家上海 (奧海城3期)

營業中

休息中

星期日下晏想搵間坐得舒服既餐廳就諗起呢間去到唔洗等位~Lucky叫左幾樣前菜陳皮牛肉+花雕醉乳鴿陳皮牛肉: 食唔到有陳皮味,牛肉幾淋身, 汁偏甜 ,岩我地口味花雕醉乳鴿 :  花雕味好重, 乳鴿肉滑身同嫩蘇式薰魚+四喜烤麩蘇式薰魚:呢個造法幾特別, 塊魚片炸到脆身, 再加甜酸汁,似食緊糖醋魚既魚片既感覺四喜烤麩: 烤麩好入味,唔太膩小籠包 : 招牌食物, 師傅即場係鋪頭包,好新鮮,皮薄多汁, 好好食蘿蔔絲酥餅: 入面有一條條既蘿蔔絲,酥皮好薄同酥化,加左黑白芝麻令到口感更豐富 味道清新紅燒獅子頭 : 呢個打開之後, 入面既肉係粉紅色, 問左職員佢地話肉那過煮熟後都入面係粉紅色, 唔係唔熟到最後我地都有食哂既, 味道正正常常小小建議:如果餐廳轉用其他鬆肉粉整獅子頭 既話, 我地會食得安心同放心D想順帶一提, 佢地好服務態度幾好, 成日都會加水,又會經常收碟, 下次會再過黎幫襯

来家上海如果介意等位就最好订位！今次因为朋友生日所以由她揸主意⋯⋯- 肴肉好味，可惜細塊左D 😌- 煎小籠包唔係周圍都可以食到，所以叫嚟食👍🏻👍🏻巧味- 鍋貼🥟一样好味，皮薄带汁- 上海餐必叫上海粗炒

由於長輩鍾意食上海菜， 加上又要就我放工！ 所以揀左中間點- 奧海城的家上海 食晚餐食飯時間都幾多人，好彩好快就有位，安排左張圓枱俾我地😄le 個五拼（ 有熏魚，醉雞，烤麩，海哲 ，淆肉）樣樣都好好正！ 上海菜 點少得食小籠包！ 皮薄餡靚非常正！ 由於我哋幾個都好鍾意食小籠包， 所以再點多左一份 脆煎小籠包 😋上菜速度好快， 炸子雞仲係熱辣辣架！ le 個煎豆腐個汁好好味， 豆腐外脆內滑😆員工都有禮貌，會主動換碟同 refill 茶水，下次都會繼續幫襯！

黎依間野真係最好book位，星期日食lunch 1點左右大概等左5分鐘，算快，平時夜晚真係等耐啲。今次叫左蒸小籠包、煎小籠包、流沙包，燒雞半隻同揚州炒飯。燒雞真係好好食，皮脆肉嫩，白肉位置都handle得好好唔會好鞋，真心必食推介！蒸小籠包都好好食，皮薄多汁！煎小籠包皮厚身啲都有汁。不過你問我我就中意蒸小籠包多啲😆流沙包好細粒感覺精緻，不過可能等到凍左佢唔流心？變左普通奶皇包咁，不過都軟林林好好食。最後揚州炒飯本身我就麻麻，屋企人中意食，好多火腿粒，炒得都好夠味既。服務依度係一流，都唔使舉手staff已經keep住加水，即使人多又唔會吹你走，無限時，坐得又舒服，總結：快靚正！

奧海城 3 期嘅「家上海」最近推出咗一系列用 OmniFoods 設計嘅植物肉菜式，真漢子今次一於同大家試哂佢。🥳兩款前菜用新餐肉打頭陣，「麻醬新豬肉絲拌青瓜粉皮」將傳統嘅雞絲粉皮換做新餐肉，好有新鮮感。「脆煎新豬肉涼拌三絲」味道清新之餘充滿麻油香，新餐肉絲同豆干，紅蘿蔔絲同蜜豆絲一齊食，好味又爽口。😛湯羹用新魚柳切粒整成魚茸羹，加埋雪菜更加惹味。湯仲加咗蛋白花同草菇，又滑又鮮味。😋「紅炆新牛肉蘿蔔百頁結」完全係柱侯炆牛腩嘅素食版，所有材料包括新漢堡，蘿蔔，竹笙，冬菇，草菇都炆到入哂味索哂汁，真係好難忍到唔叫白飯食（一路打字都流緊口水 🤤）。新漢堡加入中菜以為好怪？實際佢好濃嘅牛肉味同蘿蔔嘅甘甜係超夾，而且冇牛腩咁韌，小朋友一定更鍾意食。👦🏻👧🏻魚香茄子煲同螞蟻上樹換咗用新肉鬆，好香辣好開胃，望落好似好大碟同大煲，但唔驚唔覺就會被大家清哂喇。😂「雙冬新豬肉糯米燒賣」加人咗冬菇同冬筍，普通豬肉換成新豬肉冇咁肥膩，糯米唔使講啦，啱哂真漢子呢啲阿叔食。😆「滬式醬油新牛鬆炒飯」，用秘製滬式醬油，加埋新牛鬆，雞蛋同生菜絲炒到粒粒分明，又夠哂鑊氣。🔥呢一系列嘅上海素菜式係由來自揚州嘅主廚欒華宏師傅

