我哋今次嚟到一間位於佐敦、柯士甸一帶嘅特色餐廳🍴。舖頭主打嘅係特色fusion菜，而且菜系亦都好特別🌏，係西式fusion印度料理🇮🇳，環境同埋餐具又有印度風格，亦都有酒吧feel🍷。 . 🍝蜆肉扁意粉($135) 意粉有口感，而且調味亦都有中西融合嘅特色🌟，除咗蒜香味之外，亦都有夠晒刺激嘅辣椒香辣味🌶️。蜆肉嘅份量夠晒多，超級澎湃🌊，基本上一路食，每一啖都配到幾隻蜆！ . 🥘馬薩烤雞腿($115) 咖喱嘅味道接近香港、東亞嘅口味👅，有啲似日式咖喱，帶一啲甜味🍬，同埋雞肉嘅肉質唔錯。呢款味道香濃嘅醬，就梗係要叫埋其他主食夾埋一齊食啦♨️。 . 🫓蒜蓉烤餅($30) 要配埋咖喱，最適合就係好有印度風情嘅烤餅🇮🇳。我哋揀咗蒜蓉味，烤餅除咗焗香咗之外，上面都有好多蒜油🧄，令到食落感覺又邪惡又香口，配埋咖喱醬好夾😆。

我哋今次搵到一間平日夜晚都full house嘅銅鑼灣泰國餐廳🌟！我哋都唔執輸，試吓係咪真係正過坊間其他泰國菜先🇹🇭！呢度位於時代廣場對面，位置都幾方便🚇。 . 🦑泰式燒魷魚($148) 份量好多，而且味道我哋好滿意😍！魷魚嘅口感爽脆，又嫩身，燒出嚟最後炭火香，全部都處理得好好🔥。點埋泰國特色甜甜酸酸辣辣嘅醬，帶出魷魚嘅鮮味同埋燒烤風味👅。 . 🦐生蝦刺身($108) 泰國菜唔少得生蝦刺身啦😝！冰鎮住嘅生蝦，口感爽脆，咬落去口感超滿足🤤。加埋本身超級香口嘅蒜片🧄，同埋泰式酸辣醬，味道夠晒刺激。 . 🐓火焰燒雞($208) 嚟到呢度必嗌嘅打卡菜💕！首先店員會將原隻燒雞動起，淋上醬汁，再點火🔥，視覺效果已經超吸引。燒雞出乎意料，肉質超級嫩身，加埋酸酸地開胃嘅醬好正😋。 . 🍍菠蘿海鮮炒飯($108) 好足料，裏面菠蘿粒、提子乾、腰果、其他配料嘅份量都好多😆，其實口感炒得啱啱好，唔會過硬，而且好香👅。最特別嘅係每粒飯粒仲有菠蘿嘅果甜味🍍，好味。 . 🎏炸魚餅($78) 好有泰式風情🇹🇭，調味嘅香茅同埋香葉味好出，加埋仲有刺激辣味🌶️，夠香口。而且份量紮實，同埋都幾多塊，啱晒一齊share🙌🏻。 . ❄️龍眼冰($36) 龍眼肉份量好多，飲落味道清新🎐，好啱夾埋唔同嘅泰國菜式一齊食！ . 🌴珍多冰($36) 講到泰式嘢飲，更加唔可以唔提珍多冰啦😋。裏面嘅條條口感軟嫩，撈埋冰都唔會雪硬咗，夠曬滿足💕。

講到一人火鍋，我哋就會諗起呢間又香又惹味嘅台式石頭鍋餐廳🇹🇼。舖頭可以自選肉類、湯底、飯麵，部份湯底仲會有店員喺客人面前爆香咗配料💥。再加水煮湯，一路爆炒，一路有超濃郁嘅香味♨️，勁吸引。而且可以喺自助吧自己攞蔬菜配料🥗。最後仲有雪條食㖭❄️。 . 🐮石紋精選牛肩肉套餐($206) 牛肩肉係肉味比較濃嘅部位😆，配埋我哋揀嘅沙茶醬湯，點埋自助吧攞嘅超邪惡腐乳醬，好好味👅。店員會喺開爐嘅時候先炒香沙茶醬💥，香味勁誘人，然後再加埋鰹魚汁煮湯底🎏。我哋仲加咗小食辣味涼拌牛肚🤤，牛肚同埋台式豆乾嘅口感都好彈牙，而且辣麻油滷汁好惹味💦。 . 🐄安格斯牛小排套餐($220) 牛小排肉質超級好食，烚完好嫩身😍，而且肉味同油脂感都好平衡。我哋呢款就揀咗紅燒牛骨湯🍖，亦都係超級推薦，因為牛骨嘅味道超濃郁，配埋香口嘅紅燒油💕，好夾唔同嘅蔬菜、海鮮配料！而且用嚟煮埋新竹米粉🍜，湯底嘅味道入晒米粉裏面，食到停唔到。我哋加咗鳳梨涼拌章魚小食🐙，酸甜嘅味道，配埋薑嘅香味，有種子薑嘅開胃感覺🤩。 . 🍗走地雞腿肉($25) 肉質超級嫩滑，而且好襟烚😝。煮完出嚟口感好好💕，如果大家套餐本身揀咗牛肉，好啱加配呢個一齊share。

