家上海 (奧海城3期)

營業中

休息中

今日臨時興起想食上海嘢，特登search下有邊間上海嘢好食，見很多網評都話這間很不錯便來試試， 我因為一個人只叫了他們的招牌揚州炒飯和小籠包，小籠包的皮很薄， 內裏肉汁不多，味道比較偏油膩，不過吃起來的邳味道ok。 炒飯嘅米不錯，飯炒得很乾身， 但配料種類不多，切得非常細粒， 份量亦不是很多， 所以導致整碟炒飯吃起來口感很乾， 乾到我要邊吃邊飲水。除此問題外，整體味道不錯。 奈何因為之前看到以上食評，很多人都提及這店的炒飯很好吃和這店強調揚州炒飯 係他們招牌菜嘅原因， 令我吃後心裏感到失望和預期想的有落差。這店的服務不錯， 因為坐嘅位置比較大風炒飯送到嚟嗰陣已經不是很熱，所以我有向他們反映他們亦幫我攞入廚房加熱。 但提提大家再埋單後記得一定要check單，因為我付錢離開才發現他們多收了我一位茶錢， 要特登走回去問佢攞返錢。

今次去家上海食大閘蟹套餐，原來家上海係十里洋場同一間集團。今次好期待呀！頭盤味道一般般，味道正常，冇乜驚喜。之後侍應將蟹肉蟹膏翅送上黎，個翅好好味，味道夠鮮甜。之後就到分量十足既五両大閘蟹公，打開大閘蟹蓋係爆膏好好食呀！之後到蟹膏椰菜花同蟹膏賽螃蟹，兩個餸為今餐加了不少分，蟹膏好新鮮。今餐值得推介！推！推！推！

小編又黎到大角咀搵好西啦😝早前下午一行4人到位於奧海城家上海食lunch, 呢間真係要起碼三個人食先叫得多d野食兩個人就真係唔建議啦🤣1. 上海炒年糕 年糕幾有咬口 同個醬汁好夾一定要配埋個菜解下油膩🤣2. 揚州炒飯呢個係廚師推介 所以我地叫左黎試下個飯有穫氣 炒得顆粒分明非常好味😋不過要提下 如果叫炒飯就要俾多少少時間等下😀3. 生煎包 呢個超多肉汁 但個涵唔算勁多個種中規中矩😇4. 高力豆沙（十級推介）呢個係小編每次黎到必點外皮熱辣辣包住d香蕉個味好夾有意想不到既驚喜🥰🥰叫左咁多野食，連埋服務費埋單夾埋$378😄

行到去奧海城就食埋晚飯，係二期行左個圈就行埋呢邊，之後就揀左呢間等左陣位，好多人都食大閘蟹不過今次無食，食了普通野。點了上海粗炒，煎小籠包，蘿蔔絲鰂魚湯。上海粗炒，唔夠乾身有點油，整體普通啦，如果上到碟可以少點油會好好多的。煎小籠包，不過不失，都多料多汁，口感唔錯的。可以一試。蘿蔔絲鰂魚涌湯，始終鰂魚比較多骨但魚肉都還還嫰，口感可以，蘿蔔絲都林哂了，湯味道都有一點濃，整體可以，不過呢個湯等得比較耐，其他食完湯都未黎，而且自己只係一試而已。總結環境算寬敞，食物質素過得去。

難得星期五晚可以拍一個拖，期待大閘蟹季節已久，就去坐得舒舒服服的地方吧，有先生拆蟹實在開心，平時去家上海晚餐多數點小菜，今次就選了珍味蟹宴～先來一壼人參烏龍清清喉嚨，然後從四式拼盤作為美好的開始，當中不少得它們的招牌前菜，包括陳醋紅蜇頭、水晶肴肉、四喜烤麩及淮鹽溏心燻蛋，依然高質又令人開胃，We are ready！淮安蟹粉花膠三絲羹出場，有飽肚感之餘暖暖肚子！迎接清蒸大閘蟹，識食一定食清蒸！才吃到原汁原味嘛，蟹肉夠鮮甜，淺嚐剛剛好～另外配返壼咸亨太雕十六，入口好順滑。然後是蟹粉瑤柱賽螃蟹！是我這個晚上最喜歡的菜色，蛋白非常有口感，啖啖蟹肉同蛋白～再來蟹粉鹹肉扒花菜，習慣了每一餐總要有點蔬菜，滿足！尾聲前少不了必吃的家上海蝦蟹炒飯，再以夠薑湯丸作結，好滿足、職員態度亦很好，會再去哦～

呢度嘅下午茶抵食春卷超香脆 ，即炸醉雞翼 冇乜肉食小籠包皮薄餡靚鍋貼比小籠包好食個底塊皮剪得脆脆的最失望應該係呢個嫩雞煨麵啲麵煮到林晒而且個湯底味道好淡普通嘅雞湯味都冇下次都係嗌返炸排骨米線不過係下午茶來講佢都算抵食同夠飽

