想甜嚐甜

營業中

休息中

員工上錯甜品居然閙客人"你唔知上錯咗嘅咩". 態度極惡劣。哇咩自己做錯野可以鬧返個客𨍭頭。真係聞所未聞。就算點樣好食都唔應該咁樣做生意下嘛。食完背脊骨落。絕對唔會有下次。

#搞串個pantry飯後甜品作為一餐之完結🔚，或者一日之終點🌅，一定要食完後可以令你解除一整日嘅辛勞🛀，同埋去除油膩。今次就去咗一間喺#西環 同埋#大角咀 都有分店嘅#甜品 舖🍨，而我哋覺得呢間舖頭主打心太軟，同埋#乳酪雪糕 。我哋今次嗌咗一個海鹽焦糖爆谷法式燉蛋配乳酪雪糕($58)🍿🍮，同埋嗌咗一個「榴金歲月」($59)。海鹽焦糖爆谷法式燉蛋，喺#焦糖燉蛋 上面鋪滿咗爆谷。爆谷算係幾脆💥，上面淋咗一啲海鹽焦糖醬，食得出咸咸地、甜甜地🍬。而下面個焦糖燉蛋，外層嘅焦糖脆唔會燒到變苦，燉蛋食落口相當綿密☺️。另外，乳酪雪糕🍦味道有啲古怪，但我哋相信佢係相當正宗嘅乳酪雪糕，所以有一種發酵嘅味道，但係呢個味道嘅感覺就有啲似嘔吐物嘅酸味🤪，未必每個人都接受到。而「榴金歲月」入面就有芒果🥭、榴槤、黑糯米、水晶珠🔮、寒天，配以芒汁椰漿底。榴槤肉嘅份量都相多，味道好夾芒汁底。整體嘅味道就係經典港式甜品嘅味道，無乜特別，幾好食😋。呢間甜品舖仲有好多唔同口味嘅心太軟🍰，例如開心果味，大家嚟到都可以試吓佢嘅心太軟💕！！

叫左嚐甜楊露（類似楊枝甘露)，嚟到嗰碗大部份芒果肉係發黑嘅，似乎已經變質（可惜冇影低)，但我都試咗食一粒睇落去正常的芒果肉，一咬落去就發現味道奇怪，即刻同個男店員講，佢同女店員溝通後，女店員竟回覆話個品種係咁，當人好似冇食過芒果或楊枝甘露？我問可唔可以cancel，佢話要最低消費一人一樣嘢食，之後我話要轉做芝麻糊熱嘅（餐牌上有寫熱或凍的選擇），佢話剩係得凍都算，嚟到碗芝麻糊試咗一啖，仲要有陣酸味。如果大家會去試呢間，可以預先做心理準備。

🍴想甜嚐甜（大角咀）📍大角咀嘉善街18號利奧坊二期地下G703號舖非常喜歡乳酪雪糕的味道在香港很少有的呢個餐廳好有心思閒日夜晚都唔多人 好好坐店員都唔會趕人走岩灑傾計🫶🏻✨ 經典朱古力心太軟配乳酪雪糕 $58朱古力心太軟內餡為朱古力醬🫣搭配乳酪雪糕酸酸甜甜的味道朱古力醬融合雪糕的甜蜜口感濃郁🥰✨ 伯爵茶巴斯克芝士蛋糕配乳酪雪糕 $62芝士蛋糕上搭配伯爵茶獨有的茶味香氣😚芝士蛋糕滑順，口感香濃令人著迷😍

我覺得依間鋪，吾算大，已經有3個員工，但服務慢慢來，又要排隊，但個場見好重有幾個吉位，吾可以自己行入去坐，一定要由距員工安排你坐，個個員工都苦瓜瓜，講嘢無尾音，幸好食物吾難食改善服務態度就更好

