小草十八怪石鍋米線 (已結業)

呢間米線只要叫6餸或以上就可以揀用石鍋上或者石鍋自煮，好有特色😍十八怪招牌金湯小鍋米線 $82材料非常豐富，包括封門牛柳、花膠、海蝦、棉花魚肚、蟹柳、鯛魚片、翡翠苗、腐皮同芫荽，招牌金湯用咗南瓜、蛋黃同黃辣椒，口感香濃好特別棉花魚肚蟲草花蒸雞荷葉飯 $62荷葉飯有驚喜❗️飯底既有荷葉清香，加上新鮮滑嫩嘅棉花魚肚同蒸雞，鮮味十足瑤柱蒜蓉海鮮荷葉飯 $75呢款荷葉飯主打海鮮嘅鮮味，海鮮包括海蝦、棉花魚肚、蟹柳同鯛魚片，配搭超多蒜蓉好惹味特飲一大桶咁上真係好震撼👀，怕飲唔晒可以免費轉外賣杯上👍🏻鴨屎香檸檬茶 +$18 以鴨屎香茶葉為茶底，酸甜中帶點苦澀一桶水果香檸茶 +$18 清爽香甜串燒叫咗雞中翼 $18 同燒韭菜 $18，簡單嘅燒烤方式保留咗食材嘅原味，加埋孜然同辣椒粉一齊食就更加惹味

今次又去咗之前同大家介紹過嘅小草十八怪石鍋米線食飯，佢嘅嘢食性價比真係幾高，仲有好多款唔同嘅選擇。.🐷瑤柱蒜蓉海鮮荷葉飯海鮮有魷魚、蝦、魚等等嘅海鮮，海鮮嘅鮮味同蒜蓉嘅香氣完美結合，再加埋蒸到熱辣辣嘅荷葉飯，加埋甜豉油一齊食，真係好香，食完成個人都暖笠笠。.🐷十八怪招牌金湯過橋石鍋米線湯底入口有微微嘅辣味，入面有超多唔同嘅配料，有花膠、魚肚同海蝦等嘅豪華配料。啲米線放喺個石鍋度就可以一路keep住都可以食到超級熱嘅米線，所有嘢嘅份量亦都好多，食完超飽！🤣.🐷司華力腸燒烤司華力腸燒得好香，燒到外面嘅腸衣有脆脆地嘅口感。外面沈咗好多燒烤調味料，鹹鹹甜甜同埋好香孜然嘅味道。.🐷特大桶裝凍檸茶食完啲咁熱嘅嘢梗係要飲番杯凍檸茶飲涼爽一下，🤣呢度有超級大杯嘅檸檬茶，一大桶可以夠晒一至兩個人飲。.小草十八怪石鍋米線📍旺角亞皆老街36-38號龍飛大廈地下3-4號舖

老公上OpenRice亂搵亂撞到呢間食米線，竟然係好有驚喜！我哋叫咗兩樣野share十八怪金湯招牌過橋米線佢有封門柳、蟹棒、鯛魚片、蝦等等，用石鍋滾住咁上，金湯第一啖有啲辣，但勁惹味！一啖又一啖咁食，係好快食完另外叫咗個籠仔海鮮蒸飯，飯有啲濕，我麻麻地我下次會試其他野，佢仲有好多野食，感覺好貼地，環境雖然唔係裝修好靚，但唔洗等位排隊上到去任坐。下次喺旺角諗唔到食咩會諗起呢間！野飲見到佢有鴨屎香檸檬茶，所以話佢跟得好貼！下次有機會再試😂

用個爛碗，問個waitress咩事啦。佢話系煮前已經爛左，咁點解要用個爛碗黎煮呢。跟住個廚房佬出黎同個waitress傾計，個廚房佬大大聲咁話個個碗都系咁🤬個侍應都唔使問個廚房佬已經知個碗煮前爛左～利害利害