與朋友共聚去了這家店食飯，餐廳寬敞乾淨，還設有室外用餐地方。喜歡熱鬧共聚或清靜用餐也可以。二人叫了薺菜炒年糕、金牌小籠包、上海雲吞。年糕味道剛好適中，不太鹹。小籠包鮮嫩多汁，皮薄餡多，湯汁濃郁，一口咬下，滋味爆發，回味無窮。絕對是必吃的點心之一！每一口都令人滿足。雲吞也十分之有誠意，口感豐富。鮮嫩的餡料包裹在薄而有彈性的皮裡，每一口都帶來滿滿的滿足感。湯汁清澈鮮美，為整個雲吞增添了一層美味的風味。

前嗰排去咗奧海城三期間都家上海食late lunch，發覺佢有下午茶套餐＇價錢相當抵，我食嘅嫩雞煨麵，味道真係好唔錯，因為佢個雞湯底食得出真係幾足料，雞肉亦都好嫩滑，麵條吸收晒啲雞湯，又唔會太腍，但係又好有雞味，變成全碗嘅味道都好統一，同埋個湯底又唔會太濃，又唔會太淡，所以食落口係一個好滋潤嘅感覺，值得推介，不過份量對於下午茶嚟講就太大咗一啲，我食完之後，基本上夜晚連晚餐都可以減量，所以如果從呢個角度睇，係抵嘅，同事叫咗一個薺菜炒年糕，同樣地份量都好足：味道都唔錯，年糕亦都好軟滑，試過喺一啲比較出名嘅上海菜館，食到嗰啲年糕都係好硬嘅，所以呢間嚟講都係做得幾好，齊菜同埋肉絲嘅份量就偏少。年糕就好足料，所以同樣地，同事食完都係可以食少啲晚餐。呢個下午茶係唔包飲品嘅，不過就收茶錢同埋都有清茶供應，都算係咁啦，但係招呼就認真麻麻啦，唔知係咪因為趕住開晚市，所以都催得我哋好急，同埋我哋坐喺梳化位，唔知係咪嗰度環境比較適宜休息，有啲落咗場嘅同事，竟然成個打斜瞓咗喺我同事隔籬嗰個梳化位度，雖然都明白佢哋係辛苦，需要一啲地方嚟休息，不過如果有客人坐嘅位置，佢哋都喺隔離瞓，似乎就係影響咗大家嘅食嘢嘅心情

近日天氣漸漸轉涼，終於感受到深秋的來臨。所謂不時不食，家陣又到大閘蟹的季節了。今年第一隻大閘蟹宴就係奧海城家上海品嚐。每年同集團都會在旗下餐廳推出大閘蟹套餐，而且又真係好抵食，今次［金秋淮揚大閘蟹宴］又係二人同行一人免費優惠，每位港幣$888，但有原價加一及茶芥，大家可要注意啊！江南四式拼盤 寧波赤醬豬頭肉·花雕醉蝦·四喜烤麩·淮鹽溏心燻蛋四款前菜各有特色，豬頭肉爽彈、醉蝦大大隻又夠酒香、烤麩好入味而煙蛋陣陣煙燻味我鍾意。蟹粉小籠包即叫即蒸，基本功扎實，雖然薄至見餡，但夾起卻毫無破損，咬開是熱燙的肉汁，蟹粉及鮮肉的味道隨之而來，好味。淮安蟹粉三絲翅很濃稠香滑的質感，蟹粉好香，下點陳醋味道更鮮。清蒸大閘蟹 (四兩半至五兩) (180g - 200g)(追加每隻$198 )久違了的拆蟹手感又來了，很喜歡一次過把蟹肉拆出，然後大啖大啖的享用，滿口蟹肉的感覺能不滿足嗎？食大閘蟹又點可以忽略一杯花雕酒呢？凡惠顧以上套餐,可以優惠價$50 享用咸亨太雕王乙壺(100ml)，喜歡的，仲可以加粒話梅。蟹粉水晶獅子頭肉團質感鬆軟，蓋上厚厚的蟹粉帶來很豐腴的口感，真係好啱配上一碗白飯。麻辣蟹粉香酥竹炭豆腐