過咗中秋又係食大閘蟹嘅時候，老婆大人最鍾意食擦蟹咁梗係要納入寵老婆系列裡面啦。各家都紛紛推出大閘蟹餐，我就揀咗專食上海嘢嘅家上海，嚟喱道食大閘蟹包冇撞板。我哋同兩個朋友揀咗食喱個珍味大閘蟹套餐，入面足足有6個菜加甜品要788蚊一位，老婆大人係1957 & Co. Loyalty Program會員，有二人同行一人免費優惠抵食到爆，落單一陣就有嘢食第一樣係江南四式拼盤，入面有陳醋紅蜇頭、水晶肴肉、四喜烤麩同埋淮鹽溏心燻蛋。今次我投水晶肴肉同四喜烤麩嘅好味一票，肴肉鬆唔會太咸烤麩索晒味好正。跟住嚟碗淮安蟹粉花膠三絲羹入面有花膠、雞肉同埋筍，加埋蟹粉飲落一啲都唔腥仲好鮮味添。飲完三絲羹老婆大人等到頸都長埋嘅清蒸江蘇太湖清水大閘蟹終於出場，每人一受五兩重嘅大閘蟹唔使爭。弱弱嘅我唔係好識拆蟹好彩有老婆大人出手相助，見佢三扒兩撥就攪掂隻蟹公果然係天生嘅蟹迷佩服佩服。我就印印腳有得食蟹肉好鮮甜蟹羔都好鬼甘香，見到老婆大人食得好滿意放心晒。酒鬼有著數食喱個餐可以用優惠價50蚊嘆會稽山廿年花雕酒100ml乙壺，浸熱佢加埋話梅飲完驅寒暖胃。跟住喱碟白雪雪嘅瑤柱賽螃蟹加咗蟹粉即刻醒神晒，蛋白好鬼香夾滑加埋濃

踏進農曆九月一眾老饕吃大閘蟹的心已經蠢蠢欲動，當然包括我這個蟹癡在內！坦白說到我這Quota不多的年紀選擇必會腌尖點，所以每年也會嚴選有質素又抵吃的大閘蟹來品嚐。入秋第一蟹我選了到大角咀的家上海來享受，因為餐廳剛推出了足足有六道菜的珍味大閘蟹套餐，會員的我還有二人同行一人免費優惠真係超級抵食喔！珍味大閘蟹套餐打頭陣是江南四式拼盤，當中包括有陳醋紅蜇頭、水晶肴肉、四喜烤麩及淮鹽溏心燻蛋，四款也是我的心頭好當然喜上眉梢，先品嚐口感爽嫩恰好陳醋紅蜇頭、味道甜中帶酸很是開胃，上海經典素涼菜四喜烤麩、味道濃郁鹹中帶甜確是惹味，至於水晶肴肉皮色晶瑩肉色鮮紅、瘦肉香酥肥肉不膩佐以鎮江香醋吃味道鮮明，最後是這兒的招牌淮鹽溏心燻蛋，色澤透亮誘人輕咬那溏心蛋黃入口醇香美味不得不試。吃過精彩的江南四式拼盤，侍應送來了一盅淮安蟹粉花膠三絲羹，揭開盅蓋那熱騰騰的香氣直搗鼻腔教我萬分期待。這個蟹粉花膠三絲羹不談計味道先讚其份量足得驚人，奉勸細食的朋友不要喝盡否則總會有東西要打包回家！一匙內已看見有花膠、雞肉和筍等三絲，蟹粉已完完全全融入鮮味的湯羹之中，每一口也滿載豐盛的口感，加上迷人蟹粉甘香真很易令人喝光光的。饞

以為2點開始下午茶，原來weekend下午茶改左做2點半，白白企左15分鐘😂。金牌小籠包 OK，皮薄多汁鮮肉鍋貼熱，個底係脆，都係好juicy!十景揚洲炒飯幾好，夠3個人食炸銀絲卷 - 一般，唔夠炸！下午茶免茶芥，幾抵。

因為有選擇困難症，忘記菜單都唔知叫乜，所以我哋每次去都叫套餐，有前菜有主菜有甜品，乜都唔使煩。套餐的四小碟，整得10分精緻。主菜有大蝦鍋巴，酸酸甜甜配搭趣趣卜卜。這個上海年糕很飽肚，基本上食完前菜已經冇乜位食這個年糕。