今次我哋嚟到荃灣一間好有人氣嘅日式🇯🇵fusion菜餐廳。舖頭主打創新日式卷物🍱，舖頭嘅風景都幾好，落地玻璃望住商場中庭⛲️，感覺好chill。 . 🗻富士山($88) 賣相夠晒澎湃😍，壽司卷上面疊着層層嘅蟹柳絲，食落口嘅感覺好滿足😆。反卷裏面包住嘅係鰻魚🎏，咬落去仲有蒲燒醬香味，同埋鰻魚軟身嘅口感，同埋一絲嘅蟹柳🎌，口感豐富。 . 🐉金龍卷($98) 同樣口感處理得好好💕，裏面有大大條吉列炸蝦。就算捲喺裏面，每一啖都食到酥脆嘅炸衣💥，同埋蝦肉嘅口感。而且裏面忌廉芝士份量適中🧀，食落有芝士綿滑、濃郁嘅香味。 . 🥗龍卷風沙律($76) 以沙律菜嘅爽脆口感作為基底🥬，上面加咗好多蟹棒絲，而且撈埋辣味沙律醬調味🌶️，感覺夠香口。裏面仲有薯片碎，同埋中華沙律👅，幾種唔同嘅創新fusion風味加埋一齊，味道豐富。 . 🥟古今日式煎餃（6隻）($56) 餃子幾好食，外層煎得幾靚😝。同時間入面保留住好多汁💦，而且餡料口感好嫩。 . 🐥芝麻雞翼（2隻）($38) 呢款小食同樣火候控制得好好。雞翼外層炸到好酥脆💥，夠晒脆卜卜。裏面嘅雞肉仍然係好軟身💕，而且咬落去熱辣辣，又有肉汁💦，好吸引。

而家好多漢堡包舖🍔都係連鎖式，或者用大公司嘅入貨來源。我哋今次就搵到一間觀塘隱世Burger舖，標榜用嘅麵包🥯係嚟自牛頭角地區小店😎。餐廳仲提供八款醬料，包括有茄汁、甜酸沙律、蜜糖芥辣、日式芥辣、辣辣白醬、黑松露、芫荽白醬、千島醬，而且大部份嘅醬都係舖頭自己調製㖭🥳。 . 🍔雙層手打牛肉芝士漢堡($88) 呢款漢堡都唔例外，裏面嘅牛肉漢堡扒係舖頭全人手打造😱，口感超正，而且煎得幾香。配埋經典嘅芝士🧀、茄汁，滿足咗想食漢堡嘅心情！ . 🐮霸氣雙層安格斯芝士漢堡($118) 如果想啖啖肉，就建議嗌呢款😍。兩塊安格斯漢堡扒真係超級厚🤩，一咬落去有一半嘅口感都係柔軟又香嘅漢堡肉。呢款嘅醬汁係用咗白醬，帶有芝士嘅香味，感覺更加濃郁🤤。 . 🍟炸薯條($38) 份量真係超級多！都係即叫即製，所以新鮮炸起夠曬熱辣辣🔥，而且特別脆口。小食每款都可以配一種特色醬汁，裏面大部份都係舖頭自家調製，我哋就覺得辣辣白醬最夾薯條😝，少少辣味，加埋沙律醬嘅濃郁感覺，好正。 . 🔥炸魷魚鬚($48) 除咗新鮮炸氣之外，魷魚鬚本身嘅味道都好香。炸皮有紫菜海苔碎😚，配埋魷魚嘅海鮮風味，更加香口😛。炸魷魚酥就啱點日式芥辣醬，辣根嘅淡淡Wasabi香味，好啱配海鮮炸物。 . 🍗脆炸雞塊($48) 呢度嘅雞塊係用雞扒切件而成😋，唔係溝咗好多澱粉嗰種麥樂雞嘅款式。直落雞肉嘅口感更加正，而且大部份舖頭特調嘅醬汁都係以蛋黃醬、沙律醬做基底，好夾炸雞嘅邪惡感😈。

