都好方便！餐廳好闊落，好啱朋友坐埋靜靜傾計。仲有就係啲waitress服務態度好好！經過都會笑住打招呼🤣有機會要再黎幫襯！

今晚放工嚟到灣仔w square 食晚餐，嚟到呢間泰國人主理嘅新泰✅🥰早嚟坐到卡位！原來係睇到出面ge景，都幾舒坦😁😁 叫左個牛油雞翼先🤗 好香口，好惹味！牛油味足，洋蔥亦炒得好香的😻雞翼又幾大只，啖啖肉👍🏻👍🏻 另外叫左個招牌咖哩軟殻蟹麵包 🦀🦀 雖然要208蚊，但賣相好好，份量亦足夠！可以點下個麵包🥯咖哩偏甜的 軟殻蟹都有幾只，肉幾大舊 夾埋麵包食好有口感🤤 再點左個馬拉盞通菜🥳🥳 炒得非常有鑊氣！菜好新鮮。菜葉位吸哂d醬好好撈飯🐥🐥 甜品最後叫左芒果糯米飯 🍚 係有紫糯米加普通糯米 兩種米口感有d唔同 一齊食口感十足！芒果好甜 加上椰漿一齊食超正😀😻

最近心血來潮好想食泰國野，上網搵搵銅鑼灣附近有咩泰國餐廳就見到新泰，見評語都唔錯就同男朋友兩個去食。大概七點幾去到餐廳，一入去已經比佢環境吸引左，裝飾得好有feel好幽靜既感覺，坐落都好闊落好舒服。因為放工實在太肚餓兩個人都叫左好多野食，首先黎左野飲，我地叫左椰青沙冰同龍眼冰，個椰青沙冰好驚喜，好有椰香味而且份量好大，飲左一淡就停唔到，超級推薦！龍眼冰就都正常。之後上左椒鹽軟殼蟹，炒得好香，做前菜啱啱好。之後就到泰國餐廳必點既豬頸肉，都幾香口同埋一碟都有好多片，另外配左個泰式既醬汁，我自己就鍾意就咁食唔點醬多d🤤主菜叫左菠蘿炒飯同南瓜海鮮飯，半個菠蘿上面放住熱辣辣炒飯，入面有d雞肉肉鬆腰果等等，仲食到唔少舊菠蘿，去泰國餐廳叫菠蘿炒飯永遠都唔會中伏，好開胃好好食。另外南瓜海鮮飯就好多南瓜蓉，鍾意食南瓜既朋友可以叫黎試下，入面仲有好多款唔同既海鮮🙈最後仲有個鴨肉生菜包，肉碎鹹鹹地啱配生菜食🙆‍♀️兩個人食左好多野，坐左好耐環境舒服，野食質素都唔錯好地道泰國菜，而且另帶一提服務員全部都好好態度。如果大家心癮起想食泰國菜新泰係唔錯既選擇。

今日有朋友生日 朋友中意食泰國菜 於是就book左係灣仔既依間新泰。餐廳環境寬敞，令人有種放鬆既感覺，好彩早去，可以坐窗邊卡位，8點到已差不多滿坐。唔理咁多，點餐前叫杯野涼下先！依杯菠蘿汁酸酸甜甜，令人食慾大增。食泰國野，生蝦刺身一定唔少得，加埋個秘制醬汁，真係食到你停唔到口！古唔到西冷牛排配上辣汁都別有一番滋味！淨係粒粒都有蜆肉，一粒沙都冇依一點已值得推薦！通菜份量比較少，好吊人癮！薄餅當飯一流！我自己對依個雞肉串燒印象好深刻，舊舊肉都咁juicy, 完全冇半點乾身既感覺，下次黎一定要encore!最後當然唔少得泰式糕點，不過甜品就一般，冇咩驚喜！總括黎講係值得推薦，無論環境定食物都係屬高質，可以放入必食餐廳list!!!