同十里洋場隸屬同一個集團嘅家上海，出咗同一版本嘅中式下午茶。週末去到walk in都有位，服務態度都唔錯，一開始已經加咗佢分。食物方面，同十里洋場相比，隻乳鴿變咗花雕雞，火腿酥變咗蘿蔔酥，冇咗杯淡過水嘅楊枝甘露，同埋兩碗麵系double份量外，其他幾乎一樣。而價錢呢，哩度288已包兩位茶芥，加一後317蚊就走得，算係抵。味道嘛，冷盤哥籠除咗個水晶肴肉我覺得全部都可以接受，溏心蛋稍微有點鹹；蒸籠全部正常發揮，冇驚喜冇失望；兩碗麵我覺得好味道，可能因為當時我真系好肚餓，兩個人食夠飽有餘😂😂。

🐽脆煎灌湯小籠包 $54煎既小籠包真係第一次見，好特別，個底超級脆，上菜個陣仲喳喳聲，裏面熱辣辣好多湯🤣好好味，好食過蒸既小籠包🤤••••••••••••••••••••••••••••••🐽鐵板灌湯生煎包 $56反而呢個就比較普通，雖然個底都係脆同juicy，但略嫌包皮較厚，唔夠鬆軟😳••••••••••••••••••••••••••••••🐽上海粗炒 $88份量好多，而且色澤都好夠，味道鹹左少少，但配埋附上既豆瓣醬食都幾惹味😛••••••••••••••••••••••••••••••🐽蜜汁脆鱔 $90係一個好開胃既小食，個汁係酸酸甜甜，而啲鱔都炸得好脆，會想不停咁食😋———————————————————————————滿分係🐷🐷🐷🐷🐷🐷🐷🐷🐷🐷好味Level：7.5🐷抵食Level: 8🐷

依間上海菜一直都覺得佢性價比真係唔錯食物有水準 價錢都唔係特別貴但份量又真係足 出親菜都熱辣辣😆裝修上亦都好有格調 讚！🧚🏻‍♀️蜜汁脆鱔 $90雖然寫係蜜汁 但佢酸酸甜甜個味好出 其實係偏酸既 所以都要睇返個人口味咬落脆卜卜又唔腥 好過癮評分：9/10🧚🏻‍♀️脆煎灌湯小籠包 $54佢係鐵板上既煎小籠包 一直ᴋᴇᴇᴘ住熱出而脆卜卜咬落又勁多湯 而且肉汁鮮甜😛但真係要小心熱呀！評分：9/10🧚🏻‍♀️鐵板灌湯生煎包 $56感覺蠢左 我唔應該試依款😂因為其實同煎小籠包差唔多但係小籠包細細粒仲好食啲因為生煎包個皮反而仲厚左都係好食既 只係我蠢左😆評分：8/10🧚🏻‍♀️上海粗炒 $88依個就有少少失望 因為個人覺得比較油同埋無乜獲氣但都好足份量 所以都係讚既！評分：7/10

實在是一個超級無服務能力的餐廳！話說我一家大細5位（一個人2歲小朋友，一個八個月）walk in 奧運三期的家上海，由於臨時決定除外吃飯，我無make booking. 我7點拿號碼，前面只有一位等候！ 我地一直等等等…..等到前面的終於入去了！再等等！ 7點等到8點， 仲沒到我地！問題是，一直有其他5位的入去開餐！ 我地終於唔耐煩了，去問前台幾時到我地！冷漠無情地回答「定位優先」！ 真是火都來，如果你地無本事forecast 客量、你做booking客就好啦，為何仲要前台開號？ 人地730pm booking你就唔理walk-in 客，有咁的道理？如果太多booking你唔識得如何安排walk in 客的，就唔該你停咗前台叫號！前台等候的也是人！打多個電話的人難道就飛天？ 我覺得真是生意好到做懵了！ 不推薦 - 服務能力和態度都有問題！

終於明白為何一期另一間上海菜沒有了以前門前若市的盛況，還以為疫情少了人外出用膳；原來人潮只是往三期流。此間上海菜，只有一個字可取：脆。脆煎三寶包括：第一位香，脆，甜，感覺不油但知道多食無益；又希望可以有如炸魚皮的小食包，隨時隨地想食便食。第二位曾經在台灣六合夜市食過，現在未能外遊，一食也可止渴。底層香脆，外皮不算厚，有肉汁；不過也有不少肥豬肉。第三位同樣有肉汁，同樣也不少肥豬肉😂，低層同樣也是香脆的。但由於體積大，感覺也油膩一點。其他食物就比較普通：雪菜不辣，麵質口感適中，湯也有味，黃魚份量算是不多不少吧。好耐未遇過一碗又辣又酸，這碗都是只辣不酸。羊肉無羶味，不算嫩，幾油膩。果然沒有脆煎二字，就真是軟淋淋。😅在上海已食過一次，用飲管飲完湯，再食包。打開有不少蟹皇，但湯有點鯹。魚湯麵反而不鯹，蟹皇鯹從何來🧐。