80
12
4
等級2
11
0
味道好但係招呼麻麻
2023-11-21 911 瀏覽
前嗰排去咗奧海城三期間都家上海食late lunch，發覺佢有下午茶套餐＇價錢相當抵，我食嘅嫩雞煨麵，味道真係好唔錯，因為佢個雞湯底食得出真係幾足料，雞肉亦都好嫩滑，麵條吸收晒啲雞湯，又唔會太腍，但係又好有雞味，變成全碗嘅味道都好統一，同埋個湯底又唔會太濃，又唔會太淡，所以食落口係一個好滋潤嘅感覺，值得推介，不過份量對於下午茶嚟講就太大咗一啲，我食完之後，基本上夜晚連晚餐都可以減量，所以如果從呢個角度睇，係抵嘅，同事叫咗一個薺菜炒年糕，同樣地份量都好足：味道都唔錯，年糕亦都好軟滑，試過喺一啲比較出名嘅上海菜館，食到嗰啲年糕都係好硬嘅，所以呢間嚟講都係做得幾好，齊菜同埋肉絲嘅份量就偏少。年糕就好足料，所以同樣地，同事食完都係可以食少啲晚餐。呢個下午茶係唔包飲品嘅，不過就收茶錢同埋都有清茶供應，都算係咁啦，但係招呼就認真麻麻啦，唔知係咪因為趕住開晚市，所以都催得我哋好急，同埋我哋坐喺梳化位，唔知係咪嗰度環境比較適宜休息，有啲落咗場嘅同事，竟然成個打斜瞓咗喺我同事隔籬嗰個梳化位度，雖然都明白佢哋係辛苦，需要一啲地方嚟休息，不過如果有客人坐嘅位置，佢哋都喺隔離瞓，似乎就係影響咗大家嘅食嘢嘅心情
更多
前嗰排去咗奧海城三期間都家上海食late lunch，發覺佢有下午茶套餐＇價錢相當抵，我食嘅嫩雞煨麵，味道真係好唔錯，因為佢個雞湯底食得出真係幾足料，雞肉亦都好嫩滑，麵條吸收晒啲雞湯，又唔會太腍，但係又好有雞味，變成全碗嘅味道都好統一，同埋個湯底又唔會太濃，又唔會太淡，所以食落口係一個好滋潤嘅感覺，值得推介，不過份量對於下午茶嚟講就太大咗一啲，我食完之後，基本上夜晚連晚餐都可以減量，所以如果從呢個角度睇，係抵嘅，同事叫咗一個薺菜炒年糕，同樣地份量都好足：味道都唔錯，年糕亦都好軟滑，試過喺一啲比較出名嘅上海菜館，食到嗰啲年糕都係好硬嘅，所以呢間嚟講都係做得幾好，齊菜同埋肉絲嘅份量就偏少。年糕就好足料，所以同樣地，同事食完都係可以食少啲晚餐。呢個下午茶係唔包飲品嘅，不過就收茶錢同埋都有清茶供應，都算係咁啦，但係招呼就認真麻麻啦，唔知係咪因為趕住開晚市，所以都催得我哋好急，同埋我哋坐喺梳化位，唔知係咪嗰度環境比較適宜休息，有啲落咗場嘅同事，竟然成個打斜瞓咗喺我同事隔籬嗰個梳化位度，雖然都明白佢哋係辛苦，需要一啲地方嚟休息，不過如果有客人坐嘅位置，佢哋都喺隔離瞓，似乎就係影響咗大家嘅食嘢嘅心情，呢點係值得檢討一下。整體嚟講，價錢係OK嘅，質素亦都算好，環境就一般啦，如果就近又要去late lunch 嘅，都可以試吓。
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐途徑
堂食
推介美食
  • 嫩雞煨麵