今次係第二次食呢間泰國餐廳,環境有好泰國feel,泥黃色系嘅背景，中間主要係放大枱，側邊就4人卡位。今日2人食，都比左4人枱，好寬敞！麵包拼軟殼蟹賣相好靚。軟殼蟹已經剪好曬，方便進食！咖哩汁椰香味好重，所以一點也不辣！麵包一定要點咖哩汁！再加一口軟殼蟹！又脆又軟，雙重口感！啲食物好夠熱！即叫即煮🤤👍🏻燒烏頭如果鐘意食魚的鮮味，清淡啲嘅朋友，就可以試呢個！佢嘅肉質好軟稔，又吾多骨，啖啖肉。裏面釀咗香茅香料，好香好清新。甜品椰汁西米糕上層椰奶奶涷，好creamy!下層就係西米加馬蹄同粟米。本人不喜歡太多馬蹄，有點喧賓奪主，認為椰奶先係重點。所以，呢個甜品相對地冇咁好吃。整體環境衛生，職員都來自泰國，食物都真係幾正宗，質素都有中上。

放假前夕同朋友去揾好野食！今次就揀左係灣仔既新泰。其實係銅鑼灣times square 後面行過去都好近🙈一去到見到環境都幾靚，燈光少少暗，夜晚同朋友傾計氣氛幾舒服。由於我同朋友放左工之後太肚餓，即刻睇有咩食。泰國菜黎講，其實佢選擇都好多。我地就穩陣啲食番啲好多地方都有既，咁先可以知道好唔好食。我地叫左一個小食拼盤，Pad Thai, 麵包咖哩軟殻蟹，仲有一杯椰子沙冰同芒果糯米飯。首先講下個小食拼盤先，可以一次過試哂4款小食，整體都幾味 。Pad Thai方面呢，好有驚喜。本身好怕有啲Pad Thai好酸，但呢到味道啱啱好，份量好多，蝦都好大隻，食落仲係好熱！至於麵包焗咖哩軟殼蟹絕對係我全晚至愛！個咖哩汁好重椰香味，唔會好辣。蟹雖然已經浸住係咖哩到，入味之於食落仲係好脆！麵包又焗得啱啱好唔會太過硬，用黎點咖哩好正！最後叫埋個椰子沙冰同芒果糯米飯做甜品！椰子沙冰好清甜，而芒果糯米飯有白同黑糯米，上到黎仲係好熱，好好味！

第三次嚟呢度食飯，今次多人啲可以叫多啲嘢食，點左甜蝦，雞肉牛肉串燒，小食拼盤，綠咖喱，薄餅，雞翼，pad thai等等。食得好過癮好滋味。小食拼盤嘅炸蝦餅真係好好味，唔驚熱氣嘅話可以食多幾舊。仲有雞翼真係冇得頂，如果送酒就一流。每次黎都係平日嘅夜晚，但次次都爆滿，可以見到佢哋嘅食物一直都保持穩定嘅水準，而且性價比高，好多回頭客。三次都係食呢間分店，唔知另外一間分店水準係點，有機會都去另一間分店試吓。

今日約左朋友黎到新泰東南亞餐廳灣仔店食晚飯，一入到黎嘅感覺同普通東南亞餐廳好唔同，佢嘅裝修靚好多，食嘢都舒服啲。蒜蓉炒貴妃苗 $75平時香港人食嘅菜都係生菜，菜心，西蘭花個啲。貴妃苗就真係好少食，呢個炒貴妃苗口感好特別，食落好有層次😍😍不過就略嫌油左少少，如果唔鍾意食咁油膩可以試下同侍應講小啲油😂😂日本南瓜焗海鮮飯$118呢個焗飯其實唔係咁”東南亞”🤣，不過佢嘅賣相好靚😍😍啲飯同埋料都放晒喺個南瓜入面，免頭仲有一層好厚嘅芝士🤤🤤🤤鍾意食焗飯嘅人一定要點呢一個！鹽焗鱸魚$128鹽焗魚有鱸魚同埋烏頭揀，我哋就求其揀咗鱸魚黎試。呢份鹽焗鱸魚嘅賣相都好靚🤩🤩，侍應特登俾我哋影完相先至幫我地拆皮，魚嘅肉好鮮嫩😋😋再加埋佢肚入面攝咗啲香料，令到成條魚嘅味道提升咗好多，再加埋個酸酸辣辣嘅醬汁，真係流晒口水呀🤤🤤