今日出咗旺角shopping望見呢間小草十八怪石鍋米線店舖、同時都有其他特色美食、係一間樓上店整間外圍都幾特別🤔、行到店舖門外色彩繽紛都好吸引、上到2樓店整間店面係以木係枱椅、以柔和色調坐著感覺寬鬆舒適😚我覺得都幾好!．棉花魚肚蟲草花蒸雞荷葉飯 $62整款蒸雞荷葉飯賣相係以特式木盒盛載上枱🤔、真的好有懷舊風味、係以荷葉包裏棉花魚肚口感軟綿、蟲草花爽口、滑雞腍嫩整嗰荷葉飯散發香噴噴味😙、尤其是佢嘅飯粒粒軟硬適中沾滿汁液、入口油潤口感香口味道都幾好!．自選石鍋米線 $32起整嗰石鍋米線都好吸引😯夠哂豐富、有六款餸起叫，豬大腸、海蝦2隻、鹹蛋黃炸魚皮、五香辣豬軟骨、迷你羊肚菌、花膠2隻、尤其是豬軟骨肉質軟腍惹味😋、佢嘅米線口感軟綿特別比起一般有D不同、配埋湯汁帶點辣口味道都唔錯!．香水檸檬草莓梳打 +$19特大桶 裝檸檬茶 +$19呢兩杯飲品味道都幾好、我覺得檸檬草莓梳打色澤比較吸引🤔、飲到入口味道口感特別、帶點清香檸味😚同時又有草莓香甜味😋我覺得幾好飲!.

終於試食左呢間好多Like 既米線鋪 😍 除左石鍋米線， 仲有串燒、荷葉飯同烤魚， 好多選擇！ 今次叫左6餸石鍋米線， 因為懶就叫人煮埋🤪 揀左香辣金湯，係南瓜🎃、蛋黃、海南島黃辣椒🌶️煮， 好少有南瓜又辣既湯底，辣中帶甜好特別！😋飲左好多都冇口渴～ 應該冇乜味精。 揀左封門牛肉（+$ 4）、紅燒牛肚、墨魚頭（ 墨魚鬚切粒）（+$ 2）、金菇、鹹蛋黃炸魚皮（+$ 3）同素鮑片。 牛肉切得太薄同碎 🥹 除左牛肚同墨魚頭份量比較多，但金菇同鮑片就少啲🫠 另外叫左芒果凍頂烏龍茶（HKD26) 黎到先知咁大杯！！ 配咁熱既米線好夾， 唔太甜， 幾好👍🏻食左HKD107 , ummm 以米線黎講都唔平！ 但湯底係出色既🎉下次可以試下其他野食 😋

小草十八怪石鍋米線🍲朋友介紹呢一間石鍋米線舖頭，除咗石鍋米線之外，仲有好多款唔同嘅食物可以揀，最啱一班朋友食，一定揀到自己嘅心水嘢食！👫👭首先就當然唔少得叫返幾個小食，同朋友一齊share每人少少就啱晒啦！朋友就揀左檸檬吉列豬扒 🐷$ 28、麻辣涼拌海蜇 (小辣) 🪼$ 38、五花肉串🐽 (兩串) $ 22、雞肉串🐔 (兩串) $ 22 同埋 章魚鬚 🐙 (兩串) $ 28，每一個小食嘅份量唔會太多，同朋友一路傾偈一路食，時間好似過得特別快咁😆😆主菜方面就叫咗18怪石鍋生滾米線 $ 82 同埋 銀魚仔肉餅荷葉飯 🐟$ 60， 佢哋嘅石鍋米線真係好出名，湯底味道好特別，仲有唔同嘅配搭可以選擇，大家亦可以揀自己即場去煮呢個米線，非常過癮！🤣🤣另外我仲嗌咗荷葉飯，個人特別推介呢一個，尤其是天氣開始凍，熱辣辣嘅荷葉飯配埋佢哋獨有嘅香味真係一流！💯💯✅而家鴨屎香檸檬茶🍹賣到成行成市，質素都越嚟越參差，估唔到呢度嘅鴨屎香檸檬茶 （加配價錢）+$18咁高質喎，絕對唔差過台式飲品舖，而且仲超級大杯，一人一杯超滿足！😋😋