之前聽人講佢啲乳酪雪糕幾好食 今日出開大角咀就同班朋友順道嚟試試 見舖頭入面仲有位我哋就行咗入去 但店員話人手唔夠叫我哋喺出面等等先 五分鐘左右店員就出嚟叫我哋入去 入到去坐低同朋友諗咗一陣食咩 店員就走嚟叫我哋快啲落單 話因為出面仲有人等緊 45分鐘內食唔晒都會叫我哋走 如果唔係佢哋翻唔到枱比其他人 咁我哋都嗱嗱聲落咗單 想食紫薯芭菲話冇紫薯 想試話梅花雕雪糕又係冇 其實客人要諗多一陣會唔會係因為你哋冇更新menu或者預先同客人講聲而造成？望一望出面的確有人排隊 但舖頭嘅位其實夠招呼晒出面條隊 相信只係因為佢哋人手唔夠先唔叫客人入舖住 所以其實暫時係冇翻唔到枱嘅問題 只係佢哋都會預先入咗食客數先 真高招其實想叫客人快啲落單唔係問題 你生意忙想快啲翻枱入客可以理解 但語氣奇差就真係好大問題 完全係好唔耐煩嘅態度 feel到佢覺得我哋諗多一陣都係阻住佢哋做生意 但佢哋上甜品又唔係快 等甜品嘅時間計埋落你嗰45分鐘度 真係冇得頂本身冇寫開食評 但真心唔想再有人咁遠水路入到嚟有咁差嘅體驗 打開OpenRice先見到原來咁多人講過佢哋服務態度差嘅問題 冇預先上嚟睇睇真係失策 同大家嘅體驗真心一

作為開心果迷的我，當日剛巧在附近逛完街想食甜品，便尋找到這間開心果甜品的店舖。一入內就選擇了坐在近窗位，點了兩款甜品。開心果配乳酪雪糕當然要叫啦，開心果心太軟上枱好熱辣辣。一切開開心果心太軟內裡的開心果醬湧出黎，而開心果味道是非常之濃郁，唔會係假開心果味。但食得太多會有少少膩，這時就要食旁邊的乳酪雪糕解一解膩。我覺得乳酪雪糕入口好清新、乳酪味重，唔錯。開心果心太軟上面有開心果碎，最後我是連開心果碎都唔放過，全都食晒。正！第二款點了伯爵茶巴斯克芝士蛋糕配乳酪雪糕，巴斯克芝士蛋糕一入口就食到伯爵茶的香味，而蛋糕的質感好結實，好有口感。乳酪雪糕都是不能放過，非常喜歡酸酸的味道。而在這位置望住人來人往的大街食甜品都是一種享受。可以放空自己，靜靜享受甜品，為忙碌的自己叉叉電。

🤍 想甜嚐甜📍 大角咀利奧坊二期地下G703號舖------------------------------1️⃣ 開心果心配乳酪雪糕 $68推薦指數：👍🏻👍🏻開心果心太軟流心效果勁 影相一流🤩惟嫌略開心果味太淡 味道偏甜 不推薦😂乳酪雪糕不錯 有乳酪味 配搭了脆脆😍2️⃣ 華田心配乳酪雪糕 $60推薦指數：👍🏻👍🏻華田心太軟有濃郁的阿華田味😆切開心太軟 阿華田醬即時湧出來 惟味道過甜 很膩 同樣地乳酪雪糕好食 微酸 配搭了脆脆😂3️⃣ 蜂蜜烤洛磯山棉花糖窩夫 76推薦指數：👍🏻窩夫即叫即整 熱辣辣 十分香脆☺️搭配了蜂蜜及棉花糖 窩夫上還灑上糖霜 令窩夫非常非常之甜 不喜歡😵‍💫而乳酪雪糕滑溜 清新🤩4️⃣ 紅桑子草莓乳酪雪糕 $64推薦指數：👍🏻👍🏻👍🏻雪糕甜度適中 份量足 紅桑子及草莓味天然💕乳酪雪糕 酸酸甜甜 味道清新 不錯😍------------------------------環境舒服 乳酪雪糕不錯 其他糖品太甜了🫠可只試乳酪雪糕 服務態度一般 餐廳有最低消費 每人最少叫一份甜品😆食飽飯去實在有點難道😂總評味道：⭐️⭐️環境：⭐️⭐️⭐️服務：⭐️⭐️

話說前幾日去呢間糖水舖，點知服務態度極差。首先，等位要喺出面排隊，但係完全無講邊度排同埋點排，結果入面嘅員工以態度極差嘅語氣話:「之前咪提咗你啦，唔好阻住到門」，就算真係阻到你，係唔係應該用一個好啲嘅語氣去同顧客講，而唔係好似好不滿，想訓斥啲顧客？其次，本身唔知道有人均消費，結果要分兩次落單，但係最後每次等落單嘅時候都用咗10分鐘先肯黎落。可以同你講就算間鋪頭啲嘢食有幾好食都冇用啊！啲服務態度完全唔要得，理得你間舖係咩顏色，都係一視同仁。下次唔會再幫襯，睇過咁多個review，都覺得原來呢間舖頭出名服務態度差，覺得唔係自己要求高，係連基本要求都做唔到！😟

bookmark 左想甜嚐甜呢間甜品店好耐因為好想試佢既開心果心太軟 💚 同埋班蘭芝士蛋糕呢度既甜品選擇都幾多而且款式有別於一般甜品店食到既甜品 😍幾有新鮮感開心果心太軟 $68 💚好少見呢個味既心太軟開心果味好濃好出流心效果都好勁乳酪雪糕酸酸地好開胃同心太軟既味道出奇地夾班蘭咖央麻糬巴斯克芝士蛋糕 $62雪凍咗既芝士蛋糕風味更昇華不會太甜 👍 完全保留到芝士味食到班蘭味，只係略為不太夠濃，所以有少少被芝士味蓋過咗 🙈