喺香港想享受cafe好chill嘅環境🎐，閑閑地每份主食都百幾二百蚊🥹。不過我哋就搵到一間由外國人主理💃🏼，無論服務質素定係環境佈置🌟，都將南歐風情帶咗嚟赤柱嘅餐廳😍。呢個價錢可以享受到意式cafe，真心抵💰！ . 坐喺餐廳裏面，近窗嘅位置可以望到赤柱海灣嘅風景🪟。入面嘅位置就有粉色系牆身💕、歐洲風情藝術品🎨、仲有南歐度假風木條子天花板🪵，勁fancy！ . 🥐松露牛角包($148) 松露嘅香味超級濃郁😋，一上菜已經好誘人！煎蛋嘅質地嫩滑🍳，而且咬落去松露嘅香味佈滿成個口腔😍，配埋牛角包嘅牛油香，超級滿足。賣相都唔輸蝕，新鮮黑松露片份量幾多💥，好吸引。 . 🥞意式海濱班戟($148) 嚟到呢度，我哋最推薦就係呢款班戟🙌🏻。班戟嘅配方真係好犀利，雖然係素食菜式🌱，不過食落去有超香濃嘅牛油香🤤，仲有焦糖嘅甜香滿足感🍯。配埋口感豐富嘅果仁、唔同嘅新鮮酸甜莓果🍓、同埋雲呢拿雪糕🍨，一啖食到晒豐富嘅味道同口感。 . 🐮香煎牛扒拌煎蛋($258) 用咗牛柳部位，牛味濃郁👅，而且煎出嚟嘅味道亦都香口。簡單嘅鹽花、黑椒調味，配埋亞洲風情嘅細蔥花😆，好特別。配埋薯角🥔，同埋喺口裏面流心爆漿嘅太陽蛋🍳，夠滿足。 . ☕️Hazelnut gianduja latte 即係榛子朱古力牛奶咖啡🌰，牛奶同埋咖啡味好平衡😆，加埋漸變色嘅賣相，好啱影相📸。 . 🍑Iced peach tea 蜜桃嘅甜香味清新❄️，配埋茶呢個經典配搭🍵，好夾唔同嘅嘢食。

燒肉除咗放假或者慶祝嘅時候食🎉，其實平時返工嘅日子都會回味吓！放lunch時間咁短，又唔想咁高消費☀️，於是我哋就揀咗呢間台式燒肉舖嘅午市燒肉套餐😍。套餐可以揀幾款海鮮或者肉類🔥，仲有蔬菜飲品吧放題，最低消費$85💰。
.
🐮澳洲M5和牛肩胛肉($48)
肉質真係好靚😍，粉紅色嘅牛肉同埋好密嘅雪花。一食落去，豐富油脂感喺口裏面爆開💦！
.
👅安平牛舌芯($48)
質素好過坊間好多嘅牛舌💕！滿滿嘅肉汁、超級爽口嘅口感，啱晒我哋口味，超級推薦🙌🏻。
.
💥安平炸蚵卷($15)
午市套餐仲可以揀小食😋。呢款咬落去五香調味香口，好夠口感🤤。
.
🐔懷念鹽酥雞($15)
雞肉多汁，配埋椒鹽🧂，好有台式風味🇹🇼。
.
🍠梅山酥炸薯($15)
台灣嘅味道唔少得酸酸甜甜、開胃嘅梅子粉🌸！份量夠晒多，配埋炸番薯粒好夾。
.
🇺🇸美國SRF極黑牛($38)
呢款肉不嬲比較健康，而且肉味濃😆，啱晒鍾意牛味嘅朋友。
.
🛏️台灣小枕頭（麻糬）($22)
好有特色，燒嘅時候慢慢脹起♨️，好有夜市嘅感覺。外皮脆身又有啲煙靭，米味濃郁🌾。
.
🦑烤中卷($22)
份量幾多，魷魚燒出嚟又有炭火味🔥，又有鮮味，好正🌊。
.
🌶️香辣腎片($22)
麻辣嘅味道好入味，無論係花椒嘅香麻，定係台式麻辣油😝，都好夾爽脆嘅腎片。
.
🐥九層塔三杯雞($28)
醃得好入味，既有九層塔嘅香草味🌿，亦都有燒肉醬嘅甜香味。
.
🐷原住民鹽燒肉($28)
夠晒邪惡，厚切大大片嘅五花肉😍，燒完配埋生菜食好滿足🥬。
.
🐖厚切雪花豬($28)
油花超級香，燒完外層脆口💥，肉質亦都咬落爽口。
.
👅安平牛舌片($32)
記得燒熟啲！因為牛舌夠熟先可以享受到外層炭火香🔥，裏面彈牙嘅口感🫦。
.
🦪鹽蒜燒生蠔($32)
蒜蓉同埋牛油香真係好夾生蠔🧄，燒完出嚟超級鮮嫩。
.
🐄安格斯牛板腱($32)
牛味同埋油花好平衡😎，而且食落肉汁好多！
.
🥩薄切牛胸腹($32)
鍾意牛肉有滿滿油脂感嘅💦，就可以試吓呢款，燒出嚟滿滿嘅香口邪惡感覺。
.
🦐爽彈虎蝦($38)
夠晒大隻，燒完之後，蝦殼同蝦頭嘅甲殼味真係好吸引😍！
.
🌊燒帆立貝($38)
牛油、黑椒🧂配埋帆立貝本身嘅鮮味，真係好滿足，推薦要試吓✌🏻！
.
🐮三角牛肩肉($38)
同樣係油脂感同埋牛肉味比較平衡嘅部位💕，燒到啱啱好熟就最正。
.
🧂山椒牛柳丁($38)
調味好有台式風味，而且牛柳粒肉質夠嫩身，又多汁💦，好有驚喜。

