今日約咗朋友食飯，決定揀間好啲嘅西餐廳，大家可以坐低傾下偈享受下dinner 呢到中間有個bar，側邊仲有啲高枱，可以坐低傾下偈飲下嘢，感覺上幾chill🤣🤣 呢度有dinner set又有散叫，dinner set望落都好多嘢食，不過我同朋友就驚會食唔曬，所以決定散叫，見到個生蠔仲幾吸引添😙 首先上咗個生蠔，有兩款，一款係愛爾蘭，另一款高係英格蘭。兩款都係鮮甜，不過我就鐘意英格蘭嘅多啲，海水味無咁重 我地叫咗個鵝肝，好大舊好好食，表面煎到好香但入面又有滑，配埋下面舊多士食😋 跟住就叫咗個medium rare嘅rib eye，煎到好香，塊扒又好腍 最後就係個手工手捲意粉，質感好有趣，辣辣地好惹味🤣🤣

已經好耐無去過日本旅行，今日決定同朋友去食壽喜燒，解下思鄉之情🤣 一入門就見到成個日本武士，即刻好有去日本嘅感覺🤣 呢間餐廳除咗壽喜燒，仲有好多選擇，送酒小食、串燒個啲都有😍 店員首先會加咗棉花糖係個鍋，好特別呀😍然後慢慢等棉花糖溶落甜豉油到 再落油花分佈好平均嘅牛，塊牛入口即溶，好香牛味，再配合埋蘭王蛋， 真係絕配🤤食完想繼續再食 今次我地叫咗個set有野菜盛合，入面都好足料，有豆腐，菇，蟹柳， 竹輪…仲有好多嘅菜🤣食完肉可以食返啲菜中和返🤣 我地再叫埋串燒試下，有燒雞心，大蔥雞肉同埋芝士甜薯。最特別係會放係個炭爐上，咁就唔驚啲串燒凍曬，可以熱辣辣咁食🤭

今日係旺角行街 路經鼎記 見到好似好多選擇 又有小菜又有雞煲 就決定入去試一試 不過今次得兩個人 所以就無叫小菜 一人叫一個飯就夠啦 下次有機會再去試下其他菜式 首先叫咗個暗然銷魂飯 有兩隻蛋 煎到好靚 隻蛋唔會太熟 再加埋啲豉油 成碗飯無得彈呀 啲叉燒肥瘦適中 咬落去唔會好乾 仲有啲肉汁 表面仲好香蜜糖 出色👍🏼成碗飯都好足料 大大碗 一定夠曬飽呀 再叫咗個粟米斑塊飯 啲調味啱啱好 唔會好咸 同個粟米羹唔怕太稀 用嚟撈飯食一流 入面仲有好多舊魚 食極都仲有🤣一定唔驚唔夠食呀 我哋仲叫咗個豆豉鯪魚炒油麥菜 個菜炒得好香 炒到啱啱好 唔怕太腍 而且好惹味 會令人食到唔停口 加埋啲豆豉鯪魚用嚟送飯就最合適 仲有西洋菜湯 可以係食飯前飲 碗湯好足料 有好多西洋菜同豬𦟌 好飲🤣

每次去peek-a-poke都會食唔曬 實在太大份🤣 我揀咗自選 吞拿魚同三文魚 再加咗蟹籽 雞蛋絲 木魚 紫菜 揀咗蜜糖芥茉乳酪醬 同壽司飯 嚟到嘅時候見到咗大碗 真係好滿足🤩食落去 有好多吞拿魚同三文魚 食到尾都仲有好多 最後唯有食曬啲餸😛 如果唔想自己傷腦筋揀配料 仲可以揀佢配搭好嘅添 🤣

星期日週末去咗長洲當旅行 揀咗間食餃子嘅， 嗰日三點鐘入到去都有唔少空位，坐得都幾舒服。我地叫咗三種分別係白土匪雞肉餃印第安餃同埋麻香白雲雞中翼。 首先講下個土匪雞肉餃先， 咬落去第一下佢啲肉汁爆曬出嚟好彩有個碟仔如果唔係食到周圍都係，同埋入面d肉都好香口， 但係我覺得佢唔似土匪雞翼。 而關於個印第安餃我就係覺得佢係一個辣版嘅土匪雞肉餃， 如果下次再嚟嘅話我會揀印第安餃， 不過佢嘅肉汁就冇土匪雞肉咁多。 椰子個白雲雞中翼就正正常常冇特別有驚喜，不過作為小食都唔錯🤣 嗰日唔記得嗌佢鎮店名物鹹蛋黃黃金餃，下次再嚟嘅話要試下。