夜晚8點幾9點嘅時候，想搵間近灣仔站嘅餐廳食飯。最後，簡左呢間餐廳。不得不提嘅係，佢地嘅裝修真係好有泰國風味，連啲員工嘅衣著都一樣咁有泰國feel我地叫左1個菜、2個餸同埋一個炒飯。食到勁飽！見到「飛天通菜」個名咁特別，叫左黎試！只係少少辣，啲辣味唔會蓋過其他香料嘅味道，所以我自己覺得個味道幾好。之後叫左個燒豬頸肉，呢個豬頸肉切得好薄，所以食岩唔會韌，咬兩咬就得啦。再加埋佢地個醬，酸酸甜甜。重點係勁大份，勁多塊，呢個真係抵食。呢個泰國街邊豬肉串配嘅醬同豬頸肉個個一樣，都係酸酸甜甜。我地覺得佢燒得岩岩好，所以食落口都幾多肉汁，就咁食同配飯食都可以。仲有叫左個蝦醬炒飯，呢個炒飯個份量好大。上到嘅時候，見到好有心思，配左啲炒蛋絲同埋臘腸。雖然佢係蝦醬，但可以放心嘅係唔會太咸之餘，仲會食到淡淡嘅蝦醬味，所以調味係岩岩好。

新泰東南亞餐廳朋友每月都有聚會， 他們喜歡嘗試各類型菜式，今次嘗試泰國菜， 於是參考 OpenRice，找一間正宗泰國、東南亞風味餐廳。餐廳正門裝修宏偉，富有泰國風格，配上柔和燈光，掛畫、枱、椅子、擺設等佈置使人身在泰國。椰青 $45大大的椰青，冰凍椰子水很清甜， 厚厚白雪椰肉很有口感，又可以清熱。馬拉盞炒通菜 $75新鮮青嫩通菜，馬拉盞芡汁內有蝦米、紅椒等配料，非常惹味，必食！串燒羊肉 $88材料有鮮茄、黃椒、洋蔥、菠蘿此等蔬菜，厚厚的羊肉燒烤，肉汁味濃，特選香茅芡汁還可癖除騷味，顏色配搭頗為吸引！泰式炒花甲 $108新鮮活花甲，配料有洋蔥、青椒、紅椒，香草加入紅黃咖哩炒有點微辣，芡汁濃味，驚喜花甲完全冇沙，附上印度薄餅配搭一流。

香港真的太多泰菜餐廳，但質素參差，這家是我和朋友常去的其中一間，貪其環境舒適，食物質素高🙇🏻‍♀️🙇🏻‍♀️。.之前一直去開尖沙咀分店，今次就去灣仔分店一試。比前者環境更寬闊👍🏻，尤其我們安排坐在卡位，更有情調❤️～餐牌除了大路泰國菜式，更有些很特別的選擇🙇🏻‍♀️。先來一個香芒軟殼蟹🦀米紙卷($88)開胃一下，非常足料！點上魚露酸酸辣辣，很喜歡它的米紙十分煙靭☺️。燒鱔($128)比較少見，叫來一嘗，竟是全晚最驚艶的一味😍！烤得金黃，外皮焦糖面酥脆，內裏爽脆又油香滿溢，非常新鮮🥰！塗上燒汁帶甜，少少像日式鰻魚，點上泰式甜辣醬汁，中和油脂又惹味👍🏻！再來泰式炒椰菜仔($95)「故作」健康一下，頗有鑊氣，加上炸蒜很香口，份量也不少👍🏻～泰式燒春雞🍗釀黃茅黃飯($188)照片賣相吸引，而且很特別，不可不試☺️！圓滾滾的燒雞很香香料味！內面滿滿的黃飯，滲入雞油，很香口😋，帶有香茅味又有點清新～春雞點上蜜糖醬汁，很配👍🏻！旁邊的沙拉🥗也調味不馬虎，份量又多！二人叫四道菜有點誇張哈哈😂大滿足🥰尤其讚賞上菜快、不停倒水的服務，不是最便宜的選擇，但就是吃得舒服的一家餐廳🍽～

之前已經吃過一次新泰，記憶中係好好吃！最近又好想吃多一次，結果就山長水遠禁去港島區吃🤣一上到去就係好有特色的設計同擺設，感覺已經係泰國，個電梯位又好闊落！入到去感覺好舒服，枱與枱之間又有一段距離，我地3個人佢比左卡位我地，足足夠6個人坐，所以我坐得好爽啲野又可以亂放😂我地叫了一杯椰青沙冰3個人分，大杯到呢！！由飯前喝到飯尾都仲飲緊，佢一啲都吾稀，好清新既椰青水味！仲要冰融晒都吾會淡味，好正！！！！！小食拼盤！大碟到吃吾哂！個生菜包好重香草味好正！蝦🦐也很爽好好吃！！佢仲有2個醬比你揀，我當然揀老麥泰式辣醬！另一個係波羅味，係有啲酸既~泰國菜必備Pad Thai!!!!比較濃味小小，但入面材料十足！蝦亦好大隻好新鮮！麵包焗咖哩軟殼蟹!!!個curry好重椰汁味，好多汁比我地送包吃，而且好多soft Shell crab~~~~ Jeng ahhhhhh!!!個包好有心機係烘過，有小小lone 好好吃！！！！最後當然叫左個甜點！個芒果好甜！！！！個椰汁係熱騰騰㗎！一流！！！都吾算貴，性價比高！！！！