參峇烤雞扒乾拌油麵 配紫菜湯 ($72) 超大一碗乾拌油麵🍜，上面塊雞扒🐔都好大塊好厚身。雞扒煎得好香🤤，外皮趣口，食落肉質嫩滑好juicy😋！油麵嘅口感硬度剛剛好，好夾參峇醬，少少辣🌶️，好惹味！ . 老街椰汁冰(+$8) 午市加$8有特飲，呢杯椰汁冰啱晒而家咁熱嘅天氣飲🍹！ 住附近，真係好方便可以落嚟食🤤。而且呢度嘅下午茶非常抵食😍，勁平！高度推薦佢哋嘅海南雞飯、茶燻鴨、咖吔多士等等，都係好好食！

喺荔枝角附近返工嘅朋友💼，平時放飯會食邊間呢🥢？今次介紹嘅餐廳係一間有質素嘅冰室😍，我哋由好耐之前已經食開佢嘅蛋包飯🍳。今次再嚟見到佢哋Menu竟然仲有鮑魚、花膠、冬菇食🌟，而且價錢親民💰！ . 🥢鮑魚花膠冬菇滑雞湯($84連XXL特飲) 呢個價錢可以食到呢啲配料已經唔話得😝，超級滿足！不過估唔到雞湯味道都好出色🤤，雞味好濃，而且雞油令到成個湯更加香👅。可以揀烏冬或者飯，份量都超級多，夠晒滿足💕。 . 🍜蔥油撈麵餐($61連特飲) 麵嘅質地好啱我哋口味，煮得夠腍身✌🏻，唔似外面一啲餐廳趕時間會煮得太生，撈埋蔥油超級香口😋。呢度雞翼都整得好好，除咗炸得酥脆💥，裏面仲保留住好多肉汁，唔會炸到乾身💦。配埋兩隻流心太陽蛋，真係好爽！跟餐仲有丹麥多士，可以揀多牛油🧈，夠晒邪惡。 . 🥘沙嗲串燒雞肉($12) 加配嘅小食，我哋就揀咗沙嗲串燒雞肉🍢。呢度就算係簡單嘅食材，都整得有心機💕。雞肉口感嫩身，唔會乾唔會鞋😝。沙嗲醬夠濃郁，而且花生味好香🥜。 . 🥬蠔油生菜(+$10) 份量超級多，其實兩個係share都夠✌🏻！味道唔錯，唔會有青味💕，口感亦都啱我哋口味。

喺旺角行完街🛍️，近住朗豪坊，又想就腳抵食啲💰，我哋就揀咗一間一人燒肉舖🔥。舖頭座位之間有間隔，環境同其他一人燒肉舖質素拍得住🌟，服務都好好😍。 . 🐄A2牛繁套餐($180) 呢個套餐包咗三款唔同嘅部位💕。牛胸花夠晒滿足，燒到金黃色🔥，夠晒油脂，又有炭火味😋。特選肩胛片肉質就更加靚，雪花分布均勻啲❄️，而且肉味比較濃郁。薄切牛舌同樣夠晒濃味👅，而且切出嚟厚薄度適中，啱啱好有爽口嘅感覺🫦。套餐仲可以揀小食泡菜🇰🇷。香蔥蛋拌飯配埋好靚嘅流心生雞蛋😍，撈埋香口嘅蔥花，真係好滿足。飲品就揀咗罐裝汽水🫧。 . 🥩A1牛胸花套餐($138) 300G牛胸花份量真係好多😆，食落超滿足，可以一啖又一啖嘆邪惡燒牛肉🐮。而且肉本身已經醃過，有甜香嘅日式燒汁味道🎌。套餐嘅小食都可以揀漬物，爽口嘅芽菜同埋菠菜都好開胃🌱。香蔥蛋拌飯配埋油脂感特別重嘅牛肉好正🍛。帶甜嘅燒肉醬，或者甜甜辣辣嘅味噌醬都好夾牛肉🥢。套餐飲品亦可以揀樽裝茶。