🔸 十八怪招牌金湯過橋石鍋米線   $90用木盤盛住個滾熱石鍋上枱，配料有好多：兩大塊較瘦嘅封門牛柳肉片、花膠、海蝦2隻、棉花魚肚、蟹柳、鯛魚片、翡翠苗、腐皮、芫茜共9種。湯底係採用南瓜、蛋黃、黃辣椒調製而成，金黃一片，好特別。可能鹹蛋黃做湯底，口味比較濃稠，個鍋滾起上嚟，金波滾滾，好靚又好香。特別好食嘅喺肉質緊實嘅鯛魚片，封門牛柳唔肥但牛肉相當鮮嫩。味道：7/10性價比：7/10🔸 無火生滾石鍋煲仔飯（三拼）   $84踏入初冬，涼涼哋最好就喺食煲仔飯，估唔到這家餐廳做煲仔飯都做得唔錯。呢次揀咗 潤腸、臘鴨髀同鹹魚，另加$8要杯凍檬茶。呢個係即點即煮嘅石鍋飯，要等約十分鐘，用一個滾熱辣嘅石鍋上嘅煲仔飯，一上枱飯香撲鼻，潤腸有兩條，仲有幾嚿臘鴨髀（唔會太肥膩而咸香味十足），鹹魚就畀咗兩大嚿，有驚喜嘅喺啲梅香鹹魚十分惹味，因為鹹魚會有點魚腥，所以餐廳已經特別放咗好多薑絲同蔥花喺鹹魚上面一齊蒸。石鍋煲仔飯仲可以自選其他好多種配料：臘肉、排骨鳳爪、滑雞件、雞腎、乾魷魚仔、牛柏葉、金菇、冬菇、羊肚菌、蟲草花、棉花魚肚、海蝦、帆立貝、鯛魚片、溫泉蛋等。 如果加膏蟹仔就加$60，每追加多一款就加$

小草18怪係先達對面，位置好方便我地下午茶時間去，有茶餐的，相對其他正價食品價錢便宜多了。去了小草一定要叫荷葉飯這個冬菇雞金華火腿飯是我媽點的，她說荷葉飯要吃最傳統的雞好滑，冬菇入味，飯索曬d雞汁唔洗落豉油都好夠味😳而我自己叫左瑤柱蒜蓉海鮮荷葉飯魚好滑冇骨，我係唔食魚既人都唔覺得鮮。d飯得幾條瑤柱絲，另外蟹柳扮海鮮😂同埋食完要飲好多水，好似味精好重最後叫左個菠蘿油，普通料唔驚艷, 填肚可選😂成餐飯，杯奶茶最正

成日經過通菜街都會見到呢一間樓上米線舖上網睇佢Menu俾佢個荷葉飯吸引咗蒜蓉金菇粉絲奄仔蟹荷葉飯 ($98)原隻奄仔蟹 唔係好大隻不過都有啲鮮味同蟹味 但就冇乜肉蒜蓉幾香 金菇同粉絲嘅份量都比較少荷葉飯下面係一個好高嘅砵所以睇落好似好深 但其實冇乜飯食完都唔係好夠飽🫠金瑤柱粉絲鯛魚片荷葉飯 ($62)味道係幾唔錯 不過真係可惜份量唔多個飯好乾身👍🏼 而且本身都有啲調味係做得幾好 粉絲嘅份量都係超少整體係幾好食 不過唔飽又真係唔得掂🥲另外叫咗杯特飲 (+$14)芒果凍頂烏龍茶 超大杯唔算好甜 芒果味比較出 冇咩茶味濕下口都OK嘅😎

係旺角行街，留意到黃色💛好搶眼的招牌，個名都好特別，叫「小草十八怪」。我哋俾個名吸引左，見到菜式好多元化，選擇種類多，決定入去試試～門口的霓虹燈招牌好奪目，好啱打卡影相📸。店鋪位於樓上，有約50-60個位，多數係小枱為主，靠窗望街境的都係卡位・餐廳以QR code 自助方式落單，上菜速度都好快👍🏽。米線的湯底都好特別有金湯、酸菜魚、沙嗲、火腿瑤柱、肉骨茶同蟹皇湯，配料選擇都有超過40款，想食清啲或者濃味啲都任均選擇。揀6款餸以上的米線就可以變石鍋米線，熱辣辣上枱，揀廚房煮或者自己煮都得😆。🤎肉骨茶 - 封門柳、蟲草花、海藻 $61肉骨茶湯底清徹，淡淡中藥味，唔會好油同無落味精，可以成碗湯飲曬😋。封門柳有牛香，今次揀個健康配搭。海藻份量多，用黎吸湯好好味～💛香辣金湯 - 可樂雞中翼、鯛魚片、海藻 $66香辣金湯，入口有啲似西式南瓜🎃忌廉湯，有微微辣，幾特別配米線都幾夾。鯛魚片質素可以，唔會有好厚粉漿。可樂雞中翼少少甜味，炆得夠淋滑易離骨。