呢度環境好好！有唔少既卡位，又大又舒服，私隱度大大提升，可以暢所欲言。馬沙拉咖哩(豬) $88咖哩好香，味道好濃，唔算辣，岩晒唔食得辣又中意食咖哩既我！食落有好多味道、香料既感覺，又有啲甜甜地，好特別！個汁用黎食飯或薄餅都一流！豬肉份量都多，好稔！印度薄餅 $32有8小塊，油酥味好香！薄薄既一層加一層，好脆口！呢個可以話係我食過最好食既薄餅！日本南瓜焗海鮮飯 $98 個南瓜好大個！南瓜肉好甜，正！海鮮有蝦、魷魚同青口等，好爽口！個飯撈埋醬汁同南瓜肉食無得頂！馬拉盞炒通菜 炒得好爽脆！味道好夠，好香蒜味，菜又翠綠！有好多乾蝦米！好味！呢度食物既價錢唔貴，質素高！值得再黎！

😋 No.314 香港 | Sun Thai Restaurant 🔹地址: 灣仔轩尼诗道314-324号 W Square 2楼🔹这绝对是一家适合聚餐的餐厅，很难见到在香港这么宽敞的泰国餐厅，还有大圆桌！🔹不得不说我吃上头了，是真的，回家直接倒头睡到第二天早上，也不知道是什么原因。🔹还有这家实在是太划算了，物美价廉，还要再来！🔸红咖喱牛肉：信我你就点，不仅分量足，而且味道也很惊喜，咖喱是浓郁的，但是是厚重的浓郁，用了其他的调料沫在里面，所以口感很丰富，搭配牛肉，浇在米饭上的话我可以吃两碗。🔸炒金边粉：中规中矩，没有惊艳的地方，但分量足。🔸春卷：食材丰富，春卷皮劲道透亮，配的酱我可真是太喜欢了，是我最喜欢的美国风格的泰式甜辣酱，从美国走了以后很久没有吃到了。🔸菠萝饭：好大一份！虾仁腰果统统都有，没有很甜，菠萝虽然没有很多，但用了很多新鲜菠萝汁，所以味道还是浓郁的！🔹人均100-150，口味8/10，服务7/10，环境8/10

如果有人話食泰國野，大家正常都會話去九龍城!但今次有朋友話係洌仔有一間幾好食的泰國野，我就抱住戰戰兢兢的心情一齊去食。去到餐廳門口，見到都幾似樣，信心都即刻大左!坐低左朋友就開始睇餐牌叫野~最後都係叫返的一般人會叫的泰菜....好似生蝦....冬陰公等等.....坐左10分鐘左右第一道菜就黎...呢的生蝦非常好食! 蝦爽口，有甜味! 有的泰國菜只會俾一的雪蝦你食..完全冇味...但呢間就唔係!個汁都有泰國8,9成似....不過呢個就比例辣....我同朋友都食到雪雪聲....呢個真心有9分好食!!食完生蝦就到冬陰公湯! 呢個湯都好好飲...因為料都好足，又唔會太辣~ 同埋椰汁味唔會極重...令其他野都冇曬味!唯一美中不足就係隻蝦比較差~但總括黎講都係好飲的!第三道上既係燒尤魚~ 呢個就普普通通! 尤魚都算唔錯~ 不過係有小小唔夠熱~ 如果可以熱的就真係100分!個味都係絕對有泰國味~ 呢個係比較酸，因為係泰國食尤魚的汁同生蝦的都係唔一樣!最後兩樣係椒鹽軟殼蟹同蟹肉炒粉絲~ 呢兩樣比起之前3道菜係比較遜色。如果下次各位再去就可以唔駛試呢兩樣!總括黎講~呢餐都係好食既~ 因為坦白講，就算真係