終於等到一年一度 “家上海” 大閘蟹宴! 二人同行一人免費 (原價 $888), 幾乎每一道菜也有滿滿的蟹粉, 超超超值, 夠我解解饞! 江南四式拼盤 ~ 寧波赤醬豬頭肉、花雕醉蝦、四喜烤麩、淮鹽糖心燻蛋! 第一次試醬豬頭肉, 想不到原來超超超美味, 爽嫩滑兼而有之! 燻蛋是一貫的高水準! 淮安蟹粉三絲翅 (不吃魚翅的可轉花膠) ~ 矜貴的! 超大一碗, 性價比也太高了吧! 翅、蟹肉及蟹黃也是給得非常足, 完全沒有腥味! 清蒸大閘蟹 ~ 約四兩半至五兩! 看看圖片也知道, 膏是有多滿, 金金黃黃的, 味道甘香非常, 豐腴油潤!! 蟹肉很厚很鮮甜! 蟹粉水晶獅子頭 ~ 另類的獅子頭! 有別於傳統用炸的, 還用上豬腩肉及蝦肉秘製, 但入口竟然完全不油膩, 超有驚喜, 大愛! 麻辣蟹粉香酥竹炭豆腐 ~ 豆腐很嫩滑, 特別之處是加入麻辣, 成功在一整桌蟹粉中突圍而出! 家上海蟹粉拌面 ~ 每條麵條均沾滿蟹黃, 多飽也吃得下! 蟹粉小籠包 ~ 套餐是沒有的, 我們自己加! 皮很薄, 新鮮手拆金黃蟹粉同梅頭豬肉，蟹油湯汁滿滿的! 夠薑湯丸 ~ 是芝麻餡的, 皮很軟很滑, 薑糖水濃郁但不嗆喉! 咸享

去到鋪頭都多人，但店員都服務好好，好有禮貌好有耐性，唔係等咗好耐就入到，環境都乾淨坐得舒服。叫左個粗炒，大件夾抵食，一個人食唔晒😂攞咗差唔多一半走，啱成班friend圍威喂食👍🏻

奧海城家上海，分店經理非常好，管理態度係以身作則！所以能帶動整間餐廳有好服務！令顧客舒適用餐👍🏻接待處Gi Gi態度友善親切，做事細心，非常耐心回答客人問題！呢度除左服務態度一流，價錢同食物質素方面都好好，依家香港食肆已經好少有咁好嘅質素！！讚👍🏻👍🏻一定會再嚟😊

經理的管理態度能以身作則，帶動整間餐廳提供優質服務，讓顧客享受舒適用餐體驗。特別是接待處的Gi Gi小姐，她的親切和善良態度令顧客感到受到特別的尊重和照顧，讓顧客願意再次光顧這家餐廳。這家餐廳不僅價格合理，食物質素也出色，加上員工的性格高度，會再次光顧。

好耐無食上海菜，今次跟同事一齊黎到奧海城食，樣樣都試下😙🐟松鼠桂魚 $208松子魚自從細細個食過，大個都成日鐘意有就叫黎食😋呢個松子魚真係正，炸到好鬆脆，酸甜醬汁亦剛好，仲有一粒粒松子，超好吃🤤🤤師傅亦到已經分好哂一份份，容易分配比大家，細心😆🥣薺菜肉絲炒年糕 $98上海炒年糕算係上海菜中比較特色嘅一道菜，通常就用老抽生抽咁打芡上色🙂呢度就係用薺菜同肉絲黎炒，我就偏偏愛佢嘅清淡😋😋但又有年糕嘅煙韌口感，😆我自己食完一碗又一碗😁😁🍽金牌小籠包 $58一籠有六隻，未影得切已經比人夾走左一隻🤣小籠包我覺得係唔錯，皮薄，湯汁仲仍然留哂起入面，肉味濃郁，好食嘅都😋👍🥟鮮肉鍋貼 $68呢個都係我期待之一，我自己都鐘意食香口野，呢個鍋貼就外脆內軟，岩岩好唔會太硬太乾，入面嘅肉仍然保持到肉汁，餡嘅份量亦唔算少，好食😆另外仲有叫左個炒飯同雞，已經食飽左🤣總括而言我覺得今餐係好食的，Waiters服務都好好，我覺得可以翻Take😋👍不過地點就唔係喺奧海城2期，而係3期，喺奧運站落車行過去嘅朋友就要預留步行時間了🙂

家上海差不多每星期都會食一次，因為次次食完佢都比$100 coupon，而佢嘅味道水準亦都好好，所以時常吃。每次都覺得服務好好，好親切友善。人蔘烏龍茶又好飲，最常食嘅係脆鱔，同埋雲吞雞，味道非常好。雖然今次食咗其他嘢食。We visit this restaurant about once a week because they offer a $100 coupon each time. The taste is really good, so we eat there often. The service is always excellent, very warm and friendly. The ginseng oolong tea is delicious, and my favorite dishes are the crispy eel and the wonton chicken, which taste incredible.

又到牛媽去覓食嘅時間啦！今日牛媽同屋企人一齊去咗家上海食飯，點咗個上海四色拼盤，牛媽最鍾意食佢哋嘅肴肉，夏天食凍冰冰非常開胃，仲可以降吓溫！除此之外，其脆皮燒雞，燒得非常脆口，係必點之菜式！