店鋪個名夠特別，最近係油麻地地鐵站開左分店，今次先試下元祖店，係咪如同店名一樣咁特別先。試左招牌主打米線：十八怪招牌金湯過橋石鍋米線($82)、瑤柱蒜蓉海鮮荷葉飯($75)。十八怪招牌金湯過橋石鍋米線($82)-以為主打米線應該唔錯，但基本每樣餸只有一件，湯底同餸都略嫌淡味，米線過淋易斷，冇咩驚喜。但就顯得價錢唔抵。推介：❤️❤️🤍🤍🤍價錢：❤️❤️🤍🤍🤍味道：❤️❤️🤍🤍🤍份量：❤️❤️❤️🤍🤍賣相：❤️❤️❤️🤍🤍瑤柱蒜蓉海鮮荷葉飯($75)-相反荷葉飯較為驚喜，海鮮種類同味道對得住價錢，性價比合理。海蝦、魷魚圈、蟹柳等等配料份量足，唔錯👍🏻 推介一試推介：❤️❤️❤️🤍🤍價錢：❤️❤️❤️🤍🤍味道：❤️❤️❤️🤍🤍份量：❤️❤️❤️🤍🤍賣相：❤️❤️❤️🤍🤍

FD一直都有推薦哩間雲南米線，話係香港第一間可以食到鹿肉嘅米線店，咁一定要試試。可樂同凍檸茶，檸茶好大一杯，茶底好香濃，唔會好甜，唔錯。泡菜拼盤，有3款泡菜，分別係蘿蔔，酸菜同泡菜，食落酸甜脆口，開胃菜一流。我對鹿肉就麻麻地，今次揀咗酸菜魚湯米線加埋泰式炸豬皮，溫泉蛋，肥牛同膏蟹仔。米線由侍應煮好送上來，估唔到膏蟹仔勁大一隻，有成隻巴掌大。宜家係食蟹嘅季節，所以蟹肉飽滿鮮甜，仲爆曬黃TIM。肥牛同溫泉蛋煮得啱啱好，食落好嫩，搭配埋酸菜魚酸湯，好惹味。哩間燒烤係雲南醬烤，醬香味濃郁，鴨腸小串有10串，一串一口，好得意。五花肉串同羊肉串烤得好惹味，大火逼出肥油油脂，食落唔覺得滯，只會覺得好香口。燒韭菜，韭菜烤完好甜，落咗少少辣椒孜然粉已經好好味。食得好豐富好飽，買單仲唔夠300HKD，真係好抵食！

成日在旺角逛街都經過這間餐廳，因為是香港第一間有鹿肉吃的米線店，所以門口都有不少人排隊！我原本想吃的孜然紅鹿架羊肚菌麻辣米線，竟然售完🥹唯有吃自選粉菜，都有成40款配菜可以選擇呀～▫️自選幼麵(六餸+石鍋)只要選擇六餸就可以用石鍋上，還可以自己煮或店員煮添😃老公就選擇了極品蟹皇湯日式拉麵底，六餸分別是貢丸、雞肉、可樂雞中翼、炸醬、鹹蛋黃炸魚皮及唐生菜😋蟹黃湯底好濃郁，石鍋上可以保持住溫度之餘，拉麵仍然爽口彈牙😆▫️自選幼薯粉(三餸)至於我就選擇了馬來肉骨茶幼薯粉底，三餸分別是豆卜、五香辣豬軟骨及肥牛😋肉骨茶散發陣陣中藥味，聞落都覺得好養生😳豬軟骨燜得好軟腍，豆卜是肉骨茶必點，肥牛也很嫩😆▫️蒜蓉錫紙燒金菇金菇表面鋪滿蒜蓉，底下有粉絲，每一啖都充滿香濃的蒜味，正🤤▫️燒香腸台式香腸是燒烤時會想點的小食之一，肉汁豐富，加埋孜然粉同辣粉，好惹味👍🏻

有朋友話你好似好耐無寫米線啦，其實因為都差唔多寫晒了，本身都係得番2篇左右。不過，突然係旺角食左間樓上米線，雖然唔係世一水準，因為唔算係正宗雲南米線，但都幾有驚喜。今次介紹係小草十八怪石鍋米線，佢呢度最出名就係米線唔係用碗上，而係用超熱的石鍋上，另外仲有特別的湯底，今次就試左最受歡迎的香辣金湯同埋極品蟹皇湯。香辣金湯個顏色好靚，好似有南瓜湯加少少辣的感覺，而蟹皇湯有驚喜，飲落去真係好重蟹膏味，但你又唔會覺得好假，所以都值得推介。由於石鍋上會Keep住煮，所以開頭的米線會比較硬同爽彈，如果想食淋啲就等佢煮耐啲。餸料方面就正常發揮，亦都無咩特別款式。不過，飲品方面就好大杯，同埋可以叫埋串燒，都有好多選擇，而且都叫抵食!