疫情無旅行去 就去食下台灣嘢 當自己去咗旅行啦🤣 呢間係黃店 所以去到都要排一陣隊 排咗大約半個幾鐘 都算好快 叫咗個牛肉麵 啲牛肉好香 又唔怕韌 仲有成5塊 好足料 啲麵唔怕煮到腍 時間啱啱好 成碗麵又唔會太咸 好食😋 仲叫咗個皮蛋豆腐 皮蛋係溏心 豆腐好滑 試面仲有啲木魚同汁 夾埋好好食🤣🤣 仲叫咗個鴨血 辣辣地 好惹味

前排政府宣布話要限堂食，即刻把握機會，趕早堂食嘅尾班車🤣我同朋友揀咗尖沙咀嘅今和壽司，見佢有好多卷物，同平時啲壽司鋪唔同😀 我地嗌咗三個卷物，一個係鰻魚牛油果卷，同一個彩虹卷，仲有個叫辣妹 呢度嘅鰻魚牛油果卷好足料，每一舊入面都好清楚見到有好大舊鰻魚同埋牛油果，食落去好香，啲牛油果已經熟晒，食落去好香 呢一個係彩虹卷，上面有唔同嘅魚生，例如有吞拿魚，三文魚，油甘魚仲配有牛油果。啲刺身好新鮮，咁樣嘅配搭可以一次過食到唔同嘅刺身，可以滿足晒咁多個願望 呢一個叫辣妹，上面其實就係辣嘅吞拿魚蓉，入面係蝦天婦羅，食落去好香，配搭得好好，辣辣地好惹味 我哋仲嗌左芝士年糕，入面嘅芝士味好濃，外皮好脆，一咬開，就食到好香嘅芝士味，好好食😋😋😋我哋仲嗌左個明太子雞翼，入面釀滿咗明太子，食落去都幾有脆，仲要去埋骨🤣🤣

今日去咗太安樓小麵站 成日去到麵見到好多人排隊 之前我都試過呢間嘅其他食品 今次就買咗紅油抄手同雞絲涼麵 呢間嘅紅油抄手好出色 佢有12粒同20粒揀 皮夠薄 每粒都可以一口一粒 又唔會太辣 好惹味 至於雞絲涼麵 麵有分大同細 啲雞絲好滑 份量又夠多 仲有啲青瓜絲 同辣菜甫撈涼麵 成碗麵辣辣地 好好食😋

今日特登嚟到時代冰室食個下午茶，叫咗個蔥油豬扒三眼仔飯。送餐時間快，豬扒爽滑，份量足，惟獨今次煎嘅蛋比較熟，可能下次落單要同侍應講要太陽蛋先會好啲！49蚊連埋涷嘢飲真係非常抵！特別推介涷檸檬茶，茶底係咁多間餐廳最好飲，甜度啱啱好。嚟開炮台山嘅你值得一試，不過可能要預10分鐘等位。 仲叫咗個炸脾蛋治，炸脾好出色，個皮好脆，裏面又唔會炸到好乾，肉汁仲會保留到，調味啱啱好，唔會太咸。不過個蛋治就稍為遜色，隻蛋有啲老，變咗無乜特別。

今日天氣好熱 行過太安樓 就想買杯嘢飲解下渴 見到茶星人新開 就決定試下佢 我買咗蜂蜜紅柚四季春 微糖少冰 細杯裝嘅 飲落酸酸甜甜 好開胃 又解渴 因為叫咗微糖 所以唔算好甜 飲落去仲飲到啲果肉 好好飲 呢間嘅飲品都有分細杯同大杯 價錢上只係相差少少 價錢都係合理 除咗茶飲之外 仲會有啲特色飲品 大家行過可以支持下