非常不合理，整间店空着没有人还要按人头必点一个，完全没有服务意识，傲慢无礼。不会再来。如果有0分选，会给0分。我和先生早早吃了晚餐7点去吃甜品，整间店都空着。男生一般都不爱吃甜品。所以只有我一个人 order了一样，68元。问题是，我点的时候，他们没有跟我说，要点2个。因为如果那个时候说了，我就立马走了。所以我点了一个。先生出去打了个电话。我的甜品上的时候，先生回来，我想同他 share。先生要自己拿个勺子，被他们mgr 很粗鲁地打断并且拍我们桌上的贴纸，一人一份。先生实在吃不下，我只好让他在外面等待我就囫囵吞枣吃完。我吃完的时候，店里还是空的！整个的服务体验糟糕透顶，不会再来。店主傲慢无礼，没有服务意识。

琴日冇嘢做食完飯周圍行吓，見到依間甜品舖排晒大隊個Menu幾吸引就入咗去，依間甜品舖主打新式甜品佢嘅心太軟有好多唔同嘅味，見到我最鍾意嘅開心果就即刻叫咗，估唔到佢哋會用開心果做心軟😋😋😋😋😋，有一次我喺意大利食開心果雪糕之後就愛上了開心果所有既產品。依度個開心果心太軟包埋一個frozen yogurt, 上枱後一切開，佢濃郁嘅開心果醬就流出來好誇張。另外我朋友都叫咗奶將心太軟喺茶餐廳食嘅奶醬多一樣味， 好好食，去開大角咀一定唔好錯過。

除咗舖頭嘅立場背景之外其實仲有好多嘢值得我哋去支持如果日頭去嘅話嗰塊落地玻璃對鍾意打卡嘅人係非常幫到手而且依家食完仲有得買爆谷兄弟🍿️打開menu會覺得有好多選擇而且仲有不定期嘅季節限定同店舖限定今次食嘅有榴下來/榴連窩夫椰芋/開心果心太軟配乳酪雪糕芋圓同珍珠煙韌Q彈而且唔係得麵粉味榴連味道十足不過份量比較少食完唔會話覺得好飽好頂胃雖然心太軟有流心但開心果味唔夠濃偏向似普通果仁味希望可以愈做愈好乳酪雪糕幾好食特別係驚漏嘅人因為佢酸味味冇乜奶味好清爽下次去好想試吓芒果系列同埋一定要揀日頭去食下午茶採光度十足坐耐咗傾計都好舒服如果滿座都推介大家買碗外賣支持吓🫶🏻

大角咀開咗好多特色餐廳🍝食完晚飯終於有機會來試試🥰🙆🏽‍♀️開心果心太軟配乳酪雪糕$64開心果味濃流心效果出色👍🏻配合埋乳酪雪糕🍦一冷一熱仲有啲粒粒果仁口感豐富🤤朋友點嘅朱古力試咗少少🍫🙆🏽‍♀️經典黑朱古力配乳酪雪糕52🍨這個比較普通 正常口味😋紫心薯心太軟都好吸引🥰仲係我最鍾意嘅紫色💜💜💜下次要試埋🤭睇得又食得啱曬咗打卡📸️大推開心果心太軟👍🏻👍🏻👍🏻

想甜嘗甜應該算係大角咀嘅人氣甜品鋪今日終於第一次來到 🙂甜品款式好多都好特別，非常有新鮮感而且選擇都幾多 其中最吸引我既就係佢既心太軟有好幾款味都係好少見包括奶醬味、開心果味、紫薯味、同華田味心太軟好想一次過試曬咁多種味 😍但因為只係自己一個人來食所以最後只係 order 咗一款心太軟 下次再試埋其他味 😆奶醬心太軟配乳酪雪糕 $64心太軟好正好特別， 因為好少見 🥰流心效果唔錯奶醬味好濃好出乳酪雪糕酸酸地，可以中和奶醬味，無咁膩呢個配搭啱啱好